ភ្នំពេញ៖លោកគួច ខេវិន បង្ហាញអារម្មណ៍រីករាយសប្បាយចិត្តនៅពេលដែលលោកទទួលបានលិខិតអញ្ជើញចូលរួមពិធីពាហ៍ ពិពាហ៍ របស់កូនកំលោះលោករស់ រាជ្ជសាល និងកូនស្រីទ្រី ដាណា នៅថ្ងៃទី៣ ខែធ្នូ ឆ្នាំ២០២៣ ខាងមុខ នេះដោយលោកចាត់ទុកថាគូស្នេហ៍នេះទេវតាប្រទានទើបនាំឲ្យអ្នកទាំងពីរចាប់ដៃគ្នាក៍សាងអនាគតលើទ្រនុំសុភមង្គល។ជាមួយគ្នានេះដែរលោកគួច ខេវិន បានសរសើរពីគុណសម្បត្តិរបស់លោករាជ្ជសាល ដោយស្មោះអស់ពីដួងចិត្តថាលោកជាបុរសមានទាំងរូបសម្បត្តិស្រស់សង្ហារ ចរិយា សមរម្យ ចេះណេះដឹងខ្ពង់ខ្ពស់ មានសីលធ័មរស់នៅថ្លៃថ្នូរហើយបានជួបអនាគតឧត្តមភរិយា។
លោកគួច ខេវិន ជាអតីតអគ្គនាយករងទូរទស្សន៍CTN ,Sea Tv និងE Tv បានថ្លែងសារថា”ខ្ញុំបានទទួលរួចហើយនូវការអញ្ជើញដោយកិត្តិយសនិងសេចក្តីស្រឡាញ់រាប់អានដោយសុទ្ធចិត្តពីប្អូនប្រុស រាជ្ជសាលនិងប្អូនស្រី ដាណាដើម្បីចូលរួមប្រសិទ្ធិពរជ័យក្នុងពិធីចម្រើនសួស្តីនៃអាវាហវិវាហមង្គលការដ៏មហានក្ខន្តឫក្សនាថ្ងៃទី៣ខែធ្នូឆ្នាំ២០២៣ ខាងមុខនេះរបស់ប្អូនទាំងពីររាជ្ជសាល -ទ្រីដាណា។ ដោយភ័ព្វព្រេងវាសនាដែលទេព្តាលោកប្រោសប្រទានទើបប្អូនទាំងពីរមាននិស្ស័យបានកាន់ដៃគ្នាកសាងអនាគតលើទ្រនំសុភមង្គលជាគូស្វាមីភរិយា នាគ្រានេះ ។ បងសូមកោតសរសើរដោយស្មោះអស់ពីដួងចិត្តចំពោះប្អូនប្រុស រាជ្ជសាល ដែលមានទាំង រូបសម្បត្តិស្រស់សង្ហារ ចរិយាសមរម្យ ចំណេះវិជ្ជាខ្ពង់ខ្ពស់ មានសិលធ៌មរស់នៅថ្លៃថ្នូរ ហើយថែមទាំងបានជួបនូវគូអនាគតឧត្តមភរិយាដែលបានផ្តល់តម្លៃដ៏ខ្ពង់ខ្ពស់ចំពោះប្អូនថែមទៀត។ ដោយសេចក្តីមោទកភាព និងកោតសរសើរយ៉ាងក្រៃលែង បងសូមជូនពរបវរមហាឧត្តុង្គឧត្តម្ភសូមឲ្យចំណងស្នេហ៍អាវាហវិវាហម ង្គលការ របស់ប្អូនរាជ្ជសាល-ទ្រីដាណាគង់វង្សជាអមតៈ តរៀងទៅ!!!សូមប្អូនទាំងពីរទទួលនូវក្តីស្រឡាញ់រាប់អានដ៏ខ្ពង់ខ្ពស់ពីបង ខេវិន “។
គូរបញ្ជាក់ថាតារាសម្ដែងលោករស់ រាជ្ជសាល បានភ្ជាប់ពាក្យកាលពីថ្ងៃទី៩ ខែវិច្ឆិកា ឆ្នាំ២០២៣ ជាមួយលោកស្រីទ្រី ដាណា ដែលជាអ្នកជំនួញល្បី និងជាថៅហាងមាសពេជ្រ ដ៍ធំ ទើបធ្វើឲ្យកក្រើកលើបណ្ដាញសង្គម និងល្បីសុះសាយទាំងក្នុងនិងក្រៅស្រុក។តាមគម្រោងលោករាជ្ជសាល នឹងរៀបការជាមួយលោកស្រីទ្រី ដាណា នៅថ្ងៃទី៣ ខែធ្នូ ឆ្នាំ២០២៣ នៅអាគារដ៍ប្រណិតនៅបុរីប៉េង ហួត (បឹងស្នោរ)រាជធានីភ្នំពេញ។សម្រាប់លោករាជ្ជសាល មានការគោរពនិងចាត់ទុកលោកគួច ខេវិន ជាអ្នកដឹកនាំនិងជាផលិតករជាន់ខ្ពស់ដ៍ច្នើមម្នាក់ដូចតារាផ្សេងៗទៀតដែរគោរពលោកដែរ ព្រោះលោកខេវិន ធ្លាប់បានជួយបណ្ដុះបណ្ដាលតារាជាច្រើនដួងមកហើយឲ្យមានឈ្មោះល្បីល្បាញក្នុងនោះមានដូចជាតារាចម្រៀង ,ពិធីករ និងតារាបង្ហាញម៉ូដជាដើម។តាមតាមព័តមានថាមង្គលការរបស់លោករាជ្ជសាល និងភរិយាជាសេដ្ឋីនីនោះនឹងមានការអញ្ជើញចូលរួមពីសំណាក់តារាល្បីៗប្រចាំប្រទេស អ្នកលក់Online រួមទាំងអ្នកជំនួញជាច្រើនរូបផងដែរ ៕
