ភ្នំពេញ៖ស្រីស្រស់ឃីន ស្រីនាថ ហៅអ៊ីវ៉ា មិនបានប្រតិកម្មចំពោះបណ្ដារសារព័តមានទាំងឡាយណាដែលផ្សព្វផ្សាយរឿងស្នេហារបស់នាងជាមួយម្ចាស់ក្លឹបបាល់ទាត់សៀមរាប យូណាធីត លោកលី សេងហួរ នោះទេ ប៉ុន្ដែនាងចេញសារថារឿងនេះខូចការអស់ ព្រោះតែពេលនាងចេញបទ”លួចលាក់គ្នា ពីពេលណា?”ដែលនិពន្ធដោយអ្នកនាងស៊ិន ធារី ។ ចម្រៀង១បទនេះហើយជាដើមចមដែលនាងអ៊ីវ៉ា លែងអាចប្រកែកជាមួយអ្នកណាបានទាំងទាក់ទងរឿងនាងមានស្នេហាជាមួយលោលសេងហួរ នោះព្រោះបុរសកូនអ្នកមានទ្រព្យស្ដុករូបនេះបានចូលទៅខមិនថា”លាក់អស់៧ឆ្នាំ …”និងពេលខ្លះលោកហាក់មិនចង់សាងស្នេហ៍ដោយលាក់លៀមបែបនេះតទៅទៀតទេ គឺចង់បើកចំហ ដោយសម្អាងថាវណ្ណដា បង្ហាញគូស្នេហ៍ទៅហើយ ចុះរវាងលោកនិងស្រីនាថ …?
ថ្វីត្បិតតែឃីន ស្រីនាថ ហាក់ដើរដល់ផ្លូវទាល់រឿងលាក់គូស្នេហ៍បានដល់ទៅ៧ឆ្នាំហើយបរាជ័យក្នុងការប៉ងចង់បន្ដសាងស្នេហ៍ដោយមិនបើកចំហ តទៅទៀតក្ដី ប៉ុន្ដែគេជឿរថាលោកអ៊ូ វ៉ាវ ដែលជាឪពុកនាងប្រាកដជាសប្បាយចិត្តណាស់នៅពេលដែលឃើញកូនស្រីបណ្ដូលចិត្តលោកក្លាហាន ចាប់ផ្ដើមបង្ហាញគូសង្សារជាចំហ បែបនេះព្រោះបើនៅតែលាក់បាំងទៀត បំណងលោកចង់ឲ្យនាងរៀបការនៅតែស្ងាត់សូន្យឈឹង តែបើពួកគេបែកធ្លាយរឿងបែបនេះហើយមិនយូទេ ផែនការណ៍លោកចង់បានកូនប្រសារមកជំនួសដៃជើងលោកនោះនឹងបានសម្រេចក្នុងពេលឆាប់ៗជាមិនខាន។លោកវ៉ាវ ធ្លាប់ប្រាប់អ្នកយកព័តមានយើងថារឿងគូស្រករបស់កូនស្រី លោកសូមទុកសិទ្ធិឲ្យនាងជ្រើសរើសដោយខ្លួនឯងដល់ទៅ៦០ % ចំណែកលោកសូមតែ៤០ % តាមក្រោយប៉ុណ្ណោះ ដែលនេះមានន័យថាស្រីនាថ និងលោកសេងហួរ ទាក់ទងស្រលាញ់គ្នាដោយខ្លួនឯង ហើយក្រុមគ្រួសារទាំងសងខាងគ្មានអ្នកណាជំទាស់នោះទេ ទើបតាមរយៈសកម្មភាពរបស់អ្នកទាំងពីរគេឃើញទំនាក់ទំនងដូចជាក្រុមគ្រួសារតែមួយទៅហើយដូចជាកាលពីថ្ងៃទីកាលពីថ្ងៃទី២៥ ខែឧសភា ស្រីនាថ ទៅចូលរួមមង្គលការរបស់ប្អូនប្រុសលោកសេងហួរ គឺលោកសេងថៃ ហើយនាងនិងគូស្នេហ៍បានឡើងគួចដៃអនាគតប្អូនថ្លៃរួមគ្នាទៀតផង ខណៈដែលកាលពីថ្ងៃទី៥ ខែឧសភា អ៊ីវ៉ា ក៍បានបណ្ដើរលោកសេងហួរ ទៅជួបអតតីតអ្នកចាត់ការទូទៅGalaxy លោកយឹម តាស្រង់ ផងដែរ តែពេលនោះនាងបានកុហក់អ្នកយកព័តមានយើងថាបុរសដែលកៀកកើយនាងនោះមិនមែនជាសង្សារនាងទេគឺជាបងប្អូនដែលលោកដើរតាមនាងដើម្បីជួយដល់នាងទាក់ទងការងារសិល្បៈខ្លះៗ ព្រោះនាងជាស្រីបើទៅណាម្នាក់ឯង មិនមែនជារឿងងាយស្រួលទេ។
