ភ្នំពេញ៖រយៈពេល១៦ឆ្នាំមកហើយដែលស្រីស្អាតហ៊ិន ច័ន្ទនីរ័ត្ន បានប្រឡូកសិល្បៈយ៉ាងជោគជាំទាំងការសម្ដែងMV ,ភាពយន្ដ និងជាពិធីការិនី ប៉ុន្ដែមិនយូទេនីរ័ត្ន នឹងបន្ធូដៃអាជីពចាស់ចោលហើយឈានទៅផ្ដាច់ទាំងស្រុងដូចអតីតតារាសម្ដែងមួយចំនួនដែលមានស្វាមីជាមន្រ្ដីធំ ដែរ ហើយពេលនោះនាងនឹងត្រៀមខ្លួនក្លាយទៅជាជំទាវ ។ប៉ុន្ដែតាមព័តមានថាច័ន្ទនីរ័ត្ន នៅតែបន្ដអាជីពជាពិធីការិនីនៅបាយ័នដូចគ្នាទៅនិងស៊ឹម សូលីកា ដែលក្លាយទៅជាជំទាវមុននាង តែផ្អាកតែសម្ដែង បន្ដការងារMC ធម្មតា ។សម្រាប់ច័ន្ទនីរ័ត្ន វិញមុនធ្លាយរឿងស្នេហាជាមួយលោកឌី ពេជ្រ នាងធ្លាប់ប្រាប់អ្នកយកព័តមានយើងថាការសម្ដែងភាពយន្ដ ឬMV នាងទទួលតែរឿងឬបទចម្រៀងណាដែលនាងស្រលាញ់ពេញចិត្តប៉ុណ្ណោះ ចំពោះចម្រៀងនិងសាច់រឿងខ្លះ នាងមិនអត់ចាប់អារម្មណ៍គឺអត់ថតនោះទេ ។ក្រោយមានការប្រកាសបែបនេះច័ន្ទនីរ័ត្ន យូៗចេញថតរឿង ឬចម្រៀងម្ដង ហើយភាគច្រើននាងថតកុនតែរឿងណាដែលមើលទៅលេចធ្លោរួមទាំងមានអ្នកដឹកនាំរឿងល្បីៗផងទើបស្រីស្រស់ទទួលលេង។ប៉ុន្ដែនាពេលដ៍ខ្លីខាងមុខនេះច័ន្ទនីរ័ត្ន អាចនឹងមិនចេញមុខថតរឿងណាផ្សេងក្រៅពីរឿងទាក់ទងប្រវត្តិសាស្រ្ដឬប្រវត្តិរបស់ថ្នាក់ដឹកនាំរឿងនោះទេ ដោយសារតែស្វាមីនាងមានលទ្ធភាពគ្រប់គ្រាន់ឲ្យស្រីស្អាតរូបនេះរស់នៅសោយសុខលើគំនរទ្រព្យ ហេតុនេះគ្មានភាពចាំបាច់នឹងសម្រុកកើបប្រាក់ល្អិតដូចមុនទៀតឡើយ ។
អ្នកយកព័តមានយើងបានទូរស័ព្ទទៅហ៊ិន ច័ន្ទនីរ័ត្ន ជាច្រើនលើកកាលពីពេលថ្មីៗនេះ ប៉ុន្ដែទូរស័ព្ទនាងតេមិនចូល ទើបមិនទាន់អាចទទួលបានចម្លើយពីនាងជុំវិញរឿងថាតើនាងនៅបន្ដ ឬបោះបង់អាជីពចាស់ក្រោយមានប្ដីនេះទេ ។ប្រភពបានឲ្យដឹងថាហ៊ិន ច័ន្ទនីរ័ត្ន កំពុងតែមមាញឹកខ្លាំងក្នុងការហៅភ្ញៀវឲ្យចូលរួមកម្មវិធីមង្គលការរបស់នាងនឹងរៀបចំនៅថ្ងៃទី២២ ខែធ្នូ ឆ្នាំ២០២៣ ខាងមុខនេះនៅមជ្ឈមណ្ឌុលសន្និបាត និងពិព័ណកោះពេជ្រ ដែលភ្ញៀវរបស់ស្ទើតែទាំងស្រុងជាអ្នកសិល្បៈ ចំណែកភ្ញៀវខាងស្វាមីនាងភាគច្រើនជាអ្នកជំនួញ និងមន្រ្ដីរាជការមួយចំនួន ។ប្រភពបានឲ្យដឹងថាមង្គលការរបស់ស្រីស្រស់ច័ន្ទនីរ័ត្ន មានការតុបតែងយ៉ាងប្រណិតហើយក៍មានការអញ្ជើញចូលរួមពីថ្នាក់ដឹកនាំ,មន្រ្ដីធំៗជាច្រើនផងដែរ ព្រោះលោកពេជ្រ ជាក្មួយសម្ដេចតេជោ ហេតុនេះហើយពិធីអាពាហ៍ ពិពាហ៍ មួយនេះអាចជាមង្គលការដ៍ធំជាងគេសម្រាប់តារានៅឆ្នាំ២០២៣ ។
