មុននេះអ្នកមេម៉ាយពេជ្រ សូលីកា បានសុំអង្វរកុំឲ្យមហាជនវាយប្រហានាងក្រោយពីនាងមិនអាចរក្សារចំណងស្នេហាបានជាមួយអតីតគូដណ្ដឹងលោកគឹម ហាន និងរឿងគេថាថុល សុភិទិ មិនបានឈ្នះពាន Cambodian Idol រដូវកាលទី៤ ព្រោះតែនាងដោយស្រីពេជ្រ ថាពេលនេះនាងមានភារកិច្ចសំខាន់ធំ២គឺត្រូវរកលុយចិញ្ចឹមកូនផងប្អូនផង ។ការថ្លែងបែបនេះរបស់សូលីកា ក្រោយពីម្ដាយនាងអ្នកស្រីស៊ិន ស្រីនាង ត្រូវតុលការប្រកាសកាលពីថ្ងៃទី២៥ ខែសីហា ឆ្នាំ២០២១ ផ្ដន្ទាទោសដាក់ព័ន្ធនាគាររយៈពេលដល់ទៅ១២ឆ្នាំ ទាក់ទងករណីឃាតកម្មលើដៃគូស្នេហាភេទដូចគ្នា ហើយនៅខែកក្កដា ឆ្នាំ២០២២ ស្រីពេជ្រ ក៍ចែកផ្លូវជាមួយអតីតគូដណ្ដឹងនាងលោកគឹម ហាន ទៀត ទើបនាំឲ្យវិបត្តិផ្លូវចិត្តត្រូវធ្លាក់បន្ទុកមកលើរូបនាងតែម្នាក់។
ប៉ុន្ដែសូលីកា ដែលមានសុខភាពខ្សោយនោះនៅតែបន្ដចេញច្រៀងសម្ដែងតាមបណ្ដារឆាកតន្រ្ដីទាំងឡាយជាធម្មតា តែនាងហត់នឿយខ្លាំងពេករហូតដល់សន្លប់បាត់ស្មារតីត្រូវបានសង្រ្គោះបន្ទាន់ទៀតផងនៅថ្ងៃបើកព្រឹត្តិការណ៍ស៊ីហ្គេមនាពេលកន្លងមក។យ៉ាងណាអ្វីដែលគេចាប់អារម្មណ៍សូលីកា កំពុងតែបណ្ដុះប្អូនស្រីវ័យជំទង់របស់នាងម្នាក់ដែលមានត្រេមុខស្រដៀងនាងឈ្មោះMeying ដោយធ្វើជាអ្នករាំអមនាងតាមឆាកតន្រ្ដីមួយចំនួន។តែគរនៅមិនទាន់ដឹងពីមូលហេតុអ្វីបានជាស្រីពេជ្រ មិនឲ្យប្អូនស្រីនាង ធ្វើជាតារាចម្រៀងដូចរូបនាងដែរនោះទេ ប៉ុន្ដែតាមក្រុមរាំចល័តរបស់សូលីកា ថាមកពីMeying នៅក្មេងពេកហើយសម្លេងស្រាលទើបតារាកូន១រូបនេះឲ្យនាងស៊ាំជាមួយឆាកជាបណ្ដើរៗសិនតាមរយៈការធ្វើជាអ្នករាំរបស់នាងតែម្ដង។អ្នករាំរូបនេះក៍បានបង្ហើបថាសូលីកា ឬស្រីពេជ្រ សប្បាយរីករាយតែនៅលើឆាកតន្រ្ដីប៉ុណ្ណោះ តែនៅក្រៅឆាកវិញនាងស្រងូតស្រងាត់ដូចជាមនុស្សមានវិបត្តិហើយពួកគេសរសើរនាងដែលអាចច្រៀងសម្ដែងតាមកម្មវិធីទាំងឡាយបានដោយមិនរឿងយកស្មុគស្មាញផ្ទាល់ខ្លួនទៅឡូកឡំឡើយ។
