ភ្នំពេញ៖រយៈពេលជាង១ឆ្នាំហើយដែលស្រីស្អាតពេជ្រ សូលីកា បានធ្លាក់ខ្លួនមេម៉ាយកូន១ទាំងវ័យក្មេង ហើយនាងរងនូវសម្ពាធផ្លូវចិត្តធ្ងន់ធ្ងរព្រោះបែកបាក់គូណ្ដឹងនិងម្ដាយត្រូវជាប់គុគដល់ទៅ១២ឆ្នាំក្នុងពេលតែមួយ។ទុក្ខសោកបែបនេះប្រសិនក្រៅពីសូលីកា អាចនឹងពិបាកប្រឈមហើយឈានទៅកើតជំងឺdepression ជាមិនខាន ប៉ុន្ដែស្រីពេជ្រ នៅតែអាចឈជើងក្នុងសិល្បៈបាន បើទោះជាគ្រប់គ្នាអាចដឹងបានថាពេលខ្លះនាងរីករាយតែនៅលើឆាកតន្រ្ដីតែនៅក្រៅឆាកវិញនាងហូរទឹកភ្នែកម្នាក់ឯងក្ដី។
ពេជ្រ សូលីកា បានចេញសារនៅថ្ងៃខួបកំណើតរបស់នាងកាលពីថ្ងៃទី១២ វិច្ឆិកា ដោយលើកទឹកចិត្តខ្លួននាងថាត្រូវបន្ដតស៊ូទៅមុខទៀត និងថាទម្រាំឆ្លងផុត១ឆ្នាំៗពិតជាហត់នឿយខ្លាំង ព្យុះភ្លៀងប៉ុណ្ណាក៍នាងធ្លាប់ជួបអស់ហើយដែរ។ដោយឡែកFan បានលើកទឹកចិត្តនាងថាកុំបាក់ទឹកចិត្តហើយឲ្យនាងនៅតែរឹងមាំបែបនេះតទៅទៀត ។ចំណែកអតីតគូដណ្ដឹងនាងលោកគឹម ហាន វិញបានមកយកកូនទៅលេងជាញឹកញាប់ ព្រោះស្រីពេជ្រ មិនបានហាមឃាត់នោះទេ បើទោះជានាងនិងអតីតគូស្នេហ៍មិនអាចឈានមករកការផ្សះផ្សារស្នេហ៍ជាថ្មីបានក៍ដោយ។
ប្រភពបានឲ្យដឹងថាពេជ្រ សូលីកា ក្រោយផ្ដាច់ស្នេហ៍លោកហាន នេះនាងមានជម្រើសស្នេហ៍ច្រើន ពិសេសមន្រ្ដីធំៗខ្លះនៅតែតាមចែចង់នាងហើយបើស្រីស្រស់ចង់បានតំណែងជំទាវវិញគឺមិនពិបាកឡើយសម្រាប់រូបនាង។តែសូលីកា ហាក់ដូចជាព្យាយាមគេចមិនចង់ដើរផ្លូវចាស់នោះទេ ខណៈដែលកាលពីខែមុននាងបង្ហាញរូបភាពស្និតស្នេហ៍ជាមួយបុរសម្នាក់នៅលើIG តែក្រោយមកពួកគេលែងហ៊ានបញ្ចេញភាពផ្អែមល្ហែមជាសាធារណៈទៀតហើយទើបមានការសង្ស័យថាចំណងស្នេហាអ្នកទាំងពីរមិនទាន់ឈានដល់តំណាក់កាលចិត្ត១ថ្លើម១នោះទេ បានជាផ្អាកស្អិតល្មូតគ្នាកណ្ដាលទីបែបនេះ។ការមិនទាន់ប្រាកដស្នេហ៍របស់សូលីកា នាពេលនេះក្រោយពីគេសង្កេតឃើញថាតារាមេម៉ាយជាច្រើនដួងដូចនាងដែរកំពុងជួបស្នេហ៍ថ្មីដូចជាពេជ្រ សោភា ,ប៉ាច គីមមួយ ,សុខ ស្រីនាង និងសុខ សោម៉ាវត្តី ជាដើម។ប៉ុន្ដែសូលីកា ដែលមិនសូវកាក់កបរឿងស្នេហានោះនាងហាក់មានការប្រុងប្រយ័ត្នច្រើនព្រោះខ្លាចដើរជាន់ដានស្នេហ៍ចាស់ម្ដងទៀតនាំឲ្យដំបៅបេះដូងសារជាថ្មី ទើបនាងមិនទាន់ហ៊ានបញ្ចេញមុខសង្សារថ្មីដូចតារារួមអាជីពនាពេលនេះឡើយ។
សូមបញ្ជាក់ថាពេជ្រ សូលីកា នៅតែរក្សារទីផ្សារសិល្បៈបានបើទោះជានាងធ្លាប់មានប្ដីនិងកូន១ទៅហើយក្ដី តែនាងនៅតែលេចមុខតាមស្ពតនិងConcerts មួយចំនួនបើទោះជាមិនមែនជាតួឯករបស់ហង្សមាសក្ដី។ចំណុចពិសេសដែលស្រីពេជ្រ ធ្វើឲ្យនាងនៅតែបន្ដមានហាងឆេងសិល្បៈនោះគឺនាងរក្សាររូបសម្រស់បាននៅតែស្រស់ស្អាត រាងស្វែលមិនឡើងគីឡូជ្រុល ឬបែកសាច់ខ្លាំងដូចតារាផ្សេងៗទៀតដែលមានស្វាមីហើយនោះឡើយ ។ប៉ុន្ដែស្រីពេជ្រ នៅមិនទាន់ឈានទៅក្នុងចំណោមតារាដែលអាចប្រជែងតំណែងតារាស្រីលំដាប់ជូរមុខរបស់ហង្សមាសបានទេ ខណៈដែលថ្មីៗនេះនាងក៍លែងសូវហ៊ានស្និតស្នេហ៍ជាមួយលោកថុល សុភិទិ ដូចមុនទៀតដែរ ក្រោយឃើញសង្សារអ្នកលេងម៉ូដសាក់រូបនេះអ្នកមេម៉ាយឡុង ម៉ានីន ឆេះដុំដោយសារតែលោកទិ ថើបបឺតមាត់គ្នាជាមួយនាងអ៊ីង អ៊ីង ។ប្រភពបានឲ្យដឹងថាសូលីកា ជួបលោកភិទិ តែនៅពេលពួកគេត្រូវច្រៀងសម្ដែងជាមួយគ្នាតាមPub ឬConcerts តែបើហ៊ានជួបកៀកកើយគ្នាក្រៅឆាកដូចមុននោះច្បាស់ជាសង្សារកូនលោកផ្កាយ២ រូបនេះប្រតិកម្មភ្លាមៗទើបពួកគេរយាលៗពីគ្នា។តែសូលីកា នៅអាចវិលទៅចាប់ដៃគូចាស់ម្នាក់ទៀតនោះគឺលោកនីកូ ។
ក្រៅពីពេជ្រ សូលីកា តារាហង្សមាសដែលជ្រើសផ្លូវសាងស្នេហ៍ដោយមិនបើកចំហមានដូចជាវី ឌីណែត ,រ៉េត ស៊ូហ្សាណា ឈិន ម៉ានិច្ច និងយូរី ជាដើម។មជ្ឈដ្ឋានមហាជនរងចាំមើលថាតើនាងពេជ្រ សូលីកា អាចនឹងគេចផុតពីការរាយអន្ទាក់ស្នេហ៍ពីមន្រ្ដីធំៗខ្លះរួចដែរទេ ក្រោយពីនាងនៅតែជាមុខសញ្ញានៃការតាមប្រម៉ាញ់បេះដូងពីបុរសមានទ្រព្យទាំងនោះ?ឬមួយនាងស្រីពេជ្រ ចង់សាកល្បងម្ដងទៀត”ជួញឆ្ងាយ ប្រសើជាងជួញជិត” ៕