ភ្នំពេញ៖ថ្វីត្បិតតែចំណងស្នេហារបស់នាងឃីន ស្រីនាថ និងលោកលី សេងហួរ ម្ចាស់ក្លឹបបាល់ទាត់សៀមរាប យូណាយធីត ត្រូវបានបើកជាចំហ និងមានដំណឹងថាអ្នកទាំងពីរបានក្លាយទៅជាគូដណ្ដឹងគ្នាទៅហើយក្ដី ប៉ុន្ដែនៅតាមបណ្ដារឆាកតន្រ្ដីទាំងឡាយស្រីនាថ មិនទាន់ឲ្យគូស្នេហ៍នាងជូនទៅច្រៀងតាមគ្រប់បណ្ដារកម្មវិធីនោះទេ បើទោះជាលោកសេងហួរ ចង់ដោយស្ម័គ្រចិត្តក្ដី។ចំណុចនេះធ្វើឲ្យលោកអ៊ូ វ៉ាវ ហៅចន្ថា ដែលជាឪពុកអ៊ីវ៉ា នៅមិនទាន់សប្បាយចិត្តនៅឡើយ ព្រោះថាបំណងរបស់លោកចង់ឲ្យស្រីនាថ យកប្ដីនាពេលនេះគឺដើម្បីរកចៅឲ្យលោកព ឆាប់ៗផង និងពិសេសគឺឲ្យកូនប្រសាររូបនោះធ្វើកិច្ចការជំនួសលោកនូវរឿងសំខាន់គឺត្រូវជូននាងទៅច្រៀងគ្រប់ឆាកតន្រ្ដីទាំងឡាយនោះតែម្ដង ដើម្បីឲ្យលោកមានពេលបានសម្រាកលំហែកាយ៉ា បន្ទាប់ពីបានធ្វើជាតៃកុងឡានឲ្យកូនស្រីអស់រយៈពេលជាង១០ឆ្នាំទៅហើយ។
ទោះជាយ៉ាងណាតាមព័តមានថាមូលហេតុដែលអ៊ីវ៉ា មិនចង់ឲ្យអនាគតស្វាមីជូននាងទៅច្រៀងគ្រប់ឆាកតន្រ្ដីនោះគឺដោយសារតែពួកគេមិនទាន់បានរៀបការតាមប្រពៃណីខ្មែរជាមួយគ្នានៅឡើយ ហេតុនេះនាងខ្លាចFan ថាសង្សារតាមនាងស្អិតដូចតុកកែជាដើមនាំឲ្យប៉ៈពាល់អារម្មណ៍។ម្យាងទៀតលោកសេងហួរ ជាប្រធានក្លឹបបាល់ទាត់ដ៍ធំមួយ និងមានជំនួញផ្សេងទៀតជាច្រើនក្នុងដៃនោះលោកក៍មិនសូវមានពេលទំនេរច្រើនឡើយ ប៉ុន្ដែដើម្បីមនុស្សដែលលោកស្រលាញ់គេជឿរថាលោកអាចរ៉ាប់រងការងារទាំងនោះបាន។ប្រភពបានឲ្យដឹងថាពេលម្ចាស់ក្លឹបបាល់ទាត់រូបនេះទៅកម្មវិធីសំខាន់ដែលគេហៅលោកនោះថៅកែក្លឹបនេះតែងតែបណ្ដើរស្រីនាថ ទៅក្នុងនោះមានរាប់បញ្ចូលទាំងកម្មវិធីមង្គលការរបស់សាច់ញាត្តិរបស់លោកផងដែរ។តែអ៊ីវ៉ា វិញក្រៅពីកម្មវិធីជាលក្ខណៈឯកជននាងមិនដែលបណ្ដើរម្ចាស់ចិត្តទៅជាមួយនោះទេ ក្នុងនោះរួមទាំងកម្មវិធីខួបកំណើតមិត្តភក្ដិជាដើម តែគេជឿរថានាងនិងលោកហួរ នឹងបណ្ដើរគ្នាគ្រប់ជំហ៊ាននៅពេលដែលក្រោយពួកគេរៀបការជាមួយគ្នារួច ហើយប្រិសិនបើគ្មានអ្វីប្រែប្រួលនោះទេតារាសាន់ដេរូបនេះនឹងដឹកដៃម្ចាស់ចិត្តចូលរោងការនៅឆ្នាំ២០២៤ ខាងមុខនេះដែលពេលនោះនាងមានអាយុ៣១ឆ្នាំ ។
