ភ្នំពេញ៖មាស សុខសោភា បានចេញមុខបញ្ជាក់យ៉ាងច្បាស់ៗជាថ្មីម្ដងទៀតថានាងមានកូនប្រុសពេញវ័យកំលោះទៅហើយនោះគឺយុវជនឈ្មោះBovee Hundley ដែលកំពុងសិក្សារនៅអាមេរិកនិងថ្មីៗនេះទើបទទួលបាននូវវិញ្ញបនប័ត្រផងដែរដោយនាងបង្ហាញនូវមោទនភាពជាខ្លាំង ហើយនាងសន្យាទៅជួបកូនឆាប់ៗទៀតផង។ការហៅបុរសវ័យ១៥ឆ្នាំរូបនោះថាជាកូនពេញៗមាត់របស់សុខសោភា នាពេលនេះច្បាស់ណាស់ថាធ្វើឲ្យមាការច្របូកច្របល់សារជាថ្មី ព្រោះគេមិនដែលឃើញនាងពពោះទេ ម៉េចបានឥឡូវមានកូនកំលោះបាត់ទៅហើយ?អ្នកខ្លះចាត់ទុកថាសោភា ពូកែលាក់រឿងពេលនាងពោះធំទៀតផង ទើបក្រោយបែកធ្លាយរឿងគឺកូននាងពេញកំលោះស្ដូកបាត់ទៅហើយ។អ្វីដែលគូរឲ្យសង្ស័យនោះអំឡុងពេលដែលសុខសោភា ច្រៀងនៅថោន នាងក៍ធ្លាប់បាត់ខ្លួនពីក្នុងស្រុកជិត១ឆ្នាំ ផងដែរ ព្រោះទៅនៅកាណាដា ផ្ទះខាងស្វាមីនាងនៅទីនោះដោយចោលការច្រៀងសសម្ដែងទាំងឡាយក្នុងស្រុក ។ប៉ុន្ដែបើគិតពីពេលវេលាដែលសោភា ទៅរស់នៅកាណាដាយូបំផុតមិនធ្លាប់មាននោះ រហូតមកដល់ពេលនេះបើនាងសម្រាលកូនក្រៅស្រុកមែន ក៍មិនទាន់មានកូនមានអាយុដល់១៥ឆ្នាំដែរ ហេតុនេះហើយគេនៅតែមិនទាន់មានការជឿរជាក់លើការអះអាងរបស់សោភា ១០០% ថានាងមានកូនវ័យកំលោះនោះនៅឡើយ ។
សូមរំលឹកថាបន្ទាប់ពីមាស សុខសោភា បានបញ្ចេញរឿងមានកូនកំលោះតាំងពីចុងឆ្នាំ២០២១ ព្រោះតែនាងតែងហៅយុវជនឈ្មោះBovee Hundley ថាជាកូនៗ និងបង្ហាញពីការធ្វើម្ហូបឲ្យកូនញាំទៀតផងនោះមានអ្នកខ្លះជឿរជាក់ទៅលើសោភា ថាបុរសនោះអាចជាកូនប្រុសរបស់នាងមែន ព្រោះសម្អាងថារូបគេមានមុខមាត់ស្រដៀងទៅនិងសោភា និងលោករ៉ាដា ។ប៉ុន្ដែភ្លាមៗនោះមានបុរសម្នាក់ដែលមានហ្វេសបុកTino Jessy អះអាងថាជាអ្នកស្និតទាំងសោភា និងស្វាមីនាងនោះចេញមុខទម្លាយថាប្រុសក្មេងខាងលើមិនមែនជាកូនរបស់សោភា នោះទេ តែជាក្មួយរបស់នាង ហើយមូលហេតុដែលនាងតែងហៅយុវជនរូបនោះថាជាកូនៗដោយសារតែនាងស្រលាញ់បុរសនោះខ្លាំងពេកនិងចាត់ទុកដូចជាកូនរបស់ខ្លួនតែម្ដង ទើបធ្វើឲ្យរឿងរ៉ាវនេះបានស្ងប់ស្ងាត់ទៅវិញ។ប៉ុន្ដែពេលនេះសុខសោភា បានធ្វើឲ្យរឿងរ៉ាវមួយនេះបានលេចឡើងសារជាថ្មី ព្រោះនាងនៅតែតាំងខ្លួនថាពិតជាមានកូនពេញវ័យកំលោះពិតប្រាកដនឹងមានការនឹករលឹកកូនខ្លាំងណាស់ពេលដែលរូបគេទៅបន្ដការសិក្សារនៅអាមេរិក តែនាងសង្ឃឹមថាបានជួបកូនឆាប់ៗវិញ។
