ភ្នំពេញ៖តារាចម្រៀងរ៉េបម៉ាន់ វណ្ណដា ចាប់ផ្ដើមបង្ហាញគូសង្សារថ្មីនាងLauryn ជាចំហហើយនាពេលនេះក្រោយពីពួកគេបណ្ដើរគ្នាលឹបៗអស់ជាច្រើនខែ។អ្វីដែលគូរឲ្យចាប់អារម្មណ៍នៅពេលដែលវណ្ណដា អោបថើប និងរាំកាន់ដៃគ្នាជាមួយស្រីក្មេងសាច់សខ្ចីនាងLauryn នោះធ្វើឲ្យស្រីៗមិនតិចនាក់ទេដែលធ្លាប់លួចស្នេហ៍លោកវណ្ណដា ហាក់ជ្រួលជ្រើមខ្លាំង ក្នុងនោះមានមួយចំនួនទៀតបានច្រណែនស្រីស្រស់រូបនោះទៀតផងដែលឆក់បានបេះអ្នកចម្រៀងពូកែរ៉េប រូបនេះ។នៅក្នុងសារមួយចំនួនដែលបានបែកធ្លាយនោះគេឃើញសង្សារថ្មីវណ្ណដា ចង់សាកចិត្តអ្នកចម្រៀងរ៉េបរូបនេះតាមរយៈការធ្វើជាង៉ក់ង ហើយចង់ឲ្យវណ្ណដា លួងលោមនាងតាមរយៈការបង្ហោះរូបភាពជាមួយនាងជាសាធារណៈដើម្បីឲ្យគ្រប់គ្នាបានដឹងថានាងជាសង្សារ និងមិនត្រូវការលាក់លៀមទៀតទេ ហើយគេឃើញតារារ៉េប រូបនេះក៍យល់ព្រមដើម្បីឲ្យស្រីស្នេហ៍របស់ខ្លួនបានសប្បាយចិត្ត។ក្រោយបញ្ចេញរូបភាពនៅលើបណ្ដាញសង្គមរួមគ្នាបែបនេះ វណ្ណដា ក៍ចាប់ផ្ដើមហ៊ានដឹកដៃគូស្នេហ៍ជាសាធារណៈទៅតាមឆាកតន្រ្ដីទាំងឡាយដែរ ហើយមិត្តភក្ដិអ្នករួមអាជីពលោកបានសរសើរថាវណ្ណដា ពូកែរកសង្សារបានជាស្រីក្មេងដែលមានរូបសម្រស់គូរឲ្យទាក់ទាញខ្លាំងមើលទៅគូរឲ្យក្នក់ក្នាញ់ណាស់។ប្រភពបានឲ្យដឹងថាក្រុមគ្រួសារវណ្ណដា និងសង្សារលោកគាំទ្រទំនាក់ទំនងស្នេហារបស់ពួកគេ ហើយគេជឿរថាចំណងស្នេហាតារារ៉េប និងស្រីក្មេងរូបនេះអាចនឹងរក្សារបានយូអង្វែងជាមិនខាន ព្រោះអ្នកទាំងពីរយល់ចិត្តគ្នា ហើយLauryn ផ្ដើមចេញពីFan ក្លាយទៅជាសង្សាររបស់វណ្ណដា ។
សូមរំលឹកថាវណ្ណដា បានចែកផ្លូវគ្នាជាមួយអតីតសង្សារនាងNam កាលពីឆ្នាំមុនដោយមិនដឹងមូលហេតុហើយអ្នកចម្រៀងមាឌល្អិតតែចិត្តធំរូបនេះមានជម្រើស្នេហ៍ថ្មីច្រើន ព្រោះ មានស្រីៗមិនតិចនាកទេដែលចង់ចូលខ្លួនទៅស្អំរបួសបេះដូងលោក តែទីបំផុតវណ្ណដា ជ្រើស យកនាងLauryn ដែលFan ថាពួកគពិតជាសាកសមគ្នាណាស់។អំឡុងពេលដែលវណ្ណដា កំ ពុងផ្អែមល្ហែមជាមួយសង្សារថ្មីនេះគេមិនឃើញនាងNam ប្រតិកម្មឬឌឺដងឲ្យអតីតសង្សារដូចគូស្នេហ៍តារាមួយចំនួនទៀតទេ ព្រោះពួកគេបានបែកគ្នាជាច្រើនខែមកហើយ។ចំណែកវណ្ណដា វិញត្រូវបានសង្សារថ្មីចាប់ផ្ដើមដើរតាមលោកតាមឆាកតន្រ្ដីទាំងឡាយជាប់តែម្ដង ទើបធ្វើឲ្យស្រីក្មេងៗដែលលង់ស្នេហ៍វណ្ណដា លែងសូវហ៊ានស្នេហ៍ស្និតតារាលេងម៉ូដសាក់នេះដូចមុនទៀតហើយ ព្រោះខ្លាចបណ្ដូលចិត្តលោកប្រចណ្ឌ។
