ភ្នំពេញ៖សកម្មភាពជាច្រើននារយៈពេលចុងក្រោយនេះបង្ហាញថាស្រីស្អាតរ៉េត ស៊ូហ្សាណា បន្ដចាប់បានស្ពតពាណិជ្ជកម្មធំៗថែមទៀត ដែលធ្វើឲ្យនាងកាន់តែលេចមុខមាត់ច្រើននៅលើទីផ្សារពាណិជ្ជកម្ម បើទោះជារយៈពេលជិត១ឆ្នាំនេះស្រីស្រស់ធ្មេញចំពើសហាក់គ្មានយីអ៊ុនស្នេហាក្រោយនាងបាត់បង់ទាំងស្រុងក្នុងការទំនាក់ទនងជាមួយកូនទី២លោកឧកញ៉ាព្រាប សុវត្ថិ គឺសុវត្ថិ មុនីនាគ ក្ដី ប៉ុន្ដែហ្សាណា នៅតែត្រូវប៉ាន់រកប្រាក់ចំណូលពីអាជីពសិល្បៈហើយថែមទាំងកើនឡើងជាងមុនទៀតផង។ចំណែកFan របស់ស្រីស្រស់ខ្លះបានសំណូមពរឲ្យហ្សាណា គូតែហ៊ានបង្ហាញម្ចាស់ស្នេហ៍ជាចំហ ដើម្បីកុំឲ្យគេថានាងស្អាតប៉ុណ្ណឹងដែរ តែកូនលោកឧកញ៉ាមើលរំលង ឬមើលមិនឃើញ តែតារាធ្មេញចំពើសអត់ចាប់អារម្មណ៍ទាំងអស់ បើទោះជាកាលពីពាក់កណ្ដាលឆ្នាំ២០២០ នាងធ្លាប់បង្ហាញសញ្ញាមានសង្សារក្ដី ។ដោយឡែកក្រោយស៊ូហ្សាណា លែងចាប់ដៃជាមួយមុនីនាគ ពេលនេះនាងក៍មិនទាន់រកបានដៃគូថ្មីដែរ ពោលគឺពេលខ្លះនាងច្រៀងជាមួយលឹម តិចម៉េង និងជូនកាលជាមួយថុល សុភិទិ តែនោះគ្រាន់តែដៃគូជួបគ្នាម្ដងម្កាលប៉ុណ្ណោះ មិនមែនជាដៃគូគ្នាដែលយល់ចិត្ត ដូចអំឡុងពេលចាប់ដៃជាមួយមុនីនាគ ឡើយ ។ប៉ុន្ដែហ្សាណា ពន្យាពេលរកដៃគូថ្មីមកជំនួសអ្នកចាស់ ព្រោះពេលនេះនាងត្រូវប៉ាន់ស្ពតជាងចម្រៀងទៅទៀត ។
អ្នកជំនាញសិល្បៈបានលើកឡើងថាតាមពិតរ៉េត ស៊ូហ្សាណា មិនមែនមានសម្ថភាពខ្លាំង ឬល្បីល្បាញអស្ចារ្យជាងតារារួមក្រុមទើបនាងត្រូវប៉ាន់ស្ពតធំៗ នោះទេ ប៉ុន្ដែរូបសម្រស់នាងទាក់ទាញ និងត្រូវតាមផលិតផលទាំងនោះទេ ទើបក្រុមហ៊ុនពេញចិត្តនាង។ទោះជាយ៉ាងណាគេនៅមិនទាន់ដឹងតម្លៃខ្លួនរបស់ហ្សាណា ក្នុងការថតស្ពតនោះទេ ខណៈដែលការច្រៀងConcerts វិញតាមប្រភពថា១កម្មវិធីនាងស៊ីថ្លៃជិត២ពាន់ដុល្លារ ។
