ភ្នំពេញ៖លោកគួច ខេវិន បានធ្វើការពញាក់និងដាស់អារម្មណ៍ដល់អ្នកលេងបណ្ដាញសង្គម និងមហាជនទូទៅថាពេលនេះសីលធ័មខ្មែរបានធ្លាក់ចុះខ្លាំង និងបន្ដធ្លាក់ចុះថែមទៀតបើគ្មានការយកចិត្តទុកដាក់ព្រោះនៅលើបណ្ដាញសង្គមានការជេរប្រមាថគ្នា ក្លាយទៅជាទម្លាប់ ខណៈដែលការរស់នៅប្រចាំថ្ងៃវិញមនុស្សគ្មានការលើកលែងអធ្យាស្រ័យឲ្យគ្នាដោយសម្ដីទន់ភ្លន់ឡើយគឺដូចជាករណីថ្មីៗនេះយុវវជន២នាក់បងប្អូនជិះម៉ូតូសាចទឹកប៉ៈបុរសម្នាក់ជាមន្រ្ដីផងហើយគាត់បានវាយទៅលើយុវវតីនោះ និងក្មេងប្រុសម្នាក់ជិះម៉ូតូជ្រុលទៅប៉ៈរថយន្ដអ្នកគ្រូពេទ្យម្នាក់ក្រឡិតថ្នាំតែបន្ដិចត្រូវម្ចាស់ឡានទះ៥ដៃ និងទារសំណង៥០០ដុល្លារ ហើយយកម៉ូតូទៅចាក់សោរទុកជាដើម។
លោកគួច ខេវិន អតីតអគ្គនាយករងទូរទស្សន៍CTN ,SEA TV និងE TV បានថ្លែងសារថា”នាពេលបច្ចុប្បន្ន មិនថាឡើយនៅក្នុងបណ្ដាញទំនាក់ទំនងសង្គមFacebook សូម្បីតែក្នុង ទំនាក់ទំនងសង្គមរស់នៅទូទៅរបស់ខ្មែរយើង ក៏គេបានសង្កេតឃើញថាសិលធម័របស់មនុស្សភាគច្រើន បានធ្លាក់ចុះដុនដាបយ៉ាងខ្លាំងហើយអាចបន្តស្រុតចុះជាបន្តបន្ទាប់ទៀតប្រសិនបើគ្មានការយកចិត្តទុកដាក់លើកជ្រោងឲ្យខ្ពង់ខ្ពស់ឡើងវិញទេនោះ។ ការទាស់ទែងខ្វែងគំ និតយោបល់គ្នា ភាពមិនចុះសម្រុងលើទស្សនៈណាមួយក្នុងFacebookទាំ ងម្ចាស់គណនីទាំងអ្នក បញ្ចេញមតិ បើមិនទាំងអស់ក៏មានភាគរយច្រើន បានប្រើពាក្យសម្តីនិងការសរសេរអសិលធម័ អសុរស ជេរប្រមាថ មើលងាយមើលថោកមិនថាអ្នករៀនសូត្រចេះដឹង ឬអ្នកល្ងង់ខ្លៅនោះឡើយគឺប្រើពាក្យថោកទាបស្ទើរក្លាយជាវប្បធ៌មទៅហើយ។ រីឯក្នុងសង្គមរស់នៅវិញ ការប្រាស្រ័យទាក់ទងដោយ កាយវិការ ដោយពាក្យសម្តីរាបសារទន់ភ្លន់ ដោយការអធ្យាស្រ័យ ដោយក្តីសណ្តោសប្រណី អត់ឱន លើកលែង ដោយក្តីមេត្កាករុណា គឺស្ទើរតែគ្មានតែម្តង ។តួយ៉ាងគ្រាន់តែជិៈម៉ូតូលើផ្លូវសាធារណៈជាមួយគ្នាចៃដន្យសាចទឹកប្រឡាក់បន្តិចបន្តួច ជិៈម៉ូតូបុកឡានទំនើបរបកថ្នាំតិចតួចក៏បង្កជាជម្លោះប្រុសវាយស្រី ស្រីវាយប្រុស តាមបែបអាងមាសអាងប្រាក់ អាងបុណ្យអាងសក្តិ អាងបក្ខអាងពួក ប្រព្រឹត្តិអំពើអសិលធម័ដូចប្រទេសគ្មានច្បាប់ មនុស្សគ្មានសិលធម័និងការអប់រំ ។ ការលើកតម្កើងសីលធម័សង្គមគឺជាកាតព្វកិច្ចនៃមនុស្សខ្មែរគ្រប់រូប និងផ្តើមចេញពីយើងម្នាក់ៗ ព្រមទាំងទទួលយកនូវការអប់រំពីគ្រប់មជ្ឈដ្ឋាននិងផ្តល់តម្លៃចំពោះខ្លួនយើងជាខ្មែរដែលមានវប្បធម័ អរិយធម័និងសិលធម័ថ្លៃថ្នូរតាំងតែពីបុរាណរៀងមក។ ខ្ញុំក៏ធ្លាប់ចតរថយន្តស្ងៀមយ៉ាងរៀបរយហើយត្រូវអ្នកដ៏ទៃជិៈម៉ូតូមកបុកឲ្យខូចខាតតិចតួច តែបើគិតថ្លៃជួសជុលក៏300$ដែរ ប៉ុន្តអ្នកបង្កគាត់លើកដៃសំពះខ្ញុំហើយសុំទោស!!! យ៉ាងហោចណាស់ខ្ញុំបានវិនិច្ឆ័យភ្លាមៗថា អ្នកបុកឡានខ្ញុំជាខ្មែរដូចខ្ញុំដែលមានសិលធម័ ស្គាល់គុណយល់ទោស ខ្ញុំមិនមែនជាអ្នកមានលុយកាក់ហូរហៀរតែខ្ញុំក៏មិនទារសំណង ដោយយកភាពអធ្យាស្រ័យដែលជាផ្នែកតូចមួយនៃសីលធម័ខ្មែរមកដោះស្រាយកំហុសនោះ។ ឱ!