ភ្នំពេញ៖បវរកញ្ញាត្រៀកកាំ (Bird’s Nest Division) ឆ្នាំ២០២៣ កញ្ញាសោម ស្រីនាថ បានមកដល់ខ្មែរវិញហើយដោយនាងបានចុះពីលើយន្ដហោះវេលាម៉ោង១១,៤៥ នារីយប់ ថ្ងៃទី១២ កក្កដា មានពិធីការិនីឌួង ហ្សូរីដា និងប្អូនស្រីទាំងពីរបស់នាងកញ្ញាឌួង កូហ្សូណា និងឌួង ហ្សូរីម៉ា ,តារាចម្រៀងចំរើន សុភ័ក្រ ,លោកនួន សុធារ័ក្ស និងFan មួយចំនួនទៀតរបស់ស្រីនាថ ទៅទទួលនិងជូនបាច់ផ្កាដល់នាងទាំងយប់តែម្ដងដល់ព្រលានយន្ដហោះពោចិនតុង។សម្លេងស្រែកយ៉ាងទ្រហ៊ឹងនៅព្រលានយន្ដនៅច្រកចំណតមកដល់ ឭតែ ពាក្យថា”ជយោ!កម្ពុជា” ដែលពួកគេសាទរស្រីនាថ បាននាំជ័យលាភីមកដល់ស្រុកវិញនេះ។
អ្វីដែលគូរឲ្យកត់សម្គាល់សោម ស្រីនាថ នៅពេលឃើញកញ្ញាឌួង ហ្សូរីដា ទៅឈចាំទទួលនាងស្រក់ទឹកភ្នែករលីងរលោង ព្រោះតែនាងចាត់ទុករៀមច្បងរូបនេះដូចជាបងស្រីបង្កើត ព្រោះតែងតែផ្ដល់ដំបូន្មានល្អៗដល់នាង ពិសេសគឺការចេញទៅប្រលង Bird’s Nest Division នៅចិន នេះហ្សូរីដា ម្ចាស់ហាងដាណាម៉ា កាត់ដេរ បានផ្ដល់សម្លៀកបំពាក់ជាឈុតប្រពៃណីរបស់ខ្មែរយ៉ាងស្រស់ស្អាតដល់ទៅ៥ឈុត ដើម្បីឲ្យនាងបង្ហាញលើវេទិការអន្ដរជាតិនោះ។
សោម ស្រីនាថ បានប្រាប់”នគរធំ”ពេលចុះពីលើយន្ដហោះនោះថាវាជាមោទនភាពធំមួយ ព្រោះនាងទទួលបានមកុដលេខ១តែម្ដង ហើយការទៅដល់មុនកម្មវិធីចាប់ផ្ដើមរយៈពេល៤ថ្ងៃនោះនាងបានហ្វិកហាត់ផ្ដោតទៅលើការដើរ រាំ ការគ្រងឈុតចិន និងទស្សនកិច្ចផ្សេងៗ ហើយក្នុងចំណោមបេក្ខភាពទាំងអស់នោះមានតែនាងម្នាក់គត់ដែលអត់ចេះភាសារចិន ចឹងហើយភាគរយនៃការជាប់នោះដំបូងនាងអត់នឹកស្មានដល់ទេ ពេលគេហៅឈ្មោះអត់ដឹងទៀត ព្រោះនៅលើឆាកស្ដាប់ចិនអត់បាន តែពេលគេលោតរូបមកទើបអ្នកចូលរួមប្រាប់ថាជារូបខ្ញុំហ្នឹងហើយ។ស្រីនាថ បន្ថែមថាBird’s Nest Division គេផ្ដោតទៅលើស្រ្ដីតែម្ដង ហើយជាអ្នកមាន Business ខ្លួនឯង ។
សម្រាប់វិញ្ញាសារដែលនាងទៅប្រកួតនោះគឺមានជាសម្លៀកបំពាក់ជាហូលខ្មែរ ច្នៃរដោយហាងដាណាម៉ា កាត់ដេរ មានជាអក្សរខ្មែរ ពានា និងសម្លៀកបំពាក់ក្ងោក ដែលបានថែរក្សាររយៈពេល១០ឆ្នាំទៅហើយ ដែលពេលឡើងទៅវេទិការនោះ បងប្អូនជាប្រជាជនមកពីប្រទេសផ្សេងៗមើលទៅគេថាយើងអស្ចារ្យ(Wow)តែម្ដង មិនទាន់បានប្រកាសលទ្ធផលទេ តែគេសុំយើងថតទៅហើយ ដែលគោលបំណងសំខាន់របស់នាងទៅការប្រកួតនេះគឺដើម្បីផ្សព្វផ្សាយពីអរិយធ័ម វប្បធ័មរបស់ខ្មែរយើងឲ្យបរទេសបានស្គាល់ដូចជានាងបានយកចង្វាក់រាំប្រពៃណីខ្មែរ សម្លៀកបំពាក់ហូលខ្មែរយើងទៅបំផុសនៅទីនោះដែលជាស្នាដៃហាងដាណាម៉ា មានជាអក្សរខ្មែរមានពាក្យ”កម្ពុជា” និង”អរគុណសន្ដិភាព” ពិសេសគឺការសំពះបែបទន់ភ្លន់បែបនារីខ្មែរ ហើយពេលថតរូបគេចង់សំពះដូចយើងដែរ។ស្រីនាថ និយាយទាំងអួលដើមករថានៅវគ្គដំបូងកម្មវិធីតម្រូវឲ្យបេក្ខភាពនីមួយៗរៀបរាប់ពីប្រវត្តិហើយពេលនាងនិយាយជាភាសារអង់គ្លេសប្រាប់ពីរឿងផ្ទាល់ខ្លួនរួមទាំងម្ដាយនាងទទួលមរណភាពដោយសារជំងឺមហារីកផងដែរដែលធ្វើឲ្យគណៈកម្មាការក៍យំតាម ហើយពិន្ទុគេឲ្យទៅផ្ដោតទៅលើសម្លៀកបំពាក់ដែលយើងយកទៅនិងការVote ប្រជាជននៅហ្នុងទៀតព្រមទាំងមានគណៈកម្មាការដល់ទៅ៥នាក់ជាអ្នកកាត់សេចក្ដី។
