ភ្នំពេញ៖ពិធីការិនីហ៊ិន ច័ន្ទនីរ័ត្ន គ្មានដំណឹងរៀបការជាថ្មីឡើយ ក្រោយធ្លាប់បង្ហើបថាចង់បញ្ចប់ភាពនៅលីវត្រឹមអាយុ៣០ឆ្នាំ តែពេលនេះវាបានរំលងផុតទៅអស់២ឆ្នាំបាត់ទៅហើយ បើទោះជាការស្វែងយល់ចិត្តគ្នារវាងនាងនិងលោកគ្រូពេទ្យរូបសង្ហារម្នាក់ឈ្មោះដុកទ័រសុវណ្ណារិទ្ធិ ជាង៣ឆ្នាំមកនេះពួកគេល្អូកល្អិនគ្នាដោយរលូនក្ដី។ប៉ុន្ដែនៅរយៈពេលចុងក្រោយនេះច័ន្ទនីរ័ត្ន និងលោកសុវណ្ណារិទ្ធ លែងបង្ហាញភាពផ្អែមល្ហែមស្នេហ៍នោះជាសាធារណៈទៀតហើយ ក្រោយពួកគេបានចេញទៅដើរលេងនៅបារាំង និងថៃ រួមគ្នាកាលពីចុងឆ្នាំ២០២២ ។តារាសិល្បៈរួមអាជីពបានសរសើរនាងច័ន្ទនីរ័ត្ន ថាលុយមិនអាចទិញស្នេហានាងបានទេ ព្រោះនាងជានារីបេះដូងដែក ដោយសារតែបុរសអាចក្លាយទៅជាម្ចាស់បេះដូងនាងបានទាល់តែនាងមានអារម្មណ៍ស្នេហ៍ដែរទើបអាចទៅរួច តែក៍មានអ្នកឌឺដងពិធីការិនីធ្មេញចំពើសរបស់បាយ័នរូបនេះដែរថាគ្រប់បុរសដែលពាក់ព័ន្ធស្នេហ៍នាងនាពេលកន្លងមកគឺស្រីស្អាតប៉ៈតែប្រុសរូបសង្ហារ ហេតុនេះហើយបានជាមិនអាចរក្សារចំណងស្នេហាបានយូរអង្វែងនិងប្រេះឆាជាបន្ដបន្ទាប់បែបនេះ។អ្នកខ្លះចាត់ទុកនីរ័ត្ន ថានាងគ្មានទុក្ខសោកព្រោះស្នេហាទេ ព្រោះតែមានជម្រើសច្រើន និងគេមិនដែលឃើញស្រីស្រស់បង្ហាញទុក្ខសោកក្នុងបេះដូងម្ដងណាឡើយ បើទោះជាមុនជួបគ្រូពេទ្យដែលមានវ័យប្អូននាង១ឆ្នាំនោះអតីតFreshie លេខ១ កាលពីឆ្នាំ២០០៧ រូបនេះធ្លាប់មានដំណឹងថាបែកបាក់ស្នេហាមិនក្រោម៥ដងក្ដី។
អ្វីដែលគូរឲ្យកត់សម្គាល់នោះច័ន្ទនីរ័ត្ន ថែមទាំងផ្លែផ្កាច្រើនដាក់ទៅលោកសេង មង្គល ដែលគេសង្ស័យថាជាគូស្នេហ៍របស់នាងតែប្រុសរូបសង្ហារម្នាក់នេះបែជាងាកទៅស្នេហ៍ស្និតអ្នកមេម៉ាយទ្រព្យស្ដុកម្នាក់លែងចាប់អារម្មណ៍នាងដូចជានាងធ្លាប់ចេញសារថាចង់តែទៅធ្វើទៅលោតទឹកនៅស្ពាយជ្រោយចង្វារបញ្ចប់ជីវិតពេលឃើញវីដេអូលោកមង្គលជាមួយអ្នកមេម៉ាយនោះសម្ដែងMV ជាមួយគ្នាជាដើម។ប្រភពបានឲ្យដឹងថាច័ន្ទនីរ័ត្ន ដែលបង្ហាញភាពស្អិតល្មូតជាមួយលោកគ្រូពេទ្យវ័យក្មេង១ប្រាវនោះគឺដើម្បីទប់ស្កាត់គេថានាងស្អាតប៉ុណ្ណឹងដែរ តែអភ័ព្វស្នេហា ឬឆ្វាក់តែខាងប្រុសទៅមានថ្មី ទើបនីរ័ត្ន បង្ខំចិត្តបញ្ចេញមុខគ្រូពេទ្យឲ្យគេស្គាល់តែម្ដង។ប៉ុន្ដែនៅពាក់កណ្ដាលឆ្នាំ២០២៣ នីរ័ត្ន លែងចេញមុខរួមគ្នាជាមួយលោកសុវណ្ណារិទ្ធិ ទៀតនោះមិនមែនស្នេហាពួកគេទាំងពីរជួបរឿងរង្គោះរង្គើរឡើយ តែបណ្ដាលមកពីនាងខ្លាចប៉ៈពាល់ដល់អាជីពសិល្បៈនេះឯង ព្រោះតាមព័តមានថាស្នេហាពិធីការនីវ័យ៣២ឆ្នាំរូបនេះត្រូវបានក្រុមគ្រួសារទាំងសងខាងបានដឹងឭអស់ទៅហើយ និងគ្មានអ្នកណាប្រឆាំងទៀតផង។
