Friday, March 29, 2024
Homeតារាខ្មែរតន់ ច័ន្ទសីម៉ា ៖ឈាន១ជំហ៊ានមុនព្រាប សុវត្ថិ និង​ខេមរៈ សិរីមន្ដ

តន់ ច័ន្ទសីម៉ា ៖ឈាន១ជំហ៊ានមុនព្រាប សុវត្ថិ និង​ខេមរៈ សិរីមន្ដ

ភ្នំពេញ៖ខណៈដែលព្រាប សុវត្ថិ តូចចិត្តរឿងមានគេចូលទៅជេរ ក្រោយ​លោកបង្ហាញភក្ដីភាព​ចំ​ពោះថៅកែ ហើយខេមរៈ សិរីមន្ដ យំខ្សឹបខ្សួលហូទឹកនេត្រាដោយសារតែអាណិតម្ចាស់​ផលិត​​កម្មធ្វើឲ្យមានការឌឺដង​ជា​បន្ដបន្ទាប់ពីអ្នកលេងបណ្ដាញសង្គមនោះ ពេលនេះស្រីស្រស់​តន់ ច័ន្ទសីម៉ា ក៍មិននៅស្ងៀមដែរហើយ​នាងថែម​ទាំងបានឈាន១ជំហានមុនព្រាប សុវត្ថិ & ខេមរៈ សិរីមន្ដ នោះគឺនាងចេញបទ”ទឹកចិត្តមេខ្ញុំ”ដែលរៀបរាប់ពីទឹក​ចិត្តដ៍ល្អប្រពៃរបស់ថៅកែ ហើយ​ត្រូវ​បាន​គេព្យាយាមតាមធ្វើបាប។បទចម្រៀងរបស់សីម៉ា មួយបទនេះគេ​ជឿរថា​ថៅកែ​របស់​នាងពេញចិត្តស្ដូកតែម្ដង រហូតមានការលើកឡើងថាព្រាប សុវត្ថិ និងខេមរៈ សិរីមន្ដ អាចនឹង​ចេញ​បទ​ប្រភេទនេះដែរជាមិនខាននាពេលបន្ទាប់ដែរដើម្បីផ្គាប់ចិត្តថៅកែ។ប៉ុន្ដែFan  ខ្លះរបស់ច័ន្ទសីម៉ា ក៍មានការ​ដៀមដាមឲ្យនាងច្រើនចំពោះបទចម្រៀងនាង១បទនេះ តែនាង​ត្រូវតែ​ច្រៀងមិនអាចឈ​អោប​ដៃ​មើលថៅ​កែខ្លួន​កំពុងតែមានទុក្ខធំប៉ុនភ្នំតែ​ម្នាក់ឯងបាន​ឡើយ​។

