ភ្នំពេញ៖ឆន សុវណ្ណារាជ បានធ្វើឲ្យគេភ្ញាក់ផ្អើលព្រោះតែអង្គុយតំណែងជាCoach កម្មវិធីThe Voice Cambodia រដូវកាលទី១ នោះលោកបាននាំកូនក្រុមលោកប៊ុត សីហា លើកពានដោយផ្ដួលកូនក្រុមណុប បាយ៉ារិទ្ធ ,ពេជ្រ សោភា និងឱក សុគន្ធកញ្ញា ។ប៉ុន្ដែសុវណ្ណារាជ បានខកចិត្តមិនស្ទើទេ ព្រោះតែសីហា ត្រូវហង្សមាសមបណ្ដេញចេញពីផលិតកម្មនេះមុនពេលផុតកុងត្រាដោយសារតែរឿងសេពគ្រឿងញៀនកាលពីឆ្នាំ២០១៨ រហូតមានអ្នកខ្លះថាលោករាជ រើសកូនក្រុមមិនចេះមើលមទៀតផង បើទោះជាកម្មវិធីនេះគេផ្ដោតលើទឹកដម្លេងជាគោលក្ដី ។ដោយឡែកសម្រាប់រដូវកាលទី៣នេះឆន សុវណ្ណារាជ នៅតែបន្ដរក្សារតំណែងជាគ្រូបង្វឹគតទៅទៀតបានដដែលហើយលោកបាននាំកូនក្រុមឈ្មោះសាល បាទី ឡើងទៅវគ្គផ្ដាច់ព្រ័ត្រ ប្រជែងយកពាន ហើយបើសុវណ្ណារាជ អាចធ្វើឲ្យគេភ្ញាក់ផ្អើលសារជាថ្មីនោះគេជឿរថាលោកអាចស្ដារមុខមាត់បានឡើងវិញជាមិនខាន លែងខកចិត្តដូចធ្លាប់បង្វឹគបង្កាត់ប៊ុត សីហា ទៀតហើយ។ទោះជាយ៉ាងណាកូនក្រុមរបស់តារាវ័យ៣៨ឆ្នាំ រូបនេះក៍ត្រូវតតាំងយ៉ាងស្វិតស្វាញជាមួយកូនក្រុមពេជ្រ សោភា ,ឱក សុគន្ធកញ្ញា និងណុប បាយ៉ារិទ្ធ ខណៈដែលការប្រកួតផ្ដាច់ព្រ័ត្រនឹងធ្វើនៅថ្ងៃទី១ ខែតុលា ឆ្នាំ២០២៣ ។
គូរកត់សម្គាល់ថាឆន សុវណ្ណារាជ ក្រោយចប់ភារិកិច្ចធ្វើជាCoach កម្មវិធីThe Voice Cambodia រដូវកាលទី៣ នេះរួចលោកនឹងដឹកដៃនាងឈិន ម៉ានិច្ច ហោះទៅកាណាដាដែលលោកត្រូវច្រៀងកម្មវិធីនៅថ្ងៃទី៧ តុលា ខាងមុខនេះដោយចាប់ដៃជាមួយអ្នកនាងឡាយ លក្ខិណា ដែលរងចាំនៅទីនោះជាស្រេច។នេះមិនមែនជាលើកទី១នោះទេសម្រាប់លោកសុវណ្ណារាជ ក្នុងការច្រៀងសម្ដែងនៅកាណាដានោះតែជាញឹកញាប់ទៅហើយ ព្រោះកាលពីឆ្នាំមុនៗលោកក៍ធ្លាប់ចាប់ដៃមាស សុខសោភា ច្រៀងជាច្រើនកម្មវិធីដែរ។ប៉ុន្ដែការចេញទៅកាណាដាលើកនេះលោករាជ នឹងច្រៀងបទប្រពៃណីជាច្រើនពាក់ព័ន្ធពិធីបុណ្យភ្ជុំបិណ្ឌ ខណៈដែលការច្រៀងសម្ដែងរបស់លោកតាមបណ្ដារConcerts ជាច្រើនក្នុងស្រុករាងស្បើយបន្ដិចនោះគេជឿរថាលោកនឹងមិនប្រញ៉ាប់វិលវិញដោយតក់ក្រហល់ទេ តែអាចបន្ថែមការច្រៀងសម្ដែង ព្រោះតារារោមទ្រូងច្រើនរូបនេះក៍អាចច្រៀងបទមរតកដើមបានយ៉ាងល្អផងដែរ។
