ភ្នំពេញ៖លោកគួច ខេវិន បានលើកឡើងថាមនុស្សជាច្រើននៅខ្មែរមានការយល់ច្រឡំថាការជេរប្រទេចមើលងាយ មើលថោកអ្នកដ៍ទៃ គឺមិនមែនជាការប្រើអំពើរហិង្សា វាយដំច្រំធាក់ទើបគេហៅថាជាអំពើរហិង្សាតែការលើកឡើងបែបនេះគឺផ្ទុយស្រឡះទៅនិងច្បាប់បស្ចឹមលោកទៅវិញទេ។
អតីតអគ្គនាយករងទូរទស្សន៍CTN ,SEA tv និងEtv រូបនេះបានធ្វើការពន្យល់និងវែកញែកពាក្យពេជន៍នៃការប្រើអំពើរហិង្សាភ្ជាប់មកនូវចំណុចមានធំ២ដូចខាងក្រោមគឺ”ហិង្សា ដែលជាការបៀតបៀន ការពាធា ការធ្វើអាក្រក់ ឬការធ្វើទុក្ខគ្នា ចែកចេញជាពីរផ្នែកដោយឡែកពីគ្នាគឺ១៖ការប្រើពាក្យសម្តីជេរប្រទេចផ្តាសាប្រមាថមើលងាយ ដៀលត្មិះចំពោះអ្នកដ៏ទៃឲ្យអាប់ឱនកិត្តិយស (Verbal Abuse រំលោភ , បំពាន តាមពាក្យសំដី) ។ទី២៖គឺការប្រើកម្លាំងកាយវាយធ្វើបាប ប្រកាប់ប្រចាក់ដោយសព្វាវុធទៅលើអ្នកដ៏ទៃឲ្យរងរបួសឬស្លាប់បាត់បង់ជីវិត(Physical Abuse រំលោភ , បំពាន តាមកម្លាំងបាយ) ។ក្នុងច្បាប់បស្ចឹមលោក បើកាលណាគេនិយាយអំពីករណីនៃអំពើហិង្សា គឺគេយោងទៅរកហេតុផលទាំង២ខាងលើមកពិចារណា និងវិនិច្ឆ័យ។ ក៏ប៉ុន្តែនៅស្រុកយើងនៅតែមានការភ័ន្តច្រឡំថាការជេរប្រមាថប្រទេច ផ្តាសាមើលងាយមើលថោកអ្នកដ៏ទៃមិនមែនជាអំពើហិង្សា គឺទាល់វាយដំច្រំធាក់ ប្រកាប់ប្រចាក់គ្នាឲ្យមានរបួសស្នាមទើបបានហៅថាជាអំពើហិង្សា ?។ តួយ៉ាងដូចជារឿងនាងម្នាក់ដែលត្រូវគេវាយដំ ក៏ចោតប្រកាន់ថាគេប្រើអំពើហិង្សាមកលើខ្លួន ចុះត្រង់នាងជេរប្រមាថប្រទេចផ្តាសា មើលងាយមើលថោកចំពោះគេឲ្យគេក្តៅក្រហាយ តើជាអំពើអ្វីទៅវិញ?។
ពាក្យស្លោកខ្មែរយើងបានប្រាប់ឲ្យដឹងហើយថា”ត្រឡាចវារទៅទើបល្ពៅវារមក” ឬក៏”ទំពួកវាទៅ ទើបព្នៅវាមក”ហើយបើនិយាយឲ្យងាយយល់គឺបើគ្មានភ្លើង វាក៏គ្មានផ្សែងដែរ។ តាមរយៈសំណេរនេះ ក៏ចង់ប្រាប់ទៅមនុស្សមួយចំនួនចូរកុំព្យាយាម”បាចអង្កាមបញ្ច្រាសខ្យល់”ព្រោះលទ្ធផលវាមិនប្រសើរឡើយ “។
ប្រតិកម្មរបស់លោកគួច ខេវិន បែបនេះកើតមានក្រោយពីថ្មីៗនេះតារាសម្ដែងនាងហាស់ វីរ៉ាស្រីរ័ត្ន ហៅរ៉ូស ត្រូវបាននារីលក់អ៊ឺវ៉ាន់តាមOnline ឈ្មោះហ្វេសបុកYubee Ly និងស្វាមីបានលើកគ្នាមួយក្រុមទៅវ៉ៃលើនាងរ៉ូសដែលកំពុងអង្គុយLive លើរថយន្ដRange Rover របស់នាងនៅកោះពេជ្រ បណ្ដាលឲ្យនាងវីរ៉ាស្រីរ័ត្ន បាក់ខ្ទងច្រមុះឈាមហូជោគខ្លួនតែម្ដង។ប៉ុន្ដែនាងYubee Ly