ភ្នំពេញ៖ថ្មីៗនេះតារាចម្រៀងរ៉េបលោកងួន ចាន់ដេវីត មានរាសីមិនសូវល្អនោះទេ ពោលគឺក្រោយសិស្សប្អូនលោកវណ្ណដា ជួបគ្រោះថ្នាក់ចរាចរណ៍តែ៣ថ្ងៃប៉ុណ្ណោះលោកដេវីត ទៅច្រៀងសម្ដែងនៅក្លឹបមួយនៅខេត្តសៀមរាបត្រូវបានគេគប់ទឹកកកដាក់នៅពេលលោកកំពុងតែច្រៀងសម្ដែង ប៉ុន្ដែហេតុការណ៍នោះមិនបង្ករឲ្យមានគ្រោះថ្នាក់ដល់ស្វាមីរបស់បូព្រឹក្ស ឡើយ ហើយក្រោយជួបរឿងមិននឹកស្មានដល់បែបនេះដេវីត ចេញសារសន្យាថានឹងមើលថែខ្លួនឲ្យបានល្អជាងនេះ។ចំណែកសំណព្វចិត្តរបស់លោកនាងទេព បូព្រឹក្ស មិនបានបញ្ចេញកំហឹងចំពោះអ្នកមិនពេញចិត្តឬចង់ធ្វើឲ្យគូស្នេហ៍របស់នាងបាក់មុខនោះទេគឺរក្សារភាពស្ងៀមស្ងាត់។
សូមបញ្ជាក់ថាងួន ចាន់ដេវីត ជាតារារ៉េប ដែលស្ថិតក្នុងលំដាប់ជូរមុខហើយក៍ជាគូប្រជែងយ៉ាងស្វិតស្វាញជាមួយសិស្សប្អូនវណ្ណដា ផងដែរនៅឆ្នាំ២០២៣ នេះបន្ទាប់ពីពួកគេបានផ្ទុះសង្រ្គាមDiss Track ១ប្រាវកាលពីចុងឆ្នាំ២០២២ ។អ្វីដែលគូរឲ្យកត់សម្គាល់នោះការដែលដេវីត ត្រូវគេគប់ដុំទឹកកកដាក់នៅលើឆាក លាន់សូគ្ដាំងធ្លាក់លើឆាកហើយសំណាងល្អអត់ត្រូវលោកនោះគឺកើតមានក្រោយពីតារាចម្រៀងវណ្ណដា ជួបគ្រោះថ្នាក់ចរាចរណ៍ដ៍ញាក់សាច់មួយកាលពីរាត្រីទី២៦ កក្កដា ២០២៣តាមបណ្ដោយផ្លូវ២៧១ សង្កាត់បឹងសាឡាង ខណ្ឌទួលគោករាជធានីភ្នំពេញ បណ្ដាលឲ្យរថយន្ដលោកម៉ាកFord Everest 2023 ពាក់ស្លាកលេខ កម្ពុជាBOK. KALO ព័ណ ខ្មៅ នោះខូចខាតផ្នែកខាងមុខយ៉ាងដំណំទើបធ្វើឲ្យមានការលើកឡើងថាទាំងដេវីត និងវណ្ណដា រយៈពេលចុងក្រោយនេះរាសីមិនសូវល្អដូចគ្នា តែយ៉ាងណាតារាចម្រៀងរ៉េបលំដាប់ជូរមុខទាំងពីរដួងនេះមិនរងរបួសដល់រាងកាយឡើយ ពោលគឺសុវត្ថិភាពព្រមគ្នាតែម្ដង។
គេកត់សម្គាល់ថាងួន ចាន់ដេវីត នៅតែរក្សារទីផ្សារសិល្បៈបានល្អក្រោយពីចាកចេញពីហង្សមាសហើយពេលនេះដេវីត បានធ្វើឲ្យFan របស់ខ្លួនបានឃើញជ្រុងថ្មីផ្សេងទៀតរបស់គេតាមរយៈលោកងាកទៅច្រៀងសម្ដែងជាមួយតារាចម្រៀងជើងចាស់លោកហួរ ឡាវី ដែលនេះជាការវិវត្តន៍ថ្មីមួយទៀតរវាងតារារ៉េបនាយយុគសម័យថ្មី និងអ្នកចម្រៀងជើងចាស់បញ្ចូលគ្នា។ប្រភពបានឲ្យដឹងថាក្រៅពីចាប់ដៃជាមួយលោកហួរ ឡាវី