ភ្នំពេញ៖ស៊ឹម សូលិកា បានសម្រាលកូនប្រុសនៅម៉ោង៩ព្រឹកថ្ងៃទី២៥ ខែធ្នូ ឆ្នាំ២០២៣ ដោយដាក់ឈ្មោះកូនថា”អេង រិទ្ធីការ ហៅរិទ្ធីពល”។ស្វាមីរបស់សូលិកា លោកម៉េង អេង ហៅអេង រិទ្ធី បាននៅកំដនាងនៅមន្ទីពេទ្យតាំងពីមុននិងក្រោយសម្រាលដើម្បីលើកទឹកចិត្តដល់ភរិយាលោក ខណៈដែលមុនប្រពន្ធសម្រាលលោករិទ្ធី បានហៅកូនក្នុងផ្ទៃភរិយាលោកថាជាកូនទន្សាយតូច ព្រោះការទទួលបានកូននាឆ្នាំនេះនៅឆ្នាំថោះ(ទន្សាយ) ហើយមិនមែនការជារឿងយកកូនដោយចៃដន្យនោះទេ តែប្ដីប្រពន្ធតារា១គូនេះបានរៀបគម្រោងផែនការណ៍ច្បាស់លាស់ដែលបានព្រមព្រៀងគ្នាទុកជាមុន។
លោកអេង រិទ្ធី ធ្លាប់បាននិយាយប្រាប់អ្នកយកព័តមានយើងថាលោកនិងភរិយាយកកូនទៅតាមគម្រោងដែលបានកំណត់ត្រឹមត្រូវ។លោកថាការមានកូនដោយចៃដន្យឬ មិនទៅតាមគោលផែនការណ៍នោះហើយដែលមិនអាចកាត់បន្ថយភាពក្រីក្របានទេ …។ដោយឡែកការទទួលបានកូនប្រុស១ក្រោយសូលិកា -រិទ្ធី ចាប់ដៃគ្នាបានជាង៤ឆ្នាំនេះនឹងធ្វើឲ្យចំណងស្នេហារបស់ពួកគេកាន់តែរឹងមាំថែមទៀតជាមិនខាន។ចំណែកតារារួមអាជីពក៍បានខមិនជូនពរសូលិកា និងប្ដីនៅពេលដែលពួកគេទទួលបានកាដូធំមិនអាចកាត់ថ្លៃបាននាមិនដំណាច់ឆ្នាំនេះដែរ។
ស៊ឹម សូលិកា បានរៀបការជាមួយលោកអេង រិទ្ធី កាលពីថ្ងៃទី៩ ខែកញ្ញា ឆ្នាំ២០១៩ ក្រោយអ្នកទាំងពីរក្លាយទៅជាដៃគូគ្នានៅប៉ុស្ដិ៍បាយ័នជាច្រើនឆ្នាំ។បន្ទាប់ពីក្លាយទៅជាប្ដីប្រពន្ធគ្នាតាមរយៈអាពាហ៍ ពិពាហ៍ នោះស៊ឹម សូលិកា បានក្លាយទៅជាជំទាវ ព្រោះលោកអេង រិទ្ធី ឡើងឋានៈជាឯកឧត្តម និងជាអភិបាលរងខេត្តស្វាយរៀង ហើយប្ដីប្រពន្ធគូស្នេហ៍តារា១គូនេះរស់នៅផ្ទះវីឡារយ៉ាងស្កឹមស្កៃ និងជិះរថយន្ដទំនើបៗឆ្លាស់គ្នាជាច្រើនគ្រឿង ។អ្វីដែលគូរឲ្យចាប់អារម្មណ៍សូលិកា ដែលជាស្រី្ដមេម៉ាយកូន១មុនរៀបការជាមួយលោករិទ្ធី នាងនិងអតីតប្ដីលោកវីរៈ បានរាប់អានគ្នាជាធម្មតា ខណៈដែលនៅថ្ងៃភរិយាថ្មីលោកវីរៈ សម្រាលកូនកាលពីឆ្នាំមុននោះសូលិកា បាននាំប្ដីថ្មីទៅសួរសុខទុកប្រពន្ធថ្មីប្ដីផងដែរ ពោលគឺប្រៀបដូចជាក្រុមគ្រួសារតែ១អត់យកគ្នាជាសត្រូវទេ ។ចំណែកលោករិទ្ធី បានស្រលាញ់កូនមុនសូលិកា កញ្ញាវីរៈណុច ដែលពេញវ័យក្រមុំនោះដូចជាកូនលោកបង្កើតដែរ។
សូមបញ្ជាក់ថាស៊ឹម សូលិកា បានផ្ដាច់ខ្លួនពីអាជីពសម្ដែងស្ទើតែទាំងស្រុងក្រោយនាងក្លាយទៅជាជំទាវពោលគឺនៅតែចាប់អាជីពជាពិធីការិនីនៅបាយ័នមួយច្រកប៉ុណ្ណោះ ខណៈដែលស្វាមីនាងជាប្រធានក្រុមពិធីករពិធីការនីនៅបាយ័ន។សូលិកា អាចនឹងសម្រាកពីអាជីពពិធីការិនីមួយរយៈ ដើម្បីឲ្យបានរឹងរឹងជើងវិញ ហើយនាងនឹងវិលវិញនៅអំឡុងដើមឆ្នាំ២០២៤ ខាងមុខនេះ។ការយកកូនឆ្នាំនេះរបស់សូលិកា ដូចគ្នាទៅនិងគង់ ច័ន្ទរដ្ឋា និងឱក សុគន្ធកញ្ញា ដែរ ។គេជឿរថាសូលិកា នឹងត្រូវស្វាមីនាងលោករិទ្ធី កាន់តែថ្នាក់ថ្នមលើសដើមជាមិនខានក្រោយទទួលបានកូនតាមបំណងប្ដី ខណៈដែលតាមព័តមានថានាងក៍ត្រៀមឡើងផ្ទះវីឡារដ៍ធំស្កឹមស្កៃនាពេលខាងមុខនេះផងដែរ។
ក្រៅពីស៊ឹម សូលីកា តារានិងអតីតតារាដែលក្លាយទៅជាជំទាវមានដូចជាឱក បូរី ,ស្រីតូច ចំណាន ,ពេជ្រ ច័ន្ទបរមី ,ផាន់ ម៉ូនីកា ,កែវ ពិសី ,នៅ សុនិតា និងអ៊ឹម សុគន្ធា ជាដើម ។ប្រភពបានឲ្យដឹងថាសូលិកា ស្ថិតក្នុងចំណោមតារាដែលមានទ្រព្យច្រើននាពេលបច្ចុប្បន្នព្រោះនាងតែងតែបញ្ចេញឲ្យគេឃើញនូវរថយន្ដទំនើបៗនិងគ្រឿងអលង្ការមាសពេជ្រ ដែលមានតម្លៃកប់ពពក ប៉ុន្ដែគេនៅមិនទាន់ដឹងថានាងមានអាជីវកម្មអ្វីខ្លះក្រៅពីសិល្បៈឡើយ។ចំណែកលោករិទ្ធី ក្រៅពីមានតួនាទីជាអភិបាលរងខេត្តស្វាយរៀងលោកមានតំណែងក្នុងជូរយោធា និងជាទីប្រឹក្សាសម្ដេចសង្ឃផងដែរ ៕
