ភ្នំពេញ៖យូរី និងលោកថៅកែជា នី បានផ្ដាច់ទំនាក់ទំនងគ្នាទាំងស្រុងជាង២ឆ្នាំទៅហើយ ខណៈដែលថៅកែមានកម្មវិធីធំណាមួយនៅហាងលោកតែងតែហៅតារាល្បីៗទៅច្រៀងសម្ដែង ប៉ុន្ដែបែជាមើលរំលងស្រីស្អាតយូរី ទៅវិញ។ដោយឡែកយូរី វិញនាងក៍មិនទាន់បង្ហាញសង្សារថ្មីជាចំហ ទៀតដែរ បើទោះជានាងមានជម្រើសស្នេហ៍ច្រើនក្ដី ខណៈដែលថ្មីៗនេះនាងទើបទិញរថយន្ដថ្មីមួយគ្រឿងទៀតម៉ាកFord ជិះយ៉ាងកាលីព ហើយត្រូវបានគេសង្ស័យថានាងមានម្ចាស់ស្នេហ៍នៅគាំទ្រក្រោយខ្នងក៍ដោយ តែយូរី ចេញទៅណាមកណាតែម្នាក់ឯង ។ប៉ុន្ដែរឿងដែលគូរឲ្យចាប់អារម្មណ៍ថ្មីៗនេះយូរី បានបញ្ចេញបទចម្រៀងថ្មីមួយដោយបង្ហាញពីការឈឺចាប់ បេះដូងរហែកតាមរយៈបទមួយ នៅក្រៅហង្សមាសដែលមានប្រយោគស្រលាញ់គ្នាដំបូងសែនល្អ មិនយូប៉ុន្មានក៍ប្រែទៅជាល្អកកករ … ដោយមានឃ្លារខ្លះទៀតដូចជាពាក្យស្រលាញ់បានតែមាត់ ក្រោយខ្នងក្បត់ ,ជ្រើសអ្នកថ្មីឲ្យអូនឈឺចាប់ ,ឯណាពាក្យសន្យា?ប៉ុន្ដែនាងមិនបញ្ជាក់ថាបុរសដែលធ្វើឲ្យនាងទឹកភ្នែកនោះជាអ្នកណាឡើយ។
ថ្វីត្បិតតែបទចម្រៀងរបស់យូរី ហាក់ផ្ដោតលើន័យជីវិតទូទៅមែន ប៉ុន្ដែអ្នកស្ដាប់ថាអ្នកនិពន្ធនោះហាក់ដឹងរឿងរ៉ាវស្នេហាយូរី ច្បាស់ណាស់ ហើយចម្រៀងមួយបទនេះអាចនឹងត្រូវសាច់រឿងតារាលេងក្បាច់រាំរូបនេះច្រើន ក្រោយនាងចែកផ្លូវពីលោកថៅកែជា នី ព្រោះអ្នកសិល្បៈរួមអាជីពក៍ភ្ញាក់ផ្អើលដែរនៅពេលដែលនាងនិងថៅកែផ្ដាច់ស្នេហាកណ្ដាលទីបែបនេះធ្វើឲ្យកម្រងអនុស្សាវរីយ៍ស្នេហាកន្លងមកប្រែទៅជារលាយអស់។ប៉ុន្ដែគេជឿរថាស្រីស្អាតយូរី មិនគូរឈឺចាប់ដោយសារតែរឿងស្នេហាយូពេកទេ ព្រោះថាបើនាងហ៊ានបង្ហាញស្នេហាថ្មីនោះរឿងអតីតកាលនិងត្រូវកប់ស្រមោលដានស្នេហ៍បន្ដិចម្ដងៗជាមិនខានឡើយ (ធ្វើស្រែទាន់ក្ដៅដី យកសង្សារថ្មីទាន់ក្ដៅចិត្ត)។
គូររំលឹកថាយូរី ត្រូវបានគេចាត់ទុកថានាងមានស្នេហាមិនសូវសមប្រកបនោះទេ ព្រោះកាលពីឆ្នាំ២០១៨ នាងត្រូវអតីតសង្សារលោករ៉េត រៀបការប្រពន្ធចោល និងបន្ទាប់មកនាងបានផ្ដាច់ទំនាក់ទំនងជាមួយប្រុសរូបសង្ហារលោកប៊ីម៉ូ ហើយចុងក្រោយអស់និស្ស័យស្នេហាជាមួយលោកថៅកែជា នី ។ប៉ុន្ដែនេះជាលើកទី១របស់យូរី