ភ្នំពេញ៖ដោយសារតែការធ្វើជំនួញផ្នែកភូជនីយដ្ឋាន(ហាងផឹកស៊ី)ដែលចំណាយទុនអស់ជាច្រើនម៉ឺនដុល្លារ នៅខេត្តបាត់ដំបងចូលហ៊ុនជាមួយមិត្តភក្ដិត្រូវបរាជ័យនោះតារាសម្ដែងក្នុងភាពយន្ដ,MV និងរឿងខ្លីៗមួយចំនួនពិសេសត្រូវបានគេស្គាល់តាមរយៈសម្ដែងជាតួប្រុសបទ”ប្រពន្ធក្បត់ “និង”យើងត្រូវតែឈ្នះ” របស់លោកហង្ស សុវណ្ណារិទ្ធិ ផលិតកម្មថោន នោះលោកស៊ីណាវ៉ាត់ត្រា ធ្លាប់ចង់គិតខ្លីសម្លាប់ខ្លួនទៀតផងកាលពីឆ្នាំ២០២០ ព្រោះលុយ ឡាន បានលក់សងគេអស់ក៍កើតជំងឺបាក់ទឹកចិត្ត(depression ) ។ប៉ុន្ដែក្រោយមកលោកក៍បានប្ដូរចិត្តពីបំណងបញ្ចប់ជីវិតនោះ ហើយបច្ចុប្បន្ននៅតែឆ្លៀតថតសម្ដែង និងធ្វើការពេលយប់ជាមេការនៅKTV Gold នៅក្បែវត្តភ្នំ។
លោកស៊ីណាវ៉ាត់ត្រា ថ្លែងថាមូលហេតុដែលលោកបរាជ័យរកស៊ីដោយសារតែរាប់អានមនុស្សខុស ទើបការរកស៊ីឈានទៅក្ស័យធន។ដោយឡែកសម្រាប់ការធ្វើជាមេការខារ៉ាអូខេនាពលនេះលោកថាជាលើកទី១ក្នុងឆាកជីវិត ព្រោះលោកមានជំនាញខាងផ្នែកធនាគារទេ ដោយបានរៀនចប់ថ្នាក់បរិញ្ញប័ត្រ ជំនាញមួយនេះនិងបានបម្រើការងារនៅធនាគារមួយជាច្រើនឆ្នាំផងដែរ។លោកថាទោះជាការងារថ្មីនេះប្រឈមការអត់ងងុយ និងពេលខ្លះត្រូវផឹកកំដភ្ញៀវរហូតស្រវឹងសឹងរាល់យប់មែនមែន ប៉ុន្ដែលោកថាការងារអីក៍ដោយឲ្យតែសុច្ចរិតគឺថ្លៃថ្នូដូចតែគ្នា សំខាន់នៅលើមនុស្សជាអ្នកឲ្យតម្លៃ កុំឲ្យតែធ្វើអ្វីមួយខុសច្បាប់សង្គម។លោកថាបច្ចុប្បន្នលោកចូលធ្វើការនៅម៉ោង៦ល្ងាច រហូតដល់ម៉ោង២ ឬ៣អាទ្រាធ ទៅតាមភ្ញៀវដែលមាន ហេតុនេះពេលលោកទៅដល់ផ្ទះទៀបភ្លឺត្រូវគេងដល់ល្ងាច ដើម្បីយកកំលាំងទៅធ្វើការយប់ ។ប៉ុន្ដែមានពេលខ្លះលោកត្រូវបានអ្នកដឹកនាំសម្ដែងហៅឲ្យថតMV និងរឿងភាគខ្លីនៅពេលថ្ងៃដែរ ហេតុនេះលោកមានតែអរគុណដល់ផលិតករដែលផ្ដល់ការងារឬនៅតែឲ្យតម្លៃដល់រូបលោក បើទោះជាអំឡុងពេលដែលលោកធ្លាក់កូដ លែងជាថៅកែដូចមុន តែមកធ្វើជាមេការKTV នេះមានអ្នកខ្លះលែងសូវមានទំនាក់ទំនងជាមួយលោកដូចមុនក្ដី ។
