ភ្នំពេញ ៖ ក្មេងស្ទាវចំនួន២ក្រុមមានប្រុសស្រី បានណាត់ជួបគ្នាកាប់ចាក់ស ដើម្បីជម្រះ បញ្ជីគំនុំចាស់ ដោយមានដាវកាំបិត និងដំបង គ្រាប់ដៃ តែមិនទាន់នឹងបានបើកឆាកប្រយុទ្ធផង ក៏ត្រូវសមត្ថកិច្ចដើរល្បាតប្រទះឃើញ ចាប់ឃាត់ខ្លួនបានចំនួន១២នាក់ នាំមកសាកសួរ កាលពីវេលាម៉ោង២និង១៥នាទីរសៀល ថ្ងៃទី២១ ខែមករា ឆ្នាំ២០១៧ ស្ថិតនៅកន្លែង ប្រមូលផ្តុំមុខចេតិយ មាត់ស្រះទឹកព្រៃឈើទាល មុខវត្តជន្លង់ម្លូ ភូមិព្រៃរងៀង សង្កាត់ភ្លើងឆេះរទេះ ខណ្ឌពោធិ៍សែនជ័យ។
ក្រុមក្មេងទំនើងដែលសមត្ថកិច្ចធ្វើការ ឃាត់ខ្លួនបាននេះរួមមាន ៖ ទី១-ឈ្មោះ យ៉ាវ អ៊ៀម ភេទប្រុស អាយុ២២ឆ្នាំ មានលំនៅក្នុង ភូមិព្រៃរងៀង សង្កាត់ភ្លើងឆេះរទេះ ទី២-ឈ្មោះ ឡេង ចន្នី ភេទប្រុស អាយុ២៥ឆ្នាំ មានលំនៅ ក្នុងភូមិព្រៃរងៀង សង្កាត់ភ្លើងឆេះរទេះ ទី៣- ឈ្មោះស៊ុំ សំណាង ភេទប្រុស អាយុ១៨ឆ្នាំ មានលំនៅក្នុងភូមិព្រៃរងៀង សង្កាត់ភ្លើងឆេះ រទេះ ទី៤- ឈ្មោះ ឆេង ស្រីមុំ ភេទស្រី អាយុ២៥ឆ្នាំ មានលំនៅក្នុងភូមិអូដឹម សង្កាត់ ចោមចៅ ទី៥-ឈ្មោះស៊ុំ រ៉ាវី ភេទប្រុស អាយុ ១៦ឆ្នាំ មានលំនៅភូមិកប់ភ្លុក សង្កាត់ភ្លើង ឆេះរទេះ ទី៦- ឈ្មោះ ម៉ារិន អូនវិច្ឆិកា ភេទ ប្រុស អាយុ១៥ឆ្នាំ មានលំនៅក្នុងភូមិស្រែ- ជម្រៅ សង្កាត់ចោមចៅ ទី៧-ឈ្មោះសួង បញ្ញា ភេទប្រុស អាយុ១៦ឆ្នាំ មានលំនៅក្នុងភូមិ ស្រែក្នុង សង្កាត់កន្ទោក ទី៨- ឈ្មោះសម្បត្តិ រតនា ភេទប្រុស អាយុ១៥ឆ្នាំ មានលំនៅក្នុង ភូមិស្រែជម្រៅ សង្កាត់ចោមចៅ ទី៩-ឈ្មោះ នួន សំណាង ភេទប្រុស អាយុ១៥ឆ្នាំ មានលំ នៅក្នុងភូមិស្រែជម្រៅ សង្កាត់ចោមចៅ ទី១០- ឈ្មោះឆាត ប្រុស ភេទប្រុស អាយុ២១ឆ្នាំ មានលំនៅក្នុងភូមិព្រៃរងៀង សង្កាត់ភ្លើង- ឆេះរទេះ ទី១១-ឈ្មោះ ស៊ឹម កុសល ភេទ ប្រុស អាយុ២១ឆ្នាំ មានលំនៅក្នុងភូមិព្រៃរងៀង សង្កាត់ភ្លើងឆេះរទេះ និងទី១២ ឈ្មោះ ស៊ុន ចាន់ទេព ភេទប្រុស អាយុ១៧ឆ្នាំ មាន លំនៅ ភូមិស្រែក្នុង សង្កាត់កន្ទោក។
