ភ្នំពេញ៖ព្រាប សុវត្ថិ បាននិយាយបែបអាកអន់ស្រពោនចិត្តចំពោះអ្នកចូលទៅខមិនទៅលោកជេរយកៗតែម្ដងតែលោកថានោះគឺគ្រាន់តែមួយចំនួនតូចប៉ុណ្ណោះ។តែព្រាប សុវត្ថិ បានប្រើធ័មត្រជាក់តាមរយៈការនិយាយដោយខឹងដែរតែនៅបង្ហាញស្នាមញញឹមដែលនោះត្រូវបានអ្នកគាំទ្រសរសើរលោកព្រាប សុវត្ថិ ថាពិតជាពូកែទប់អារម្មណ៍គ្រប់គ្រងខ្លួនបានល្អមែន ។ប៉ុន្ដែក៍មានការលើកឡើងថាព្រាប សុវត្ថិ ពេលនេះគឺពិតជាប្រែប្រួលសឹងតែ១៨០ដឺក្រេទៅហើយ ព្រោះអំឡុងពេលព្រាប សុវត្ថិ ច្រៀងនៅហង្សមាសចំនួនអ្នកស្អប់ឬមិនចូលចិត្តលោកអាចនឹងមានភាគរយតិចណាស់ តែបន្ទាប់ពីលោកចូលGalaxy ជាង២ឆ្នាំនេះរហូតមានអ្នកខ្លះលោកសុវត្ថិ ទទួលស្គាល់ថាខមិនជេរប្រទេចលោកតែម្ដង បើទោះជាជនទាំងនោះត្រូវបានលោកដឹងថាប្រើគណនេយ្យហ្វេសបុកក្លែងក្លាយក៍ដោយ។យ៉ាងណាព្រាប សុវត្ថិ មិនទាន់បង្ហាញជំហច្បាស់លាស់ដើម្បីចាត់ការទៅលើអ្នកជេរលោកតាមបណ្ដាញសង្គមដោយធ្វើការព្រមានឬប្ដឹងនោះទេ តែការមិនសប្បាយចិត្តរបស់លោកឧកញ៉ាស្នាយ ខុសគ្នាស្រឡះទៅនិងលោកខែម ប៊ុនថៃ ដែលលោកចេញមកនិយាយទាំងអួលដើមករហូតដល់ស្រក់ទឹកភ្នែករលីងរលោងទៀតផង ព្រោះតូចចិត្តមានអ្នកវាយប្រហារថៅកែរបស់ខ្លួនគឺឧកញ៉ាឡេង ណាវ៉ាត្រា ។
ចំពោះករណីលោកព្រាប សុវត្ថិ វិញរឿងដែលមានFan លាក់មុខរបស់លោកខ្លះចេញមកជេរមកលើលោកឆៅៗបែបនេះដោយសារតែមុននេះលោកបង្ហាញការគាំទ្រនិងនៅតែជឿរជាក់លើថៅកែរបស់លោកឧកញ៉ាឡេង ណាវ៉ាត្រា ដែលកំពុងមានបញ្ហាវិវាទជាមួយអតិថិជនរបស់ខ្លួនដ៍ចម្រូងចម្រាសជុំវិញការបង់ប្រាក់ទិញផ្ទះអស់ តែមិនទាន់បានផ្ទះនៅតាមកិច្ចសន្យា ហើយមិនមែនមានតែលោកព្រាប សុវត្ថិ និងខែម ប៊ុនថៃ នោះទេដែលចេញការពារថៅកែនោះតែតារាសឹងតែទាំងអស់របស់Galaxy ក៍បានបង្ហាញកាយវិការដូចគ្នាដែរ ធ្វើឲ្យFan ពួកគេអត់សប្បាយចិត្តដូចគ្នា។ប៉ុន្ដែសម្រាប់លោកព្រាប សុវត្ថិ វិញកន្លងមកអ្នកដឹកនាំកម្មវិធីសិល្បៈលោកគង់ វិសាល ដែលធ្វើការងារសិល្បៈជាមួយលោកព្រាប សុវត្ថិ ជាង២០ឆ្នាំនោះធ្លាប់អះអាងថាលោកសុវត្ថិ ជាតារាសដែលទស្សនិកជន១០០នាក់ស្រលាញ់លោកទាំង១០០នាក់ នោះពេលនេះអ្វីៗមិនដូចការរំពឹងរបស់អតីតសង្សារពេជ្រ សិរីរ័ត្ន ម្នាក់នេះទៀតឡើយ ព្រោះលោកសុវត្ថិ ខ្លួនឯងក៍សារភាពថាមានអ្នកចូលទៅខមិនជេរលោករហូតលោកមិនអាចនៅស្ងៀមបានដោយចេញមុខLive ខឹងគេជេរទាំងញញឹមទៀតផង។