ដែលនាងច្រៀងពីការឈឺចាប់ដោយសារតែរឿងស្នេហាមិនសមប្រកបឲ្យគេបានដឹងហើយហាមបុរសនោះកុំឲ្យវិលរកនាងទៀតផង។ទំនងប្រហែលជាមិនចង់ឲ្យដើរជាន់ដានចាស់ដោយសារតែប៉ះស្នេហាហេងស៊យដូចមុនបែបនេះហើយទើបយូរី ពន្យាពេលបញ្ចេញមុខសង្សារថ្មីរហូតមកដល់ពេលនេះ ខណៈដែលតារារួមដំបូលដូចជាពេជ្រ សោភា ,ប៉ាច គីមមួយ ,ម៉ង ចាន់កញ្ញា ជាដើមពេលនេះពួកគេមានគូស្នេហ៍បណ្ដើររៀងៗខ្លួនអស់ទៅហើយ។ប្រភពបានឲ្យដឹងថាបុរសដែលតាមចែចង់យូរី ភាគច្រើនជាអ្នកមានទ្រព្យនិងវ័យចំណាស់បន្ដិច តែនាងចង់បានម្ចាស់ចិត្តដែលស្គាល់ពីអាជីពនាងច្បាស់លាស់ដើម្បីរក្សារចំណងស្នេហាបានគង់វង្សយូអង្វែង ហេតុនេះហើយបានជាមានការប្រុងប្រយ័ត្នចំពោះការភ្ជាប់ស្នេហាថ្មី ព្រោះមិនចង់ឲ្យថ្លោះធ្លោយម្ដងទៀតទេ ។
យូរី នៅតែស្ថិតក្នុងចំណោមតារាលេងក្បាច់រាំនិងតុបតែងខ្លួនប្លែកដែលធ្វើឲ្យទីផ្សារចម្រៀងផ្នែកយុវវ័យរបស់នាងរក្សារបានជាបន្ដទៀត ពិសេសគឺនៅរដូវក្ដៅនេះនាងមាន Schedule ចេញច្រៀងជាបន្ដបន្ទាប់តាមConcerts ធំៗ។តែយូរី ប្រសិនបើមិនសម្រុកចេញបទឲ្យបានដិតដល់លើទីផ្សារនោះទេ នោះនាងច្បាស់ជាពិបាកទប់ទល់សិស្សប្អូនរ៉េត ស៊ូហ្សាណា និងតន់ ច័ន្ទសីម៉ា ជាដើមនោះមិនខាន។យ៉ាងណាការទិញរថយន្ដថ្មីថែម១គ្រឿងទៀតរបស់យូរី នាពេលនេះបញ្ជាក់ថានាងត្រូវប៉ាន់និងអាចរកបានប្រាក់ចំណូលល្អប្រចាំឆ្នាំ។តែការតាំងចិត្តពង្រីគទីផ្សារចម្រៀងតាមរយៈការឈានទៅថតភាពយន្ដដូចតារាជ្រកក្រោមដំបូលតែមួយនោះពេលនេះយូរី នៅមិនទាន់ក្លាយទៅជាតួឯកក្នុងភាពយន្ដណាមួយរបស់ហង្សមាសឡើយ ។
សូមបញ្ជាក់ថាយូរី អតីតតារាRock និងសាន់ដេចូលទៅហង្សមាសត្រូវបានគេលើកឡើងថាដើម្បីជំនួសនាងទេព បូព្រឹក្ស ។ប៉ុន្ដែយូរី ធ្លាប់និយាយថានាងនិងបូព្រឹក្ស មានស្ទីលច្រៀងសម្ដែងមិនដូចគ្នានោះទេ ពោលគឺនាងរាំនិងលេងខ្លួនបែបCute តែបូព្រឹក្ស រាំកាចជាងនាង។ឥឡូវបូព្រឹក្ស បានវិលរកឆាកតន្រ្ដីវិញហើយ ក្រោយបាត់ខ្លួនជិត១០ខែដោយសារពពោះនិងសម្រាលកូន ហេតុនេះគេចាំមើលថាពេលយូរី និងស្រីនិច្ច ប៉ៈគ្នាលើឆាកតន្រ្ដីតែមួយ តើម្នាក់ណាលេចធ្លោជាង ?