ភ្នំពេញ៖ស្រីស្អាតធ្មេញចំពើសនាងរ៉េត ស៊ូហ្សាណា បានជម្រះមន្ទិលស្នេហ៍កូនលោកឧកញ៉ាព្រាប សុវត្ថិ កំលោះសង្ហារសុវត្ថិ មុនីនាគ ជិត១០ខែ មកហើយតាំងពីលោកស្រីឡុង ស្រីមុំ ភរិយាលោកឧកញ៉ាសុវត្ថិ ប្រកាសថាកូនកំលោះគាត់គ្មានទំនាក់ទំនងស្នេហាជាមួយហ្សាណា នោះធ្វើឲ្យអ្នកខ្លះលើកឡើងថាស្រីស្រស់ធ្មេញចំពើសរូបនេះស្អាតប៉ុណ្ណឹងដែរ មិនគូរណាកូនឧកញ៉ាមើលរំលងបែបនេះសោះ…។Fan ខ្លះចង់ឲ្យស៊ូហ្សាណា បង្ហាញសង្សារឲ្យគេឃើញដើម្បីឆ្លើយតបទៅអ្នកបង្អាប់ថានាងបាត់ឱកាសធ្វើកូនប្រសាលោកឧកញ៉ានោះ គឺឲ្យដូចគ្នាទៅនិងស្រីស្អាតហ៊ិន ច័ន្ទនីរ័ត្ន ដែលនាងធ្លាប់ត្រូវបានគេឌឺដងថាស្អាតដល់ម្លឹងហើយនៅតែលោកចេន រៀបការប្រពន្ធចោល ហើយលោកមង្គល ងាកទៅស្និតស្នេហ៍អ្នកមេម៉ាយទៅវិញនោះ ដែលពេលនេះធ្វើឲ្យនីរ័ត្ន ក្លាហានហ៊ានបញ្ចេញមុខសង្សារថ្មីលោកគ្រូពេទ្យសុវណ្ណារិទ្ធ ដើម្បីទប់ទល់ភ្លាមៗតែម្ដង។ប៉ុន្ដែស៊ូហ្សាណា មិនជ្រើសផ្លូវដូចច័ន្ទនីរ័ត្ន នោះទេ ហើយពេលនេះនាងរក្សារភាពស្ងៀមស្ងាត់ បើទោះជាកាលពីដើមឆ្នាំ២០២០ នាងធ្លាប់បង្ហាញសញ្ញាមានសង្សារតាមរយៈការកាន់ដៃប្រុសម្នាក់ដោយបឹតមុខក្ដី ប៉ុន្ដែជាង២ឆ្នាំមកនេះនាងនៅតែលាក់មុខសង្សារតទៅទៀតដដែល ។ប្រភពបានឲ្យដឹងថាក្រោយហ្សាណា លែងត្រូវបានគេសង្ស័យថានាងពាក់ព័ន្ធស្នេហាជាមួយកូនឧកញ៉ាព្រាប សុវត្ថិ នោះពេលនេះមន្ដស្នេហានាងទ្វេដង ពោលគឺបុរសកាន់តែច្រើនតាមប្រម៉ាញ់បេះដូងនាង ហើយបើនាងនៅតែជ្រើសផ្លូវលាក់សង្សារទៀតនោះប្រុសតាមញ៉ែនាងកាន់តែកើនឡើងជាមិនខាន។
រ៉េត ស៊ូហ្សាណា ជាតារារកលុយកាក់កបពីសិល្បៈម្នាក់ដែលអាចរកលុយបានជាច្រើនម៉ឺនដុល្លារក្នុង១ឆ្នាំៗ តាមរយៈការច្រៀងConcerts ធំ១កម្មវិធីស៊ីថ្លៃជិត២ពាន់ដុល្លារ ហើយនាងក្ដាប់បានស្ពតធំៗជាបន្ដបន្ទាប់ បើទោះជាពេលនេះនាងនៅតែមិនទាន់អាចស្ថិតក្នុងចំណោមតារាស្រីដែលអាចប្រជែងជាមួយតំណែងតារាលំដាប់ជូរមុខរបស់ហង្សមាសក្ដី។អ្វីដែលគូរឲ្យកត់សម្គាល់នោះនាងហ្សាណា ហាក់ត្រូវប៉ាន់ទីផ្សារសិល្បៈជាងម្ចាស់ពានមួយចំនួនទៀតផងដែលនៅឆ្នាំ២០២៣ នេះស្រីស្រស់ត្រូវបានគេចាត់ទុកក្នុងលំដាប់តារាស្រីវ័យក្មេងដែលមានទ្រព្យច្រើន ព្រោះនាងទិញបានផ្ទះ២ល្វែង តម្លៃមិនក្រោម២០ម៉ឺនដុល្លារ ,ជិះរថយន្ដម៉ាកJeep Rubicon តម្លៃ៧៨០០០ដុល្លារ និងមានហាងសម្លៀកបំពាក់ទៀតផង។ស៊ូហ្សាណា តែងតែមានប្រាក់ដើរកម្សាន្ដនៅក្រៅស្រុកជាញឹកញាប់ដូចជាថ្មីៗនេះនាងទៅកូរ៉េខាងត្បូង និងពីមុនទៅជប៉ុន ,ចិន និងសាំងហ្គាពួរជាដើមពោលគឺអត់ខ្វះលុយដើរលេង។ប៉ុន្ដែរឿងដែលហ្សាណា គេចផុតពីតារាមួយចំនួននោះគឺនាងមិនសូវត្រូវបានគេម៉ៃថាមានប្រុសស្នេហ៍ឧបត្ថម្ភនោះទេ ព្រោះតែគេគិតថាគ្រួសារនាងមានជីវភាពធូធារ តាំងពីមុនលេងសិល្បៈម្លេះ។
មជ្ឈដ្ឋានមហាជនរងចាំមើលថានាងរ៉េត ស៊ូហ្សាណា នៅតែជាតារាស្រីតួឯកផ្នែកចម្រៀងយុវវ័យនៅហង្សមាសតទៅទៀត ឬមួយក៍ការមកដល់របស់កូនក្រុមពេជ្រ សោភា នាងលឹម សេរីហាន់នីកា ដែលជាម្ចាស់ពានThe Voice Cambodia រដូវកាលថ្មីនេះ ធ្វើឲ្យនាងមានការប្រែប្រួល ព្រោះតាំងពីផ្ទុះកូវីដ មកដល់បច្ចុប្បន្នស្ងប់ស្ងាត់ទៅវិញនេះតារាស្រីនៅហង្សមាសមានតែរូបនាងម្នាក់ប៉ុណ្ណោះដែលនៅរក្សារទីផ្សារបានល្អជាងមិត្តរួមក្រុម។ប៉ុន្ដែអ្នកជំនាញសិល្បៈលោកមិញ សុធីវណ្ណ ធ្លាប់និយាយថាការច្រៀងបទជាភាសារខ្មែររបស់ហ្សាណា គឺនៅត្រូវការពេលវេលាច្រើនថែមទៀត គេមិនអាចនិយាយថានាងអាចជំនួសតារាស្រីហង្សមាសជូរមុខនាពេលអនាគតបានឡើយ។
រ៉េត ស៊ូហ្សាណា អាចនឹងក្ដាប់តំណែងជំទាវបានដោយងាយប្រសិនបើនាងព្រមទទួលសំណើរស្នេហាពីមន្រ្ដីធំណាម្នាក់ដែលតាមស្នេហានាងជាច្រើនឆ្នាំមកហើយ។ប៉ុន្ដែរឿងនេះប្រហែលជាមិនអាចទៅរួចនោះទេ ព្រោះតារាដែលត្រូវឪពុកម្ដាយតាមជាប់ស្អិតតាំងពីនាងចូលសិល្បៈដំបូងរូបនេះ ធ្លាប់លេចឭគ្រួសារនាងព្រមានថាបើនាងប៉ៈរឿងអាស្រូវណាមួយនោះនឹងមិនអនុញ្ញាត្តិឲ្យនាងលេងសិល្បៈតទៅទៀតឡើយ។
ក្រៅពីរ៉េត ស៊ូហ្សណា តារាដែលជ្រើសផ្លូវលាក់សង្សារនៅឆ្នាំ២០២៣ នេះមានដូចជានាងតន់ ច័ន្ទសីម៉ា ,បេប៊ី ,សុខ ពិសី និងថន លក្ខិណា ជាដើម ៕
