តារាវ័យ៣៣ឆ្នាំ ស្រីស្អាតសុខ ពិសី បានឆ្លើយតបទៅFan របស់នាងដែលចង់ដឹងថា”តើពេលណាទើបពិសី យកប្ដី?”នោះដោយអ្នកចម្រៀងសាន់ដេរូបនេះថារឿងយកប្ដីមិនសំខាន់។ពិសី ថែមទាំងនិយាយទាំងគូឲ្យក្នក់ក្នាញ់ថានាងមិនជ្រួលជ្រើមគិតគូរឿងយកប្ដីនេះទេ ហើយមានអ្នកសួររឿងនេះច្រើនមកហើយគឺដដែលៗហ្នឹង។តារាសាច់ដូចបណ្ដូលចេករូបនេះថែមទាំងថាទោះជានាងគ្មានប្ដីក៍មិនបានប្រកាច់ដែរ ព្រោះវាអត់សំខាន់សម្រាប់នាងឡើយ។
ក្រោយមានការតាំងចិត្តបែបនេះរបស់សុខ ពិសី មានFan ខ្លះទៀតរុញទូកបណ្ដោយទឹកថា”ចាំមើលអត់ប្ដីមិនសំខាន់មែន ឬអត់? ចឹងIdol នៅម្នាក់ឯងរហូតមែន?”។
ថ្វីត្បិតតែអ្នកសួរសំណួរទៅសុខ ពិសី ហាក់មានចម្ងល់ច្រើនរឿងនាងមិនព្រមរៀបការប្ដីដូចមិត្តរួមអាជីពក្ដី ប៉ុន្ដែគេជឿរថាភាគច្រើនអ្នកនៅក្នុងវង្វង់សិល្បៈសុទ្ធតែបានដឹងច្បាស់ថាពិសី មិនមែនបេះដូងនៅទំនេរនោះទេ ពោលគឺនាងមានម្ចាស់ចិត្តជាច្រើនឆ្នាំមកហើយ គ្រាន់តែនាងព្យាយាមលាក់នឹងជ្រើសផ្លូវសាងស្នេហាដោយមិនបើកចំហប៉ុណ្ណោះ ព្រោះខ្លាចរំខានដល់អាជីពចម្រៀងនាង។ការលើកឡើងបែបនេះដោយសារតែពិសី បានប៉ៈរឿងស្នេហាជាមួយថៅកែសាន់ដេលោកឡាយ សុខចំរើន ជាង១០ឆ្នាំ ហេតុនេះនៅពេលដែលគេសួរថាតើពេលណានាងយកប្ដី ធ្វើឲ្យនាងពិបាករកចម្លើយ ហើយពេលខ្លះថែមទាំងចង់ធុញទ្រាន់ទៀតផង ព្រោះចាត់ទុកថាជាសំណួរដដែលៗ។យ៉ាងណាគេដឹងថាម្ចាស់សំណួរក៍ចង់សាកចិត្តពិសី ដែរថានាងហ៊ានសារភាពថាមានម្ចាស់បេះដូងហើយ ឬអត់ តែទីបំផុតគឺចម្លើយនាងនៅតែមិនព្រមលាតត្រដាងរឿងស្នេហាជាមួយថៅកែសាន់ដេតទៅទៀតដែលការតាំងចិត្តបែបនេះប្រាកដណាស់ថាវានឹងធ្វើឲ្យចំណងស្នេហានាងបាត់បង់ភាពផ្អែមល្ហែមស្ទើតែទាំងស្រុង ព្រោះមិនអាចបណ្ដើរឬកៀកកើយគ្នាជាចំហ ដូចគូស្នេហ៍តារាដ៍ទៃទៀតទេ ខណៈដែលរឿងរៀបការវិញកាន់តែស្ងាត់សូន្យឈឹងតែម្ដង។
