ភ្នំពេញ៖ពិធីការិនីហង្សមាសកញ្ញាសោម ស្រីនាថ បានចេញដំណើរពីព្រលានយន្ដហោះអន្ដរជាតិភ្នំពេញកាលពីព្រឹកថ្ងៃទី៧ ខែកក្កដា ឆ្នាំ២០២៣ ដើម្បីចូលរួមប្រកួតកម្មវិធីប្រកួត Bird’s Nest Division ដែលធ្វើនៅទីក្រុងគង់ចូវ ប្រទេសចិនរយៈពេល២ថ្ងៃគឺនៅថ្ងៃទី១០ និង១១ កក្កដា ខាងមុខនេះ។ស្រីនាថ បានប្រាប់មុនឡើងយន្ដហោះថានាងបានត្រៀមខ្លួនរួចរាល់សម្រាប់ព្រឹត្ដិការណ៍លក្ខណៈអន្ដរជាតិនោះហើយវាមិនមែនជាបញ្ហាចោទសម្រាប់នាងនោះទេ ព្រោះមុនក្លាយទៅជាពិធីការិនីនាងក៍ជាសមាជិករបស់ក្រុមបង្ហាញម៉ូដCambodia Super Model (CSM)ដែរ។នាងថាការទៅមុនកម្មវិធីមកដល់បែបនេះដោយសារតែនាងត្រូវការហ្វឹកហាត់ការដើរម៉ូដនិងស្វែង យល់ឲ្យច្បាស់ពីវិញ្ញាសារដែលត្រូវប្រកួតដែលមានការណែនាំពីអ្នកជំនាញចិន ហើយនាងនឹងវិលមកកម្ពុជាវិញនៅថ្ងៃទី១២ កក្កដា ។ពិធីការិនីហង្សមាសរូបនេះក៍បានឲ្យដឹងថានេះជាឱកាសមួយដែលនាងនាំយកវប្បធ័ម អរិយធ័ម ទំនៀមទំលាប់ ប្រពៃណី ដ៍ផូផង់របស់ប្រទេសកម្ពុជាឲ្យពិភពលោកស្គាល់ពីកម្ពុជាកាន់តែច្បាស់ ក្នុងនាមនាងជាអ្នកតំណាងឲ្យសមាគមន៍ អ្នកផលិត និងនាំចេញ សំបុក្រត្រចៀកកាំកម្ពុជា និងCSM ។ស្រីនាថ ថានាងអាចទៅបង្ហាញខ្លួនលើវេទិការអន្ដរជាតិនេះបានដោយសារតែមានការឧបត្ថម្ភដោយក្រុមហ៊ុន Best Life Co .Ltd និងហាងដាណាម៉ា កាត់ដេរ ដែលគ្រប់គ្រងដោយកញ្ញាឌួង ហ្សូរីដា សម្រាប់កាត់ឈុតនិង រ៉ូបពីហូល ខ្មែរជាអក្សរខ្មែរជូនដល់នាង។
តាមព័តមានថាកម្មវិធី Bird’s Nest Division ឬ”បវរកញ្ញា ត្រចៀកកាំ” នេះមានការចូលរួមដល់ទៅ១១ ប្រទេសដែលភាគច្រើនជាប្រទេសក្នុងតំបន់អាស៊ីអាគ្នេយ៍ ហើយវេទិការនោះផ្ដោតលើអ្នកមានភាពឈ្លាសវៃលើការធ្វើជំនួញពិសេសគឺស្ត្រីមានរូបរាងស្អាត ឆ្លាតហើយមិនបាច់នៅលីវក៍បាន គឺអ្នកមានបទពោសោធន៍ក្នុងជីវិតច្រើន ពាក់ព័ន្ធដលើការតស៊ូ និងជាអ្នកវាងវៃ ដែលកម្មវិធីនេះបានរៀបចំឡើងនៅប្រទេសចិនជារៀងរាល់ឆ្នាំ។ ចំពោះស្រីនាថ ដែលទៅជាអ្នកតំណាងកម្ពុជា(Miss Bird’s Nest Cambodia)មួយរូបនោះនាងថាបានហ្វិកហាត់ការនិ យាយ និងដើរម៉ូដមុនចេញដំណើរ ហើយនាងគ្មានការបារម្ភច្រើនទេព្រោះនាងជាសមាជិកក្រុមបង្ហាញម៉ូដ Cambodia Super Model ក៍ធ្លាប់ចេញទៅបង្ហាញម៉ូដនៅប្រទេសវៀតណាម និងថៃ ផងដែរ។
