ភ្នំពេញ៖ឈិន ម៉ានិច្ច នឹងហោះទៅកាណាដា នៅដើមខែតុលា ខាងមុខនេះដើម្បីច្រៀងសម្ដែងជាមួយលោកឆន សុវណ្ណារាជ និងអ្នកនាងឡាយ លក្ខិណា នៅតាមភោជនីយដ្ឋានមួយចំនួននៅថ្ងៃទី៧ តុលា និងទីតាំងផ្សេងទៀតដែលសំបុត្រត្រូវបានគេដាក់លក់ក្នុងម្នាក់ដល់ទៅ១២៥ដុល្លារ(Includes meal )ឯណ្ណោះ មុនពេលតារាហង្សមាសរូបនេះទៅដល់។តាមព័តមានថាមូលហេតុដែលខាងSponsor ជ្រើសនាងម៉ានិច្ច ទៅច្រៀងនៅទីនោះដោយសារតែនាងជាតារាអាចច្រៀងបទមរតកដើមបានយ៉ាងពិរោះ ហេតុនេះនាងត្រូវចាប់ដៃជាមួយលោកឆន សុវណ្ណារាជ និងឡាយ លក្ខិណា ច្រៀងសម្ដែងបទមួយចំនួនទាក់ទងពិធីបុណ្យភ្ជុំបិណ្ឌដែលនឹងមកដល់នៅចំពេលដែលនាងចេញទៅក្រៅស្រុកនេះតែម្ដង។ ប្រភពថានាងឈិន ម៉ានិច្ច និងលោកឆន សុវណ្ណារាជ ទៅច្រៀងនៅលើកនេះមានរយៈពេលខ្លី និងមិនទាន់មានពូ័តមានថាពួកគេអាចបង្ហួសទៅច្រៀងសម្ដែងនៅប្រទេសជិតខាងនោះទេ ខណៈដែលនាងម៉ានិច្ច មិនធ្លាប់ទៅកាណាដា ញឹកដូចលោកឆន សុវណ្ណារាជ ឡើយ។
គូរបញ្ជាក់ថាឈិន ម៉ានិច្ច ជាម្ចាស់ពានCambodian Idol រដូវកាលទី២ ដែលនាងមានទឹកដមសម្លេងក្រអួនក្រអៅ និងជាដៃគូដ៍សាកសមជាមួយលោកដួង វីរៈសិទ្ធ តែពេលនេះលោកសិទ្ធ ទៅចូលរាម ធ្វើឲ្យនាងមិនមានដៃគូច្បាស់លាស់ក្រៅពីយូៗម្ដងគេឃើញនាងច្រៀងជាមួយនី រតនា ។អតីតតារាចម្រៀងច្រៀងនាពេលរាត្រីនៅតាមហាងមម្ដុំសង្កាត់ព្រែកលាភ រូបនេះមិនសូវលេចធ្លោឡើយ ព្រោះកម្រលេចមុខលើបណ្ដាញសារព័តមាន ដោយសារតែនាងមិនចូលចិត្តផ្ដល់បទសម្ភាសន៍ ខណៈដែលនៅហង្សមាសវិញនៅតែនាងរ៉េត ស៊ូហ្សាណា មានប្រៀបជាងម្ចាស់ពានមួយចំនួនដដែល។ប៉ុន្ដែអ្វីដែលម៉ានិច្ច មានការប្រែប្រួលនោះគឺរូបសម្រស់នាងពីខ្មៅស្រអែម មកជាជាសជាងមុននិងស្បែករលោង ហើយធ្លាប់តែរស់នៅផ្ទះជួល ជិះម៉ូតូឌុបមកជាមានផ្ទះផ្ទាល់ខ្លួននិងជិះរថយន្ដទំនើបម៉ាកJeep Rubicon តម្លៃជិត ១០ម៉ឺន ដុល្លារ ។តែតាំងពីមានឈ្មោះបោះសម្លេងមកម៉ានិច្ច មិនដែលបណ្ដើរសង្សារដែលធ្លាប់តែជូននាងតាមឆាកតន្រ្ដីដូចមុនជាសាធារណៈឡើយ ស្របពេលដែលនៅថ្ងៃឡើងផ្ទះនាងកាលពីឆ្នាំមុនបែជាមានដំណឹងថាមន្រ្ដីធំម្នាក់ចងដៃនាងលុយដុល្លារ១ដុំ។អ្នកជំនាញសិល្បៈបានលើកឡើងថានាងម៉ានិច្ច ពិបាកស្ទុះទៅមុខដោយសារតែនាងចេញចម្រៀងមិនដិតដល់លើទីផ្សារ និងម្យាងទៀតនាងនៅតែច្រៀងបទស្លូវទោលតែម្នាក់ឯង មិនមានការវិវត្តន៍មកជាអ្នកចម្រៀងដែលចេញបទញាក់ឲ្យបានច្រើនចេះលេងក្បាច់រាំ មានក្រុមរាំអមដូចមិត្តរួមក្រុមនោះហើយដែលធ្វើឲ្យទីផ្សារចម្រៀងនាងគ្មានការផ្លាស់ប្ដូរបែបនេះ។ដោយឡែកចំពោះរឿងដែលនាងខ្លាច ឬមិនចង់សម្ភាសន៍ជាមួយអ្នកកាសែតនោះគេក៍មិនដឹងពីមូលហេតុច្បាស់ទេ តែតាមព័តមានថានាងម៉ានិច្ច មិនចង់ឲ្យមានការផ្សព្វផ្សាយលើសារព័តមានរឿងស្នេហាចាស់របស់នាងនោះឯង។
គូរកត់សម្គាល់ថារយៈពេលចុងក្រោយនេះតារាចម្រៀងល្បីៗបានផ្អាកចេញទៅច្រៀងសម្ដែងនៅក្រៅស្រុកជាបន្ដបន្ទាប់ដោយសារតែការរកលុយធីប មិនសូវបានដូចមុន ហើយនៅរដូវក្ដៅនៅក្នុងស្រុកមានចំណូលល្អជាងព្រោះសំបូរទៅដោយConcerts ស្រាបៀរជាច្រើន។ប្រភពបានឲ្យដឹងថាអ្នកគាំទ្រតារាខ្មែរនៅបរទេសហើយចង់ឲ្យលុយធីបដល់អ្នកចម្រៀងនាពេលនេះកម្រនិងគេឲ្យផ្ទាល់ដូចមុនណាស់ តែគេបាញ់តាមកុងធានាគារដូចនៅខ្មែរដែរ ។ចំពោះនាងម៉ានិច្ច ដែលច្រៀងបទពីដើមៗបានយ៉ាងពិរោះនោះគេជឿរថានាងនៅតែត្រូវប៉ាន់ទីផ្សារនៅក្រៅស្រុកដែលអាចឲ្យនាងរកលុយបានពីការស្បើយការងារក្នុងស្រុកនារដូវធ្លាក់ភ្លៀងនេះ។ប៉ុន្ដែយ៉ាងណាគេសង្ឃឹមថានាងម៉ានិច្ច នឹងមិនដូចឡាយ លក្ខិណា ដែលទៅកាណាដាតែ៣ខែ តែពន្យាពេលដល់ជិត៥ឆ្នាំ មិនព្រមវិលមកស្រុកវិញនោះឡើយ ។
អ្នកជំនាញសិល្បៈបានលើកឡើងថានាងឈិន ម៉ានិច្ច ទោះជាម្ចាស់ពានកម្មវិធីលំដាប់ ថ្នាក់ពិភពលោកCambodian Idol រដូវកាលទី២ ក្ដី ប៉ុន្ដែបច្ចុប្បន្ននាងមិនមែនជាតួឯករបស់ហង្សមាសនោះទេ ហើយប្រសិនបើនាងមិនផ្លាស់ប្ដូរទីផ្សារចម្រៀងតទៅទៀត នោះនាងម៉ានិច្ច នៅតែមិនអាចមិនអាចស្ថិតក្នុងចំណោមតារាលំដាប់ជូរមុខរបស់ហង្សមាសបានដដែល បើទោះជាពេលនេះឱក សុគន្ធកញ្ញា ជិតមានកូន២ និងពេជ្រ សោភា ឈានចូលវ័យ៤០ឆ្នាំ ទៅហើយក្ដី ៕
