ភ្នំពេញ៖គិតត្រឹមឆ្នាំ២០២៣ នេះអតីតFreshie នាងហ៊ិន ច័ន្ទនីរ័ត្ន ត្រូវបានគេដឹងថានាងធ្លាប់ប្រេះឆាស្នេហ៍ជាច្រើនលើកច្រើនសារមកហើយពោលគឺមិនក្រោម៥ដងនោះទេ ។ប៉ុន្ដែរឿងដែលគូរឲ្យចាប់អារម្មណ៍នោះបុរសដែលធ្លាប់ប៉ៈស្នេហ៍នាងនីរ័ត្ន គឺសុទ្ធតែមានរូបរាងសង្ហារទាំងអស់ ហើយសំណួរដែលមហាជនចង់ដឹងនោះថាតើហេតុអ្វីបានជាពិធីការិនីធ្មេញចំពើសរូបនេះស្វាក់តែអតីតគូស្នេហ៍ទៅរៀបការចោលនាង?ការលើកឡើងបែបនេះដោយសារតែក្នុងចំណោមបុរសដែលធ្លាប់ជំពប់រឿងស្នេហាជាមួយនាងច័ន្ទនីរ័ត្ន ទាំងនោះគេដឹងថាក្នុងនោះមានដល់ទៅ៣នាក់គឺចែកផ្លូវនាងភ្លាមៗពួកគេការប្រពន្ធថ្មីភ្លែតតែម្ដង ប៉ុន្ដែស្រីស្អាតច័ន្ទនីរ័ត្ន អត់ដែលបង្ហាញទុក្ខសោកឲ្យគេដឹងម្ដងណាឡើយ ហើយនាងក៍ឆ្លើយតបទៅបុរសទាំងនោះតាមរយៈការមិនទុកបេះដូងឲ្យនៅទំនេរយូនោះឡើយ ព្រោះមានបុរសជាច្រើនចាំត្រងស្នេហានាងក្នុងនោះភាគច្រើនជាអ្នកមានទ្រព្យស្ដុកស្ដម តែនៅក្នុងពិភពសិល្បៈសឹងតែគ្រប់គ្នាបានដឹងថានីរ័ត្ន មិនបេតីបុរសដែលមានវ័យចំណាស់នោះទេ ពោលគឺនាងស្នេហ៍ តែប្រុសណាមានរូបសង្ហារសាកសមជាមួយនាងដែរទើបទៅរួច។
ហ៊ិន ច័ន្ទនីរ័ត្ន អាយុ៣២ឆ្នាំ ធ្លាប់ប៉ៈស្នេហ៍លោកព្រីង ច័ន្ទបុត្រ ហៅនាយចេក,ឯកឧត្តមក្មេងពិសិដ្ឋ,បុរសកូនអ្នកមានទ្រព្យម្នាក់ដែលបានរៀបការចោលនាងកាលពីឆ្នាំ២០១៧ ,លោកចេន ដែលគេសង្ស័យថាជាសង្សារនាងបានរៀបការប្រពន្ធជម្រះមន្ទិលសង្ស័យកាលពីចុងឆ្នាំ២០២២ និងចុងក្រោយនាងបញ្ចប់រឿងគេម៉ៃថាមានទំនាក់ទំនងពិសេសជាមួយលោកហូ ប៉ូសេង ហៅសេង មង្គល តាមរយៈការព្រមបង្ហាញស្នេហ៍ថ្មីជាលោកគ្រូពេទ្យវ័យក្មេងកលោកសុវណ្ណារិទ្ធ ។ចំណងស្នេហាថ្មីរបស់នីរ័ត្ន ជាមួយលោកគ្រូពេទ្យបានបើកចំហមួយប្រាវដើម្បីទប់ស្កាត់រឿងគេឌឺដងនាងថាស្អាតប៉ុណ្ណឹងដែរតែលោកមង្គល មិនចាប់អារម្មណ៍លើនាងទើបស្រីស្រស់តូចតន់បង្ខំចិត្តឲ្យលោកគ្រូពេទ្យចេញមុខ ដោយអ្នកទាំងពីរបានដើរកម្សាន្ដជាមួយគ្នាទាំងក្នុងនិងក្រៅស្រុកទៀតផង។ប៉ុន្ដែនៅពាក់កណ្ដាលឆ្នាំ២០២២ នេះនាងច័ន្ទនីរ័ត្ន បានលាក់មុខសង្សារទៅវិញក្រោយមានការសួរនាំច្រើនពេកពីមិត្តរួមអាជីពពីរឿងរៀបការរបស់អ្នកទាំងពីរ។សម្រាប់Fan របស់ស្រីស្អាតច័ន្ទនីរ័ត្ន ពួកគេចង់ឃើញនាងគ្រងឈុតកូនក្រមុំរៀបការតាមប្រពៃណីខ្មែរ ក្នុងវ័យនេះ ដើម្បីទប់ទល់ទៅអ្នកបង្អាប់ថានាងជាតារាអភ័ព្វស្នេហា ឬប៉ៈតែប្រុសរៀបការចោលនាង។តែនីរ័ត្ន មិនធ្លាប់បញ្ចេញភស្ដុតាងណាមួយដែលរូបនាងនិងលោកគ្រូពេទ្យសុវណ្ណារិទ្ធ បង្ហាញភាពច្បាស់លាស់ស្នេហ៍ជាមួយគ្នាតាមរយៈការភ្ជាប់ពាក្យ ឬកំណត់ថ្ងៃរៀបការជាក់លាក់នោះទេនៅឆ្នាំ២០២៣ នេះតែនាងធ្លាប់ចេញសារថាគូស្នេហ៍អាយុប្អូន១ឆ្នាំ។
គូរបញ្ជាក់ថាក្រៅពីហ៊ិន ច័ន្ទនីរ័ត្ន តារាដែលជួបរឿងស្នេហាមិនសូវសមប្រកបមានដូចជាអ្នកនាងកែវ និសា ,សុខ សោម៉ាវត្តី ,ពេជ្រ អាវីហ្សា និងអឿន ស្រីមុំ ជាដើម តែក្នុងចំណោមនេះមានតែអ្នកនាងស្រីមុំ ម្នាក់គត់ដែលបានស្បថស្បែសច្ចារ្យថាឈប់យកប្ដីអស់១ជីវិតតែម្ដង ព្រោះនាងយល់ថាគ្មានប្រុសណាស្មោះនិងនាងទេ។ចំពោះនាងច័ន្ទនីរ័ត្ន វិញរាល់ព័តមានដែលផ្សព្វផ្សាយបុរសខាងលើពាក់ព័ន្ធស្នេហាជាមួយនាង ឬប្រុសណាជាសង្សារនាងរៀបការចោលនោះកន្លងមកនាងមិនដែលសារភាពម្ដងណាឡើយ ។ប៉ុន្ដែមនុស្សភាគច្រើនយល់ថាទោះជាមានជម្រើសស្នេហ៍ច្រើនយ៉ាងណាក៍គ្មាននារីណាចង់បែកបាក់ស្នេហ៍កណ្ដាលទីនោះឡើយ ហេតុនេះហើយបានជាពេលនេះនីរ័ត្ន ជួបស្នេហ៍ថ្មីជាគ្រូពេទ្យវ័យក្មេងរូបសង្ហារលោកសុវណ្ណារិទ្ធ តាំងពីឆ្នាំ២០២០ តែរូបនាងទើបហ៊ានបង្ហាញមុខម្ចាស់ចិត្ត១ប្រាវកាលពីចុងឆ្នាំ២០២២ តែឥឡូវស្រាប់តែលែងហ៊ានផ្អែមល្ហែមនោះធ្វើឲ្យFan ខ្លះរបស់នាងនិយាយថាស្រីស្អាតរូបនេះអាចនឹងជួបរឿងខកចិត្តម្ដងទៀតជាមិនខាន ប្រសិនបើនាងមិនប្រញ៉ាប់ដឹកដៃគូស្នេហ៍ចូលរោងការ ព្រោះតែខ្លាចប៉ៈពាល់សដល់អាជីពសិល្បៈនោះ។ ហ៊ិន ច័ន្ទនីរ័ត្ន បានចាប់អាជីពសម្ដែងអស់រយៈពេល១៦ឆ្នាំមកហើយ តែតាំងពីនាងឈានជើងចូលធ្វើជាពិធីការិនីនៅបាយ័នមកការសម្ដែងភាពយន្ដនិងMV កាន់តែរយាលៗទៅ ព្រោះនីរ័ត្ន ព្រមថតកុនទាល់តែរឿងនោះនាងពេញចិត្តនិងត្រូវតម្លៃខ្លួនដែលនាងចង់បានផងទើបព្រមលេង។ប៉ុន្ដែរយៈពេលចុងក្រោយនេះគេឃើញច័ន្ទនីរ័ត្ន ថតរឿង១ដឹង១ពោលគឺនាងឆក់បានភាពយន្ដខ្នាតធំដែលទទួលបានតម្លៃខ្ពស់ ស្របពេលដែលអាជីពMc របស់នាងនៅបាយ័នក៍មានលំនឹងហើយនៅតាមAgency មួយចំនួនក៍គេឃើញនាងចេញមុខជាបន្ដបន្ទាប់ផងដែរ ទើបធ្វើឲ្យស្រីស្អាតនៅតែស្ថិតក្នុងចំណោមពិធីការិនីនិងតារាសម្ដែងលំដាប់ជូរមុខ៕
