Saturday, September 30, 2023
Homeតារាខ្មែរលី ម៉ារីណា ៖ត្រៀមរៀបការជាមួយ លោក​វីរសេនីយ៍ ឯកទៀង ច័ន្ទសារ ?

លី ម៉ារីណា ៖ត្រៀមរៀបការជាមួយ លោក​វីរសេនីយ៍ ឯកទៀង ច័ន្ទសារ ?

ភ្នំពេញ៖លី ម៉ារីណា បានបង្ហាញគូស្នេហ៍ថ្មីជាចំហនោះគឺជាលោកវីរសេនីយ៍ឯកទៀង ច័ន្ទសារ អធិការដ្ឋាន​នគរបាល​ខណ្ឌដូនពេញ។ម៉ារីណា និងលោកទៀង ច័ន្ទសារ បានអោបថើបគ្នា​ទៅ​ ទៅមកនៅថ្ងៃខួបកំណើត​គម្រប់វ័យ​៤២ឆ្នាំ របស់អ្នកមេម៉ាយកូន១ រូបនេះដែលធ្វើនៅហាង Lotus Lounge & Restaurant កាលពីថ្ងៃទី២៦ ខែឧសភា ឆ្នាំ២០២៣ ហើយនាងបាន​សរសើរ​គូស្នេហ៍ថ្មីពេញបេះដូងថា”អរគុណបងដែលផ្តល់ក្តីស្រ​លាញ់ឲ្យអូន​យ៉ាង​ធំ​ធេង បង​បានរៀបចំ​ចាត់ចែងកម្មវិធីថ្ងៃកំណើតជូនអូនយ៉ាងពិសេសអូនពិតជារំភើបចិត្តឥតគណនា កាដូ​ដែល​អូន​ទទួលបានពីបងគឺក្តីស្រឡាញ់នឹងការយកចិត្តទុក្ខដាក់មើល​ថែគ្រប់ពេលវេលាកាដូទាំងនេះមាន​តំលៃ​បំផុត​សំរាប់អូនអរគុណបងគ្រប់យ៉ាង”។

 តារាសិល្បៈរួមអាជីពជាច្រើនបានខមិនជូនពរលី ម៉ារីណា ជាបន្ដបន្ទាប់ពេល​ឃើញ​នាង​បង្ហាញ​ម្ចាស់ជីវិតថ្មីនា​ពេលនេះដោយពួកគេបានលើកឡើងថាបើសិនជាម៉ារីណា និង​លោកអធិការ​ដ្ឋាន​នគរបាលខណ្ឌដូនពេញ រូប​នេះមិនទាន់មានភាពច្បាស់លាស់ជាមួយគ្នាទេ ម្លេះពួកគេ​នឹង​​មិនបញ្ចេញរូបភាពអោបថើបគ្នាដោយក្ដី​ស្រលាញ់​ជាសាធារណៈ​បែបនេះ​ឡើយ​។តារា​ខ្លះ​សម្ដែងការសាទរថាពេលនេះម៉ារីណា ជិតក្លាយទៅជាជំទាវហើយ…។

 អ្នកយកព័តមានយើងបានផ្ញើរសារឆាតសួរអ្នកនាងលី ម៉ារីណា តាមហ្វេសបុកកាលពី​ថ្ងៃ​ទី២៧ ឧសភា ​ដើម្បីឲ្យ​នាង​និយាយពីកំណើតស្នេហ៍ថ្មី និងគម្រោងភ្ជាប់ពាក្យ ឬរៀបការនៅ​ពេល​ពេល​ណានោះ តែ​ម៉ារី​ណា និយាយ​យ៉ាងខ្លីថានាងកំពុងបើកឡាន មិនទាន់​អាចនិយាយ​នៅពេលនេះបានឡើយ ហើយគិតមកដល់រសៀលថ្ងៃទី២ ខែមិថុនា នាងនៅតែមិនទាន់​ផ្ដល់​ចម្លើយទេ ។

ប្រភពពីបុគ្គលិកម្នាក់បម្រើរការនៅ Lotus Lounge & Restaurant (សុំលាក់ឈ្មោះ)ជាទីតាំងដែលម៉ារីណា ជ្រើស​យក​ធ្វើខួប​កំណើត​នោះ​បានប្រាប់អ្នកយកព័តមាន​យើងតាមទូរស័ព្ទថានៅថ្ងៃ​ខួប​ម៉ារី​ណា នោះលោកក៍មក​ធ្វើការ​ដែរ ។លោកថាបុរសដែលបង្ហាញខ្លួននិងបញ្ចេញក្ដីស្រលាញ់ចំពោះម៉ារីណា នៅថ្ងៃ​ខួប​នាង​នោះគឺ​ពិតជា​លោកវីរសេនីយ៍ឯកទៀង ច័ន្ទសារ ពិតប្រាកដមែន មិនមែនដូចសារព័ត​មានខ្លះចុះថា​ជា​លោក​ឧកញ៉ាលឹម លាង នោះទេ។យ៉ាងណាលោកថាមិនដឹង​ថាម៉ារី​ណា និងគូស្នេហ៍ថ្មីរៀប​ការនៅពេល​ណា​ឡើយ ហើយបើចង់ដឹង​ច្បាស់​​​ទាល់តែអ្នកសារព័ត​មាន​​ទៅសួរនាំម៉ារីណា ខ្លួនឯងទើបដឹងរឿងទាំងនេះ។

