ភ្នំពេញ៖តារាចម្រៀងរ៉េបកំពុងល្បីឈ្មោះលោកម៉ាន់ វណ្ណដា ត្រូវបានអ្នកលេងបណ្ដាញសង្គម ជាច្រើនចែកចាយ(Share)រូបភាពរបស់គេនិងនារីអ្នកលក់Online វ័យក្មេងម្នាក់ដែលមានឈ្មោះTik Tok ថាlauryyn នោះនូវទំនាក់ទំនងរបស់ពួកគេគឺជាសង្សារដូចជាមានរូបភាពខ្លះពួកគេដើរកាន់ដៃគ្នា និងរូបមួយចំនួនឃើញស្រីស្អាតនៅឈខាងក្រោយវណ្ណដា ដែលកំពុងធ្វើការងារសិល្បៈជាដើម។ប្រុសៗមិនតិចនាក់ទេដែលសរសើរលោកវណ្ណដា ថារកបានសង្សារថ្មីស្អាតខ្ញីញេញតែម្ដងដែលប្រភពខ្លះថានាងទើបរៀនចប់ថ្នាក់ទី១២ កាលពីឆ្នាំ២០២២ ខណៈដែលនារីមួយចំនួនទៀតក៍ច្រណែនស្រីស្រីក្មេងរូបនោះខ្លាំងដែរដែលយកបានបេះដូងអ្នកចម្រៀងលេងម៉ូដសាក់រូបនោះ ព្រោះថាមាននារីមិនតិចនាកទេដែលចង់ក្លាយខ្លួនជាគូស្នេហ៍របស់អតីតអ្នកកោសដូងរូបនេះ តែទីបំផុតតារារ៉េបកំពុងមានប្រជាប្រិយភាពជ្រើសយកនារីនោះហើយមើលទៅពួកគេពិតជាសាកសមគ្នាខ្លាំងណាស់។
យ៉ាងណាមិនទាន់មានការបញ្ជាក់ពីលោកវណ្ណដា ថាចំណងស្នេហាលោកនិងស្រីស្រស់រូបនោះចាប់ផ្ដើមនៅពេលណាឡើយ ខណៈដែលFan ជាច្រើនបានជូនពរឲ្យពួកគេកាន់ដៃគ្នាបានយូអង្វែង ព្រោះថាតារារ៉េបជើងខ្លាំងម្នាក់ទៀតដែលកំពុងតែប្រជែងគ្នាយ៉ាងស្វិតស្វាញជាមួយវណ្ណដា គឺលោកងួន ចាន់ដេវីត នោះពេលនេះមានកូន១ទៅហើយ។ដោយឡែកវណ្ណដា វិញកន្លងមកពេលទៅលេងស្រុកនៅក្រុងកំពង់សោមដែលក្រុមគ្រួសារគេរកស៊ីលក់ដូងកោសនោះធ្លាប់និយាយថាលោកត្រូវម្ដាយសួរថាពេលណាមានសង្សារតែអ្នកចម្រៀងរ៉េបរូបនេះឆ្លើយមិនចេញឡើយ។ប៉ុន្ដែគេជឿរថាពេលនេះលោកវណ្ណដា អាចនឹងដឹកដៃគូស្នេហ៍ថ្មីទៅជួបក្រុមគ្រួសារលោកនាពេលដ៍ឆាប់ៗខាងមុខនេះជាមិនខានឡើយ។
គូររំលឹកថាលោកម៉ាន់ វណ្ណដា ធ្លាប់មានសង្សារម្នាក់ឈ្មោះNAM ដែលពួកគេចូលចិត្តសាក់រូបជាច្រើននៅលើដងខ្លួនដូចគ្នា តែកាលពីឆ្នាំមុនេះអ្នកទាំងពីរក៍បានចែកផ្លូវគ្នាកណ្ដាលទីនិងទាំងសងខាងមិនប្រាប់ពីមូលហេតុពិតប្រាកដឡើយ។វណ្ណដា ធ្លាប់និយាយប្រយោលថាលោកមិនចង់ឲ្យរឿងអតីតកាលតាមរំខានលោករហូតដល់បច្ចុប្បន្នឡើយ…។ចំណែកស្រីស្អាតដែលត្រូវគេសង្ស័យថាជាសង្សារថ្មីរបស់វណ្ណដា នាពេលនេះគឺអំឡុងពេលនាងផ្ទុះរឿងគេថានាងជាសង្សារវណ្ណដា នោះនៅលើបណ្ណាញសង្គមTik Tok ក៍នាងចាប់ផ្ដើមចេញមុខជាបន្ដបន្ទាប់ ស្របពេលដែលមុនលេចធ្លាយរឿងនេះ កន្លងមកគេមិនដែលបានស្គាល់រូបនាងឡើយ។