សិលធ៌មខ្មែរសូមអ្នកត្រឡប់មកនៅជាមួយខ្មែរគ្រប់រូបឡើងវិញដើម្បីឲ្យមនុស្សខ្មែរសក្តិសមទទួលឈ្មោះថាជាម្ចាស់នគរអច្ឆរិយៈ! អរគុណ”។
គូរបញ្ជាក់ថាប្រតិកម្មរបស់លោកគួច ខេវិន នាពេលនេះកើតមានដោយសារតែកាលពីថ្ងៃទី២៥ សីហា មានយុវជនប្រុសស្រី២នាក់បានជិះម៉ូតូតាមផ្លូវ ខណៈមេឃភ្លៀង មានទឹកដក់ដោយកន្លែង ស្រាប់តែសាចលើបុរសម្នាក់ដែលកំពុងជិះម៉ូតូតែម្នាក់ឯងធ្វើឲ្យផ្ទុះពាក្យសំដី និងប្រើអំពើហឹង្សា ដោយភាគីបុរសជិះម៉ូតូតែម្នាក់ឯងបានទះកំផ្លៀង យុវតី១ដៃពេញទំហ៊ឹង រហូតកើតទៅជាការប្រតាយប្រតប់គ្នាជាមួយយុវជនជាប្អូនយុវតីរងគ្រោះនិងត្រូវបានអ្នកដំណើរថតសកម្មភាពប្រើអំពើហឹង្សា (ប្រុសទះកំផ្លៀងស្រី)បង្ហោះចែកចាយលើបណ្ដាញសង្គម រហូតសម្ថកិច្ចឈានទៅឃាត់ខ្លួនជនដៃដល់ឈ្មោះទី សុផាន់ណា មុខរបរជាមន្រ្ដីនៅក្រសួងមុខងារសាធារណៈ មានតួនាទីជាអនុប្រធាននាយកដ្ឋាន កាលពីថ្ងៃទី២៨ សីហា ២០២៣ ។ប៉ុន្ដែក្រោយមានការអប់រំជននោះត្រូវបានសម្ថកិច្ចដោះលែងវិញដោយសារតែយុវតីជនរងគ្រោះបានដកពាក្យបណ្ដឹង។
ដោយឡែកកាលពីថ្ងៃទី៣០ សីហា ២០២៣ វេលាម៉ោង៥ ព្រឹក យុវជនម្នាក់បានជិះម៉ូតូជ្រុលទៅប៉ៈរថយន្ដLexus Lx 570 ព័ណខ្មៅដោយឆូតថ្នាំតែបន្ដិចតែត្រូវបានម្ចាស់ឡានជាគ្រូពេទ្យឈ្មោះអយ ឆវឌ្ឍនី នោះ ទះលើយុវវជននោះ៥ដៃ និងយកម៉ូតូខ្លួនទៅចាក់សោរទុកទៀតផង ដែលហេតុការណ៍នេះកើតឡើងនៅមុខមន្ទីសម្ពពនិងព្យាបាលជំងឺឥទ្រ្ទទេវី១ ខណ្ឌទួលគោក ។ប៉ុន្ដែអ្នកគ្រូពេទ្យរូបនោះបានចេញសារថាគាត់ការពារខ្លួន ព្រោះយុវជនរូបនោះបានជេប្រមាថ និងទាញរ៉ូប ប៉ៈខ្លួន…។ដោយឃើញការគ្មានយោគយល់អធ្យាស្រ័យគ្នារវាងខ្មែរនិងខ្មែរបែបនេះហើយទើបលោកគួច ខេវិន លើកឡើងថាពេលនេះសីលធម័ខ្មែរកំពុងធ្លាក់ចុះខ្លាំង ហើយនឹងបន្ដធ្លាក់ចុះថែមទៀតបើសិនគ្មានវិធានការណ៍ទប់ស្កាត់ ខណៈដែលថ្មីៗនេះរថយន្ដFord Raptor របស់លោកចតនៅស្ងៀមតាមរបៀបរៀបរយត្រូវបានគេបុកខូតខាតជួសជុលអស់ខ្ទង់៣០០ដុល្លារ តែលោកមិនបានទាមទារសំណងពីជនបង្ករនោះទេ ដោយសារតែគាត់លើកដៃសំពះនិងសុំទោសរូបលោក បើទោះជាលោកមិនមែនជាមនុស្សមានលុយកាក់ហូហៀក្ដី ប៉ុន្ដែរឿងខ្លះដែលអត់អោន ឬអធ្យាស្រ័យបានគូតែយើងចេះមេត្តា ករុណា ទៅតាមសភាពជាក់ស្ដែងលើខ្មែរតែមួយ៕
