ភ្នំពេញ៖តារារហ័សនាមអ្នកចម្រៀងស្រគត់ស្រគុំសុគន្ធ និសា កម្រនឹងបង្ហាញសកម្មភាពស្និតស្នាលជាមួយតារាប្រុសរូបណាណាស់ពោលគឺតាំងពីមុននាងមានស្វាមីម្លេះ ដោយមានពេលខ្លះនាងថែមទាំងមិន ចាប់ដៃ គូច្រៀងសម្ដែងជាមួយអ្នកចម្រៀងប្រុសរូបណាដែលមានអាយុតិចជាងខ្លួនច្រើនឆ្នាំទៀតផង។ប៉ុន្ដែមុននេះរូប ភាពទាំងហ្វិកនិងវីដេអូផង បញ្ជាក់ថាអ្នកនាងប៊ុន សុគន្ធា ហៅសុគន្ធ និសា ហាក់ដូចជាទុកចិត្តទៅលើអ្នកចម្រៀងលោកកែ សុវណ្ណារ៉េត ហៅហ្សូណូ ដោយមានទាំងពេលខ្លះនិសា បង្ហាញថានាងជាដៃគូរបស់អតីតស្វាមីអ្នកនាងចាន់ សុផានី រូបនេះទៀតផង ក្នុងនោះមានការលេងសើចតាមTik Tok ផងដែរ ដែលគេសឹងតែមិនធ្លាប់ប្រទះឃើញនិសា ចេះនយាយបែបកំប្លែកបែបនេះសោះពីមុនមក តែពេលនេះនាងបែជាហ៊ានលេងជាមួយហ្សូណូ ទៅវិញបើទោះជាមុននេះបុរសកូន១រូបនេះមានភាពចម្រូងចម្រាសជាខ្លាំងជាមួយអ្នកនាងសុផានី ក្ដី ប៉ុន្ដែនិសា អត់ក្វល់ ឬប្រកាន់នោះទេ។សកម្មភាពបែបនេះរបស់និសា ត្រូវបានFan នាងលើកឡើងថានិសា អាចនឹងជ្រើសហ្សូណូ ជាដៃគូចម្រៀងរបស់នាងនាពេលខាងមុខជាមិនខាន ក្រោយនាងបាត់បង់ដៃគូពិសេសគឺលោកព្រាប សុវត្ថិ ដែលចាកចេញពីហង្សមាសជាងជិត៣ឆ្នាំ ក្រោយពីអ្នកទាំងពីរធ្លាប់ចាប់ដៃគ្នាច្រៀងសម្ដែងបទមរតកដើមជាច្រើនបទទទួលបានការគាំទ្រច្រើនពីទស្សនិកជន។តែយ៉ាងណាក្រៅពីបង្ហាញញភាពស្និតស្នាលជាមួយហ្សូណូ នោះនិសា នៅមិនទាន់ចេញបទចម្រៀងជាមួយលោកសុវណ្ណារ៉េត ជាផ្លូវការនោះទេ ខណៈដែលថ្មីៗនេះនាងបានដឹកដៃស្វាមីលោកចៅ សម្បត្តិ ទៅកម្សាន្ដនៅរដ្ឋBoston សហរដ្ឋអាមេរិករយៈពេលខ្លី ព្រោះប្ដីនាងមានផ្ទះផ្ទាល់ខ្លួននៅទីនោះ។
សុគន្ធ និសា បានចាប់ដៃលោកហ្សូណូ ធ្វើជាគណៈកម្មាការកម្មវិធីប្រលងចម្រៀង Cambodian Idol Junior រដូវកាលទី២និងThe Voice Kids Cambodia រដូវកាលទី៣ហើយអ្នកទាំងពីរក៍ធ្លាប់ថតភាពយន្ដជាមួយគ្នាផងដែរទើបមានការយល់ចិត្តគ្នាបែបនេះ។អ្វីដែលគូរឲ្យសរសើរស្វាមីនិសា លោកចៅ សម្បត្តិ មិនចេះប្រចណ្ឌនាងនោះទេ ទោះជានាងស្និតលោកហ្សូណូ និងលោកឆន សុវណ្ណារាជ យ៉ាងណាក្ដី ព្រោះថាសកម្មភាពទាំងនោះមានតែពេលបំពេញការងារសិល្បៈរួមគ្នាប៉ុណ្ណោះ។និសា ធ្លាប់ប្រាប់អ្នកយកព័តមានយើងថានាងក៍មិនសូវបានចេញទៅតាមប្ដីនៅកម្មវិធីមួយចំនួន ខណៈដែលស្វាមីនាងក៍អត់ដែលមកតាមនាងច្រៀងគ្រប់ឆាកនោះទេ ដែលសកម្មភាពបែបនេះដោយសារតែរវល់រៀងៗខ្លួន ម្យាងការមានទំនុកចិត្តលើគ្នាគឺជារឿងចាំបាច់បំផុត។