នោះដេវីត ក៍ចង់ពង្រឹងទីផ្សារចម្រៀងរបស់ភរិយាលោកនាងទេព បូព្រឹក្ស ឡើងវិញដែរតាមរយៈការចេញបទថ្មីៗឡើងវិញក្រោយស្រីនិច្ច ខកខានឡើងឆាកអស់រយៈពេលជាងកន្លះឆ្នាំដោយសារពពោះ និងសម្រាលកូន។ចំណែកដេវីត វិញដោយសារតែខែនេះជារដូវធ្លាក់ភ្លៀងមិនសូវចេញច្រៀងសម្ដែងញឹកញាប់ទើបគេឃើញលោកមានពេលវេលាច្រើននៅជាមួយភរិយានិងនាំកូនដើរកម្សាន្ដ ស្របពេលដែលបូព្រឹក្ស ធ្លាប់ប្រាប់អ្នកសារព័តមានថានាងទទួលបានភាពកក់ក្ដៅហួសការរំពឹងទុកក្រោយបានកូនប្រុសAlbert នេះព្រោះថាដេវីត ថ្នាក់ថ្នមនាងខ្លាំងណាស់ពោលគឺតាំងពីនាងមានផ្ទៃពោះម្លេះ។ប៉ុន្ដែទាក់ទងដល់រឿងរៀបការជាមួយដេវីត វិញស្រីនិច្ច អត់និយាយអ្វីទាំងអស់ដោយមិនប្រាប់ថាបានភ្ជាប់ពាក្យ ឬចុះអេតាស៊ីវិលហើយនោះទេ។
អ្នកជំនាញសិល្បៈបានលើកឡើងថាសម្រាប់ទីផ្សារចម្រៀងរ៉េប នាប៉ុន្មានខែចុងក្រោយនេះហាក់កម្រើកសារជាថ្មីបន្ទាប់ពីងួន ចាន់ដេវីត និងវណ្ណដា ផ្ទុះសង្រ្គាមដាក់គ្នា១ប្រាវនោះដូចជាគេឃើញកូនប្រុសលោកព្រាប សុវត្ថិ ឈ្មោះសុវត្ថិ មុនីវណ្ណ និងអតីតម្ចាស់ពានThe Voice Kids Cambodia ទេព ពិសិដ្ឋ ជាដើម បានងាកមកច្រៀងរ៉េប ដូចគ្នា តែរឿងដែលគេគិតថាដេវីត នឹងឈឺក្បាលខ្លាំងនោះគឺមានព័តមានថាតារារ៉េបលោកខ្មែរមួយជីវិតដែលជាសត្រូវស៊ីសាច់ហុតឈាមជាមួយគូស្នេហ៍បូព្រឹក្ស នោះទើបវិលពីអាមេរិកមកខ្មែរវិញដើម្បីវាយលុកទីផ្សាររ៉េបរបស់ខ្លួនសារជាថ្មីហេតុនេះបើវណ្ណដា ផង ខ្មែរមួយជីវិតផង លេងDiss Track ដាក់ដេវីត ព្រមគ្នានោះមិនដឹងថាតារាកូន១ទប់ជាប់ឬអត់នោះទេ។
សូមបញ្ជាក់ថាងួន ចាន់ដេវីត អាចរកប្រាក់ចំណូលបានជាច្រើនម៉ឺនដុល្លារ ក្នុង១ឆ្នាំៗ តាមរយៈការត្រូវប៉ាន់ស្ពតធំៗ និងច្រៀងសម្ដែងជាច្រើនកម្មវិធីនៅរដូវក្ដៅទើបកាលពីខែឧសភា ឆ្នាំ២០២៣ នេះលោកបានស្ពាយលុយទៅបារាំងជាមួយគូស្នេហ៍ទិញអ៊ឺវ៉ាន់សុទ្ធតែម៉ាកប្រេន ប្រេន មិនចាញ់តារាល្បីៗរបស់អ៊ឺរ៉ុបឡើយ ដែលខុសពីវណ្ណដា ដែលការស្លៀកពាក់របស់លោកមិនឡូយឆាយដូចដេវីត នោះទេ។នៅឆ្នាំ២០២៣ នេះដេវីត ជិះរថយន្ដទំនើបម៉ាក Escalade ខណៈឆ្នាំមុនលោកជិះRolls Royce និងLamborghini ទៀតផង៕
