ភ្នំពេញ៖ពេជ្រ សូលីកា បានបង្ហាញភាពស្និតស្នេហ៍ជាមួយកូនមន្រ្ដីធំផ្កាយ២ លោកថុល សុភិទិ មួយប្រាវក្រោយចែកផ្លូវជាមួយលោកគឹម ហាន កាលពីខែកក្កដា ឆ្នាំ២០២២ ហើយអ្នកទាំងពីរថែមទាំងបានថតMV អោបថើបគ្នាក្នុងអាងទឹកទៀតផង។យ៉ាងណាក្រោយភិទិ ត្រូវគូស្នេហ៍អ្នកមេម៉ាយសាច់សខ្ចីនាងឡុង ម៉ានីន តាមស្អិតហើយបញ្ចេញរាល់រូបភាពផ្អែមល្ហែមនោះមកគេមិនដែលឃើញអ្នកមេម៉ាយសូលីកា កៀកកើយជាមួយកូនមន្រ្ដីធំនេះនៅក្រៅឆាកដូចមុនទៀតឡើយ ពិសេសគឺបន្ទាប់ពីគូស្នេហ៍របស់ភិទិ មានផ្ទៃពោះជាមួយតារាចម្រៀងរូបនេះទាំងមិនទាន់រៀបការនេះ។ដោយឡែកសូលីកា វិញនាងបានងាកទៅសាងស្នេហ៍ថ្មីជាមួយបុរសកូនកាត់ចិនម្នាក់ដោយមិនបើកចំហនៅលើហ្វេសបុកនោះទេ តែពួកគេចេញមុខនៅIG ។តាមព័តមានថាគម្រោងចាប់ដៃជាបន្ដបន្ទាប់របស់សូលីកា ជាមួយលោកភិទិ នោះហាក់នៅទ្រឹងទៅវិញក្រោយពួកគេចេញបទ”ហេតុអ្វីយើងបែកគ្នា?” ហើយស្រាប់តែពេលនេះនាងស្រីពេជ្រ ហៅសូលីកា បែជាងាកទៅរកដៃគូចាស់នីកូ ជាថ្មី។
គូរកត់សម្គាល់ថាពេជ្រ សូលីកា ក្លាយទៅជាអ្នកមេម៉ាយហាយសូម្នាក់ដែលរស់នៅខុនដូប្រណិត ជិះរថយន្ដថ្លៃៗ និងលេងខ្លួនកាន់តែឆើតឆាយពិសេសគឺប្ដូរម៉ូដសក់ជាបន្ដបន្ទាប់ ក្រោយលែងប្ដីជាង១០ខែមកនេះ ហើយទីផ្សារចម្រៀងនាងហក់ឡើងជាងមុនបន្ដិច ព្រោះស្រីពេជ្រ មានឱកាសច្រៀងសម្ដែងនៅតាមឆាកតន្រ្ដីធំៗជាបន្ដបន្ទាប់ ក្រោយនាងប្ដេជ្ញាថាប្រឹងរកលុយដើម្បីចិញ្ចឹមកូនផង ប្អូនស្រីផង ខណៈដែលម្ដាយនាងត្រូវជាប់គុកដល់ទៅ១២ឆ្នាំ ហើយរំពឹងថាបានជួបជុំនាងវិញនៅឆ្នាំ២០៣២ ខាងមុខនេះ។អ្វីដែលសូលីកា នៅតែបង្ហាញភាពរឹងមាំឲ្យគេឃើញនោះគឺនាងព្យាយាមពង្រឹងទីផ្សារសិល្បៈឲ្យទៅមុខ ហើយថែមទាំងបណ្ដុះប្អូនស្រីនាង ឲ្យលេងសិល្បៈដូចនាងដែរតែមិនមែនជាអ្នកចម្រៀងនោះទេគឺរាំអមនាងលើឆាកតែម្ដង។អ្នកជំនាញសិល្បៈបានលើកឡើងថាប្រសិនបើសូលីកា បន្ដចាប់ដៃភិទិ ទាំងការច្រៀងសម្ដែងនិងថតភាពយន្ដនោះពួកគេនឹងចំណេញទីផ្សារសិល្បៈរៀងៗខ្លួនជាមិនខាន ។តែគូរឲ្យស្ដាយក្រោយកូនមន្រ្ដីធំរូបនោះសង្សារចាប់ផ្ដើមពពោះទំនាក់ទំនងរវាងលោកនិងសូលីកា កាន់តែរយាលៗពីគ្នាបន្ដិចម្ដងៗទៅវិញ ខណៈដែលអ្នកលេងបណ្ដាញសង្គមមើលឃើញថានាងម៉ានីន មិនចង់ឲ្យប្រុសស្នេហ៍ជាអ្នកលេងម៉ូដសាក់របស់នាងធ្លាក់ទៅដៃនារីផ្សេងឡើយ។
