ភ្នំពេញ៖ជារឿងដែលគូរឲ្យចាប់អារម្មណ៍មួយផ្នែកដែរដែលនៅចុងឆ្នាំ២០២៣ នេះអ្នកនាងយក់ ថិតរដ្ឋា នាំស្វាមីនាងលោកឃុំ ប៉ុណ្ណាដែត ឡើងឆាកតន្រ្ដីវិញទាំងច្រៀងនៅតាមស្ថានីយ៍ទូរទស្សន៍ កម្មវិធីតាមហាង និងPub មួយចំនួនឡើងវិញ ព្រមគ្នាដែលអ្នកទាំងពីរបានយកបទចម្រៀងល្បីៗកាលពីជាង១ទសវត្សន៍មុនមកច្រៀងឲ្យFan របស់ខ្លួនបានរីករាយម្ដងទៀត។នៅតាមបណ្ដារកម្មវិធីសម្ពោធសម្ធិផលមួយចំនួនរបស់រដ្ឋាភិបាលក៍គេឃើញប្ដីប្រពន្ធតារា១គូនេះចេញមុខច្រៀងជាបន្ដបន្ទាប់ផងដែរ។យ៉ាងណាការត្រឡប់ជាថ្មីរបស់លោកប៉ុណ្ណាដែត នេះដែរនៅពេលដែលតារាជាច្រើនបានរះយ៉ាងព្រាងព្រាតអំឡុងពេលដែលលោកបានដកខ្លួនថយជាច្រើនឆ្នាំនោះ។ប៉ុន្ដែនៅពេលដែលលោកចាប់ផ្ដើមច្រៀងបទចាស់ៗទាំងនោះឡើងវិញមានFan របស់លោកនិងភរិយា បានស្គាល់បទនោះវិញ ហើយអ្វីដែលគេចាប់អារម្មណ៍នោះគឺស្វាមីអ្នកនាងរដ្ឋា រូបនេះក៍បានប្ដូរមុខមាត់ថ្មីតាមរយៈការលេងម៉ូដសក់រួញអង្គាសដីស្រដៀងគ្នាទៅនិងលោកខេមរៈ សិរីមន្ដ ។
តាមព័តមានថាមូលហេតុដែលលោកឃុំ ប៉ុណ្ណាដែត ចេញមុខឡើងវិញសម្រាប់ការច្រៀងសម្ដែងជាថ្មីនោះដោយសារតែលោកមានជំនាញរកស៊ីវិស័យអចលនទ្រព្យជាច្រើនឆ្នាំមកហើយនោះបច្ចុប្បន្នការលក់ដីធ្លីមិនសូវកាក់កបដោយព្រោះបញ្ហាសេដ្ឋកិច្ចទើបលោកត្រូវតែប្រើប្រាស់ជំនាញចាស់ទាន់សម្ថភាពខ្លួននៅមាន។ប៉ុន្ដែជាមួយគ្នានេះក៍មានអ្នកខ្លះបានឌឺដងថាលោកប៉ុណ្ណាដែត ធ្លាប់តែរកស៊ីធំកាន់លុយដុល្លារទាំងបាច់ៗ លក់ផ្ទះនៅបុរីមួយ ១ថ្ងៃៗលុយចូលសែនដុល្លារ មិនគូរពេលនេះលោកបែជាមកប្រមូលប្រាក់ល្អិតពីសិល្បៈបែបនេះសោះ ។តែលោកដែត មិនក្វល់ការបំបាក់ទឹកចិត្តលោកពីសំណាក់អ្នកមិនពេញចិត្តក្នុងវិថីចាស់នេះឡើយ ។នៅតាមបណ្ដារកម្មវិធីខ្លះគេឃើញលោកប៉ុណ្ណាដែត ថែមទាំងចាប់ដៃគូរច្រៀងសម្ដែងជាមួយភរិយាលោកអ្នកនាងយក់ ថិតរដ្ឋា ដូចកាលពីឆ្នាំ២០០៥ ដែរ ។