 សូមបញ្ជាក់ថាតន់ ច័ន្ទសីម៉ា នៅតែជាតារាស្នូលរបស់Galaxy ព្រោះគិតត្រឹមឆ្នាំ២០២៣ នេះមិនទាន់មាន​តារាស្រី​ជើងខ្លាំងណាផ្សេងទៀតដែលផលិតកម្មនេះទិញយកមកប្រជែងនាងឡើយ ទើបធ្វើ​ឲ្យ​តារាប្រុសល្បីៗរបស់​ក្រុម​ហ៊ុននេះគ្មានជម្រើសណាផ្សេង​ក្រៅពីបន្ដចាប់ដៃ​ជា​មួយនាង​ឡើ​យ ក្នុងនោះលោកព្រាប សុវត្ថិ ,ខេមរៈ សិរីមន្ដ និងខេម ឆ្លាស់គ្នាច្រៀងដៃគូ​ជា​មួយ​នាងទើប​ធ្វើ​ឲ្យស្រីស្រស់វ័យ២៥ឆ្នាំ ឈានដល់ចំណុចកំពូល​ហើយតារានៅ​ផលិតកម្ម​ផ្សេងៗដែលមាន​គី​ឡូ​ប្រហាក់ប្រហែលនាងកាន់តែពិបាកទប់ទល់ជាមួយសីម៉ា ។ចំពោះការ​ចេញ​ច្រៀង​​ការពារមេ របស់​ច័ន្ទ​សីម៉ា នាពេលនេះគេជឿរថានាងបានត្រៀមខ្លួនរួចជា​ស្រេច​ទៅ​​ហើយប្រសិនបើមាន​ការរិះគន់​លើនាងដូចលោកឧកញ៉ាព្រាប សុវត្ថិ និងខេមរៈ សិរីមន្ដ ដែលចេញការពារថៅកែព្រមគ្នាមុន​នេះ​ ហើយ​​​សីម៉ា គ្មានវិប្បដិសារីទេ ក្នុងករណីដែលនាង​គេច​មិន​រួច​ពីអ្នកចូលទៅជេរ​ដូចតារា​ប្រុសខាងលើដែរ ព្រោះ​ការឈជើងនៅGalaxy នេះ​ហើយ​ធ្វើឲ្យនាងប្រែប្រួលកេរ្ដិ៍ឈ្មោះ និង​ជីវភាពដូចមេឃនិងដី បើប្រៀបធៀបពីមុន និងបច្ចុ​ប្បន្ន។សីម៉ា ដែលធ្លាប់រស់នៅ​បន្ទប់​ជួលតម្លៃ៦០ដុល្លារ នៅម្ដុំស្ដុប​DN និងច្រៀងនៅហាងមួយ​ពេល​រាត្រី​បាន១យប់តែ​ត្រឹម​ជាង​១០ដុល្លារនោះពេលនេះ នាងមានផ្ទះយ៉ាងប្រណិត ជិះ​រថ​យន្ដ​​ទំនើប និងច្រៀងពី៥ទៅ​៦​បទ ស៊ីថ្លៃដល់ទៅ៥ពាន់ដុល្លារឯណ្ណោះ​។អ្វីដែលគូរឲ្យកត់​សម្គាល់​នោះ​នៅឆ្នាំ២០២៣ នេះ​ច័ន្ទ​សីម៉ា តែ១គត់​ដែល​រក​បានដៃគូដ៍សាកសមបំផុតគ្មាន​តារាស្រីណាអាចធ្វើបានដូចនាង​នោះ​​គឺតារាប្រុសលំដាប់ជូរមុខទាំង៣គឺព្រាប សុវត្ថិ ,ខេមរៈ សិរីមន្ដ និងខេម គឺជាដៃគូរបស់​នាង​តែម្នាក់នាពេលបច្ចុប្បន្ន និងតទៅអនាគត ប្រសិនបើ​Galaxy នៅតែមិនមានផែនការណ៍​ទិញតារាស្រីថ្មីចូលមកក្រោយរឿងរ៉ាវមាស សុខសោភា និងពេជ្រ សោភា ដែលលេច​ឭថាផលិត​កម្ម​មួយនេះចង់បានកាលចុងឆ្នាំ២០២០ ត្រូវបាន​ស្ងប់ស្ងាត់ទៅវិញនៅឆ្នាំ២០២៣ នេះ។

 អ្នកជំនាញសិល្បៈបានលើកឡើងថាបទចម្រៀងរបស់តន់ ច័ន្ទសីម៉ា ដែលច្រៀង​ការ​ពារ​ថៅកែ ក្នុងនាមនាងជា​កូន​ចៅគ្មានអ្វីខុសឆ្គងនោះទេ ប៉ុន្ដែបទប្រភេទនេះអ្នកដែលចូល​ចិត្ត​ស្ដាប់​គឺភាគច្រើនជាបុគ្គលិករបស់​ផលិតកម្ម​មួយនេះតែម្ដង ព្រោះពួកគេចង់តបស្នងឬ បង្ហាញ​ពីភក្ដីភាពរបស់ខ្លួនចំពោះមេខ្លួនដូចអត្ថន័យក្នុងបទចម្រៀង។ប្រភពបានឲ្យដឹងថាចម្រៀងប្រភេទនេះគេជឿរថាមុននឹងចេញគឺថៅកែបានមើលមុនគេ ហើយទាល់តែលោក​ពេញចិត្តឲ្យ​ចេញ​ទើបអាចទៅរួច។ប៉ុន្ដែក្រោយបទនេះត្រូវបានផ្សព្វ​ផ្សាយគេមិនអាចសន្និដ្ឋាន​បានទេថា​តើ​សម្ពាធ​​ដែលថៅកែកំពុងប្រឈម នឹងត្រូវកាត់បន្ថយបានខ្លះឬយ៉ាងណាឡើយ…។

