ភ្នំពេញ៖ពេជ្រ សិរីរ័ត្ន ដែលមានកូន២(ស្រី១) មិនដឹងថាស្វាមីនាងជាអ្នកណា ព្រោះនាងមិនធ្លាប់បង្ហាញឲ្យគេបានស្គាល់មុខទាល់តែសោះនោះ ស្រាប់តែពេលនេះអតីតសង្សារលោកគង់ វិសាល បានងាកទៅកៀកកើយគ្នាជាមួយលោកអាឡិច ចាន់ត្រា ដូចគូស្នេហ៍ និងបណ្ដើរគ្នាទៅសាសងគ្នានៅមាត់សមុទ្រ និងញាំអាហារតែ២នាក់យ៉ាងរ៉ូមែនទិកជាដើម។សកម្មភាពរបស់សិរីរ័ត្ន បែបនេះធ្វើឲ្យតារាសម្ដែងជើងចាស់លោកសាវិន ហ្វីលីព បានចេញសារអបអរសាទរ ពួកគេទាំង២ដោយចាត់ទុកថាជាគូស្នេហ៍ដ៍សាកសមបំផុតទៀតផង។ទោះជាយ៉ាងណាក្រៅពីលោកសាវិន ហ្វីលីព ទាំងសិល្បករ និងអ្នកនៅក្រៅរង្វង់សិល្បៈសឹងតែ៩៩ % ទៅហើយដែលមិនជឿរជាក់ថារឿងតារា១គូនេះក្លាយជាគូស្នេហ៍គ្នាអាចទៅរួចនោះទេ ហើយថែមទាំងចាត់ទុកថាសិរីរ័ត្ន កំពុងតែលេងបិតពួនដាក់អាឡិច ចាន់ត្រា ថែមទៀតផង ព្រោះសម្អាងថាពួកគេមានម្ចាស់ស្នេហ៍ពិតរៀងៗខ្លួនតែបំភ័ន្ដភ្នែកមហាជនឲ្យចាប់អារម្មណ៍តាមរយៈការស្និតស្នាលគ្នាចម្លែកលើសពីមិត្តរួមអាជីព។
អ្នកយកព័តមានយើងព្យាយាមទូរស័ព្ទទៅលោកអាឡិច ចាន់ត្រា កាលពីព្រឹកថ្ងៃទី១ មិថុនា តែតេមិនចូលឡើយ ទើបមិនទាន់អាចសុំបំភ្លឺរឿងលោកកាន់តែបង្ហាញរូបភាពស្អិតល្មូតជាមួយពេជ្រ សិរីរ័ត្ន មិនខ្លាចប្ដីគេប្រចណ្ឌនេះបានទេ។ប៉ុន្ដែតាមព័តមានថាដោយសារតែសិរីរ័ត្ន ធុញទ្រាន់មានអ្នកខ្លះនិយាយដៀមដាមនាងថាមានកូនអត់ប្ដី ទើបនាងដឹកដៃលោកអាឡិច ចាន់ត្រា លេង១ក្បាច់បែបនេះទៅ ហើយក្រៅពីលោកហ្វីលីព គេជឿរថាតារាផ្សេងៗទៀតសុទ្ធតែបានដឹងរឿងនេះស្ទើគ្រប់គ្នា។ប្រភពបានឲ្យដឹងថាសិរីរ័ត្ន និងអាឡិច ចាន់ត្រា បានរាប់អានគ្នាជាច្រើនឆ្នាំមកហើយ និងនៅពេលដែលពួកគេមានកម្មវិធីនៅផ្ទះម្ដងៗម្នាក់ៗបានហៅគ្នាទៅវិញទៅមក ជាពិសេសគឺនៅតាមបណ្ដារកម្មវិធីសប្បុរសធ័មខ្លះអ្នកទាំងពីរច្រើនតែបង្ហាញមុខរួមគ្នានិងបញ្ចេញកាយវិការយល់ចិត្តគ្នាដូចគូសង្សារ ទើបធ្វើឲ្យលោកហ្វីលីព នៅមិនសុខរហូតចេញមកផ្គូរផ្គងបែបនេះតែម្ដងទៅ។
