ភ្នំពេញ៖ឆន សុវណ្ណារាជ បានទៅច្រៀងសម្ដែងនៅកាណាដា ជិត១ខែហើយជាមួយតារារួមទ្រនុំនាងឈិន ម៉ានិច្ច ហើយលោកថាជីវិតលោកហាក់ដូចជាជួបពិភពលោកថ្មីសម្រាប់ការឡើងឆាកដំបូងដោយដោយអត់ពាក់ឡេនម្ងូប ឬវែនតាម្ញូប បន្ទាប់ពីបាញ់ភ្នែកហើយ។លោកថាស្ថានភាពភ្នែករបស់លោកបានវិលមករកភាពប្រកតីវិញ ក្រោយបាញ់Lasik ភ្នែក ហើយគ្រូពេទ្យហាមប៉ៈពន្លឺ ជាពិសេសទូរស័ព្ទ។ប៉ុន្ដែលោករាជ មិនបញ្ជាក់ថាលោកបានមានបញ្ហាភ្នែកនេះរយៈពេលប៉ុន្មានឆ្នាំទៅហើយឡើយ ។អ្វីដែលគូរឲ្យកត់សម្គាល់លោកសុវណ្ណារាជ ចេញទៅច្រៀងសម្ដែងនៅកាណាដាជាញឹកញាប់ជាងប្រទេសផ្សេង ហើយកាលពីឆ្នាំមុនៗលោកច្រើនតែចាប់ដៃគូជាមួយមាស សុខសោភា តែលើកនេះជាមួយនាងឈិន ម៉ានិច្ច វិញម្ដង។ប៉ុន្ដែតារាវ័យ៣៨ឆ្នាំ រូបនេះគ្មានដំណឹងថាលោកបានភ្ជាប់ឬ មានសង្សារថ្មីនៅកាណាដា នោះទេ ក្រោយពីដំណឹងស្នេហ៍របស់លោកជាមួយនិស្សិតស្រីនៅអាមេរិកនាង”អរិយា”បានស្ងប់ស្ងាត់អស់រយៈពេលជាច្រើនឆ្នាំមក។ប្រភពបានឲ្យដឹងថាលោករាជ មាននារីខ្មែរជាច្រើននៅកាណាដាជាប់ចិត្ត តែលោកហាក់ដូចជាគ្មានបំណងរកសង្សារនៅបរទេសជាថ្មីឡើយ បើទោះជាវ័យរបស់លោកគូរតែដល់ពេលមានគូស្រក ព្រោះតារាដែលមានវ័យ៣៨ឆ្នាំ ស្មើលោករាជ គឺលោកខែម ប៊ុនថៃ ពេលនេះមានកូនដល់ទៅ៣នាក់ទៅហើយក្ដី ។តែលោកសុវណ្ណារា ដែលធ្លាប់មានព័តមានថាលោកជាបុរសសម្បូរស្នេហ៍មិនធម្មតាមានទាំងស្រីទាំងប្រុសចោមស្នេហ៍ព្រមគ្នានោះអត់ដំណឹងការប្រពន្ធ។
សូមបញ្ជាក់ថាក្រៅពីលោកឆន សុវណ្ណារាជ តារាប្រុសល្បី១ដួងទៀតដែលកំពុងតែរកលុយក្រៅស្រុកគឺលោកព្រាប សុវត្ថិ ដែលច្រៀងសម្ដែងនៅអូស្រា្ដលី តែលលោករាជ ហាក់មានសំណាងល្អជាងលោកសុវត្ថិ ព្រោះគ្មានអ្នកគាំទ្រនៅកាណាដាព្រមានធ្វើពហិការឡើយ។បុរសរោមទ្រូងច្រើនរូបនេះបានចាប់ដៃជាមួយនាងឈិន ម៉ានិច្ច និងអ្នកនាងឡាយ លក្ខិណា ដែលរស់នៅទីនោះជាច្រើនខែមកហើយស្រាប់ហើយ ដែលតាមរយៈរូបភាពមួយចំនួនបង្ហាញថាតារាហង្សមាសរូបនេះមាននារីៗនៅទីនោះជ្រួលជ្រើមច្រើន។ទោះជាយ៉ាងណាលោកសុវណ្ណារាជ នឹងមិនពន្យាពេលចូលស្រុកវិញរាប់ឆ្នាំនៅកាណាដាដូចអ្នកនាងឡាយ លក្ខិណា នោះទេ ព្រោះចាប់ពីខែ១១ទៅលោកមមាញឹកការច្រៀងសម្ដែងក្នុងស្រុកច្រើនឡើងវិញ។