ប៉ុន្ដែឥឡូវស្រីនាថ ហាហាត់ប្រកែកលែងរួច ហើយទស្សនិកជនខ្លះថាមិនមែនតែអ៊ីវ៉ា ទេតែតារាស្រីស្អាតៗជាច្រើនទៀតក៍ដូចនាងដែរពោលគឺស្នេហ៍តែប្រុសអ្នកមាន បើទោះជាកន្លងមកលោកវ៉ាវ ធ្លាប់អះអាងថាអនាគតកូនប្រសាររបស់លោកមិនត្រូវការទាល់តែអ្នកមានទើបអាចចូលចែចូវ កូនក្រមុំលោកបានក្ដី ប៉ុន្ដែពេលនេះ អ៊ីវ៉ា នឹងបានប្ដីអ្នកមានដោយគេចមិនផុតឡើយ។យ៉ាងណាក្រោយអ៊ីវ៉ា បែកធ្លាយរឿងមានសង្សារជាម្ចាស់ក្លឹបបាល់ទាត់នេះធ្វើឲ្យអ្នកតាមដានវិស័យបាល់ទាត់ចាប់អារម្មណ៍ជាខ្លាំងហើយពីមុនគេឆ្ងល់ថាស្រីនាថ រស់នៅខេត្តកំពង់ស្ពឺទេ តែរៀងរាល់ពេលក្លឹបបាល់ទាត់សៀមរាបយូណាយធីត មានការប្រកួតសំខាន់ នាងតែងតែទៅចូលរួមជានិច្ច គឺតាមពិតមកពីម្ចាស់ក្លឹបនោះជាអនាគតស្វាមីនាងសោះ ទើបឥឡូវគ្រប់គ្នាអស់ឆ្ងល់។
ប្រភពបានឲ្យដឹងថាចាប់ពីពេលនេះតទៅអ៊ីវ៉ា នឹងបង្ហាញមុខរួមគ្នាជាមួយលោកសេងហួរ ច្រើនជាងមុនហើយបុរសវ័យខ្ទង់៣០ឆ្នាំជាងរូបនេះក៍នឹងដើរតួនាទីជំនួសឪពុកស្រីនាថ ជាបណ្ដើរៗហើយនោះគឺជូននាងទៅច្រៀងតាមឆាកតន្រ្ដីទាំងឡាយ ប៉ុន្ដែមិនមែនគ្រប់ពេលនោះទេ ព្រោះលោកក៍មានការរកស៊ីធំផ្ទាល់ខ្លួនច្រើនដែរ។ដោយឡែកទាក់ទងរឿងរៀបការវិញអ៊ីវ៉ា និងលោកសេងហួរ មិនទាន់កំណត់ថ្ងៃពិសេសរបស់ពួកគេជាក់លាក់ឡើយ តែគេជឿរថាអាពាហ៍ ពិពាហ៍ របស់ពួកគេអាចនឹងប្រព្រឹត្តិឡើងនៅអំឡុងដើមឆ្នាំ២០២៤ ខាងមុខនេះ ព្រោះស្រីនាថ ធ្លាប់វាចាថានាងចង់រៀបការនៅអាយុ៣០ឆ្នាំ ដែលត្រូវនឹងឆ្នាំ២០២៣ តែចុងក្រោយនាងបែជារំសាយទៅវិញដែលធ្វើឲ្យលោកវ៉ាវ ចង់បានទាំងកូនប្រសារមករ៉ាប់រងការងារជំនួសលោកផង ចង់បានចៅពផង នោះខកចិត្ត។ប៉ុន្ដែគេជឿរថារយៈពេល៧ឆ្នាំ ដែលស្រីនាថ និងលោកសេងហួរ ស្វែងយល់ចិត្តគ្នានោះគ្រប់គ្រាន់ហើយសម្រាប់ពួកគេឈានទៅដឹកដៃគ្នាចូលរោងការបាន ព្រោះអ៊ីវ៉ា នឹងមិនធ្វើឲ្យវ៉ាវ ខកបំណងម្ដងទៀតឡើយ ។
ក្រៅពីអ៊ីវ៉ា តារាដែលហ៊ានសាងស្នេហាដោយបើកចំហនៅឆ្នាំ២០២៣ នេះមានដូចជានាងស៊ីន យូប៊ីន ,សឹម ស្រីនិច្ច និងហ៊ិន ច័ន្ទនីរ័ត្ន ជាដើម៕