គូររំលឹកថាពេជ្រ សិរីរ័ត្ន បានចែកផ្លូវអតីតសង្សារនាងលោកគង់ វិសាល រយៈពេល១១ឆ្នាំទៅហើយដែលចុងក្រោយនេះពួកគេមានម្ចាស់ចិត្តរៀងៗខ្លួន តែសិរីរ័ត្ន នៅចាញ់ប្រៀបលោកវិសាល ព្រោះនាងមិនអាចរៀបការប្ដីជាចំហ ឬហ៊ានបណ្ដើរបុរសជាឪពុកកូនប្រុសស្រីរបស់នាងម្ដងណាឡើយ។តាមព័តមានថាគូស្នេហ៍របស់អតីតពិធីការិនីបាយ័នរូបនេះគឺជាអ្នករកស៊ីនាំចូលប្រព័ន្ធសូឡាអគ្គីសនីពន្លឺព្រះអាទិត្យពីបរទេសមកខ្មែរ តែគេមិនដឹងច្បាស់ថាតើឪពុកកូនៗរបស់នាងជាប្រុសនៅលីវ ពោះម៉ាយ ឬមានមានប្រពន្ធកូនហើយនោះទេ ព្រោះកន្លងមក សិរីរ័ត្ន តែងលាក់រឿងមួយនេះជិត។ដោយឡែកសម្រាប់អាជីពជាពិធីការិនីវិញសិរីរ័ត្ន បានធ្លាក់កូដខ្លាំង សឹងតែ ហៅមិនឭឡើយ តែនាងនៅតែមានជីវភាពធូធាររស់នៅខុនដូ និងផ្ទះវីឡារយ៉ាងប្រណិត ព្រមទាំងជិះរថយន្ដថ្លៃៗ បើទោះជាបាត់បង់ប្រាក់ចំណូលពីសិល្បៈស្ទើតែទាំងស្រុងក្ដី។
ក្រៅពីពេជ្រ សិរីរ័ត្ន តារាមានកូនតែលាក់មុខប្ដីមានដូចជាអ្នកនាងយុគ ចិន្ដា ,ផាត់ ផាន់ណា និងខេនឌី ជាដើម។សិរីរ័ត្ន ធ្លាប់ប្រាប់អ្នកយកព័តមានយើងកាលពីឆ្នាំមុនថានាងនឹងរៀបការជាចំហ តែមិនហ៊ាននិយាយថាចង់ធ្វើ តូចឬធំនោះទេ ប៉ុន្ដគម្រោងធ្វើជាកូនក្រមុំរបស់នាងត្រូវរលាយបាត់អស់ជាង១០ឆ្នាំទៅហើយ ខណៈដែលតារារួម អាជីពចង់ឲ្យអតីតពិធីការិនី”រាត្រីព័ណស្វាយ”រូបនេះក្លាហាន ហ៊ានបង្ហាញមុខប្ដី ព្រោះថាជាង១ទសវត្សន៍មក នេះនាងបាត់បង់ទាំងស្រុងនូវភាពផ្អែមល្ហែមស្នេហ៍ ខណៈដែលលោកវិសាល និងភរិយាថ្មីកំពុងរស់នៅយ៉ាងមានក្ដីសុខ និងបង្ហាញភាពស្អិតល្មូតគ្នាកាន់តែខ្លាំងនៅពេលពួកគេមានកូន២ស្មើសិរីរ័ត្ន ដែរនេះ។ប្រភពបានឲ្យដឹងថាសិរីរ័ត្ន ដែលមិនមានការងារសិល្បៈណាលេចធ្លោដូចមុននោះពេលនេះនាងច្រើនតែបង្ហាញខ្លួននៅផ្ទះលក់ លៀសហាលជាមួយប្អូនស្រីនាងជីជី ម្ដុំDN តែនាងក៍មានអាជីវកម្មផ្សេងពីនេះផងដែរ។សម្រាប់Fan ដែលគាំទ្រ សិរីរ័ត្ន ពួកគេចង់ឲ្យនាងក្លាយទៅជាគូស្នេហ៍ពិតរបស់អាឡិច ចាន់ត្រា ដូចការត្រួសត្រាយផ្លូវរបស់លោកហ្វីលីព តែរឿងនេះគេព្យាករណ៍ថាអាចកើតមានបានមិនលើសពី២% ឡើយ។ការសម្អាងបែបនេះដោយសារតែមិនមាន ព័តមានថាសិរីរ័ត្ន ចែកផ្លូវគ្នាជាមួយស្វាមីនាងនោះទេ ខណៈដែលអាឡិច ចាន់ត្រា វិញក៍មិនដែលឭថាចង់បានប្រពន្ធមេម៉ាយកូន២ដែរ ហើយកន្លងមកលោកធ្លាប់បង្ហាញសញ្ញាមានស្នេហ៍ជាមួយនារីអាណិកជនម្នាក់ ពោល គឺមិនមែនជាសីរីរ័ត្ន សង្សារចាស់របស់លោកគង់ វិសាល នេះទេ៕