គូរកត់សម្គាល់ថាលោកឆន សុវណ្ណារាជ ហាក់នៅទ្រឹងមិនសូវលេចធ្លោនោះទេ អំឡុងពេលដែលលោកខែម ប៊ុនថៃ ឈជើងនៅហង្សមាស តែតាំងពីលោកប៊ុនថៃ ទៅGalaxy ជិត១ឆ្នាំនេះលោករាជ ក៍នៅតែមិនអាចសាងភាពលេចធ្លោដូចកាលពីឆ្នាំ២០០៧ បានឡើយ ព្រោះតែបច្ចុប្បន្នតារាហង្សមាសមានកាន់តែច្រើន ការចេញបទចម្រៀងត្រូវវិលជុំ។ប៉ុន្ដែថៅកែហង្សមាសនៅតែទុកចិត្តលោកសុវណ្ណារាជ តាមរយៈការផ្ដល់តំណែងធំឲ្យលោកជាគណៈកម្មាការCambodian Idol ៤រដូវកាលមកហើយ និងជាគ្រូបង្វឹកThe Voice Cambodia ៣រដូវកាលហើយដែរ ដែលនេះបញ្ជាក់ថាលោកនៅតែស្ថិតក្នុងចំណោមតារាសំខាន់របស់ផលិតកម្មធំមួយនេះ។ប្រភពបានឲ្យដឹងថាលោកសុវណ្ណារាជ អាចនឹងត្រូវបន្ថែមតំណែងថ្មីថែមទៀតនាពេលខាងមុខ ព្រោះហង្សមាសមិនចង់ឲ្យលោកចាកចេញដូចព្រាប សុវត្ថិ និងខេមរៈ សិរីមន្ដ នោះទេ ។តែអ្វីដែលFan ចង់ឃើញនាពេលនេះគឺលោករាជ មានដំណឹងការប្រពន្ធដើម្បីបញ្ចប់រាល់ព័តមានចរចាមអារ៉ាមកន្លងមកថាលោកគ្មានអារម្មណ៍ជាមួយស្រ្ដីភេទនោះ។
ក្រៅពីលោកឆន សុវណ្ណារាជ តារាដែលគ្មានដំណឹងចូលរោងការមានដូចជាលោកណុប បាយ៉ារិទ្ធ ,អែន ឌី និងទេព រិនដារ៉ូ ជាដើម ប៉ុន្ដែក្នុងចំណោមនោះមានតែលោករាជ ម្នាក់ប៉ុណ្ណោះដែលធ្វើឲ្យតារាស្រីៗទុកចិត្តជាងគេដូចជាមុននេះនាងមាស សុខសោភា បានបណ្ដោយឲ្យលោកអោបថើបនាងដោយសេរីហើយស្វាមីនាងលោកអ៊ឹត រ៉ាដា ជាអ្នកថតរូបនិងសកម្មភាពទាំងនោះឲ្យទៀតផង។តែFan ខ្លះហាក់ច្របូលច្របល់ព្រោះតែលោករាជ ក៍ធ្លាប់ធ្វើឲ្យគេភ្ញាក់ផ្អើលខ្លាំងម្ដងៗដែរដូចជាលោកបានចាប់ថើបស្រីស្អាតហេង ចន្ថា នៅក្រៅឆាកដោយមិនក្វល់ពីអ្វីៗទាំងអស់ ខណៈដែលអំឡុងពេលលោករាំស្លូវលើរថភ្លើងជាមួយនាងសុភ័ក្រ កុសាម៉ា នោះលោកថែមទាំងឆ្លៀតយកដៃទៅប៉ៈគូថនាងមួយឆ្វិច នាំឲ្យផ្អើលពេញបណ្ដាញសង្គម ។តែយ៉ាងណាចុងក្រោយនេះលោកសុវណ្ណារាជ នៅតែធ្វើឲ្យតារាស្រីល្បីៗដូចជាមាស សុខសោភា ,ឱក សុគន្ធកញ្ញា និងពេជ្រ សោភា ជាដើមនៅតែបន្ដទុកចិត្តលោកដដែល ៕