ចំណែកបុរសម្នាក់បានចេញមុខLive តាមផេក១និងត្រូវបានគេយកទៅបង្ហោះនៅGcyn នោះបាននិយាយទាក់ទងលោកព្រាប សុវត្ថិ ចេញមុខការពារថៅកែនោះដោយលោកលើកឡើងថាព្រាប សុវត្ថិ ជាកំពូលតារាចម្រៀងម្នាក់នៅខ្មែរដែលមានមុខរបរផ្ទាល់ខ្លួនមានហាងកាត់សក់ ភោជនីយ៍ដ្ឋាន និងដីធ្លីមួយចំនួនទៀតនៅមណ្ឌុលគិរី និងរតនៈគិរី ហេតុនេះលោកសូមសួរថាតើមូលហេតុអ្វីបានជាលោកព្រាប សុវត្ថិ ចេញមុខការពារឧកញ៉ាឡេង ណាវ៉ាត្រា ព្រោះនេះកំពុងតែទម្លាក់តម្លៃរបស់ខ្លួនឯងតែម្ដង។បុរសនោះសួរទៅលោកព្រាប សុវត្ថិ ថាហេតុអីលោកលោភលន់ម្លេះ?ឃើញគេមានគេបានមកអែបអបគេ ខ្លួនឯងមានប៉ុណ្ណឹងហើយអត់ស្កប់?ចង់បានប៉ុណ្ណាទៀត?
ប៉ុន្ដែគិតមកដល់រសៀលថ្ងៃទី២៥ ឧសភា គេមិនទាន់ឃើញលោកឧកញ៉ាព្រាប សុវត្ថិ ចេញមកឆ្លើយតបទៅបុរសនោះឡើយ ខណៈដែលFan ខ្លះថាព្រាប សុវត្ថិ ពិតជាកម្រមានតារាណាធ្វើបានដូចលោកមែនព្រោះលោកLive ខឹងទៅអ្នកជេរលោកទាំងស្នាមញញឹមជានិច្ច។យ៉ាងណាគេចាំមើលថាតើព្រាប សុវត្ថិ នឹងនៅតែហ៊ានប្រឈមជាមួយអ្នកជេរលោកតទៅទៀតដោយលោកចេញមុខការពារថៅកែតទៅទៀត ឬយ៉ាងណា?
គូរបញ្ជាក់ថាព្រាប សុវត្ថិ ទើបតែប្រារពខួបកំណើតរបស់លោកនៅថ្ងៃទី២ ឧសភា គម្រប់អាយុ៤៨ឆ្នាំ ដោយបុគ្គលិករបស់ក្រុមហ៊ុនលោកបានចេញសារជូនពរជាបន្ដបន្ទាប់ ខណៈដែលោកឧកញ៉ាស្នាយ តាំងពីឡើងឧកញ៉ាជាង១ឆ្នាំមកនេះលោកបានបង្ហាញឥទ្ធិពលកាន់តែខ្លាំងព្រោះពេលធ្វើតំណើរតាមផ្លូវជិះរថយន្ដទំនើបៗដូចជាRolls Royce ,Escalade ,Bmw និងIsuzu ជាដើមដោយមានកងអង្គរក្សបើកម៉ូតូធំ២គ្រឿងអមទៀតផង។តែព្រាប សុវត្ថិ ដែលមានវ័យជ្រេបន្ដិចទៅហើយនោះនៅមិនទាន់ដឹងថានៅឆ្នាំ២០២៣ នេះលោកនៅតែរក្សារតំណែងជាតារាប្រុសនាំមុខគេតទៅទៀតឬយ៉ាងណានោះទេ ព្រោះលោកត្រូវជួបដៃគូប្រជែងចាស់គឺលោកខែម ប៊ុនថៃ ជាលើកទី២ ហេតុនេះហើយបើឧកញ៉ាស្នាយ ប្រហែស ច្បាស់ជាប្រហោងរបស់ឧកញ៉ាប៊ុនថៃ ជាមិនខាន៕
