ភ្នំពេញ៖អ្នកនាងគង់ សុជាតិ បានហោះទៅដល់ទីក្រុងសេអ៊ុល ប្រទេសកូរ៉េខាងត្បូងកាលពីថ្ងៃទី១៧ កក្កដា ជាមួយកូនស្រីច្បងរបស់នាងកញ្ញាNemo ដើម្បីចូលរួមប្រកួតWSC Soul Global Round 2023 ដោយគ្មានការចូលរួមពីស្វាមីវ័យក្មេងរូបសង្ហារលោកជា វិបុល នោះទេ។ការទៅដើរលេងក្រៅស្រុកដោយគ្មានប្ដីសំណព្វចិត្តដឹកដៃបែបនេះ កម្រនឹងសុជាតិ ចេញទៅណាស់ លើកលែងតែមានការសំខាន់និងចាំបាច់បំផុត ទើបធ្វើឲ្យគេសង្ស័យថានាងនិងលោកវិបុល មានរឿងជាមួយគ្នា ។តែតារាស្និតសុជាតិ បានប្រាប់ថាតាមពិតពិធីការិនីជើងចាស់រូបនេះនិងប្ដីអត់មានរឿងទាស់ទែងគ្នាអ្វីនិងគ្នាដូចមុនទៀតឡើយ តែមូលហេតុដែលលោកវិបុល អត់បានចេញទៅជាមួយប្រពន្ធព្រោះតែលោកជាប់ធ្វើជាពិធីករផ្សាយផ្ទាល់កម្មវិធីមួយចំនួនរបស់ហង្សមាស ក្នុងនោះដូចជាកាលពីរាត្រីថ្ងៃអាទិត្យលោកចាប់ដៃជាមួយកញ្ញាថន លក្ខិណា ធ្វើជាMC រួមគ្នាកម្មវិធីThe Voice Cambodia រដូវកាលទី៣ ជាដើម អីចឹងមិនអាចទៅជាមួយភរិយានាពេលបែបនេះបានទេ។
លោកជា វិបុល មិនលើកទូរស័ព្ទទេកាលពីថ្ងៃទី១៧ កក្កដា ទើបមិនទាន់អាចសាកសួរថាពេលប្រពន្ធទៅចោលលោកបែបនេះលោករងារយ៉ាងណានោះឡើយ តែកន្លងមកនៅពេលដែលលោកមិនសូវមមាញឹកការងារពិធីករនោះលោកធ្លាប់រួមដំណើរជាមួយប្រពន្ធកូននៅបរទេសជាច្រើនដូចជាទៅបារាំង ,ជប៉ុន និងវៀតណាម ជាដើម។ប្រភពបានឲ្យដឹងថាដោយសារតែប្ដីមិនទៅជាមួយបែបនេះហើយទើបអ្នកនាងសុជាតិ នឹងត្រូវវិលវិញមុនកំណត់មិនបន្ថែមចំនួនថ្ងៃដើរលេងច្រើនឡើយ ម្យាងទៀតនៅកូរ៉េខាងត្បូងពេលនេះតំបន់មួយចំនួនក៍កំពុងតែរងដោយព្យុះភ្លៀងលិចផងដែរ។
គង់ សុជាតិ បានចាប់ដៃលោកជា វិបុល អស់រយៈពេល១០ឆ្នាំមកហើយ ដែលចំណងស្នេហានេះពួកគេទទួលបានកូនស្រី១ អាយុជាង៦ឆ្នាំ ហើយគូស្នេហ៍MC មួយគូរនេះធ្លាប់រងនូវភាពរង្គោះរង្គើរស្នេហ៍ម្ដងកាលពីពាក់កណ្ដាលឆ្នាំ២០២០ ព្រោះតែពេលនោះប្ដីក្មេងសុជាតិ បានផ្ទុះរឿងស្នេហាជាមួយអ្នកនាងចាន់ កែវនិមល ផ្អើលពេញផ្ទៃប្រទេសដែលធ្វើឲ្យសុជាតិ ឈឺចាប់ពេករហូតត្រូវដឹកទៅសង្រ្គោះនៅមន្ទីពេទ្យទាំងយប់ទៀតផង។ប៉ុន្ដែ”ក្រោយភ្លៀងមេឃ ស្រឡះ”ទើបពេលនេះស្នេហាសុជាតិ-វិបុល