អ្នកជំនាញសិល្បៈបានលើកឡើងថាសុខ ពិសី អាចដឹងខ្លួនច្បាស់ថា បើនាងព្រមបង្ហាញមុខគូស្នេហ៍ និងនិយាយពីគម្រោងរៀបការប្ដីជាសាធារណៈទៅតាមអ្វីដែលFan ចង់បាននោះប្រាកដជានាងពិបាករក្សារតំណែងជាតារាស្រីលំដាប់នាំមុខគេនៅសាន់ដេជាបន្ដទៀតជាមិនខាន ព្រោះកុំថាឡើយថាតារាចម្រៀងនិងសម្ដែងធម្មតាៗអត់សូវល្បីខ្លាំងដែលរៀបការប្ដីមានកូនហើយពួកគេប្រឈមបាត់បង់ទីផ្សារសិល្បៈនោះ ប៉ុន្ដែទស្សនិកជនមើលឃើញថាសូម្បីតែឱក សុគន្ធកញ្ញា ដែលជាប្អូនថ្លៃថៅកែហង្សមាសដ៍មានឥទ្ធិពលជាងគេនៅផលិតកម្មធំនេះបន្ទាប់ពីនាងមានស្វាមីនិងកូន១មក ពេលនេះទីផ្សារចម្រៀងនាងខុសពីកាលនៅលីវទៅហើយ ។មានចំណុចសំខាន់១ទៀតគេអាចសន្និដ្ឋានបានថាសម្រាប់ពិសី នាងអាចមានភាពច្បាស់លាស់ជាមួយគូស្នេហ៍ជាម្ចាស់សាន់ដេហើយចិត្ត១ថ្លើម១ ដែលគ្មានបារម្ភនឹងខ្លាចចំណងស្នេហាមានការប្រែប្រួលទើបរឿងរៀបការ ឬយកប្ដីតាមអ្នកគាំទ្រនាងដាក់សំណួរនោះពេលនេះមិនមែនជាពេលវេលាអំណោយផលសម្រាប់នាងឆ្លើយពាក្យពិតទៅFan ទាំងនោះឡើយ។
សុខ ពិសី នៅតែត្រូវបានគេចាត់ទុកថាជាតារាលេងសម្រស់ម្នាក់ក្នុងទីផ្សារចម្រៀងយុវវ័យ បើទោះជាកន្លងមកធ្លាប់មានការសង្ស័យថានាងបានកែកុនផ្នែកខ្លះនៃសម្រស់ក្ដី តែប៉ុន្មានឆ្នាំចុងក្រោយនេះស្ងាត់រឿងនាងចង់កែសម្ផស្សដូចមុនទៀត។ប្រភពបានឲ្យដឹងថាការអះអាងរបស់ពិសី ថាបើគ្មានប្ដីក៍មិនអាចធ្វើឲ្យនាងស្លាប់ ឬស្មើនិងពាក្យថានាងមិនដែលក្វល់ក្វាយឬគិតគូពីប្ដីសីនេះ ប្រាកដជាធ្វើឲ្យបុរសធ្លាប់លង់ស្នេហ៍សម្រស់នាងពីចម្ងាយនោះនៅតែមានសង្ឃឹមថារូបនាងមិនទាន់ក្លាយទៅជាកម្មសិទ្ធិផ្ដាច់មុខរបស់ប្រុសណាម្នាក់ឡើយ បើទោះជាបច្ចុប្បន្នឥទ្ធិពលនាងនៅសាន់ដេត្រូវបានគេគោរពស្ទើតែដូចជាម្ចាស់ផលិតកម្មខាងលើនេះទៅហើយក៍ដោយ។
តារាដែលជិតស្និតសុខ ពិសី បានបង្ហើបថាការលើកឡើងពីរឿងមិនអើពើរយកប្ដីឆាប់ៗរបស់ពិសី ច្បាស់ណាស់ថាកូនលោកឧកញ៉ាមហាសេដ្ឋីម្នាក់ដែលតាមស្នេហានាងជាច្រើនឆ្នាំមកហើយនោះនៅតែចិញ្ចឹមចិត្តចង់ស្ទួចបេះដូងនាងតទៅទៀតជាមិនខាន បើទោះជាភាគរយខ្ពស់សឹងតែមិនអាចទៅរួច ព្រោះស្រីស្អាតមានបុរសម្នាក់ដែលគេជឿរថាជាថៅកែសាន់ដេ កំពុងតែធ្វើឲ្យបេះដូងនាងមានកំដៅជាច្រើនឆ្នាំទៅហើយក្ដី៕
