Friday, March 14, 2025
Homeព័ត៌មានជាតិជម្លោះ​ដណ្តើម​ស្រី ស្ទាក់​កាប់​គ្នារយះ​ក្បាល

ជម្លោះ​ដណ្តើម​ស្រី ស្ទាក់​កាប់​គ្នារយះ​ក្បាល

ខេត្តបន្ទាយមានជ័យ ៖ បុរស២នាក់ បានកើតមានទំនាស់ជាមួយគ្នាពីរឿងស្រលាញ់ស្រី ជាន់លេខរៀង រហូត​ដល់ភាគីម្ខាងទប់កំហឹង មិនបានក៏ស្ទាក់កាប់គូទំនាស់របស់ខ្លួន បណ្តាល ឱ្យរយះក្បាលរងរបួសធ្ងន់ និងត្រូវ​សមត្ថកិច្ច ស្រាវជ្រាវឃាត់ខ្លួនបាន កាលពីវេលាព្រឹកថ្ងៃទី ១៩ ខែមករា ឆ្នាំ២០១៧ នៅចំណុចផ្លូវដើម ពុទ្រា ស្ថិតក្នុងភូមិក្បាលស្ពាន១ សង្កាត់ប៉ោយ- ប៉ែត ក្រុងប៉ោយប៉ែត។

ជនបង្កដែលកាប់ប្រហារគូទំនាស់ស្នេហា បណ្តាលឱ្យរយះក្បាលនោះ មានឈ្មោះយូ ណា អាយុ១៨ឆ្នាំ មានលំ​នៅក្នុងភូមិផ្សារកណ្តាល សង្កាត់ផ្សារកណ្តាល ក្រុងប៉ោយប៉ែត។ ចំណែក ជនរងគ្រោះ មានឈ្មោះម៉ាក ភារម្យ អាយុ ១៨ឆ្នាំ មានលំនៅក្នុងភូមិក្បាលស្ពាន២ សង្កាត់ ប៉ោយប៉ែត ក្រុងប៉ោយប៉ែត។

តាមប្រភពពីកន្លែងកើតហេតុ បានឱ្យដឹង ថា នៅមុនពេលកើតហេតុ គេឃើញជនរងគ្រោះ និងជនបង្កហេតុបាន​ឈ្លោះប្រកែកគ្នា នៅចំណុចបរិវេណកាស៊ីណូផ្កាយប្រាំម្តងរួចមក ហើយ រួចក៏បែកផ្លូវគ្នាវិញទៅ ដោយមិនមាន អំពើ​ហិង្សាអ្វីទេ។ ក្រោយមក នៅយប់ថ្ងៃទី ១៨ ខែមករា ឆ្នាំ២០១៧ ជនបង្កហេតុក៏ជិះ ម៉ូតូតាមរកជនរងគ្រោះ លុះ​មកដល់ចំណុចកើត- ហេតុខាងលើ ឃើញជនរងគ្រោះកំពុងជិះម៉ូតូ កកស្ទះចរាចរណ៍ នៅលើដងផ្លូវ ស្រាប់​តែជន- បង្កហេតុ បានដើរសំដៅទៅរកជនរងគ្រោះ រួច ដកកាំបិតពីចង្កេះកាប់ប្រហារជនរងគ្រាះចំក្បាល បណ្តាល​ឱ្យរយះក្បាល រងរបួសធ្ងន់ហូរឈាម ស្រោចខ្លួនតែម្តង។

ក្រោយកើតហេតុ ជនបង្កហេតុបានរត់- គេចខ្លួនបាត់ភ្លាមៗ។ ចំណែកជនរងគ្រោះត្រូវ បានគេដឹកបញ្ជូនទៅកាន់​មន្ទីរពេទ្យ ដើម្បី ព្យាបាល ដោយត្រូវគ្រូពេទ្យដេរមុខរបួស ចំនួន ៧ថ្នេរ។ រហូតដល់ព្រឹកថ្ងៃទី១៩ ខែមករា ឆ្នាំ ២០១៧ សមត្ថកិច្ចក៏ស្រាវជ្រាវឃាត់ខ្លួនជន- បង្កហេតុបាន និងនាំយកទៅសាកសួរនៅអធិ- ការដ្ឋាននគរ​បាលក្រុងប៉ោយប៉ែត។

ប្រភពពីសមត្ថកិច្ច បានឱ្យដឹងថា នៅពេល សមត្ថកិច្ចធ្វើការសួរនាំជនបង្កហេតុមិនព្រម ឆ្លើយតបជាមួយសមត្ថ​កិ​ច្ចនោះទេ។ យ៉ាងណា ក្តី សមត្ថកិច្ច ដោយមានសាក្សី និងភ័ស្តុតាង គ្រប់គ្រាន់ ទើបសម្រេចរៀបចំកសាងសំ-​ណុំ​រឿង បញ្ជូនខ្លួនជនបង្កហេតុទៅកាន់សាលាដំបូងខេត្ត ដើម្បីចាត់ការបន្តតាមនីតិវិធី៕

RELATED ARTICLES