គេកត់សម្គាល់ថាសុគន្ធ និសា ត្រូវបានថៅកែហង្សមាសងាកមកយកចិត្តទុកដាក់លើនាងសារជាថ្មីឡើងវិញតាមរយៈការផ្ដល់តំណែងជាគណៈកម្មាការនិងគ្រូបង្វឹកកម្មវិធីប្រលងចម្រៀងធំៗនៅហង្សមាស ដើម្បីបិតផ្លូវនាងកុំឲ្យដើរចេញពីហង្សមាសជាលើកទី២។ប៉ុន្ដែនិសា មិនសូវមានភាពលេចធ្លោខ្លាំងនោះទេ ក្នុងអាជីពចម្រៀង ក្រោយនាងមានស្វាមីជិត៦ឆ្នាំ នេះព្រោះបទចម្រៀងចេញមិនសូវដិតដល់លើទីផ្សារ។អ្វីដែលគូរឲ្យកត់សម្គាល់នោះនិសា ដែលប្រកាសថាយកកូនតាំងពីឆ្នាំ២០២១ ,២០២២ និង២០២៣ នេះឥឡូវនាងនៅតែគ្មានសញ្ញាមានកូនង៉ាដដែល បើទោះជាកាលពីចុងឆ្នាំ២០២២ នាងបានចេញចូលមន្ទីសម្ភពមួយជាញឹកញាប់ហើយគេសង្ស័យថានាងពោះធំក្ដី តែចុងក្រោយនិសា ថាអត់អាលីង…។ដើម្បីឲ្យFan ជឿរជាក់ថានាងពិតជាគ្មានផ្ទៃពោះមែននោះថ្មីៗនេះនិសា បានស្លៀកពាក់រឹបរាងបង្ហាញឲ្យគ្រប់គ្នាឃើញច្បាស់ថាក្បាលពោះនាងរាបស្មើ អត់មានទម្ងន់ដូចគេម៉ៃនោះឡើយ។ដោយឡែកFan របស់និសា ខ្លះបានដាស់តឿននាងថាឆ្នាំដែលត្រូវយកកូនគូរតែនាងកាត់បន្ថយការងារសិល្បៈខ្លះ មិនមែនបង្កើនការរវល់ថែមទៀតដូចពេលនេះទេ ហើយបើនៅតែស្រវាលុយជាធំជាងយកកូននោះប្រយ័ត្នដូចមាស សុខសោភា មានស្វាមី១៦ឆ្នាំ អត់កូន១គ្រាប់នោះទៅ…។
សុគន្ធ និសា ត្រូវបានគេព្យាករណ៍ថានាងនឹងទទួលបានតំណែងធំបន្ថែមទៀត ព្រោះថៅកែហង្សមាសមិនចង់ឲ្យតារាសំខាន់របស់ខ្លួនធ្លាក់ក្នុងកណ្ដាប់ដៃផលិតកម្មផ្សេងទៀតនោះទេ ក្រោយលោកថ្លោះធ្លោយឲ្យលោកព្រាប សុវត្ថិ និងខេមរៈ សិរីមន្ដ ដឹកដៃគ្នាចូលGalaxy ។ដោយសារតែអាជីពសិល្បៈក្នុងស្រុកនៅតែមានទីផ្សារបែបនេះហើយទើបធ្វើឲ្យនិសា ស្ងាត់ដំណឹងចេញទៅរស់នៅតាមស្វាមីនៅអាមេរិក ជាអចិនត្រេយ៍ហើយេពលនេះនាងបានបង្កើតមុខរបរខាងក្រៅសិល្បៈជាបន្ដបន្ទាប់ ខណៈដែលប្ដីនាងក៍ដូចប្ដីមាស សុខសោភា ដែរពោលគឺបានមករស់នៅខ្មែរជាច្រើនឆ្នាំមកហើយ។និសា នឹងទទួលបានភាពកក់ក្ដៅថែមមួយកម្រិតទៀតក្នុងគ្រួសារនៅពេលណានាងសម្រេចបំណងធំយកកូនទី១ឲ្យបានសម្រេចនៅឆ្នាំទី៣ នេះ៕