អ្នកយកព័តមានយើងក៍មិនទាន់អាចទាក់ទងទៅលោកវីរសេនីយ៍ឯកទៀង ច័ន្ទសារ អធិការ​ដ្ឋាន​នគរបាលខណ្​ឌដូនពេញ ពាក់ព័ន្ធលោកបង្ហាញខ្លួននៅថ្ងៃខួបកំណើតរបស់លី ម៉ារីណា និងអោបថើបនាងដូចប្ដីប្រពន្ធនោះដែរ ព្រោះអត់លេខទូរ​ស័ព្ទ។យ៉ាងណា​”នគរធំ” រងចាំការបកស្រាយពីលោកវីរនេនីយ៍ឯកជានិច្ច។

  គូររំកលឹកថាលី ម៉ារីណា បានរៀបការ២លើកមកហើយគឺទី១ជាមួយលោកទឹត ថាវរិទ្ធ និងទី២ជាមួយ​លោក​សាត ចាន់ថន អាណិកជនខ្មែរមកពីអាមេរិក តែបានប្រេះឆាស្នេហ៍ទាំង​ពីរ​លើកដោយបន្សល់ចំណងដៃកូន​ប្រុស១​អាយុជិត​១០ឆ្នាំ​ជាមួយស្វាមីទី២។ក្រោយចែក​ផ្លូវ​ជាមួយលោកចាន់ថន ទាំងចម្រូងចម្រាសម៉ារីណា ដែលចោទថាឪពុកកូនប្រុស​នាងបាន​លួចគ្រឿងអង្ការនាងអស់ពីខ្លួននោះនាងទុកជីវិត​ជាស្រ្ដីមេម៉ាយរយៈពេល​ជាង១ឆ្នាំ ទើប​បង្ហា​ញ​មុខ​គូ​ស្នេហ៍ថ្មីជាសាធារណៈនៅឆ្នាំ២០២៣ តែម្ដង។គេចាំបានថាមុនម៉ារីណា និងគូស្នេហ៍​អោបថើបគ្នាជាចំហ នេះកាលពីពាក់កណ្ដាលខែមេសា ឆ្នាំ២០២៣ ពោលគឺក្នុងព្រឹត្តិ​ការណ៍​សង្រ្កាន្ដ​វត្តភ្នំ ដើម្បី​អបអរពិធីបុណ្យចូលឆ្នាំខ្មែរ ២០២៣ នោះម៉ារីណា ក៍បានដើរកម្សាន្ដនៅវត្ត​ភ្នំជាមួយលោក​វរសេនីយ៍​ឯកទៀង ច័ន្ទសារ ដោយមានយុវវ័យប៉ាតម្សៅអ្នកទាំងពីរសឹង​តែរើរ​ខ្លួន​មិនរួចទៀតផង​។ប៉ុន្ដែ​ពេល​​នេះម៉ារីណា មានចេត​នាចង់ឲ្យតារារួមអាជីព និងទស្សនិកជន​ដែលគាំទ្រ​នាងបាន​ឃើញ​ច្បាស់ថាបេះដូងនាងលែងឯកោទៀតហើយ ព្រោះមានលោកវីរ​សេ​នីយ៍​ឯកទៀង ច័ន្ទសារ ចូល​មកស្អំរបួសបេះដូងនាង។ប្រភពបានឲ្យដឹងថាម៉ារីណា គ្រោង​នឹង​ដឹកដៃគូស្នេហ៍ថ្មីចូល​រោងការនាពេលខាងមុខនេះហើយ ព្រោះរយៈពេលដែលអ្នក​ទាំងពីរ​ស្វែង​​យល់ចិត្តគ្នា​អស់​ជាច្រើនខែមកនេះពួកគេចុះសម្រុងគ្នាល្អ ខណៈដែលក្រុម​គ្រួសារម៉ា​រីណា និងគូស្នេហ៍ក៍បាន​គាំទ្រចំណ​ងស្នេហា១នេះយ៉ាងពេញទំហ៊ឹងផងដែរ។

 មហាជនលើកឡើងថាមិនយូទេលី ម៉ារីណា នឹងក្លាយទៅជាជំទាវដូចអ្នកនាងចន ច័ន្ទ​,នៅ សុនិតា ,ផាន់ ម៉ូនីកា ,អ៊ឹម សុគន្ធា និងស៊ឹម សូលិកា ជាដើមជាមិនខាន៕

RELATED ARTICLES

Most Popular

Recent Comments