កញ្ញាឌួង ហ្សូរីដា ប្រធានCSM និងជាម្ចាស់ហាងដាណាម៉ា កាត់ដេរ បានឲ្យដឹងថាមូលហេតុដែលសមាគមន៍ត្រចៀកកាំកម្ពុជា បញ្ជួនកញ្ញាសោម ស្រីនាថ ទៅគឺដោយសារតែសម្រស់គាត់អាចចូលរួមត្រដងត្រសងជាមួយប្រទេសដ៍ទៃក្នុងវេទិការនោះបាន និងជាពិធីការិនីល្បីរបស់ហង្សមាស ព្រមទាំងជាសមាជិករបស់CSM តាំងពីចាប់ផ្ដើមដំបូង។ម្យាងទៀតស្រីនាថ ជាក្មេងកំព្រាម្ដាយ ចេះតស៊ូ ប្រឹងធ្វើការចិញ្ចឹមប្អូនៗគាត់រហូតពួកគេមានការងារធ្វើ ហេតុនេះនាងចង់ជួយស្រីនាថ ឲ្យកាន់តែរីកចម្រើនជាងនេះទៀត។ហ្សូរីដា បន្ថែម ថាទោះជាស្រីនាថ ជាប់ ឬមិនជាប់ក្ដី វាជាបទពិសោធន៍ថ្មីមួយទៀតសម្រាប់គាត់ ដើម្បីចូលរួមឲ្យប្រទេសជាតិយើងគេស្គាល់លើវេទិការអន្ដរជាតិ ដែលមានម្ចាស់Sponsor ពីសមាគមន៍ អ្នកផលិត និងនាំចេញត្រចៀកកាំកម្ពុជាជា អ្នករ៉ាប់រងលើការចំណាយលើសំបុត្រយន្ដហោះ និងចំណាយផ្សេងៗ ខណៈដែលហាងដាណាម៉ា កាត់ដេរ ជាអ្នកSponsors សម្លៀកបំពាក់ឲ្យគាត់ក្នុងនាម គាត់ជា សមាជិកCambodia Super Model ។
គូរបញ្ជាក់ថាសោម ស្រីនាថ បានបាត់បងម្ដាយជាទីស្រលាញ់របស់នាងដោយសារតែជំងឺមហារីកកាលពីឆ្នាំ២០១៧ ពោលគឺដូចគ្នាទៅនិងឌួង ហ្សូរីដា ដែលម្ដាយរបស់នាងក៍បានចាកចេញពីនាងដោយសារតែជំងឺកាចសាហាវមួយនេះដែរកាលពីពេលថ្មីៗនេះ។មហាជនបានសរសើរដល់ស្រីនាថ ដែលមានភាពរឹងមាំ ដូចទៅនិងហ្សូរីដា ដែរដែលពេលនេះជាជំហក្នុងគ្រួសារយ៉ាងពិតប្រាកដ ទោះជាតារាទាំងពីរបានបាត់បង់ម្ដាយព្រោះតែជំងឺមហារីកនាំពួកគេត្រូវកំព្រាម្ដាយជារៀងរហូតក៍ដោយ។
ពិធីការិនីហង្សមាសសោម ស្រីនាថ បានតាំងចិត្តថានាងនឹងនាំមោទនភាពជូនជាតិសម្រាប់ការប្រកួតលើឆាកអន្ដរជាតិមួយនេះ ពោលគឺមិនធ្វើឲ្យFan របស់នាងខកបំណងឡើយ។សម្រាប់ហ្សូរីដា វិញនាងថាទោះជាលទ្ធផលរបស់ស្រីនាថ យ៉ាងណាក៍ជាមោទនភាពមួយដែររបស់យើងក្នុងនាមនាងជាតំណាងខ្មែរដែលបានយកប្រពៃណី វប្បធ័ម និងសម្លៀកបំពាក់របស់ខ្មែរឡើងលើវេទិការអន្ដរជាតិមួយនេះ ហើយពិភពលោកនឹងស្គាល់កាន់តែច្បាស់របស់ជាតិសាសន៍យើង៕