លោកជំទាវវ៉ា សុជិន អគ្គនាយិការក្រុមហ៊ុន Best life Product Co,Ltd ដែលជាSponsor ធំឧបត្ថម្ភឲ្យសោម ស្រីនាថ ទៅប្រកួតBird’s Nest Division នោះបានឲ្យដឹងថាមូលហេតុដែលលោកស្រីជ្រើសរើសស្រីនាថ ទៅប្រកួតក្នុងវិទិការនោះគឺតាមរយៈការណែនាំរបស់កញ្ញាឌួង ហ្សូរីដា ហើយលោកស្រីសូមសរសើរស្រីនាថ ដែលប្រឹងប្រែងតស៊ូណាស់រហូតពេលឃើញប្អូនជាប់លេខ១ ឈ្នះមកុដលោកស្រីយំខ្លួនឯងតែម្ដង។បន្ទាប់ពីស្រីនាថ ទទួលបានលទ្ធផលបែបនេះ នៅឆ្នាំក្រោយនេះខាងភាគីចិនចង់ឲ្យភាគីខ្មែរយើងរៀបចំកម្មវិធីនេះនៅស្រុកខ្មែរម្ដង តែពេលនេះយើងកំពុងតែសិក្សារនិងភិភាក្សាគ្នាជាបណ្ដើរៗហើយ។លោកជំទាវសុជិន បន្ថែមថាBird’s Nest Division បានផ្ដល់អត្ថប្រយោជន៍ជាច្រើនដល់ស្រី្ដនិងបុរស ហើយការដែលយើងទទួលបានចំណាត់ថ្នាក់ល្អបែបនេះធ្វើឲ្យមានការចាប់អារម្មណ៍នៅទូទាំងអាស៊ានតែម្ដង ។ចំពោះស្រ្ដីកម្ពុជាចង់ចូលប្រកួតកម្មវិធីនេះបាននៅវគ្គក្រោយគឺសំខាន់អត្តចឬក រូបសម្រស់ និងការច្នៃប្រឌិត ។
ឆ្លើយតបសំណួរថាតើកញ្ញាសោម ស្រីនាថ នឹងរំពឹងថាអាជីពសិល្បៈរបស់នាងមានការប្រែប្រួលកម្រិតណានៅពេលក្លាយជាម្ចាស់ជ័យផលាភីBird’s Nest Division ឆ្នាំ២០២៣ នេះពិធីការិនីហង្សមាសថាអាចនឹងមានការប្រែប្រួលច្រើន ដោយសារតែមានការងារធ្វើជាមួយអ្នកផលិត និងនាំចេញសំបុកត្រចៀកកាំកម្ពុជា ព្រោះនាងបានជាប់ពានដល់ទៅ២គឺទី១៖កញ្ញាម្ចាស់មកុដ និងទី២៖ជាបវរកញ្ញាដែលថតរូបស្អាតជាងគេ។ស្រីនាថ ថានាងសូមអរគុណដល់អ្នកគាំទ្រនាងទាំងអស់ រួមទាំងម្ចាស់Sponsor (Best Life Product Co.Ltd )ពិសេសគឺកញ្ញាឌួង ហ្សូរីដា ដែលតែងតែជម្រុញនិងលើកទឹកចិត្តដល់នាងមានគាត់ទើបខ្ញុំមានថ្ងៃនេះ។លោកជំទាវវ៉ា សុជិន ក៍ថ្លែងអំណរគុណដល់កញ្ញាឌួង ហ្សូរីដា ដែលបាននាំបុគ្គលដ៍ច្នើម(សោម ស្រីនាថ) យកទៅប្រកួតលើឆាកអន្ដរជាតិ ឲ្យទទួលបានមុខមាត់ដល់ប្រទេសជាតិ និងម្ចាស់Sponsors មានដូចជាអប្សារា ត្រចៀកកាំ, ក្រុមហ៊ុនឆាយ ហុង, ម្លិះ ទឹកមាត់ត្រៀកកាំ។
សូមបញ្ជាក់ថាBird’s Nest Division តំណើរការ៣រដូវកាលមកហើយដែលចិន ធ្វើជាម្ចាស់ផ្ទះហើយមានបេក្ខភាពចូលរួមប្រកួតតំណាងដល់ទៅ១១ ប្រទេសក្នុងនោះមានដូចជា ចិន ,ហ្វីលីពីន,ម៉ាឡេស៊ី ឥណ្ឌូណេស៊ី និងសាំងហ្គាពួរ ជាដើម ខណៈដែលនៅឆ្នាំ២០២៣ នេះការប្រកួតកាលពីថ្ងៃទី១០ ខែកក្កដា ឆ្នាំ២០២៣ ម្ចាស់មកុដបវរកញ្ញាត្រចៀកកាំ ធ្លាក់ទៅលើកញ្ញាសោម ស្រីនាថ ក្នុងនាមនាងជាតំណាងស្រី្ដខ្មែរ(Miss Bird’s Nest Cambodia )និងCambodia Super Model(CSM)ដែលដឹកនាំដោយកញ្ញាឌួង ហ្សូរីដា ៕
