ភ្នំពេញ៖ស្រីស្រស់តន់ ច័ន្ទសីម៉ា មិនសូវមានទីផ្សារចម្រៀងល្អដូចមុនទេនៅឆ្នាំ២០២៣ នេះព្រោះបទចម្រៀងនាងហាក់ទទួលបានការគាំទ្រត្រឹមមធ្យម បើប្រៀបធៀបកាលពីឆ្នាំ២០២១ -២០២២ ខណៈតារាតូចតន់រូបនេះក៍មិនសម្រុកស្ទួនៗក្នុងការចេញបទចម្រៀងថ្មីៗទៀតដែរ។សកម្មភាពរបស់សីម៉ា នាពេលនេះហាក់ដូចជានាងកំពុងរកអ្វីដែលថ្មីបំផុតដើម្បីឲ្យបទចម្រៀងរបស់នាងផ្ទុះសារជាថ្មី ប៉ុន្ដែការរំពឹងយ៉ាងណានោះគេមិនអាចសន្និដ្ឋានជាមុនបានឡើយបើទោះជានៅGalaxy នាងនៅតែជាតួឯកតែម្នាក់គត់ដែលមានតារាប្រុសដល់ទៅ៣ដួងជាដៃគូរបស់នាងគឺព្រាប សុវត្ថិ ,ខេមរៈ សិរីមន្ដ និងខេម ក្ដី តែក្រោយមានភាពចម្រូងចម្រាសជាមួយFan មួយប្រាវនោះនាងសីម៉ា រក្សារភាពស្ងៀមស្ងាត់ និងមិនសូវបង្ហាញជាចំហក្នុងការចេញមុខការពារថៅកែដូចមុនទៀតឡើយ។
តារាចម្រៀងល្បីឈ្មោះម្នាក់ដែលនិយាយក្នុងល័ក្ខខណ្ឌមិនឲ្យដាក់ឈ្មោះនោះបានប្រាប់អ្នកយកព័តមានយើងកាលពីពេលថ្មីៗនេះតាមទូរស័ព្ទថាជារឿងធម្មតាដែលតារាចម្រៀងល្បីៗរបស់Galaxy ចេញមុខការពារថៅកែនោះព្រោះអ្នកទាំងអស់នោះក៍បានផលប្រយោជន៍ដោយសារតែពីម្ចាស់ផលិតកម្មដែរ អីចឹងគេមិនគូរណាដាក់បន្ទុកតែទៅលើនាងសីម៉ា ម្នាក់នោះទេ។តារារៀមច្បងបញ្ជាក់ថាបើសីម៉ា ចុះខ្សោយដោយសារតែនាងការពារថៅកែគឺអ្នកចម្រៀងរូបនេះគ្មានវប្បដិសារីឡើយ ព្រោះថានាងបានល្បីដល់ពេលនេះក៍ដោយសារតែថៅកែ អីចឹងចេញការពារថៅកែមានអីខុស?
គេជឿរថានាងតន់ ច័ន្ទសីម៉ា នៅតែអាចធ្វើព្យុះភ្លៀងឡើងវិញបានគ្រប់ពេលវេលាដដែល ព្រោះថានាងជាតារាចម្រៀងដែលមានដៃគូដ៍ល្អបំផុតនៅឆ្នាំ២០២៣ ដែលគ្មានតារាស្រីរូបណាអាចប្រៀបបាននោះទេ ហេតុនេះ ឲ្យតែមានអ្វីថ្មីលោកឧកញ៉ាទាំងពីរព្រាប សុវត្ថិ និងខេមរៈ សិរីមន្ដ នៅពីក្រោយចាំរុញនាងទៅមុខជានិច្ច ខណៈដែលតារាអនាគតក្លាយជាឧកញ៉ាដែរគឺលោកខេម ក៍នៅតែជាដៃគូដ៍សាកសមរបស់នាងដដែល។ប៉ុន្ដែបញ្ហាតម្លៃខ្លួននាងសីម៉ា ខ្ពស់ខ្លាំងពេកនោះទេ ទើបជាបញ្ហាចោទដែលធ្វើឲ្យអ្នកដឹកនាំប្រគុំតន្រ្ដីតាមស្ថានីយ៍ទូរទស្សន៍នានាថ្ងូរដូចព្រាប ព្រោះគ្មានលទ្ធភាពជួលហើយនាងក៍បាត់បង់ឱកាសជួបFan តាមការទៅទស្សនាផ្ទាល់ប៉ុស្ដិ៍ទូរទ្សសន៍ជាច្រើនខែមកហើយដែរ ក្រៅពីការចេញច្រៀងConcerts ដែលរៀបចំដោយGalaxy ខ្លួនឯងនោះ។