 តន់ ច័ន្ទសីម៉ា ត្រូវបានអ្នកគាំទ្រនាងបាននិយាយថាស្រីក្មេងរូបនេះមានស្ទីល​ច្រៀង​ស្អក​​ស្រ​ដៀងអ្នកនាងខាត់ សុឃីម តែម្ដង ហើយអតីតអ្នកស្មូតជាប់លេខ១ ប្រចាំខេត្តតាកែវ​រូប​នេះ​អាច​ច្រៀងបានជាច្រើនទម្រង់ ព្រោះអ្នក​ស្មូតប្រើសម្លេងច្រៀង”អឿន”បានយ៉ាងពិរោះ​ដូច​​គ្នា​ទៅនិងលោកជំទាវហ៊ឹម ស៊ីវន និងចំរើន សុភ័ក្រ ជាដើម។ប៉ុន្ដែអ្នកជំនាញសិល្បៈលើក​ឡើង​​ថា​​ទោះ​ជារយៈពេលចុងក្រោយនេះនាងសីម៉ា ល្បីល្បាញយ៉ាងណា​ក៍គេមិនគូ​យកនាង​ទៅ​ប្រៀប​ធៀបជាមួយតារារៀមច្បងលំដាប់ជូរមុខមានដូចជាមាស សុខសោភា ,ឱក សុគន្ធ​កញ្ញា ជា​ដើម​បានឡើយ ព្រោះថាពួកគេបានសាងស្នាដៃជាច្រើនមកហើយតាំងបីមុនសីម៉ា ល្បីល្បាញ​ឈ្មោះ​ម្លេះ។

ចំពោះនាងច័ន្ទសីម៉ា ពេលនេះគឺដូចពាក្យ​គេថា”សម្រស់ឡើង​តាម​ទឹកលុយ”មែន ព្រោះអំឡុងពេល​ឡើងកូដនេះ​នាងប្ដូរ​ពីស្បែកខ្មៅស្រអែមទៅជាខ្ចីញេញ ហើយនាង​ក៍ជា​តារាម្នាក់ក្លាហានហ៊ានសារភាពរឿងបានកែ​សម្រស់​ដល់ទៅ៣​ផ្នែកគឺ​ធ្វើ​លើកខ្ទង់ច្រមុះ,ចាក់ចង្ការ និង​ពត់ធ្មេញ។ប៉ុន្ដែរឿងស្នេហាវិញសីម៉ា រាល់លើកពេលជួប​Fan និងអ្នកសារព័តមានសួររឿង​គូ​ជីវិតនោះ​នាងនៅតែថ្ងូរថារកសង្សារ១គ្រាប់​មកធ្វើថ្នាំមិនបាន​ឡើយ​។ការវាចាថា​បេះដូង​មិន​ទាន់​មានម្ចាស់របស់សីម៉ា នាពេលនេះដែរចំពេលដែលលោក​ឧកញ៉ាពោះម៉ាយ​ម្នាក់ដែលធ្លាប់​លេចឭ​ថាតាមស្នេហានាងយ៉ាងប្រកិតនោះពេលនេះ​លោក​រក​បានគូជីវិតថ្មីទៅហើយ ដែលនារីនោះមិន​មែន​ជា​នាង​សីម៉ា​ ទេ៕

RELATED ARTICLES