ភ្នំពេញ៖តារាចម្រៀងរោមទ្រូងច្រើនវ័យ៣៨ឆ្នាំលោកឆន សុវណ្ណារាជ បានធ្វើឲ្យតារាស្រី២ដួងទុកចិត្តទៅលើលោកទាំងស្រុងតែម្ដង ក្នុងនោះដូចជាពួកគេហ៊ានអោបរឹតជាមួយលោករាជ ប្រៀបបានដូចជាគូស្នេហ៍តាមរយៈការកៀកកើយនៅចំពោះមុខម្ចាស់ចិត្តពួកគេតែម្ដង ដែលសកម្មភាពបែបនេះគ្មានតារាប្រុសរូបណាក្រៅពីអ្នកចម្រៀងហង្សមាសរូបនេះធ្វើបានទេ។តារាស្រីដែលទុកចិត្តលោកសុវណ្ណារាជ ខ្លាំងរហូតបណ្ដោយឲ្យលោកថើបថ្ពាល់នៅចំពោះមុខគូស្នេហ៍របស់គេនោះគឺអ្នកចម្រៀងមាស សុខសោភា និងពេជ្រ សោភា នេះតែម្ដង។
សម្រាប់សុខសោភា វិញមានពេលខ្លះនាងឲ្យលោករាជ ថើបថ្ពាល់នាងហើយស្វាមីនាងលោករ៉ាដា ជាអ្នកថតរូបនោះឲ្យ ដែលបញ្ជាក់ថាអាណិកជនខ្មែរមកពីកាណាដារូបនេះគ្មានចេះប្រចណ្ឌសោភា ជាមួយលោករាជ ប៉ុនក្រចកដៃឡើយ។ចំណែកពេជ្រ សោភា ក៍មិនខុសគ្នាពីសុខសោភា ដែរដោយសារតែជ្រកនៅផលិតកម្មហង្សមាសដំបូលរួមគ្នាហេតុនេះមានពេលខ្លះសោភា និងលោករាជ មានពេលកៀកកើយគ្នាញឹកជាងសុខសោភា ។នៅថ្ងៃខួបកំណើតរបស់សោភា គម្រប់អាយុ៤០ឆ្នាំ កាលពីថ្ងៃទី៩ កក្កដា នោះលោករាជ បានSurprise ដល់នាងតាមរយៈការលើកនំខេកទៅជូននាងហើយអ្នកទាំង២ អោបថើបគ្នាដូចសង្សារ។ប៉ុន្ដែលោកឆឹម សក្កដា ដែលជាអនាគតស្វាមីរបស់សោភា នោះគ្មានប្រតិកម្ម ឬឆេះដុំចំពោះគូដណ្ដឹងលោកធ្វើបែបនេះទេ ព្រោះសម្អាងថាពួកគេស្គាល់និងរាប់អានគ្នាជាង១០ឆ្នាំទៅហើយ តែអ្វីដែលចម្លែកនៅពេលនេះលោកសក្កដា ហាក់ដូចជារយាលៗពីសោភា បន្ដិចម្ដងៗទៅវិញទើបមានការសង្ស័យថាលោកក៍ចេះប្រចណ្ឌដែរគ្រាន់តែលាក់ទុកក្នុងចិត្តប៉ុណ្ណោះ។
មហាជនមានចម្ងល់ថាហេតុអីបានជាលោកឆន សុវណ្ណារាជ ត្រូវបានមាស សុខសោភា និងពេជ្រ សោភា ទុកចិត្តដល់ម្លឹង?
មិនទាន់មានការអះអាងផ្ទាល់ពីលោកឆន សុវណ្ណារាជ នោះទេ ប៉ុន្ដែតាមព័តមានថាអតីតតារាU2 រូបនេះមិនចេះបកេងចំណេញលើនារីភេទនោះទេ ពោលគឺអោបថើបបែបធម្មតា អត់ដែលអូសកក្រឡាតារារួមអាជីពទាំងនោះម្ដងណាឡើយ ពោលគឺរាប់អានដឹងតែពីរាប់អានគ្មានដែលយកមានអារម្មណ៍ផ្ដែសផ្ដាសមកលាយឡំគ្នាឡើយ។ដោយសារតែឃើញសកម្មភាពរបស់លោកសុវណ្ណារាជ បែបនេះហើយទើបសុខសោភា បានពឹងឲ្យសុវណ្ណារាជ បញ្ចេញរូបភាពអាពាហ៍ ពិពាហ៍ របស់នាងគម្រប់ខួប១២ឆ្នាំ ជាមួយលោកអ៊ឹត រ៉ាដា កាលពីថ្ងៃទី២៨ ធ្នូ ឆ្នាំ២០២០ ដែលលោករាជ និងញឹម ចាន់ថន ឡើងសែនកួចចងដៃនោះ។ចំណែកពេជ្រ សោភា វិញធ្លាប់បានចេញសារសរសើរលោកសុវណ្ណារាជ ចំៗថាអំឡុងពេលដែលនាងធ្លាក់កូដកាលពីឆ្នាំ២០១៥ -២០១៦ នោះនាងពិបាករកដៃគូច្រៀងណាស់ ពេលនោះមានតែសុវណ្ណារាជ ម្នាក់គត់ដែលពេលនោះគេកំពុងតែឡើងខ្លាំងហើយព្រមធ្វើជាដៃគូនាងរហូតនាងអាចឈរជើងបានដូចសព្វថ្ងៃ។