តន់ ច័ន្ទសីម៉ា នឹងអាចត្រូវគេបញ្ឈប់បានលុះត្រាណាតែGalaxy ទិញតារាស្រីជើងខ្លាំងរូបណាមកប្រជែងជាមួយនាង ឬធ្វើជាដៃគូតារាប្រុសទាំង៣ខាងលើ តែបើសិនជានាងនៅតែជាតួឯកស្រីតែម្នាក់គត់ដូចប្ចុប្បន្នហើយតារាប្រុសផលិតកម្មនេះគ្មានជម្រើសច្រៀងជាមួយតារាស្រីផ្សេងៗទៀតនោះ ច្បាស់ណាស់ថាសីម៉ា នឹងធ្វើឲ្យតារាស្រីទាំងឡាយនៅតែពិបាកតាមនាងទាន់ដដែល ខណៈស្រីស្រស់ត្រូវបានថៅកែជឿរជាក់លើសម្ថភាពនាងទាំងស្រុង។
សូមបញ្ជាក់ថាតារាវ័យ២៥ឆ្នាំ នាងតន់ ច័ន្ទសីម៉ា ត្រូវបានគេចាត់ទុកថាជាអ្នកចម្រៀងដ៍មានសក្ដានុពលម្នាក់នាយុគសម័យថ្មីនេះ តែនាងមិនសូវចេញមុខតាមConcerts ច្រើននោះទេ ព្រោះតែរឿងស៊ីថ្លៃខ្ពស់ពេកពោលគឺច្រៀងកម្មវិធីធំតម្លៃ៥ពាន់ដុល្លារឯណ្ណោះទើបធ្វើឲ្យអ្នកដឹកនាំកម្មវិធីនិងម្ចាស់ពិធីខ្លះគ្មានលទ្ធភាព ហើយងាកទៅជ្រើសរើសតារាផ្សេង។ប៉ុន្ដែតារាដែលសារភាពថាបានកែសម្រស់ដល់ទៅ៣ផ្នែកគឺច្រមុះ,ចាក់ចង្ការ និងពត់ធ្មេញរូបនេះនៅតែមិនព្រមទម្លាក់តម្លៃខ្លួនតាមការចង់បានរបស់អ្នកដឹកនាំប្រគុំតន្ត្រីឡើយ ព្រោះនាងធ្វើទៅតាមក្រុមហ៊ុនជាអ្នកកំណត់។ស្រីស្រអែមស្រស់ដែលប្រែសំបុរទៅជាសខ្ចីក្រោយមានឈ្មោះល្បីល្បាញនិងជីវភាពប្រែប្រួលខ្លាំងនារយៈពេលជាង៣ឆ្នាំចុងក្រោយនេះធ្លាប់ត្រូវបានគេព្យាករណ៍ថានាងពិបាកគេចតំណែងជំទាវដោយសារតែមានព័តមានថាលោកឧកញ៉ាម្នាក់តាមស្អិតខ្លាំងណាស់ តែពេលនេះរឿងគេសង្ស័យថាសីម៉ា និងឧកញ៉ាពោះម៉ាយរូបនោះមានទំនាក់ទំនងពិសេសជាមួយគ្នានោះបានស្ងប់ស្ងាត់ទៅវិញ ហើយជាញឹកញាប់គេឃើញនាងតែងតែថ្លែងសារថាអត់មានសង្សារ ឬត្រូវការមនុស្សម្នាក់យល់ចិត្តជាដើម។ប៉ុន្ដែសីម៉ា ផ្ទាល់ទទួលស្គាល់ថាការនិយាយថាអត់ប្រុសស្នេហ៍របស់នាងនោះគ្មានអ្នកណាជឿរជាក់មកលើនាងឡើយ ទើបនាងទ័លច្រក អត់ដឹងធ្វើម៉េចទេ។
ក្រៅពីនាងតន់ ច័ន្ទសីម៉ា តារាស្រីផ្សេងៗទៀតក៍មិនសូវមានបទផ្ទុះដូចគ្នាដែរនារយៈពេលចុងក្រោយនេះ ហេតុនេះតំណែងតារាចម្រៀងស្រីលេចធ្លោរដាច់គេនៅឆ្នាំ២០២៣ ស្ថិតក្នុងភាពស្រពិចស្រពិលនៅឡើយ ស្របពេលដែលតារារៀមច្បងសីម៉ា មានដូចជាឱក សុគន្ធកញ្ញា ,មាស សុខសោភា ,ពេជ្រ សោភា និងសុគន្ធ និសា ជាដើមលែងសូវសម្រុកចេញបទថ្មីៗដូចគ្នា៕