យក់ ថិតរដ្ឋា នៅតែបន្ដចេញបទចម្រៀងយូៗ១បទនៅផលិតកម្មថោន បើទោះជាពេលនេះគ្មានមាស សុខសោភា ក្ដី តែរដ្ឋា ដែលមានកូន៣នាក់(ស្រី១)ទៅហើយនោះពិបាកដណ្ដើមទីផ្សារឲ្យខ្លាំងក្លាដូចមុន។ជាមួយគ្នានេះដែរគេឃើញកូនប្រុសច្បងរបស់នាងក៍ត្រូវបានរូបនាងនិងប្ដីផ្ដល់ការលើកទឹកចិត្តឲ្យរូបគេចាប់អាជីពចម្រៀងផងដែរ បើទោះជាមិនទាន់សាកល្បងចូលរួមកម្មវិធីប្រលងចម្រៀងមួយណា គឺច្រៀងតែនៅផ្ទះក្ដី ។
សូមរំលឹកថាអ្នកនាងយក់ ថឹតរដ្ឋា និងលោកឃុំ ប៉ុណ្ណាដែត បានរៀបការជាមួយគ្នាកាលពីឆ្នាំ២០០៦ ដែលរក្សារបានចំណងស្នេហារយៈពេល១៧ឆ្នាំមកហើយ និងមិនដែលមានដំណឹងថាប្ដីប្រពន្ធតារា១គូនេះជួបបញ្ហារកាំរកូសគ្នាធំដុំឡើយ បើទោះជាកាលពីខែមិថុនា ឆ្នាំ២០២២ មានដំណឹងថាពួកគេបានជួបវិបត្តិសេដ្ឋកិច្ច ព្រោះលោកដែត មានរឿងធំជាមួយដៃគូរកស៊ីក្ដី តែក្រោយពេលរឿងនោះដោះស្រាយស្ងប់ស្ងាត់ គេឃើញប្ដីប្រពន្ធតារា១គូនេះនៅតែមានរថយន្ដទំនើបៗជិះដដែល ជាមួយនិងផ្ទះជាច្រើនទីតាំងផ្សេងគ្នាទៀតផង។
យ៉ាងណាអ្នកនាងយក់ ថិតរដ្ឋា ធ្លាប់ប្រាប់អ្នកយកព័តមានយើងថានាងគ្មានផែនការណ៍យកកូនទី៤ នោះទេ ពោលគឺការមានកូន៣នាក់គឺល្មមគ្រប់គ្រាន់សម្រាប់គ្រួសារនាង។អតីតតារាSsb និងNice Star រូបនេះធ្លាប់ប្រាប់អ្នកយកព័តមានយើងថាទោះជានាងក្លាយទៅជាអ្វីក៍នៅតែស្រលាញ់អាជីពចម្រៀងដដែល។ប៉ុន្ដែគម្រោងដែលយក់ ថឹតរដ្ឋា និងពេជ្រ សោភា គ្រោងនឹងចាប់ដៃគូរគ្នាច្រៀងឆ្លងឆ្លើយជាមួយគ្នា១បទទុកជាអនុស្សាវរីយ៍ជាច្រើនឆ្នាំមកហើយនោះគឺនៅតែបន្ដជាប់គាំងទៅទៀត ចេញអត់រួចតែម្ដង។
ក្រៅពីស្វាមីអ្នកនាងយក់ ថឹតរដ្ឋា នោះតារាបោះបង់អាជីពសិល្បៈជាច្រើនឆ្នាំ ហើយវិលរកឆ្នាំងចាស់មានដូចជាអ្នកនាងឡាយ លក្ខិណា ,នារីរ័ត្ន គន្ធា និងអម្ពរ ទេវី ជាដើម ។មហាជនរងចាំមើលថាក្រៅពីច្រៀងបទចាស់ៗឡើងវិញនោះស្វាមីអ្ននាងរដ្ឋា លោកដែត នឹងគ្រោងផលិតបទថ្មីវាយលុកទីផ្សារម្ដងទៀត ឬអត់?
