ភ្នំពេញ៖តារាចម្រៀងវ័យ៤២ឆ្នាំលោកណុប បាយ៉ារិទ្ធ ត្រូវបានមហាជន និងអ្នកជំនាញសិល្បៈមើលឃើញថាលោកជាCoach និងJudge តែម្នាក់គត់ដែលមានការផ្ដល់យោបល់ ទៅបេក្ខភាពចូលរួមប្រកួតកម្មវិធីប្រលងចម្រៀងធំៗរបស់ហង្សមាសដែលការនិយាយស្ដីរបស់លោកប្រើសុទ្ធតែជាបច្ចេកទេសនិងទិចនិកបានល្អជាងគ្រូបង្វឹគ និងគណៈកម្មាការដ៍ទៃទៀត សាកសមជាអ្នកជំនាញសិល្បៈអាជីពម្នាក់ ។ប៉ុន្ដែការជ្រើសរើសកូនក្រុម៣លើកទៅវគ្គផ្ដាច់ព្រ័ត្រកន្លងមកនេះលោកបាយ៉ារិទ្ធ ដែលយកកញ្ញាចំរើន សុភ័ក្រ្ដ ឡើងទៅវគ្គFinal ,The Voice Cambodia រដូវកាលទី១ ,ឈីន រតនៈ ឡើងទៅFinal ,The Voice Cambodia រដូវកាលទី២ និងសួន សុវណ្ណចន្នី Final ,The Voice Cambodia រដូវកាលទី៣ នោះបែជាលោក មិនទាន់អាចជួយកូនក្រុមបានលើកពានដូចក្ដីប្រាថ្នាឡើយ ខណៈដែលលោកឆន សុវណ្ណារាជ បាននាំកូនក្រុមខ្លួនលោកប៊ុត សីហា ឈ្នះពាន១នេះនៅរដូវកាលទី១ ,ឱក សុគន្ធកញ្ញា ជួយលោកថែល ថៃ ឈ្នះពាននេះនៅរដូវកាលទី២ និងចុងក្រោយពេជ្រ សោភា ដឹកនៃកញ្ញាលឹម សេរីហាន់នីកា លើកពាននេះនារដូវកាលទី៣ដ៍គូរឲ្យភ្ញាក់ផ្អើលកាលពីរាត្រីថ្ងៃទី១ តុលា ។
ទោះជាយ៉ាងណាមហាជនមើលឃើញថាកូនក្រុមរបស់លោកណុប បាយ៉ារិទ្ធ ២រូបគឺចំរើន សុភ័ក្រ្ដ និងឈីន រតនៈ ដែលពេលនេះបានក្លាយទៅជាតារាចម្រៀងអាជីពនៅហង្សមាសទៅទៅហើយនោះពួកគេពិតជាមានសម្ថភាពមិនធម្មតា ពោលគឺមិនចាញ់ម្ចាស់ពានទេ ខណៈដែលសួន សុវណ្ណចន្នី វិញគេមិនទាន់អាចមើលឃើញពីសម្ថភាពរបស់លោកថានឹងវិវត្តន៍ទៅជាយ៉ាងណានៅពេលច្រៀងក្រោមដំបូលហង្សមាសនាពេលខាងមុខនេះ។ប៉ុន្ដែសម្រាប់លោកបាយ៉ារិទ្ធ វិញនៅតែត្រូវបានគេមើលឃើញថាលោកជាតួអង្គដ៍សំខាន់មួយរបស់ហង្សមាសពិសេសគឺក្នុងតំណែងជាCoach និងJude តែម្ដងបើទោះជារយៈពេលចុងក្រោយនេះលោកលែងសូវមានចេញបទថ្មីៗដូចមុនទៀតក្ដី ។ប្រពបានឲ្យដឹងថាលោកបាយ៉ារិទ្ធ គ្មានបំណងចង់ប្ដូរផលិតកកម្មច្រៀងដូចលោកព្រាប សុវត្ថិ នោះទេ ពោលគឺលោកអាចបន្ដនៅហង្សមាសរហូតដល់ផលិតកម្មមួយនេះលែងត្រូវការលោក ក្រោយពីលោកឈជើងនៅទ្រនុំធំនេះរយៈពេលជាង២០ឆ្នាំមកហើយ។
គូរបញ្ជាក់ថាលោកណុប បាយ៉ារិទ្ធ មិនសូវលេចធ្លោខ្លាំងដោយសារមុននេះគេឃើញថាការមកដល់របស់លោកខែម ប៊ុនថៃ ធ្វើឲ្យលោកពិបាកទប់ទល់ជាមួយសិស្សប្អូនរូបនេះដែលមានបងប្រុសខ្លួនជាអ្នកនិពន្ធបទចម្រៀងឲ្យច្រៀង។ប៉ុន្ដែក្រោយលោកប៊ុនថៃ លោតចូលGalaxy តាមព្រាប សុវត្ថិ នោះមានការលើកឡើងថាលោកបាយ៉ារិទ្ធ អាចនឹងខ្លាំងដូចមុនវិញ ប៉ុន្ដែពេលនេះគេនៅមិនទាន់ឃើញលោកសាងអ្វីឲ្យគេភ្ញាក់ផ្អើលជាថ្មីនោះទេ ព្រោះហង្សមាសជ្រើសបានតារាចម្រៀងថ្មីៗជាបន្ដបន្ទាប់ឡើងគជាន់ជើងគ្នាហេតុនេះហើយការបែងចែកបទចម្រៀង សម្រាប់តារាដែលពឹងទៅលើផលិតកម្មទាំងស្រុងត្រូវវិលជុំ ទើបធ្វើឲ្យតារាខ្លះចេញបទចម្រៀងនៅលើទីផ្សារមិនបានដិតដល់ឡើយ។ចំពោះលោកបាយ៉ារិទ្ធ ដែលត្រូវបានគេចាត់ទុកថាលោកប្រៀបបានតារាដុះស្លែនៅហង្សមាសនោះទោះជាពេលនេះលោកមានវ័យជ្រេបន្ដិចមែន ប៉ុន្ដែគេឃើញលោកនៅតែរក្សារសម្រស់បានក្មេងជាងវ័យ ហើយរឿងដែលអាថ័កំបាំងនោះថ្វីបើសិស្សប្អូននៅហង្សមាសមួយចំនួនដូចជានី រតនា ,ឃីម សុឃុន,នៅ ស៊ីនឿន ជាដើមការប្រពន្ធរៀងៗខ្លួនអស់ទៅហើយក្ដី ប៉ុន្ដែលោកបាយ៉ារិទ្ធ អត់ក្វល់រឿងមួយនេះ និងគ្មានដំណឹងថាលោកចូលរោងការ នៅពេលណាឲ្យច្បាស់លាស់ឡើយ។ ក្រៅពីលោកណុប បាយ៉ារិទ្ធ តារាដែលមិនតក់ក្រហល់រឿង យកប្រពន្ធនោះមានដូចជាលោកទេព រិនដារ៉ូ ,ឆន សុវណ្ណារាជ ,អែន ឌី ,សុគន្ធ ថេរ៉ាយុ និងករុណា ពេជ្រ ជាដើម ៕
