កណ្ដាល៖តារាសម្ដែងយស តារាវត្តី ដែលពេលនេះបានចូលរួមប្រកួតប្រកួតកម្មវិធីFace Of Cambodia 2023 នោះកាលពីថ្ងៃទី២២ កញ្ញា នាងនិងបេក្ខភាពរួមជំនាន់បាននាំយកសម្ភារៈសិក្សារមានដូចជាខ្មៅដៃ សៀវភៅ ប៊ិច រួមទាំងអាហារមានមី ,ប៊ឺហ្គើរ និងទឹកដោះគោ ជាដើមទៅចែកជូនដល់ប្អូនៗកុមារចំនួន ៣០០នាក់ នៅអង្គការ “ការអភិវឌ្ឍកុមារកម្ពុជា “ដែលមានអាយ័យដ្ឋាន នៅផ្លូវជាតិលេខ២១ អា ភូមិព្រែកឯង សង្កាត់សិត្បូ ក្រុងតាខ្មៅ ខេត្តកណ្ដាល ។ប្រភពបានឲ្យដឹងថាកញ្ញាយស តារាវត្តី បានចំណាយថវិការផ្ទាល់ខ្លួនមួយចំនួនទិញសម្ភារៈ និងអាហារចែកជូនដល់ប្អូនៗនៅអង្គការខាងលើដើម្បីផ្ដល់នូវភាពកក់ក្ដៅដល់ពួកគេ ហើយនេះគឺជាវប្បធ័ម នៃការចែករំលែក និងជាគំរូរដ៍ល្អមួយសម្រាប់អ្នកមានលទ្ធភាព ឬសិល្បករផ្សេងៗទៀតក្នុងការចូលរួមធ្វើការងារសង្គមដូចតារាវត្តី ព្រោះនាងថាការធ្វើទាន ចែកអំណោយដល់អ្នកដែលខ្វះខាតធ្វើឲ្យនាងមានក្ដីសុខផ្លូវចិត្តខ្លាំង ។
យស តារាវត្តី បានចេញសារនៅលើហ្វេសបុករបស់នាងថា” Sharing is caring ! ថ្ងៃនេះនាងខ្ញុំរីករាយជាខ្លាំង ដែលបានចែកអំណោយដល់ប្អូនៗដែលរស់នៅក្នុងអង្គការ “ការអភិវឌ្ឍកុមារកម្ពុជា” និង ក្មេងៗក្នុងសាលាចំនួន 300 នាក់ ជូនបុណ្យដល់បងប្អូនទាំងអស់គ្នាផងណា ការចែករំលែកក្តីស្រលាញ់ទៅកាន់មនុស្សជុំវិញខ្លួន ជារឿងដែលធ្វើអោយខ្ញុំមានក្តីសុខផ្លូវចិត្តខ្លាំងបំផុត ប្អូនៗគួរអោយស្រលាញ់ណាស់ ”។
នេះមិនមែនជាលើកទីមួយឡើយសម្រាប់ការធ្វើសប្បុរសធ័មដល់ប្អូនៗកុមារ និងអ្នកដែលមានជីវភាពក្រីក្រ ខ្វះខាតខ្លាំងនោះ តែយស តារាវត្តី បានធ្វើសកម្មភាពបែបនេះជាញឹកញាប់ណាស់មកហើយ គ្រាន់តែមានពេលខ្លះនាងមិនដែលបង្ហោះលើបណ្ដាញសង្គមនោះទេ។ដោយឡែកសម្រាប់លើកនេះនាងទៅរួមជាក្រុមជាមួយបេក្ខភាពនិងថ្នាក់ដឹកនាំរបស់Face Of Cambodia 2023 តែម្ដង ដែលមើលទៅពួកគេពិតជារីករាយក្នុងការផ្ដល់ស្នាមញញឹមដល់ប្អូនៗនៅអង្គការមួយនេះដូចគ្នា ។តារាវត្តី បានប្រាប់ថានាងនឹងបន្ដសកម្មភាពសប្បុរសធ័មបែបនេះទៀតទៅតាមលទ្ធភាពដែលខ្លួនអាចធ្វើទៅបាន ហើយមហាជនអាចគាំទ្រទង្វើរល្អក្នុងសង្គមរបស់នាងបានតាមរយៈការVote ឲ្យនាងនៅក្នុងកម្មវិធីFace Of Cambodia 2023 ដែលការបើកឲ្យVote ចាប់ពីថ្ងៃទី២១ កញ្ញា តទៅ នឹងប្រកួតផ្ដាច់ព្រ័ត្រនៅថ្ងៃទី៣ ខែតុលា ឆ្នាំ២០២៣ ខាងមុខនេះ។
សូមបញ្ជាក់ថាយស តារាវត្តី ទោះជាក្លាយទៅជាតារាសម្ដែង និងម៉ូដែលម្នាក់ក្ដី ប៉ុន្ដែនាងនៅតែចង់វិវត្តន៍ខ្លួនឲ្យកាន់តែមានការរីកចម្រើនថែមទៀតតាមរយៈការឈានជើងចូលរួមប្រកួតFace Of Cambodia 2023 ព្រោះបើនាងឈ្នះមកុដមួយនេះនឹងមានឱកាសឡើងទៅបង្ហាញសម្ថភាពលើវេទិការដ៍ធំមួយនៅប្រទេសកូរ៉េខាងត្បូង នាពេលខាងមុខ ហើយបំណងធំរបស់នាងគឺចង់ពាំនាំយកអរិយធ័ម វប្បធ័មដ៍ល្អផូផង់របស់ខ្មែរទៅបង្ហាញលើឆាកអន្ដរជាតិ ដើម្បីឲ្យពិភពលោកស្គាល់កម្ពុជាកាន់តែច្បាស់ថែមទៀត ។តារាវត្តី ប្រកាន់ជំហថានៅពេលដែលនាងក្លាយទៅជាតារាម៉ូដែលល្បីម្នាក់គឺនាងនឹងប្រើឥទ្ធិពលរបស់ខ្លួនក្នុងការប្រឆាំងយ៉ាងដាច់ខាតទៅលើការជួញដូរឬបៀតបៀនទៅលើអនិថិជន ៕
