ភ្នំពេញ៖“ក្រោយភ្លៀង មេឃស្រឡះ” អ្នកនាងគង់ សុជាតិ ដែលស្ទើតែមិនអាចរក្សារចំណងស្នេហាបានជាមួយស្វាមីលោកជា វិបុល ក្រោយពិធីកររូបនេះផ្ទុះរឿងស្នេហាជាមួយអ្នកនាងចាន់ កែវនិមល កាលពីពាក់កណ្ដាលឆ្នាំ២០២០ ផ្អើលពេញផ្ទៃប្រទេសនោះ ពេលនេះចំណងស្នេហាមិនត្រឹមតែលែងមានហានិភ័យប៉ុណ្ណោះទេ តែថ្មីៗនេះលោកវិបុល ថែមទាំងបានឡើងតំណែងធំទៀតផង។បើតាមអនុក្រឹត្យតែងតាំងមន្រ្ដីរាជការចុះថ្ងៃទី៤ ខែសីហា ឆ្នាំ២០២៣ នោះលោកជា វិបុល ត្រូវបានតែងតាំងជាជំនួយការសម្ដេចអគ្គមហាសេនាបតីតេជោហ៊ុន សែន នាយករដ្ឋមន្រ្ដីនៃព្រះរាជាណាចក្រកម្ពុជា មានឋានៈស្មើអគ្គនាយករង។ក្រុមតារាសិល្បៈជិតដិតលោកវិបុល និងអ្នកនាងសុជាតិ បាននាំគ្នាចែកចាយ(Share) និងអបអរសាទរដល់ពិធីករហង្សមាសរូបនេះក្នុងនោះក៍មានអ្នកខ្លះបាននិយាយថាសុជាតិ មានសំណាងព្រោះប្ដីឡើងធំទៀតផង។ប៉ុន្ដែគេនៅមិនទាន់ឃើញសុជាតិ និងលោកវិបុល ត្រៀមជប់លៀងធំចំពោះដំណឹងដ៍រីករាយនេះទេ ខណៈដែលមុននេះមានព័តមានថាអ្នកទាំងពីរក៍ត្រៀមធ្វើការសម្ពោធនូវសាខាហាងរក្សារសម្រស់ដ៍ធំមួយនៅបុរី ប៉េង ហួត បឹងស្នោរ ផងដែរបន្ថែមពីលើអាជីវកម្មចាស់ដែលបានតំណើរការរយៈពេលជាង២០ឆ្នាំមកហើយ។
គូរបញ្ជាក់ថាអ្នកនាងគង់ សុជាតិ និងលោកជា វិបុល ក្រៅពីជាធិធីការិនីដ៍ច្នើមនៅហង្សមាសនោះគូស្នេហ៍តារា១គូនេះក៍កំពុងតែជាប់ដៃថតរឿងប្រវត្តិសម្ដេចតេជោ”កូនប្រុសក្រោមពន្លឺព្រះចន្ទ”ផងដែរ ហើយស្រាប់តែពេលនេះលោកវិបុល ឡើងតំណែងធំក្នុងរាជការតែម្ដងទើបធ្វើឲ្យសុជាតិ រំភើបរីករាយជាខ្លាំង។តែតាមព័តមានថាលោកវិបុល នៅតែបន្ដការងារសិល្បៈជាធម្មតា គ្មានគម្រោងកាត់បន្ថយអាជីពចាស់ពេលទទួលបានតំណែងជាន់ខ្ពស់នេះឡើយ។