សូមបញ្ជាក់ថាឆន សុវណ្ណារាជ ពិបាកដណ្ដើមភាពលេចធ្លោអំឡុងពេលដែលលោកព្រាប សុវត្ថិ និងខេមរៈ សិរីមន្ដ ជុំគ្នានៅហង្សមាស ប៉ុន្ដែពេលនេះតារាទាំង២ដួងលោតចូលGalaxy អស់ទៅហើយនោះគេរំពឹងថាលោករាជ អាចឡើងត្រដែតជាងមុន ។តែអ្វីៗមិនដូចការរំពឹងទុកទេ ព្រោះអតីតតារាU2 រូបនេះមិនសូវមានបទផ្ទុះដូចមុនទេ បើទោះជាលោកត្រូវបានគេមើលឃើញថាស្ថិតក្នុងចំណោមតារាប្រុសជូរមុខរបស់ផលិតកម្មធំមួយនេះក្ដី។យ៉ាងណាក្នុងចំណោមកម្មវិធីប្រលងចម្រៀងធំ២របស់ហង្សមាសគឺThe Voice Cambodia និងCambodian Idol នោះលោកឆន សុវណ្ណារាជ នៅតែអង្គុយកៅអីនេះដោយមានសុវត្ថិភាពបើទោះជានៅឆ្នាំចុងក្រោយនេះថៅកែបានផ្លាស់ប្ដូរគ្រូបង្វឹគ និងគណៈកម្មាការជាបន្ដបន្ទាប់ក្ដី តែមិនមានហានិភ័យសម្រាប់លោករាជ ទេ។ចំណែកទាក់ទងរឿងស្នេហាវិញលោកសុវណ្ណារាជ គ្មានដំណឹងការប្រពន្ធឡើយ ក្រោយស្ងាត់រឿងស្នេហ៍និស្សិតស្រីនៅអាមេរិកនាងអរិយា ១៥ឆ្នាំមក។អ្វីដែលគូរឲ្យចម្លែកនោះមុននេះគេឃើញលោកសុវណ្ណារាជ ហាក់ប្លែកៗដូចជាមានពេលខ្លះលោកចាប់អោបថើបស្រីស្អាតហេង រដ្ឋា នៅក្រៅឆាកនិងពេលរាំស្លូវយកដៃទៅប៉ៈគូថនាងសុភ័ក្រ្ដ កុសាម៉ា ១ឆ្វិច ផ្ដើលអស់ស្រីស្អាតទាំងឡាយជាដើម។ប៉ុន្ដែអ្វីដែលចម្លែកតារាស្រីដែលធ្លាប់ស្និតស្នាលជាមួយលោកសុវណ្ណារាជ ពីមុនមានដូចជាអ្នកនាងមាស សុខសោភា ,ឱក សុគន្ធកញ្ញា និងពេជ្រ សោភា ជាដើមពួកគេនៅតែផ្ដល់ទំនុកចិត្តដល់លោករាជ ដដែលនោះគឺភាពស្និតស្នាលដោយគ្មានការភ័យខ្លាចក្រែងលោកចូលចិត្តកេងចំណេញលើស្រីស្អាតដូចអ្នកខ្លះបានចោទលើលោករាជ ឡើយ។
ក្រៅពីលោកឆន សុវណ្ណារា តារាដែលគ្មានដំណឹងយកប្រពន្ធមានដូចជាលោកទេព រិនដារ៉ូ និងណុប បាយ៉ារិទ្ធ ជាដើម ៕