មាស សុខសោភា បានចាប់ដៃជាមួយអាណិកជនខ្មែរមកពីកាណាដាលោកអ៊ឹត រ៉ាដា អស់រយៈពេល១៦ឆ្នាំមកហើយ(២០០៧-២០២៣) ដែលពួកគេធ្លាប់បានរៀបការលាក់លៀមចំនួនពីរលើកគឺទី១ការតាមបែបសាសនាគ្រិស្ទដោយចូលព្រះវិហារ១នៅកាណាដាឆ្នាំ២០០៨ និងរៀបការលើកទី២នៅខ្មែរស្រដៀងសែនព្រេន នៅថ្ងៃទី២៨ ខែធ្នូ ឆ្នាំ២០០៩ ។តាមព័តមានថាសុខសោភា ចង់រៀបការធំដុំដូចគ្នាទៅនិងឱក សុគន្ធកញ្ញា ឬសុគន្ធ និសា ដែរ កាលពីឆ្នាំ២០២១ តែដំណឹងនោះបានស្ងាត់ទៅវិញព្រោះពេលនោះផ្ទុះកូវីដខ្លាំង តែពេលនេះនៅពេលដែលជំងឺនេះកាន់តែថមថយ ហើយតារាជាច្រើនបានរៀបការជាបន្ដបន្ទាប់បែជាគ្មានដណឹងសោភា រៀបការប្ដីជាលើកទី៣ដោយបើកចំហទៅវិញ។មានការលើកឡើងថាចំពោះមូលហេតុដែលសុខសោភា ស្ទាក់ស្ទើ ឬនៅតែមិនហ៊ានរៀបការជាសាធារណៈនោះគឺមកពីនាងបារម្ភខ្លាចធ្លាក់កូដពីអាជីពចម្រៀង តែសោភា បានច្រានចោលដោយអះអាងថាបច្ចុប្បន្នអ្នកណាក៍ដឹងថានាកំពុងរស់នៅជាមួយអ្នកណាដែរ អីចឹងតើខ្លាចអីរឿងនេះ?
គូរបញ្ជាក់ថាមាស សុខសោភា ក្រោយចាកចេញពីរាម នៅដើមឆ្នាំ២០២៣ នាងមិនទាន់រកបានទ្រនុំថ្មីឈជើងទេ គឺច្រៀងនៅផលិតកម្មផ្ទាល់ខ្លួនCamtrax បណ្ដោះអាសន្នសិន ហើយថ្មីៗនេះនាងបានចេញបទ”មរណភាពព្រះស្វាមីជ័យវរ្ម័នទី៧ “ធ្វើឲ្យមហាជនផ្ទុះការិះគន់ខ្លាំងរហូតដល់លោកនាយករដ្ឋមន្រ្ដីស្នើរឲ្យមានការលុបចេញជាបន្ទាន់ទៀតផង។គេចាប់អារម្មណ៍ផងដែរថារយៈពេលដែលសោភា ចេញពីរាម ជាង៥ខែមកនេះនាងមិនទាន់មានបទចម្រៀងណាលេចធ្លោខ្លាំងវិញទេ តែយ៉ាងណាតាមព័តមានថាមានផលិតកម្ម៣ គឺហង្សមាស ,ថោន និងGalaxy នៅតែចង់បាននាងទៅធ្វើជាសមាជិក។តែសោភា ធ្លាប់និយាយថាសម័យនេះទៅហើយទោះជាច្រៀងដោយគ្មានផលិតកម្មក៍នៅតែល្បីដែរដែលនេះមានន័យថាបើការចចារជាមួយផលិតកម្មណាមិនត្រូវរ៉ូវតាមល័ក្ខខណ្ឌដែលនាងចង់បានគឺនាងនឹងនៅតែច្រៀងនៅផលិតកម្មខ្លួនឯងដែលមានស្វាមីនិងបងប្រុសនាងជាអ្នកដឹកនាំ។ប៉ុន្ដែអ្នកជំនាញសិនល្បៈបានព្រមានថាប្រសិនបើសុខសោភា ចង់ប្រជែងទីផ្សារចម្រៀងសារជាថ្មីគឺត្រូវតែរកផលិតកម្មធំឈជើងទើបទៅរួច ព្រោះការផលិតបទចម្រៀងខ្លួនឯង គ្មានធនធានមនុស្សនិងរចនាសម្ព័ន្ធច្បាស់លាស់ គឺមិនងាយជោគជ័យដូចការរំពឹងទុកឡើយ៕