ហ៊ិន ច័ន្ទនីរ័ត្ន បានភ្ជាប់ពាក្យជាមួយលោកឌី ពេជ្រ កាលពីថ្ងៃទី២៧ខែតុលា ឆ្នាំ២០២៣ ពោលគឺក្រោយក្លាយទៅជាគូដណ្ដឹងគ្នាជិត២ខែ ពួកគេក៍ដល់វេលាក្រាបផ្ទឹមតែម្ដង ប៉ុន្ដែអ្នកទាំងពីរបានស្វែងយល់ពីគ្នាជាច្រើនឆ្នាំមកហើយ ដោយមានពេលខ្លះបែកគ្នាច្រើនឆ្នាំទើបត្រូវរ៉ូវគ្នាវិញដូចពេលនេះ ហើយដើម្បីជៀសវាងចំណងស្នេហាមានភាពប្រែប្រួលម្ដងទៀតអ្នកទាំងពីរមានមានតែរៀបការតាមប្រពៃណីខ្មែរនិងក្លាយទៅជាប្ដីប្រពន្ធគ្នាស្របច្បាប់ទេ ទើបលែងរង្គោះរង្គើរដូចពេលមុនទៀត។ប្រភពបានឲ្យដឹងថាអនាគតស្វាមីច័ន្ទនីរ័ត្ន គឺលោកពេជ្រ ជាបុរសពោះម៉ាយទ្រព្យស្ដុកម្នាក់ដែលមានអ្វីៗគ្រប់បែបយ៉ាងទាំងអស់អាចផ្គាប់ចិត្តនីរ័ត្ន ឲ្យរស់នៅសោយសុខលើទ្រព្យសម្បត្តិដោយមិនចាំបាច់ទៅថតភាពយន្ដទាំងយប់អាទ្រាធដូចមុនទៀតទេ ហេតុនេះហើយគេនឹងបានឃើញថាច័ន្ទនីរ័ត្ន នឹងលេចមុខធ្វើជំនួញធំដូចអតីតតារាមួយចំនួនទៀតដែលបានប្ដីជាមន្ដីធំ ឬជាខ្សែនៃមន្រ្ដីធំជាដើម។ដោយឡែកក្រៅពីច័ន្ទនីរ័ត្ន តារាដែលភ្ជាប់ស្នេហ៍ជាមួយសាច់ញាត្តិរបស់លោកនាយករដ្ឋមន្រ្ដីម្នាក់ទៀតគឺស្រីស្អាតគឹម ច័ន្ទបរមី ជាគូស្នេហ៍របស់លោកហ៊ុន បញ្ញាបុត្រ ចៅបងប្រុសលោកនាយករដ្ឋមន្រ្ដីនោះពេលនេះនាងក៍បញ្ចប់អាជីពសម្ដែងទាំងស្រុងដែរហើយជាញឹកញាប់គេឃើញនាងជិះរថយន្ដប្រណិតៗដូចតារាបរទេស ខណៈដែលច័ន្ទនីរ័ត្ន ក៍មានការសន្និដ្ឋានថានាងនឹងមានវាសនាដូចជាកញ្ញាបរមី ជាមិនខាននាពេលខាងមុខនេះ។
គូរបញ្ជាក់ថាហ៊ិន ច័ន្ទនីរ័ត្ន ជាអតីតFreshie ឆ្នាំ២០០៧ ដែលសម្រស់របស់នាងលេចធ្លោខ្លាំងសឹងតែគ្រប់ពេលវេលាបើទោះជានាងមិនមែនជាតារាចូលចិត្តលេងខ្លួនស៊ិចស៊ីក៍ដោយ។ការសម្រេចចិត្តចូលរោងការរបស់ច័ន្ទនីរ័ត្ន នាពេលនេះបើកផ្លូវឲ្យតារាល្បីៗទៀតដែលធ្លាប់សាងស្នេហ៍ដោយលាក់លៀមនោះចាប់ផ្ដើមត្រៀមខ្លួនចង់ធ្វើជាកូនក្រមុំដូចនាងដែរក្នុងនោះមានដូចជានាងអ៊ីវ៉ា និងសុខ ពិសី ជាដើម ។
មជ្ឈដ្ឋានមហាជនរងចាំមើលថាតើហ៊ិន ច័ន្ទនីរ័ត្ន នឹងឡើងជាជំទាវពេលណាក្រោយការប្ដីរួច ហើយនាងនឹងបាត់ខ្លួនពីអាជីពនៅមុខកាមេរ៉ា ឬនៅអាល័យលុយល្អិតពីសិល្បៈទៀត?