ក្រៅពីមាស សុខសោភា និងពេជ្រ សោភា នោះឆន សុវណ្ណារាជ ក៍បានធ្វើឲ្យតារាស្រីផ្សេងៗទៀតទុកចិត្តលោកខ្លាំងដែរដូចជាកាលពីឆ្នាំមុនលោកបានអោបថើបនាងហេង ចន្ថា ដែលមានគូដណ្ដឹងហើយនោះនៅក្រៅឆាកជាដើម។ប៉ុន្ដែយ៉ាងណាដូចពាក្យចាស់ថា”ដំរីជើង៤ គង់តែមានភ្លាត់” នោះមិនខុសទេ ព្រោះកាលពីខែកញ្ញា ឆ្នាំ២០២២ លោករាជ ត្រូវបានគេចាប់ភស្ដុតាង ជាប់អំឡុងពេលដែលលោករាំស្លូវអោបនាងសុភ័ក្រ កុសុម៉ា នៅលើរថភ្លើងមួយនោះលោកបានទម្លាក់ដៃស្ដាំមកច្បិចកំប៉ៈគូថនាងកុសុម៉ា ១ឆ្វិចធ្វើឲ្យពិធីការិនីរូបនោះភ្ញាក់ក្រញ៉ាងទើបលោកលោកដៃចេញវិញ។សកម្មភាពបែបនោះរបស់លោកសុវណ្ណារាជ ធ្វើឲ្យFan ទាំងសងខាងរបស់លោករាជ និងកុសុម៉ា ខកចិត្តខ្លាំងរហូតមានអ្នកខ្លះចាត់ទុកថាលោកជាបុរសចូលចិត្តកេងចំណេញលើស្រ្ដីភេទទៀតផង។
នាពេលនោះមានទាំងអ្នកព្យាករណ៍ទៀតថាចាប់ពីពេលនេះតទៅលោករាជ នឹងលែងមានតារាស្រីល្បីរូបណាទុកចិត្តលោកដូចមុនទៀតហើយ ព្រោះពួកគេខ្លាចលោកលេងស្ទីលដូចធ្វើទៅលើនាងកុសុម៉ា ។ប៉ុន្ដែនៅឆ្នាំ២០២៣ នេះនៅតែមានតារា២ដួងដែលបន្ដមានទំនុកចិត្តលើលោកសុវណ្ណារាជ ដូចដើមនោះគឺមាស សុខខោភា និងពេជ្រ សោភា ខណៈដែលឱក សុគន្ធកញ្ញា ក៍ធ្លាប់ជាដៃគូរបស់លោករាជ មុនពេលនាងមានស្វាមីនោះអ្នកទាំងពីរក៍ធ្លាប់អោបគ្នានៅលើឆាកពេលច្រៀងជាដៃគូជាមួយគ្នាដែរ។តែសកម្មភាពបែបនេះគ្មានទៀតទេ រយៈពេលជាង៣ឆ្នាំមកនេះព្រោះថាស្វាមីសុគន្ធកញ្ញា គឺលោកសុខលី ជាមេរបស់លោករាជ ទើបធ្វើឲ្យកញ្ញា និងលោករយាលៗពីគ្នា និងមិនអាចស្និតដូចសុខសោភា និងសោភា បានឡើយ។
ឆន សុវណ្ណារាជ បានជ្រកនៅហង្សមាស១៦ឆ្នាំ មកហើយនិងពេលនេះមិនសូវមានបទចម្រៀងលេចធ្លោដូចមុនទេ ទោះជាអត់ព្រាប សុវត្ថិ និងខេមរៈ សិរីមន្ដ ក្ដី។ប៉ុន្ដែថៅកែហង្សមាសនៅតែផ្ដល់ទំនុកចិត្តដល់លោករាជ តាមរយៈការប្រគល់តំណែងជាCoach កម្មវិធីThe Voice Cambodia រដូវកាលទី៣ និងជាJudge កម្មវិធីCambodian Idol ជាបន្ដទៀត។មិនមានព័តមានថាលោកសុវណ្ណារាជ ត្រៀមរៀបការប្រពន្ធឡើយ ខណៈដែលរឿងស្នេហាលោកជាមួយនិស្សិតស្រីនៅអាមេរិកកញ្ញា “អរិយា” ដែលបែកធ្លាយកាលពីឆ្នាំ២០០៧ នោះបានស្ងាត់ជាង១០ឆ្នាំចុងក្រោយនេះ ស្របពេលដែលមានដំណឹងខ្លះថាលោកជាបុរសមានមន្ដស្នេហ៍មិនធម្មតា ព្រោះមានទាំងស្រី ទាំងប្រុសតាមស្រលាញ់ព្រមគ្នា៕