ហ៊ិន ច័ន្ទនីរត្ន នៅតែចេញមុខតាមភាពយន្ដខ្នាតធំៗយូៗម្ដង បើទោះជាតាំងពីចាកចេញពីប៉ុស្ដិ៍លេខ៣ ចូលបាយ័នមកនាងផ្ដោតលើអាជីពជាពិធីការិនីច្រើនជាងសម្ដែងក្ដី។ប្រភពបានឲ្យដឹងថាទោះជានីរ័ត្ន បង្ហាញម្ចាស់បេះដូងនាងគឺជាលោកគ្រូពេទ្យវ័យក្មេនោះឲ្យដឹងសឹងគ្រប់គ្នាក៍ដោយ ប៉ុន្ដែបុរសដែលតាមចែចង់នាងពីមុនមកនៅតែព្យាយាមរាយអន្ទាក់ប្រម៉ាញ់បេះដូងនាទីតូចតន់នេះដដែល រហូតមានអ្នកខ្លះពឹងម៉ែយ៉ែមដោយចង់ញាំកាហ្វេជាមួយនាងបែបធម្មតាៗហ៊ានឲ្យលុយធីបដល់ទៅ៣ពាន់ដុល្លារទៀតផង។តែច័ន្ទនីរ័ត្ន មិនធ្លាប់ប៉ៈរឿងអាស្រូវកេរ្តិ៍ណាមួយជាបុរសវ័យចំណាស់ៗដែលចង់ជះលុយដុល្លារដាក់នាងនោះឡើយ ហើយស្រីស្រស់សុខចិត្តថតសម្ដែងភាពយន្ដរឿង១ចំណាយពេលរាប់ខែស៊ីថ្លៃចាប់ពី៥ពាន់ដុល្លារឡើង។តារាសិល្បៈរួមអាជីពបានបង្ហើបឲ្យដឹងថាប្រសិនបើច័ន្ទនីរ័ត្ន ចង់បានតំណែងជំទាវនោះវាមិនពិបាកឬនៅឆ្ងាយពីកណ្ដាប់ដៃនាងទេ ព្រោះបុរសដែលតាមស្នេហានាងភាគច្រើនគឺជាមន្រ្ដីធំ ។ប៉ុន្ដែនាងអត់ចាប់អារម្មណ៍ហើយបេះដូងនាងនៅតែមិនជ្រួលជ្រើមនិងអំណាចទឹកលុយទើបពេលនេះស្ម័គ្រចិត្តធ្វើជាគូស្នេហ៍របស់លោកគ្រូពេទ្យរូបសង្ហារម្នាក់ដែលមិត្តរួមអាជីពបានទាយទុកមុនរួចជាស្រេចទៅហើយថាទាល់តែជាបុរសរូបស្អាតដូចលោកសុវណ្ណារិទ្ធិ ទើបនីរ័ត្ន មើលចូលភ្នែក បើតាតាសក់សទោះជាសម្បូរលុយដុល្លារក៍ទៅមិនរួចដែរ។
ក្រៅពីហ៊ិន ច័ន្ទនីរ័ត្ន ស្រីស្អាតដែលស្នេហាប្រុសក្មេងមានដូចជានាងប៉ាច គីមមួយ និងសុខ សោម៉ាវត្តី ជាដើម ខណៈដែលមានតារាខ្លះក្រោយពីប្រេះឆាស្នេហ៍ប្រុសក្មេងញឹកញាប់ពេក ពួកគេបានប្ដូរយុទ្ធសាស្រ្ដមកស្នេហ៍បុរសចំណាស់វិញក៍មានដែរ។តែចំពោះច័ន្ទនីរ័ត្ន វិញនាងនៅតែជ្រើសគូស្នេហ៍ទៅតាមបេះដូង និងមិនដែលបង្ហាញពីការឈឺចាប់ក្រោយបែកបាក់ដែលស្រីស្អាតបែបនេះតើបុរសណាទៅដែលអាចដឹកដៃនាងចូលរោងការបាននាពេលខាងមុខនេះ?លោកគ្រូពេទ្យសុវណ្ណារិទ្ធ នឹងក្លាយទៅជាអនាគតស្វាមីនាង?
