ភ្នំពេញ៖រយៈពេលជិត២ឆ្នាំហើយដែលស្រីស្រស់សេន យូរី បានចែកផ្លូវស្នេហ៍ចាមួយលោកជា នី ដែលជាថៅកែហាងផឹកស៊ីមួយ ដែលរហូតមកដល់ពេលនេះទាំងរូបនាងនិងបុរសពោះម៉ាយរូបនោះមិនដែលចេញមុខបញ្ជាក់ពីមូលហេតុនៃការមិនអាចបន្ដកាន់ដៃគ្នាតទៅទៀតបាននោះទេ ពោលគឺព្យាយាមលាក់ជិត។យ៉ាងណាយូរី នៅតែមានអារម្មណ៍ហាក់តែលតោល និងបង្ហាញសញ្ញាថានាងមិនទាន់មានគូស្នេហ៍ថ្មីនោះទេរហូតមកដល់ពេលនេះដោយមានពេលខ្លះនាងថែមទាំងចេញសារដោយឆ្ងល់ខ្លួនឯងទៀតផងថាហេតុអីប្រុសពេញដី ស្រីពេញនគរនៅតែមានអ្នកអត់សង្សារ?អ្នកខ្លះចាត់ទុកថាសាររបស់យូរី បែបនេះគឺនាងគ្រាន់តែចង់Drama ប៉ុណ្ណោះ ព្រោះស្រីស្អាតដូចរូបនាងដែររឿងអីដែលអត់ប្រុសស្រលាញ់?ប៉ុន្ដែយូរី ព្យាយាមបង្ហាញឲ្យគេឃើញពីភាពឯកោរបស់នាងជាបន្ដបន្ទាប់តាំងពីក្រោយបែកបាក់ថៅកែមកម្លេះដូចជាមានពេលខ្លះពេលនាងថារកតែអ្នកបណ្ដើរដូចគេអត់បាន…។
កាវាចាបែបនេះរបស់យូរី នាំឲ្យអ្នកខ្លះថានាងអាចដើរលើផ្លូវ”ត្រីរ៉ស់ក៍រួច ទន្សាយក៍រួច”ព្រោះអំឡុងពេលដែលយូរី លែងជាគូស្នេហ៍របស់ថៅកែទៀតនេះគេក៍មិនដែលឃើញនាងវិលទៅរកភាពផ្អែមល្ហែមឬត្រូវរ៉ូវគ្នាជាមួយប្រុសសង្ហារលោកប៊ីម៉ូ ដូចដើមដែរ ទើបពេលនេះយូរី អត់ទាំងដៃគូក្នុងនិងក្រៅឆាកតែម្ដង។ប៉ុន្ដែអ្វីដែលគូរឲ្យតក់សម្គាល់យូរី បានលេង១ក្បាច់នោះគឺនាងតុបតែងខ្លួនកាន់តែប្លែកៗ ហើយសាច់ក៍កាន់តែសខ្ចី ខណៈម៉ូដសក់ផ្លាស់ប្ដូរសឹងគ្រប់ឆាកដែលការប្ដូរយុទ្ធសាស្រ្ដទីផ្សារសិល្បៈបែបនេះ មិនត្រឹមតែធ្វើឲ្យFan នាងចង់តាមដានគ្រប់ពេលនោះទេ ប៉ុន្ដែគេជឿរថាថៅកែក៍មានអារម្មណ៍ហាក់ច្របូលច្របល់ខ្លះៗដែរ ព្រោះថាយូរី កាន់តែស្អាតចម្លែក បើទោះជាមានដំណឹងថាលោកនី រកបានម្ចាស់ចិត្តថ្មីស្អំបេះដូងតាំងពីភ្លាមៗក្រោយលោកដើរផ្លូវផ្សេងគ្នាពីយូរី ក្ដី។
យូរី ត្រូវបានគេចាត់ទុកថានាងជាតារាប៉ៈរឿងស្នេហាមិនសូវសមប្រកបនោះទេ ព្រោះបរាជ័យស្នេហ៍៣លើកមកហើយ តែស្រីស្រស់ពូកែលេងក្បាច់រាំគូរឲ្យក្នក់ក្នាញ់រូបនេះមិនដែលបង្ហូរទឹកនេត្រាឲ្យគេឃើញថានាងមានវិបត្តិស្នេហ៍ម្ដងណាឡើយ។ប្រភពបានឲ្យដឹងថាយូរី មានបុរសទាំងក្នុងនិងក្រៅស្រុកចាំត្រងស្នេហ៍ ហេតុនេះគេជឿរថានាងមិនមែនរកក្ដឹបសង្សារមួយមកបណ្ដើរអត់បាននោះទេ តែគ្រាន់តែនាងមិនទាន់បញ្ចេញបុរសថ្មីក្នុងបេះដូងនាងឲ្យគេឃើញប៉ុណ្ណោះ ដែលហេតុផលគឺអាចមកពីមិនទាន់មានភាពច្បាស់លាស់ ឬមិនចង់ដើរជាន់ដានចាស់ម្ដងទៀតនាំឲ្យខ្មាសមិត្តរួមអាជីពទើបនាងលែងបញ្ចេញភាពល្អែមល្ហែមស្នេហ៍ដូចមុនទៀត។
គូរបញ្ជាក់ថាយូរី ស្ថិតក្នុងចំណោមតារាប្រជែងទីផ្សារយុវវ័យនាពេលបច្ចុប្បន្នមានដូចជានាងតន់ ច័ន្ទសីម៉ា និងរ៉េត ស៊ូហ្សាណា ជាដើមហើយនាងធ្លាប់ប្រាប់ថាចង់ឈានទៅថតភាពយន្ដដូចតារារួមដំបូលដែរដើម្បីពង្រីកទីផ្សារសិល្បៈ ។តែរហូតមកដល់ពេលនេះយូរី នៅតែមិនទាន់លេចមុខក្នុងរឿងណាមួយនោះទេ ហើយនាងក៍មិនសូវមានបទល្បីៗទៀតដែរក្រោយបទ”រាំតោង” ទទួលបានកាគាំទ្រច្រើនគូសម។យ៉ាងណាតាមព័តមានថាយូរី មានតម្លៃខ្លួនខ្ពស់ជាងនៅសាន់ដេក្រោយនាងចូលហង្សមាសនពោលគឺតម្លៃខ្លួននាងច្រៀងមួយកម្មវិធីស៊ីថ្លៃក្បែ២ពាន់ដុល្លារ ត្រដមត្រសងជាមួយនាងស៊ូហ្សាណា ដែរ។អ្នកជំនាញសិល្បៈបានលើកឡើងថាយូរី ក៍មិនខុសពីនាងទេព បូព្រឹក្ស ដែរពោលគឺសម្លេងមធ្យមដូចគ្នា តែពួកគេធ្វើឲ្យFan ចាប់អារម្មណ៍ទៅលើការតុបតែងខ្លួន និងក្បាច់រាំច្រើនជាង។
ប្រភពបានឲ្យដឹងថាយូរី ជួបការលំបាកនូវបញ្ហាមួយចំនួនក្រោយបែកថៅកែមានដូចជានាងអត់តៃកុងឡានជូនទៅច្រៀងសម្ដែងតាមឆាកទាំងឡាយដូចមុន និងខ្វះទីប្រឹក្សារឲ្យយោបល់នាងទាក់ទងរឿងរកស៊ីធំ ហេតុនេះហើយបានជាគម្រោងយូរី សម្ពោធហាងកែសម្ផស្សធំមួយនៅក្បែផ្សារស្ទឹងមានជ័យត្រូវពន្យាពេលទៅវិញ។ប៉ុន្ដែយូរី អាចនឹងក្លាយទៅជាជំទាវដោយងាយប្រសិនបើនាងព្រមភ្ជាប់ស្នេហ៍ថ្មីជាមួយមន្រ្ដីធំណាម្នាក់ដែលពេលនោះទោះជានាងលែងច្រៀងរាំក៍ចាយលុយមិនចេះអស់ឡើយ។តែគេជឿរថាយូរី នឹងមិនចង់ធ្វើជាជំទាវលាក់មុខនោះទេ ហើយបុរសដែលអាចយកបេះដូងនាងបានទាល់តែនាងបេតីដែរទើបអាចទៅរួច មិនមែនមានតែលុយមួយមុខអាចធ្វើឲ្យនាងជ្រួលជ្រើមបានឡើយ។គេចាំមើលថាម្ចាស់ស្នេហ៍ថ្មីរបស់យូរី ជាប្រុសចាស់ ឬក្មេង?