គង់ សុជាតិ បានចាប់ដៃគ្នាជាមួយលោកជា វិបុល រយៈពេល១០ឆ្នាំគត់ ដោយទទួលបានចំណងដៃកូនស្រី១អាយុជិត៧ឆ្នាំ ហើយលោកវិបុល បានរំអុកចង់ឲ្យភរិយាបង្កើតកូនភ្លោះប្រុសឲ្យលោក តែជាង៣ឆ្នាំទៅហើយគ្មានលទ្ធផល។គូស្នេហ៍តារា១គូនេះបានកាន់បណ្ដារកម្មវិធីធំៗជាច្រើននៅហង្សមាស ហើយក្នុង១ខែៗរកប្រាក់ចំណូលពីសិល្បៈបានជាច្រើនម៉ឺនដុល្លារតាមរយៈការក្ដាប់ការងារជាMC នៅតាមបណ្ដារAgency ជាច្រើនទាំងនៅរដូវក្ដៅ និងធ្លាក់ភ្លៀងហើយក៍នៅតែមមាញឹក។ប៉ុន្ដែសុជាតិ ដែលត្រូវគេចាត់ទុកប្រៀបដូចជាសេដ្ឋីនីក្នុងសិល្បៈព្រោះមានទ្រព្យចូលខ្ទង់លានដុល្លារនោះមិនដែលបង្ហើបពីទំហ៊ុំទ្រព្យដែលនាងមានឡើយព្រោះសូម្បីតែតម្លៃខ្លួនពេលធ្វើជាMC នៅតាមកម្មវិធីផ្សេងៗក៍នាងមិននិយាយដែរ។អ្នកជំនាញសិល្បៈបានអះអាងថាគង់ សុជាតិ -ជា វិបុល ជាពិធីករឈក្នុងលំដាប់Grade A ដូចគ្នាហេតុនេះហើយមិនខុសពីតារាចម្រៀងនោះទេ អ្នកនៅលំដាប់ជូរមុខគេតែងតែត្រូវប៉ាន់រកលុយបានច្រើនបែបនេះហើយ អីចឹងហើយបានជារៀងរាល់ឆ្នាំប្ដីប្រពន្ធតារា១គូនេះតែងតែចំណាយថវិការចេញទៅដើរលេងលំហែកាយ៉ានៅបរទេសជាបន្ដបន្ទាប់ដើម្បីរឹតចំណងស្នេហាឲ្យកាន់តែរឹងមាំផង និងបំបាត់ការនឿយហត់ដែលពួកគេបានបំពេញស្ទើតែពេញក្នុង១ខែៗ។
ក្រៅពីលោកជា វិបុល ដែលត្រូវបានប្រមុខរាជរដ្ឋាភិបាលតំឡើងឋាន់ខ្ពស់នោះមុននេះអ្នកដឹកនាំរឿង២នាក់គឺលោកហ៊ុយ វាសនា និងហ្វៃ សំអាង ក៍ត្រូវតែងតាំងជាទីប្រឹក្សាសម្ដេចតេជោ មានឋានៈស្មើអនុរដ្ឋលេខាធិការ ផងដែរ ខណៈដែលពិធករបាយ័នលោកម៉ែន អេង ហៅអេង រិទ្ធី បច្ចុប្បន្នមានតួនាទីជាចៅហ្វាយខេត្តរង ប្រចាំនៅខេត្តស្វាយរៀង ស្របពេលដែលតារា៤នាក់ហើយបានឡើងជាឧកញ៉ាក្នុងនោះមានលោកទុំ សារុត ហៅនាយឃ្លោគ,លាន អាហ្វ្រីលគីនីន ,ព្រាប សុវត្ថិ និងខែម ប៊ុនថៃ(ខេមរៈ សិរីមន្ដ) ។Fan ជឿរថាអ្នកនាងគង់ សុជាតិ នឹងធ្វើឲ្យលោកវិបុល សប្បាយចិត្តថែមមួយក្រឺតទៀតជាមិនខាននោះគឺការបំពេញបំណងស្វាមីតាមរយៈការផ្ដល់កំណើតដល់កូនភ្លោះប្រុសតាមបំណងលោកចង់បាន ។
ក្រៅពីអ្នកនាងគង់ សុជាតិ តារាដែលជ្រើសស្វាមីជាតារាដូចគ្នាមានដូចជាអ្នកនាងយក់ ថិតរដ្ឋា ,ខាត់ សុឃីម ,ពេជ្រ សោភា ,គង់ ច័ន្ទស្រីមុំ ,កុល ដាវី,ស៊ឹម សូលីកា ,ប៉ាច គីមមួយនិងម៉ានីកា ជាដើម៕