គេកត់សម្គាល់ថាអ៊ីវ៉ា ក្រោយធ្លាយរឿងមានស្នេហាជាមួយថៅកែក្លឹបបាល់ទាត់សៀមរាប យូណាយធីត នេះនាងហាក់ស្រកសាច់ច្រើនជាងមុន បើទោះជារូបភាពខ្លះគេឃើញនាងត្រូវគូស្នេហ៍ថ្នាក់ថ្នមចិន្ដាខ្លាំងដូចជាពាក់ស្បែកជើងជូននាងនិងញាំអាហារសមុទ្រនៅលើឆ្នេខ្សាច់រួមគ្នាជាដើមក៍ដោយ។ប្រភពខ្លះថាមូលហេតុដែលស្រីនាថ ថយគីឡូបែបនេះគឺដោយសារតែនាងពិបាកសម្រេចចិត្តរឿងលោកវ៉ាវ ចេះតែជម្រុញឲ្យនាងរៀបការឆាប់ៗ មិនអាចពន្យាពេលបានតទៅមុខទៀតនោះដែលបញ្ហានេះច្បាស់ណាស់ថាស្រីនាថ បានដឹងជាមុនថានៅពេលដែលនាងការប្ដីហើយនោះអាជីពចម្រៀងរបស់នាងប្រឈមលែងស្ទុះទៅមុខទៀតជាមិនខាន។ប៉ុន្ដែលោកវ៉ាវ ធ្លាប់ប្រាប់អ្នកយកព័តមានយើងថារឿងកូនធ្លាក់កូដ ឬអត់ក្រោយពេលរៀបការប្ដីរួចនោះលោកគ្មានក្ដីកង្វល់នោះទេ ព្រោះតាមលោកយល់តារាគេគាំទ្រនៅលើសម្ថភាពមិនមែនរឿងនៅលីវ ឬមានគ្រួសារហើយនោះទេ។
អ៊ីវ៉ា បានបិទបញ្ចប់រឿងស្នេហាលួចលាក់ មិនបើកចំហជាមួយម្ចាស់ក្លឹបបាល់ទាត់វ័យក្មេងរូបនេះត្រឹមភ្ជាប់ស្នេហ៍បានរយៈពេល៧ឆ្នាំ ដែលការសាងស្នេហាជាសាធារណៈនាពេលនេះជាបំណងដ៍ធំមួយរបស់គូស្នេហ៍នាងព្រោះនៅពេលដែលគ្រប់គ្នាបានដឹងថាស្រីនាថ មានម្ចាស់ចិត្តហើយនោះនឹងលែងមានប្រុសផ្សេងៗទៀតតាមញ៉ែនាងទៀតហើយ ដោយសារតែពេលនេះស្រីស្រស់មិនមែនបេះដូងនៅទំនេរនោះទេ។ដោយឡែករឿងដែលលោកវ៉ាវ ថារឿងអនាគតគូស្រកររបស់កូនស្រីលោកផ្ដល់សិទ្ធិឲ្យនាងជ្រើសរើសខ្លួនឯងដល់ទៅ៦០% ហើយលោកសុំត្រឹមតែ៤០% ជាអ្នកសម្រេចតាមក្រោយ ខណៈលោកសង្កត់ថាកូនប្រសារលោកមិនប្រកាន់ថាជាអ្នកមានឬក្រឲ្យតែមិនមែនជាប្ដីគេគឺអាចចូលចែចូវកូនលោកបាននោះ ទីបំផុតអនាគតស្វាមីអ៊ីវ៉ា គឺជាកូនសេដ្ឋី ព្រោះតាមព័តមានថាឪពុកម្ដាយលោកសេងហួរ ជាអ្នកជំនួញដ៍ធំម្នាក់។តែគេជឿរថាគូស្នេហ៍របស់អ៊ីវ៉ា នឹងសម្របខ្លួនតាមនាងជាមិនខានទាក់ទងថាក្រោយរៀបការហើយថៅកែក្លឹបបាត់ទាត់រូបនេះនៅតែឲ្យនាងបន្ដអាជីពចាស់ទៀត ឬអត់នោះ ព្រោះតាមដំណឹងថាស្រីនាថ មិនទាន់ចង់ចាកចេញពីការច្រៀងរាំ ត្រឹមពេលនាងមានស្វាមីនោះទេគឺនៅតែចង់បន្ដទៅមុខទៀតហើយគូដណ្ដឹងរបស់នាងនឹងបើកសិទ្ធិឲ្យនាងធ្វើការងារដែលខ្លួនស្រលាញ់គឺដូចគ្នាទៅនិងសុគន្ធ និសា ត្រូវស្វាមីនាងនៅតែគាំទ្រឲ្យនាងច្រៀងតទៅទៀតទោះជាលោកជាអ្នកជំនួញធំម្នាក់ក្ដី ៕