ប្រែក្លាយទៅជាស្រស់បំព្រងឡើងវិញហើយរឿងដែលពិធីការិនីរូបនេះត្រូវធ្វើនាពេលបន្ទាប់គឺពពោះយកកូនភ្លោះប្រុសតាមបំណងលោកវិបុល។តែដោយសារតែសុជាតិ មានអាយុជ្រេបន្ដិចហេតុនេះលោកវិបុល មិនសូវមានសង្ឃឹមថាបានកូនភ្លោះមកប្រលែងលេងដូចចិត្តនោះទេ ខណៈដែលសុជាតិ វិញថារឿងសំខាន់មួយនេះនាងត្រូវការពិគ្រោះជាមួយគ្រូពេទ្យជំនាញឲ្យបានច្បាស់លាស់ជាមុនសិនទើបសម្រេចចិត្តតាមក្រោយ។
គង់ សុជាតិ ជាពិធីការិនីម្នាក់ដែលត្រូវបានគេចាត់ទុកថាមានទ្រព្យមហាសាលដោយនាងមានខុនដូ១នៅខណ្ឌទួលគោក និងផ្ទះជាច្រើនកន្លែងទៀតខ្លះដាក់ជួលឲ្យគេ។តារាវ័យជាង៤០ឆ្នាំ តែសម្រស់នៅតែក្មេងជាងវ័យរូបនេះកំពុងតែត្រៀមសម្ពោធហាងរក្សារសម្រស់សាខាថ្មីមួយទៀតនៅខណ្ឌច្បារអំពៅដែលចាយទុនជាច្រើនម៉ឺនដុល្លារ ក្រោយពីនាងបានតំណើរការអាជីវកម្មក្រៅសិល្បៈមួយនេះអស់រយៈពេលជាង២០ឆ្នាំមក។អ្វីដែលសុជាតិ លែងបារម្ភខ្លាចស្នេហានាងប្រឈមហានិភ័យទៀតនោះគឺពេលនេះលោកវិបុល ក្រោយចូលសាងផ្នួសជាសាមណេរ(បួសនេន)១០ថ្ងៃកាលពីថ្ងៃទី២១ កញ្ញា ២០២០ នោះ លោកស្រលាញ់ប្រពន្ធកូនខ្លាំងណាស់ លែងបែកឆ្វេងហើយដែលធ្វើឲ្យសុជាតិ មានទំនុកចិត្តលើប្ដីដូចដើម។រឿងដែលសុជាតិ កាន់តែធូទ្រូងនោះគឺថៅកែហង្សមាសបានដាក់ពិធីការិនីស្រីនាងថន លក្ខិណា ឲ្យចាប់ដៃជាមួយលោកវិបុល នូវកម្មវិធីធំៗជាបន្ដបន្ទាប់ ពោលគឺបំបែកលោកវិបុល មិនឲ្យឆ្លងឆ្លើយជាមួយអ្នកចាន់ កែវនិមល ទៀតទេ ហេតុនេះទោះជាសុជាតិ ទៅដើរលេងនៅបរទេសប៉ុន្មានថ្ងៃដោយគ្មានលោកវិបុល ក៍មិនមានរឿងបារម្ភច្រើនដូចមុនដែរ ព្រោះលក្ខិណា ក្រោយចប់ធ្វើជាMC ជាមួយលោកវិបុល ភ្លាមពួកគេទៅផ្ទះរៀងៗខ្លួនអត់មានលេបខាយដាក់គ្នានៅក្រៅឆាកទេ។
គង់ សុជាតិ ស្ថិតក្នុងចំណោមតារាមានទ្រព្យនាពេលបច្ចុប្បន្នមានដូចជាអ្នកនាងយុគ ចិន្ដា ,ខាត់ សុឃីម ,លោកចា រិទ្ធី និងព្រាប សុវត្ថិ ជាដើម។ប្រភពបានឲ្យដឹងថាសុជាតិ ពិតជាចង់បំពេញបំណងស្វាមីរឿងយកកូនភ្លោះតាមការរំអុករស់លោកវិបុល ហេតុនេះការទៅដើរលេងនៅក្រៅស្រុកនាពេលកន្លងមកក្រៅពីសប្បាយតាមតំបន់ទេសចរណ៍សឹងគ្រប់ប្រទេសនោះគេជឿរថានាងក៍បានជួបជាមួយក្រុមគ្រូពេទ្យជំនាញដើម្បីសិក្សារពីលទ្ធភាពនៃការយកកូនឲ្យបានម្ដងពីរនេះដែរ៕
