សៀមរាប៖សិល្បករជាច្រើនដួងបានបង្ហាញខ្លួនជាមួយឈុតសម្លៀកបំពាក់បុរាណប្រពៃណីខ្មែរច្នៃមកសម័យបច្ចុប្បន្នយ៉ាងស្រស់ស្អាតក្នុងព្រឹត្តិការណ៍”រាត្រីចងចាំ លើកទី៤ ឆ្នាំ២០២៣ “រៀបចំនៅបរិវេណព្រះលានជល់ដំរី ខេត្តសៀមរាប កាលពីរាត្រីថ្ងៃព្រហស្បត្តិ៍ទី១៤ ខែធ្នូ ឆ្នាំ២០២៣ ដែលសម្លៀកបំពាក់របស់ខ្មែរមើលទៅពិតជាគូរឲ្យទាក់ទាញហើយសាកសមជាមួយកម្មវិធីដ៍អស្ចារ្យនោះខ្លាំងណាស់ ព្រោះឆ្លុះបញ្ចាំងពីភាពដ៍ស្រស់ស្អាតរបស់ឈុតបុរាណរបស់ខ្មែរច្នៃរនាសម័យបច្ចុប្បន្ន បន្ដមកដល់កូនចៅបច្ចុប្បន្ននិងតទៅជំនាន់ក្រោយ ដែលមហាព្រឹត្តិការណ៍នេះរៀបចំដោយក្រសួងវប្បធ័ម និងវិចិត្រសិល្បៈគោលបំណងបំផុសស្មារតីជូនដល់កុលបុត្រកុលធីតា គ្រប់រូបចូលរួមចងចាំពីអត្តសញ្ញាណជាតិ និងអបអរសាទរខួប៣១ឆ្នាំ នៃការដាក់បញ្ចូលតគំបន់រម្យនីយដ្ឋានអង្គរជាបិតិកភណ្ឌពិភពលោក។
តើអ្នកណាជាអ្នកនៅពីក្រោយខ្នងនៃឈុតបុរាណរបស់ខ្មែរច្នៃមកសម័យបច្ចុប្បន្ននូវព្រឹត្តិការណ៍”រាត្រីចងចាំលើកទី៤ ឆ្នាំ២០២៣” ?
ពិតហើយទស្សនិកជនពិតជាបានស្គាល់តារាសម្ដែងលោកស៊ីនឌី ដែលជាម្ចាស់ហាងសំអាងការស៊ីនឌី ព្រោះលោកនេះហើយដែលជាអ្នកដឹកនាំរៀបចំនិងសម្រិតសម្រាំងឈុតសម្លៀកបំពាក់បុរាណរបស់ខ្មែរច្នៃមកសម័យបច្ចុបន្នគ្រងនៅលើដងខ្លួនតារាប្រុសស្រីជាច្រើនដួងបង្អួត បង្ហាញសម្រស់ក្នុងរាត្រីនោះមើលទៅពិតជាលេចត្រដែត និងទាក់ទាញបំផុតក្នុងព្រឹត្តិការណ៍ដ៍អស្ចារ្យនេះ។លោកស៊ីនឌី ថាលោកមានមោទនភាពខ្លាំងដែលបានធ្វើការជាមួយក្រសួងវប្បធ័មនិងវិចិត្រសិល្បៈ ក្នុងកម្មវិធីថ្នាក់ជាតិដ៍ធំនេះ ព្រោះលោកជាអ្នកស្រលាញ់នូវឈុតបុរាណខ្មែរច្នៃមកបច្ចុប្បន្ន និងចង់អភិរក្សសម្លៀកបំពាក់ប្រពៃណីខ្មែរ ក៍ដូចជាបំផុសឲ្យយុវជនយើងចងចាំនិងជួយថែរក្សារ ហេតុនេះហើយលោកបានធ្វើការមួយនេះដោយរីករាយបំផុត បើទោះជាមានការហត់នឿយយ៉ាងណាក៍មិនធុញទ្រាន់ដែរ គឺមានតែកំលាំងចិត្ត ព្រោះធ្វើការដោយបេះដូង។តារាសម្ដែងរូបនេះបន្ថែមថាសំអាងការស៊ីនឌី របស់លោកមានឈុតបុរាណខ្មែរជាច្រើនឈុតសម័យកាល និងច្នៃមកសម័យបច្ចបុបន្ន និងគ្រឿងអលង្ការបុរាណចម្រុះ ព្រោះការដែលលោកបានបើកសម្អាងការស៊ីនឌី នេះឡើងដោយសារតែលោកស្រលាញ់សម្លៀកបុរាណរបស់ខ្មែរ និងចង់ឲ្យកូនខ្មែរចេះស្រលាញ់សម្លៀកបំពាក់ខ្មែរដូចលោកដែរ ។
លោកស៊ីនឌី បន្ថែមទៀតថាសិល្បករដែលគ្រងឈុតបុរាណខ្មែរច្នៃមកបច្ចុប្បន្នទាំងអស់ក្នុងព្រឹត្តិការណ៍”រាត្រីចងចាំ លើកទី៤ ឆ្នាំ២០២៣ “ នោះពិតជាលើកសម្រស់ពួកគាត់កាន់តែស្រស់ស្អាតបំផុតសាកសមជាមួយកម្មវិធីដ៍អស្ចារ្យនោះខ្លាំងណាស់ ។លោកថានៅពេលតារាម៉ូដែលរបស់ខ្មែរគ្រងឈុតប្រពៃណីខ្មែរបែបនេះគឺស្អាតបែបខ្មែរ ហើយបរទេសគេបានឃើញសរសើរគ្រប់គ្នាថាខ្មែរអស្ចារ្យ! ហេតុនេះលោកគាំទ្រចំពោះការដែលក្រសួងវប្បធ័មបង្កើតព្រឹត្តិការណ៍នេះឡើង ក៍ដូចជាបន្ដធ្វើកម្មវិធីបែបនេះឲ្យបានជាញឹកញាប់ថែមទៀតដើម្បីជាការដឹងគុណដល់បុព្វបុរសខ្មែរដែលសាងអង្គរវត្ត ក៍ដូចជាបំផុសម្លៀកបំពាក់បុរាណខ្មែរច្នៃមកបច្ចុប្បន្នភាពនេះឡើងឲ្យទាំងភ្ញៀវជាតិ និងអន្ដរជាតិបានទស្សនា។លោកស៊ីនឌី សង្កត់ថាសូមឲ្យកូនខ្មែរគ្រប់រូបស្រលាញ់អ្វីដែលខ្មែរមាននិងចូលរួមអភិរក្សទាំងប្រាសាទខ្មែរ និងឈុតសម្លៀកបំពាក់បុរណខ្មែរទាំងអស់គ្នាឲ្យបានគង់វង្សតទៅ ៕