រ៉េត ស៊ូហ្សាណា អាយុ២៣ឆ្នាំ បានជម្នះអ្នករិះគន់ថាច្រៀងខ្មែរស្ដាប់មិនកើត ក្រោយនាងចេញបទ”សង្ស័យ “ដែលធ្វើឲ្យអ្នកដែលតែងតែមិនចូលចិត្តស្ដាប់ចម្រៀងនាង អាចស្ដាប់នាងបានវិញ ប៉ុន្ដែហ្សាណា មិនទាន់ស្ថិតក្នុងចំណោមតារាដែលអាចឈានទៅប្រជែងលំដាប់តារាស្រីជូរមុខហង្សមាសដូចជាឱក សុគន្ធកញ្ញា ,ពេជ្រ សោភា និងសុគន្ធ និសា ជាដើមបានទេ បើទោះជានាងចាប់អាជីពនេះជិតជិ៨ឆ្នាំក្ដី ។អ្នកជំនាញសិល្បៈលោកមិញ សុធីវណ្ណ ធ្លាប់លើកឡើងថាហ្សាណា ត្រូវការពេលវេលាបន្ថែមទៀតប្រសិនបើនាងចង់ច្រៀងបទជាភាសារខ្មែរឲ្យបានល្អជាងនេះ។ ចំណែកអ្នកគាំទ្រខ្លះថាហ្សាណា ជាតារាវ៉ៃឬកពាជាងគេ ប៉ុន្ដែដំណឹងនេះត្រូវបានពេជ្រ សោភា ប្រកែកដោយអះអាងថានោះមកពីគេច្រឡំដោយសារតែនាងមិនសូវចេះនិយាយ តែតាមពិតនាងជាតារាគោរពរៀមច្បង និងធ្វើការគោរពពេលវេលាខ្លាំងណាស់ ។
រ៉េត ស៊ូហ្សាណា ត្រូវបានគេចាត់ទុកថានាងជាស្រីស្អាតម្នាក់ក្នុងនាមជាតារាចម្រៀងវ័យក្មេងនាពេលបច្ចុប្បន្ន ហេតុនេះស្រីស្រស់មានជម្រើសស្នេហ៍ច្រើន គ្រាន់តែរូបនាងមិនចង់បង្ហាញស្នេហ៍ជាសាធារណៈប៉ុណ្ណោះ ខណៈដែលកាលពីឆ្នាំមុនមានដំណឹងថាឪពុកម្ដាយនាងបានព្រមានថាបើនាងប៉ៈរឿងអាស្រូវកេរ្ដិ៍ណាមួយនឹងមិនអនុញ្ញាត្តិឲ្យនាងលេងសិល្បៈជាបន្ដទៀតឡើយ។ដំណឹងនេះហាក់ដូចជាបិទច្រកសម្រាប់ប្រុសៗមានទ្រព្យទាំងឡាយដែលចង់ឆក់ស្នេហ៍ហ្សាណា ព្រោះនាងមិនបានជ្រួលជ្រើមអំណាចលុយជាថ្នូស្នេហាឡើយ ។អ្វីដែលគូរឲ្យចាប់អារម្មណ៍ហ្សាណា ដែលគេចផុតពីរឿងអាស្រូវកេរ្ដិ៍តាំងពីចាប់អាជីពចម្រៀងនោះពេលនេះនាងក្លាយទៅជាតារាវ័យក្មេងដែលមានទ្រព្យច្រើនពោលគឺមិនក្រោមកន្លះលានដុល្លារនោះទេ នោះគិតត្រឹមទៅលើផ្ទះ២ល្វែង ,រថយន្ដម៉ាកJeep Rubicon និងហាងសម្លៀកបំពាក់។ប្រភពខ្លះថាហ្សាណា បានសន្សំលុយពីប្រាក់ចំណូលសិល្បៈទាំងច្រៀងនិងស្ពត ទើបអាចសម្រេចក្ដីសុបិនខាងលើបាន ។ប៉ុន្ដែព័តមានខ្លះសង្ស័យថានាងមានគូស្នេហ៍ដោយលាក់មុខគាំទ្រនៅក្រោយខ្នង បើទោះជាស្រីស្រស់មិនដែលបណ្ដើរសង្សារឲ្យគេឃើញដោយបើកមុខម្ដងណាក៍ដោយ។
ក្រៅពីរ៉េត ស៊ូហ្សាណា តារាដែលសាងស្នេហ៍ដោយមិនបើកចំហមានដូចជាសុខ ពិសី ,តន់ ច័ន្ទសីម៉ា និងបេប៊ី ជាដើម ៕