វណ្ណដា បានក្លាយទៅជាតារារ៉េប លំដាប់ជូរមុខនារយៈពេលប៉ុន្មានឆ្នាំចុងក្រោយនេះ ដែលតាមការបង្ហើបពីអ្នកដឹកនាំកម្មវិធីប្រគុំតន្រ្ដីមួយចំនួនថាលោកមានតម្លៃខ្លួនខ្ពស់ជាងអ្នកចម្រៀងរ៉េប ផ្សេងៗទៀតផង។តារាចម្រៀងរបស់ផលិតកម្មបូរមី រូបនេះធ្លាប់មានការកាច់កុងគ្នាមួយប្រាវជាមួយលោកងួន ចាន់ដេវីត នូវសង្រ្គាមDiss Track កាលពីចុងឆ្នាំ២០២២ ហើយពេលនេះធ្វើឲ្យតារាទាំងពីរមានពេលខ្លះពិបាកបែងចែកគ្នាឈ្នះចាញ់ទៀតផង បើទោះជាអ្នកដឹកនាំConcerts ជាច្រើនបង្ហើបថាតម្លៃខ្លួនវណ្ណដា នៅលើដេវីត ក្ដី។ប៉ុន្ដែកន្លងមកអ្នកតាមដានបញ្ហាសង្គមលោកជេម សុខ ធ្លាប់បានធ្វើការរិះគន់យ៉ាងចាស់ដៃទៅលោកវណ្ណដា ពិសេសគឺនៅពេលតារារូបនេះឡើងច្រៀងហើយសែ្រកសុំឲ្យទស្សនិកជនទះដៃតែម្ដង ហើយលោកថាចង្វាក់រ៉េប មួយនេះមិនមានប្រភពដើមច្បាស់លាស់ ឬគេមិនចាត់ទុកថាជាចម្រៀងដែលមានចង្វាក់យកជាផ្លូវការឡើយ។តែរាល់ពេលដែលវណ្ណដា ឡើងឆាកគេឃើញមានយុវវ័យជាច្រើនបានទៅវិញសំបុត្រទស្សនានិងហ៊ោកញ្ច្រៀវពេលលោកចេញមុខដែលធ្វើឲ្យវណ្ណដា ត្រូវបានគេមើលឃើញជាក់ស្ដែងថាមានសន្ទុះខ្លាំងបើទោះជានៅតាមឆាកខ្លះលោកស្លៀកពាក់មិនសមរម្យដូចជាចេញខោលីអូ និងទុលប្រដាប់ភេទនៅលើឆាកពេលលោកស្លៀកពាក់ស្ដើងជ្រុលក្ដី។
តាមព័តមានថាម្ដាយរបស់វណ្ណដា ដែលរស់នៅក្រុងកំពង់សោមនិងជាអាជីវករលក់ដូងកោស នោះពេញចិត្តអនាគតកូនប្រសាររបស់លោកស្រីខ្លាំងណាស់ ហើយគាត់រីករាយនៅពេលដែលគទៅទិញដូងនិងបង្ហាញរូបភាពវណ្ណដា និងសង្សារនៅទូរស័ព្ទដៃឲ្យគាត់មើល។ប៉ុន្ដែគ្មានដំណឹងរឿងវណ្ណដា គ្រោងដឹកដៃថ្លើមថ្លៃចូលរោងការឡើយ ខណៈដែលគូប្រជែងរបស់លោកគឺងួន ចាន់ដេវីត ពេលនេះមានកូន១បាត់ទៅហើយ។ដោយឡែកកំពូលតារាទើសលោកម៉ៃ សុគន្ធ វិញបានបង្ហោះរូបភាពវណ្ណដា និងសង្សារថ្មីដែលបង្ហាញភាពផ្អែមល្ហែមស្នេហ៍នេះជាបន្ដបន្ទាប់ ព្រោះលោកជាFan ផ្កាប់មុខរបស់វណ្ណដា តែម្ដង ខណៈដែលនាងLauryn វិញតាមសង្សារស្អិតដូចតុកកែ៕