និងបក្សពួកបានអះអាងថាខ្លួនមិនអាចទ្រាំ បានព្រោះនាងរ៉ូស ធ្វើការប្រមាថ និងចោទប្រកាន់មួលបង្កាច់មកលើខ្លួនហួសហេតុពេកទើបអស់ភាពអត់ធ្មត់បែបនេះ។នាងYubee Ly ថ្លែងសារថា”ខ្ញុំខុសត្រង់ហិង្សា តែទប់អត់ជាប់មែន ពេលឃើញមុខខ្ញុំទទួលខុស ប្រទេសមានច្បាប់ ជាអ្នកសម្រេចចុះ ហើយជួយរកយត្តិធ័មដែលគេជេប្រមាថ កូនខ្ញុំទើបកើត និងប្ដីខ្ញុំផង សូមបងប្អូនតុលាការហ្វេសបុកទាំងអស់កុំទាត់កាត់ក្ដី បើមិនដឹងមូលហេតុ គេLive ហៅខ្ញុំទៅជួបគេ ហើយទៅបំណងចង់សួរ មូលហេតុ តែអ្នកណាទៅដឹង ថាគ្រាន់តែឃើញមុខទប់លែងជាប់ រាលកំហុសដែលខ្ញុំបំពានច្បាប់ ទាំងដែលខ្ញុំដឹងច្បាប់ ខ្ញុំនឹងទទួលខុសត្រូវទៅតាមច្បាប់”។
ដោយឡែកនាងរ៉ូស ដែលរបួសច្រមុះយ៉ាងធ្ងន់ធ្ងរនោះបាននិយាយទាំងទឹកភ្នែកនិងលើកដៃសំពះសុំឲ្យថ្នាក់ដឹកនាំជួយរកយុត្តិធ័មឲ្យនាងផងព្រោះពេលនេះច្រមុះនាងធំក្លិនដូចត្រីស្អុយ មាត់ហើម។នាងថាសូមឲ្យអាជ្ញាធរជួយចាប់ជនបង្កដៃដល់ចាត់ការតាមច្បាប់ដោយសារពួកគេបាន បំផ្លាញទ្រព្យសម្បតិ្តនាង ហើយទះនាងរកតែច្រមុះទេ ព្រោះបានដឹងថាច្រមុះនាងកែ ។នាងថាគ្រាន់តែឃើញរូបភាពវីដេអូដែលគេវ៉ៃនាងនោះគឺមានអារម្មណ៍ក្ដុកក្ដួលខ្លាំងណាស់ មិនអាចទទួលយកបានឡើយ។
គូរបញ្ជាក់ថាមួយរយៈចុងក្រោយនេះនាងរ៉ូស ហាក់មានយ៊ីអ៊ុនដាក់អារក្សជាន់មែនទែន ព្រោះមុននេះនាងបានចោទថាជាជនរងគ្រោះត្រូវបុរសម្នាក់ឈ្មោះថាប៉ែន រិទ្ធ ហៅហ៊ាយួន ដាក់ថ្នាំសណ្ដំចាប់រំលោភនាងនៅខុនដូ១មួយយប់ដល់ទៅ៣,៤ដង ឥឡូវប្រុសដែលរកស៊ីចងការលុយដែលនាងជំពាក់២ពាន់ដុល្លារនោះមិនទទួលខុសត្រូវ។រ៉ូស កាន់តែឈឺចិត្តថែមទៀតនៅពេលហ៊ាយួន បង្អាប់នាងថាមុខអន់ជាងម្ដាយលោកទៅទៀតហើយបើលោកព្រមរៀបការជាមួយនាងដើម្បីបញ្ចប់រឿងគឺសុខចិត្តទៅចងកសម្លាប់ខ្លួនទៅវិញល្អជាង។
ចំពោះការលើកឡើងរបស់លោកគួច ខេវិន ជាសារមួយដាស់តឿនទៅមនុស្សគ្រប់គ្នាឲ្យចេះពិចារណាថាបើគ្មានភ្លើងក៍គ្មានផ្សែងដែរ ហើយការប្រើអំពើហិង្សាមិនមែនទាល់តែវ៉ៃទាត់ធាក់គេបែបមុខមាត់ទើបហៅថាហិង្សា នោះទេ ប៉ុន្ដែការប្រើពាក្យសម្តីជេរប្រទេច ចំពោះអ្នកដ៏ទៃឲ្យអាប់ឱនកិត្តិយសនោះក៍នៅក្នុងច្បាប់បស្ចឹមលោកគេចាត់ទុកថាហិង្សា ដែរ។យ៉ាងណាទស្សនិកជនរងចាំមើលថាតើនាងរ៉ូស នឹងប្ដឹងទៅនាងYubee Ly ដោយទាមទារនូវសំណងជំងឺចិត្តប៉ុន្មាន ហើយនៅចំពោះមុខច្បាប់ក្រុមភាគីជនបង្កមានអ្វីទប់ទប់ជាមួយរ៉ូស ?