សូមបញ្ជាក់ថាគិតត្រឹមឆ្នាំ២០២៣ នេះតារាចម្រៀងរ៉េបលោកវណ្ណដា ត្រូវបានគេមើលឃើញថាលោកមានទីផ្សារចម្រៀងផ្នែកនេះនាំមុខគេទាំងការគាំទ្រនិងតម្លៃខ្លួនទើបធ្វើឲ្យនារីៗជាច្រើនជ្រួលជ្រើម។វណ្ណដា ធ្លាប់ផ្ទុះសង្រ្គាមDiss Track យ៉ាងក្ដៅគគុកកាលពីចុងឆ្នាំ២០២២ ជាមួយងួន ចាន់ដេវីត ហើយរហូតមកដល់ពេលនេះអ្នកគាំទ្រម្ខាងៗរបស់តារាទាំងពីរបានចាត់ទុកIdol របស់ពួកគេថាខ្លាំងរៀងៗខ្លួន។វណ្ណដា ជិះរថយន្ដថ្លៃៗជាច្រើនឆ្នាំមកហើយ តែរូបគេមិនសូវឃើញស្លៀកពាក់ខោអាវថ្លៃៗដូចដេវីត នោះទេបើទោះជាតាមព័តមានថាបច្ចុប្បន្នតម្លៃខ្លួនរបស់លោកខ្ពស់ជាងដេវីត ក្ដី។អ្នកយកព័តមានយើងធ្លាប់ទាក់ទងសួរព័តមានតាមលេខទូរស័ព្ទផេកផលិតកម្មបរមីដែលគ្រប់គ្រងវណ្ណដា តែកន្លងមកមានបុរសម្នាក់អះអាងថាខ្លួនជាទីផ្សារផលិតកម្មនេះ មិនហ៊ានឆ្លើយពាក់ព័ន្ធអ្នកចម្រៀងរ៉េប រូបនេះទេ ទើបធ្វើឲ្យព័តមានទាំងឡាយរបស់វណ្ណដា និងអ្នកសារព័តមានហាក់ពិបាកក្នុងការស្វែងរកការពិត ពិសេសលោកធ្វើឲ្យគេចាប់អារម្មណ៍រឿងលោករកបានសង្សារថ្មីស្អំរបួសបេះដូងនាពេលនេះ។
ថ្វីត្បិតតែពេលនេះលោកវណ្ណដា កំពុងតែស្ថិតក្នុងលំដាប់តារាជូរមុខផ្នែករ៉េបនៅកម្ពុជាមែន តែកន្លងមកអ្នកវិភាគបញ្ហាសង្គមលោកជេម សុខ បានធ្វើការវែកញែកថាចង្វាក់មួយនេះគ្មានប្រភពច្បាស់លាស់ ឬគេមិនដែលយកបទប្រភេទនេះមកច្រៀងកម្មជាផ្លូវការឡើយ ហើយលោកបានធ្វើការវាយប្រហារយ៉ាងចាស់ដៃចំពោះលោកវណ្ណដា ពេលច្រៀងហើយស្រែកសុំឲ្យទស្សនិកជនទះដៃឬស្រែកហ៊ោ ដែលជាទម្លាប់ជាប្រចាំរបស់អ្នកចម្រៀងរ៉េបរូបនេះ។មហាជនរងចាំមើលថាវណ្ណដា អាចរក្សារចំណងស្នេហាថ្មីនេះបានយូរអង្វែងដែរឬទេ ?តើក្រោយរកបានស្រីស្អាតព្យាបាលបេះដូងហើយវណ្ណដា នឹងកាន់តែល្បីថែមទៀត ឬនារីៗខ្លះចាប់ផ្ដើមដកថយទៅវិញព្រោះខកចិត្ត?