ថ្វីត្បិតតែពេជ្រ សូលីកា ធ្លាក់ខ្លួនមេម៉ាយទាំងវ័យក្មេងមែន តែនាងនៅតែហ៊ឺហាព្រោះរស់នៅលើខុនដូយ៉ាងប្រណិត និងជិះរថយន្ដថ្លៃៗ ប្រើអ៊ឺវ៉ាន់ម៉ាកប្រេន ប្រេន ដែលតារាខ្លះមិនអាចធ្វើដូចនាងបាន។ចំណែកអតីតប្ដីនាងលលោកគឹម ហាន វិញនៅតែទៅយកកូនប្រុសរបស់លោកពីស្រីពេជ្រ នៅពេលដែលលោកចង់ ព្រោះពេលបែកគ្នានោះពួកគេមានល័ក្ខជាមួយគ្នា ដែលខុសពីនាងភិន សុដាលីស ក្រោយចែកផ្លូវលោកប៉ែន ចំរ៉ុង គឺនាងមិនអនុញ្ញាត្តិឲ្យពិធីកររូបនោះបានជួបមុខកូនស្រីនាងផ្ទាល់ជាដាច់ខាត។
តារាចម្រៀងគង់ ស្រីពេជ្រ ហៅពេជ្រ សូលីកា ត្រូវបានគេចាត់ទុកថានាងពូកែថែសម្រស់ ពោលគឺទោះជាមានស្វាមីនិងកូន១ទៅហើយក្ដី តែមិនសូវបែកសាច់ ឬឡើងគីឡូខ្លាំងនោះទេ ទើបធ្វើឲ្យនាងនៅតែមានទីផ្សារសិល្បៈ ខណៈដែលថៅកែហង្សមាសក៍នៅផ្ដល់តំណែងភាពយន្ដឲ្យនាងជាបន្ដបន្ទាប់ បើទោះជាក្រោយមានប្ដីនិងកូននាងមិនសូវលេចធ្លោដូចកាលនៅលីវក្ដី។អ្វីដែលគូរឲ្យចាប់អារម្មណ៍នោះស្រីពេជ្រ មិនទុកបេះដូងឲ្យនៅទំនេរទេ ក្រោយបែកលោកគឹម ហាន ជិត១ឆ្នាំនេះនាងមានម្ចាស់ចិត្តថ្មីទៅហើយដែលបុរសជាកូនកាត់ចិនម្នាក់ហើយពួកគេធ្លាប់ដើរកម្សាន្ដជាមួយគ្នាទៀតផង តែអ្នកទាំងពីរមិនហ៊ានបង្ហាញភាពផ្អែមល្ហែមស្នេហ៍ជាចំហ នោះទេ គ្រាន់តែធ្លាប់បង្អួតតាមIG ។ប្រភពបានឲ្យដឹងថាសូលីកា និងបុរសនោះស្ថិតក្នុងតំណាក់កាលមើលចិត្តថ្លើមគ្នានៅឡើយទើបគ្មានដំណឹងរឿងពួកគេចង់ភ្ជាប់ពាក្យ ឬចូលរោងការនោះទេ។ការលេចសញ្ញាស្នេហ៍ថ្មីនេះធ្វើឲ្យរឿងដែលគេសង្ស័យថាស្រីពេជ្រ និងសុភិទិ មានទំនាក់ទំនងគ្នាលើសពីមិត្តរួមអាជីពធម្មតានោះ ប្រែជាស្ងប់ស្ងាត់ទៅវិញបន្ដិចម្ដងៗ ស្របពេលដែលកូនលោកផ្កាយ២ រូបនោះក៍បញ្ចេញកំពូលស្នេហ៍ជានារីមេម៉ាយស្រស់ ឆើតឆាយ ម្នាក់ដែរគឺអ្នកលក់Onlineនាងម៉ានីន ។
គូរកត់សម្គាល់ថាក្រៅពីនាងពេជ្រ សូលីកា តារាដែលធ្លាក់ខ្លួនមេម៉ាយ តែនៅមានទីផ្សារសិល្បៈមានដូចជានាងកែវ និសា ,សុខ សោម៉ាវត្តី និងសុខ ស្រីនាង ជាដើម ខណៈដែលប៉ាច គីមមួយ និងពេជ្រ សោភា វិញពេលនេះពួកគេរកបានគូស្នេហ៍ថ្មីជាប្រុសក្មេងដូចគ្នាតែម្ដង។សម្រាប់អ្នកមេម៉ាយកូន១ ស្រួយដូចដូងដុតនាងសូលីកា វិញមានជម្រើសស្នេហ៍ច្រើនហេតុនេះប្រសិនបើនាងចង់បានតំណែងជំទាវវិញនោះគឺមិនពិបាកឡើយ តែគេជឿរស្រីពេជ្រ នឹងចង់សាងស្នេហ៍ថ្មីជាចំហដូចអំឡុងពេលដែលនាងភ្ជាប់ស្នេហ៍ជាមួយលោកហាន ហើយនាងនឹងមិនដើរគន្លងចាស់ធ្វើជាជំទាវលាក់មុខម្ដងទៀតឡើយ៕