តាមប្រភពព័ត៌មានពីសមត្ថកិច្ចបានឱ្យដឹង ថា មុនពេលចាប់ឃាត់ខ្លួនក្មេងទំនើងទាំង១២ នាក់នេះ កម្លាំងសមត្ថកិច្ចបានចេញល្បាត ក្នុង មូលដ្ឋានដើម្បីបង្ក្រាបបទល្មើសផ្សេង និង ការពារសន្តិសុខសុវត្ថិភាពជូនប្រជាពលរដ្ឋ។ លុះ ដល់ចំណុចកើតហេតុ ស្រាប់ប្រទះឃើញមាន ក្មេងស្ទាវទាំងនេះ កំពុងពពាក់ពពួនគ្នា ដោយ មានដាវ កាំបិត និងដំបងស្ទើរគ្រាប់ដៃ ទើប សមត្ថកិច្ចធ្វើការឃាត់ខ្លួននាំមកសាកសួរតែម្តង ដោយដកហូតដាវកែច្នៃចំនួន២ដើម កាំបិត ស្នៀត១ដើម ដុំថ្មមួយចំនួន កំណាត់ឈើមួយ ចំនួន ម៉ូតូចំនួន៣គ្រឿង ម៉ាកហុងដា ZOO-MER-X ពណ៌សខ្មៅ គ្មានស្លាកលេខ ម៉ាកហុងដា ឌ្រីម សេ១២៥ ពណ៌ខ្មៅ ពាក់ស្លាកលេខ កណ្តាល 1F-9789 ម៉ាកហុងដា គុបជ្រុង សេ៩០ ពណ៌ ទឹកប៊ិក ពាក់ស្លាកលេខ ភ្នំពេញ 1CD-3736។
នៅចំពោះមុខសមត្ថកិច្ចក្មេងទំនើងទាំង នោះ បានអះអាងថា ពួកគេជាអ្នករងគ្រោះទេ ពោលគឺមុនកើតហេតុ មានក្មេងស្ទាវមួយក្រុម ប្រមាណជិត១០នាក់ មកពីសង្កាត់កំបូល បាន មកស្ទាក់កាប់ពួកខ្លួន និងកាប់ម៉ូតូហុងដាឌ្រីម សេ១២៥ បណ្តាលឱ្យបែកក្បាំង ទើបក្រុម ក្មេងស្ទាវទាំងនោះបាននាំគ្នាបើកម៉ូតូរត់គេចទៅបាត់ ស្រាប់តែមានសមត្ថកិច្ចចុះចាប់ខ្លួន ពួកគេតែម្តង ហើយវត្ថុតាំងទាំងនេះ ក៏មិនមែន ជារបស់ពួកគេដែរ គឺជារបស់ក្រុមជនដៃដល់ទេ។
ទោះយ៉ាងក្មេងស្ទាវទាំងនោះ សមត្ថកិច្ច នាំយកទៅធ្វើការសាកសួរនៅអធិការដ្ឋាននគរបាលខណ្ឌពោធិ៍សែនជ័យ ហើយពួកគេពិតជា រងគ្រោះមែន សមត្ថកិច្ចធ្វើការអប់រំហៅអាណាព្យាបាលមកធានាទើបឱ្យត្រឡប់ទៅវិញ តែបើរកឃើញមានជាប់ពាក់ព័ន្ធ ក្រុមបងតូច បងធំ ឬប្រើប្រាស់ថ្នាំញៀន សមត្ថកិច្ចនឹងកសាង សំណុំរឿង ចាត់ការតាមផ្លូវច្បាប់៕