ពេជ្រ សូលីកា ទោះជាលេចធ្លោគូសមក្នុងអាជីពចម្រៀងមែន តែនាងមិនអាចប្រជែងជាមួយតារាចម្រៀងផ្នែកយុវវ័យលំដាប់ជូរមុខឡើយ ព្រោះបច្ចុប្បន្ននាងតន់ ច័ន្ទសីម៉ា កំពុងតែបោះពួយទៅមុខ។យ៉ាងណាស្រីពេជ្រ ត្រូវបានថៅកែហង្សមាសនៅតែទុកចិត្តនាងក្រោយនាងមកដល់ជាលើកទី២ នេះព្រោះសូលីកា សម្ដែងភាពយន្ដបានល្អ ហើយសម្លេងនាងមធ្យម ផ្គួបផ្សំរូបសម្រស់គូរឲ្យក្នក់ក្នាញ់ ព្រោះទោះជាធ្លាប់មានប្ដីនិងកូន១ តែសូវបែកសាច់ខ្លាំនោះទីបំផុតស្រីពេជ្រ នៅតែមានទីផ្សារសិល្បៈ។ប្រភពបានឲ្យដឹងថាអ្នកមេម៉ាយសាច់សខ្ចីរូបនេះមានជម្រើសស្នេហ៍ច្រើនក្រោយនាងធ្លាក់ខ្លួនមេម៉ាយជិត១ឆ្នាំនេះព្រោះមន្រ្ដីធំខ្លះនៅតែចង់ស្អំបេះដូងនាងជាមួយការឲ្យតំណែងជំទាវលាក់មុខ តែសូលីកា មិនចង់ដើរជាន់ដានស្នេហ៍ចាស់ឡើយ ហើយគេជឿរថានាងចង់សាងស្នេហ៍ថ្មីដោយបើកចំហដូចអំឡុងភ្ជាប់ស្នេហ៍លោកហាន ដែរ បើទោះជាទំនាក់ទំនងរបស់នាងជាមួយបុរសថ្មីនោះហាក់នៅមិនទាន់ច្បាស់លាស់ឬអាចឲ្យនាងឈានទៅភ្ជាប់ពាក្យដូចអតីតគូស្នេហ៍ចាស់ក្ដី។
ក្រៅពីពេជ្រ សូលីកា តារាដែលលែងប្ដីហើយនៅរក្សារទីផ្សារសិល្បៈបានល្អមានដូចជានាងសុខ សោម៉ាវត្តី ,កែវ និសា និងសុខ ស្រីនាង ជាដើម ខណៈដែលស្រីពេជ្រ មានចំណុចពិសេស១ផ្សេងទៀតដែលធ្វើឲ្យមន្ដស្នេហ៍របស់នាងមិនថមថយនោះគឺការរក្សារបានរាងនៅស្វែល មិនសូវបែកសាច់ និងអត់បណ្ដោយឲ្យឡើងគីឡូជ្រុលឡើយ។Fan របស់នាងសូលីកា រងចាំមើលថាតើគូស្នេហ៍ថ្មីរបស់មេម៉ាយរូបស្រស់នេះ អាចធ្វើឲ្យនាងបំពេញក្ដីសុបិនធំគឺការរៀបអាពាហ៍ ពិពាហ៍ ជាចំហ លុបលាងការបរាជ័យមង្គលការរបស់នាងដែលគ្រោងធ្វើនៅឆ្នាំ២០២២ ជាមួយអាណិកជនខ្មែរមកពីអូស្រ្ដាលីនោះបានដែរឬទេ?តាមដំណឹងថានាងស្រីពេជ្រ និងបុរសវ័យ៣០ក្រាស់នោះកំពុងតែសោធន៍ចិត្តគ្នាទៅវិញទៅមក ហេតុនេះបើគ្មានអ្វីប្រែប្រួលនោះទេ មិនយូឡើយអ្នកទាំងពីរនឹងចាប់ផ្ដើមបង្ហាញស្នេហ៍ស្អិតល្មូតដូចលោកភិទិ និងអ្នកមេម៉ាយម៉ានីន ដែរជាមិនខាន៕