លោកស៊ីណាវ៉ាត់ត្រា បានផ្ដល់បទពិសោធន៍ក្នុងជីវិតថាមិនត្រូវគិតខ្លីចង់សម្លាប់ខ្លួននៅពេលដែលមានបញ្ហាក្នុងជីវិតនោះទេ ព្រោះនឹងធ្វើឲ្យក្រុមគ្រួសារឈឺចាប់ជារៀងរហូត ហេតុនេះលោកថាបញ្ហាត្រូវប្រឈមនិងដោះស្រាយទៅតាមតំណាក់កាល ហើយរឿងអ្វីក៍មានច្រកចេញដែរ។ជាក់ស្ដែងដូចជារូបលោកអីចឹងគឺលោកធ្លាប់ជាថៅកែហាង ប៉ុន្ដែនៅពេលដែលការកស៊ីខាតឡុងចុង គឺមកធ្វើការឲ្យគេវិញម្ដងដើម្បីរកលុយដោះស្រាយសម្រាប់ខ្លួនឯង និងគ្រួសារ។លោកថាជាមេការKTV ក៍ជាមេរៀនថ្មីមួយទៀតសម្រាប់រូបលោក ប៉ុន្ដែលោកនៅតែឆ្លៀតថតសម្ដែងដូចមុនពោលគឺមិនបោះបង់ចោលអាជីពសិល្បៈឡើយ ។
ឆ្លើយតបសំណួរថាតើការធ្វើជាមេកាKTV លោកស៊ីណាវ៉ាត្រា ទទួលបានប្រាក់ចំណូលក្នុង១ខែប៉ុន្មាននោះលោកបង្ហើបថាអាស្រ័យទៅលើលោកអាចរកភ្ញៀវគ្រប់ចំនួនTarget ទើបប្រាក់បានទៅតាមនោះ។យ៉ាងណាលោកថាមានតែអរគុណដល់ថៅកែហាងនិងអ្នកគ្រប់គ្រងដែលផ្ដល់ការស្រលាញ់និងទុកចិត្តលោកនាពេលកន្លងមក ខណៈដែលពេលនេះលោកមិនទាន់មានបំណងវិលទៅរកការធ្វើការចាស់នៅផ្នែកធនាគារណាថ្មីទៀតឡើយ។លោកថាការងារដូចលោកក៍ត្រូវប្រឈមច្រើនផងដែរ ព្រោះធ្វើការយប់ដូចជាថ្ងៃមុនគ្រាន់តែចុះពីលើPass Ap ត្រូវចោឆក់ទូរស័ព្ទទៅបាត់។
ក្រៅពីលោកស៊ីណាវ៉ាត់ត្រា នៅមានតារាសម្ដែងមួយចំនួនទៀតដែលពួកគេឆ្លៀតទៅធ្វើការតាមក្លឹបកម្សាន្ដ និងជាតារាចម្រៀងតាមហាងជាដើម ព្រោះមិនអាចពឹងមួយច្រកតែលើអាជីពសិល្បៈនៅពីមុខកាមេរ៉ានោះទេ ។ចំពោះលោកណាវ៉ាត់ត្រា វិញលោកថាជីវិតមានតែប្រឹងទៅមុខទៀត ហេតុនេះការងារនាពេលរាត្រីម្រាប់លោកគ្មានជាឧបស័គ្គឡើយក្រោយលោកបានមករស់នៅភ្នំពេញរយៈពេលជាង៣ឆ្នាំនេះ។លោកថាពេលខ្លះទោះជាជីវិតជួបរឿងខកចិត្ត ចង់កើតdepression សារជាថ្មីតែលោកជម្នះមិនដែលមានចិត្តចង់សម្លាប់ខ្លួនជាថ្មីដូចកាលពី៣ឆ្នាំមុនឡើយ ៕
