ភ្នំពេញ៖សុគន្ធ និសា បានវិលមដល់ខ្មែរវិញហើយ កាលពីចុងខែកញ្ញា ក្រោយពីនាងបាននាំស្វាមីទៅដើរលេងនៅតំបន់ទេសចរណ៍ជាច្រើនទីតាំងលើទឹកដីអាមេរិកដោយចេញដំណើរកាលពីដើមខែសីហា ។អ្វីដែលគូរឲ្យកត់សម្គាល់រឿងដែលតារារួមអាជីព និងFan ជូនពរឲ្យនាងសម្រេចផែនការណ៍ពពោះកូនទី១ឲ្យបានដូចបំណងលើទឹកដីអាមេរិកនោះពេលនេះក្រោយមកដល់ស្រុកវិញនិសា បង្ហាញលទ្ធផលថានាងអត់ទាន់មានផ្ទៃពោះដដែលតាមរយៈការស្លៀកពាក់ឈុតរ៉ូបរឹបរាងនៅតែស្វែល។Top Fan អ្នកនាងប៊ុន សុគន្ធា ហៅសុគន្ធ និសា លើកឡើងថាតារាជាប់រហ័ស្សនាមស្រគត់ស្រគុំរូបនេះអាចខកចិត្តលើកទី៣ ជាមិនខានប្រសិនបើនាងនៅតែផ្ដោតការកលុយពីសិល្បៈច្រើនជាងគិតគូរឿងយកកូនតទៅទៀត។ការលើកឡើងបែបនេះព្រោះតែនិសា មកដល់ស្រុកវិញភ្លាមនាងចេញច្រៀងសម្ដែងភ្លែតតែម្ដងទាំងនៅឆាកតន្រ្ដីប៉ុស្ដិ៍ហង្សមាស និងតាមកម្មវិធីរៀបចំដោយAgency ខាងក្រៅ ហើយទោះជាលទ្ធផលរឿងយកកូនប្រឈមបរាជ័យជាលើកទី៣ មែនប៉ុន្ដែតំណើរកម្សាន្ដជិត២ខែនៅអាមេរិកលើកនេះនិសា បង្ហាញអារម្មណ៍ស្រស់ថ្លាច្រើន ដោយសារតែនាងហត់នឿយពីការច្រៀងសម្ដែងពេញ១រដូវក្ដៅកន្លងមក ហេតុនេះចេញទៅក្រៅស្រុកលើកនេះដើម្បីរឹតចំណងស្នេហាឲ្យកាន់តែរឹងមាំផង និងលំហែកាយ៉ាពីការងារសិល្បៈផង។
សុគន្ធ និសា រៀបការជាមួយលោកចៅ សម្បត្តិ កាលពីថ្ងៃទី១ ធ្នូ ឆ្នាំ២០១៧ ពោលគឺនាងនិងស្វាមីនឹងប្រារពខួបអាពាហ៍ ពិពាហ៍ គម្រប់៥ឆ្នាំ នៅមុនដំណាច់ឆ្នាំ២០២៣ ខាងមុខនេះហើយ ប៉ុន្ដែទាក់ទងរឿងយកកូនវិញបែជាអត់ទាន់ជោគជ័យទៅវិញ។កាលពីឆ្នាំ២០២០ និសា អះអាងថានាងចាប់ផ្ដើមគិតគូរឿងយកកូនទៅតាមធម្មជាតិ លែងពន្យាពេលទៀតហើយ ព្រោះរូបនាងនិងស្វាមីក៍អាយុក្រែលដែរ ប៉ុន្ដែពេលនោះដោយសារតែនាងកើតកូវីដទើបត្រូវឆាចោល ហើយនៅឆ្នាំ២០២១ ,២០២២ និង២០២៣ នេះនាងតាំងចិត្តថាយកកូនដូចគ្នាតែនៅមិនទាន់បានដូចបំណងទៀត បើទោះជាកាលពីឆ្នាំ២០២២ នាងបានចេញចូលមន្ទីសម្ភពមួយជាញឹកញាប់ក្ដី តែលទ្ធផលគឺសូន្យ ខណៈដែលឱក សុគន្ធកញ្ញា និងសួស វីសា ជាដើមការប្ដីក្រោយនាងឥឡូវកូន១,២ អស់ទៅហើយ ។ប្រភពបានឲ្យដឹងថាការដែលនិសា ប្រឈមពិបាកយកកូននេះដោយសារតែនាងពន្យាពេលយកកូនច្រើនឆ្នាំពេក ព្រោះដំបូងចង់ផ្ដល់កំណើតឲ្យកូនលើទឹកដីអាមេរិកដែលកើតភ្លាមបានសញ្ជាតិអាមេរិកភ្លែតនោះទើបនាំឲ្យនាងពិបាកដល់ពេលចង់បានកូនវិញមិនបានដូចចិត្តពោលគឺដូចមាស សុខសោភា ដែរ។ចំពោះមូលហេតុដែលអ្នកនាងសុគន្ធា សម្រេចចិត្តយកកូនក្នុងស្រុកនារយៈពេលជិត៣ឆ្នាំចុងក្រោយនេះគឺដោយសារតែនាងបន្ដរស់នៅក្នុងស្រុកមិនចេញទៅរស់នៅតាមប្ដីនៅអាមេររិក ព្រោះពេលនេះលោកចៅ សម្បត្តិ ក៍មករស់នៅខ្មែរជាមួយនាងជាច្រើនឆ្នាំហើយលោកថែមទាំងមានតួនាទីជានាយកប្រតិបត្តិរបស់ក្រុមហ៊ុនមែនញូឡាយ ប្រចាំនៅកម្ពុជាទៀតផង។
ក្រៅពីសុគន្ធ និសា តារាដែលមានប្ដីច្រើនឆ្នាំ ប៉ុន្ដែអត់ទាន់បានកូនមានដូចជានាងកែវ សីហា និងមាស សុខសោភា ជាដើម។ប្រភពបានឲ្យដឹងថាសុគន្ធ និសា អាយុ៤០ឆ្នាំ គ្មានគម្រោងចេញទៅរស់នៅអាមេរិកឆាប់ៗទេ ព្រោះថានៅក្នុងស្រុកអាជីពសិល្បៈរបស់នាងនៅតែមានទីផ្សារល្អ ប៉ុន្ដែនៅពេលដែលនាងមានអាយុច្រើនជាងនេះអាចនឹងទៅអាមេរិកញឹកញាប់ជាងមុន ព្រោះស្វាមីនាងមានផ្ទះផ្ទាល់ខ្លួននៅរដ្ឋBoston សហរដ្ឋអាមេរិក ។ចំពោះ អាជីពចម្រៀងរបស់នាងនៅហង្សមាសវិញទោះជាតាំងពីការប្ដីហើយនិសា លែងសូវមានបទ ល្បីៗដូចមុនក្ដី តែពេលនេះថៅកែបានប្រគល់តំណែងធំឲ្យនាងដល់ទៅ២ នោះគឺជាធ្វើជា Coach កម្មវិធីThe Voice kids Cambodia និងJudge កម្មវិធីCambodian Idol Junior ។យ៉ាងណានិសា នៅមិនទាន់រកបានដៃគូចម្រៀងដែលសាកសមនាងឡើយ ក្រោយពីលោកព្រាប សុវត្ថិ ដើរចេញពីហង្សមាសជាង៣ឆ្នាំ ហើយគេមិនដែលឃើញនាងច្រៀងដៃគូជាមួយតារាប្រុសៗដែលមានអាយុតិចជាងនាងឡើយ។
មហាជនកត់សម្គាល់ថាតារាដែលមានស្វាមីហើយពិបាករក្សារទីផ្សារចម្រៀងបានដូចកាលនៅលីវជាក់ស្ដែងដូចជាសុគន្ធ និសា ,ឱក សុគន្ធកញ្ញា និងសួស វីសា ជាដើម ។ប៉ុន្ដែអ្នកជំនាញសិល្បៈលោកនូ ស៊ឹប ថារឿងនេះមិនមែនជាការពិតព្រោះកុំថាឡើយមានកូន១ ទោះជាកូន៤ ឬ៥នាក់ក៍ដោយឲ្យតែនៅរក្សារសម្រស់បានសាកសមជាតារា ហើយសុខភាពនៅល្អគឺសម្ថភាពនៅមាននៅតែល្បីដដែល ៕
