ភ្នំពេញ៖លោកឆៃយ៉ា ក្រុង ជាកូនខ្មែរមានស្រុកំណើតនៅស្រុកកំពង់ស្វាយ ខេត្តកំពង់ធំ ដែលមានបងប្អូន៦នាក់(ស្រី៣)លោកជាកូនទី៥ បានក្លាយទៅជាម្ចាស់ពាន Mister Smart Thailand 2023 ដែលប្រកួតផ្ដាច់ព្រ័ត្រកាលពីថ្ងៃទី១៩ ខែកញ្ញា ឆ្នាំ២០២៣ នៅប្រទេសថៃ ។នេះជាមោទនភាពមួយទៀតសម្រាប់យុវវជនកម្ពុជាដែលបានឈ្នះពានលក្ខណៈអន្ដរជាតិ ដែលមានបេក្ខភាពជាច្រើនប្រទេសចូលរួម ហើយទីបំផុតលោកឆៃយ៉ា ក្លាយជាម្ចាស់ជ័យលាភី ។
លោកឆៃយ៉ា ក្រុង ម្ចាស់ពាន Mister Smart Thailand 2023 និងលោកណត់ ម៉េកស៊ី Director Of Mister Smart Thailand 2023 បានលេខមុខនៅស្ថានីយ៍ទូរទស្សន៍ប៉ុស្ដិ៍លេខ៥ នៅសណ្ឋាគារសូហ្វីតែលភ្នំពេញ ហើយលោកឆៃយ៉ា បានរៀបរាប់ប្រវត្តិដ៍កម្សត់របស់លោកប្រាប់អ្នកកាសែត ខណៈដែលលោកម៉េកស៊ី ថានឹងត្រៀមផ្ដល់ការងារថ្មីៗជាច្រើនទៀតដល់ម្ចាស់ជ័យលាភីរូបនេះនាពេលខាងមុខ។
លោកឆៃយ៉ា ក្រុង បានប្រាប់”នគរធំ” ថាលោកបានចាកចេញពីស្រុកកំណើតនៅឆ្នាំ២០១៤ ដែលកាលនោះលោកទើបតែមានអាយុ១៥ឆ្នាំ ហើយទៅថៃផ្សងព្រេងក្នុងនាមជាពលករខុសច្បាប់ ព្រោះអត់ទាន់គ្រប់អាយុដែលដំបូងឡើយធ្វើជាកម្មករសំណង់បាន៣ឆ្នាំ និងបន្ទាប់មកឃើញគេរកស៊ីលក់Online កាក់កប ក៍រកស៊ីដូចគេដែរតែក្ស័យធន ក៍ទៅទីក្រុងបាងកកធ្វើជាអ្នកលាងចាននៅព្រលានយន្ដហោះបានជាង១ឆ្នាំ តែអស់ការងារព្រោះតែថៃពេលនោះគេលែងយកកម្មករជនជាតិផ្សេង គឺយកតែថៃសុទ្ធ តែដោយសារតែពេលនោះថៅកែលោកលាងចានឲ្យនោះឃើញលោកឧស្សាហ៍ ប្រឹងធ្វើការក៍យកលោកទៅផ្ញើរនៅហាងគុយទាវមួយ និងបន្ទាប់មកលោកក៍ធ្វើការនៅកន្លែងលក់បង្អែម ហើយចុងក្រោយធ្វើការជាអ្នកលក់ឥវ៉ាន់នៅហាងមួយ។លោកឆៃយ៉ា ថាទោះជាពេលនេះលោកបានជាប់ពានក្នុងក្ដីស្រម៉ៃ Mister Smart Thailand 2023 មែនតែលោកនៅតែធ្វើការជាអ្នកលក់អ៊ឺវ៉ាន់នៅហាងមួយនោះដដែល ព្រោះជីវភាពខ្វះខាត និងចង់បានលុយខ្លះបានផ្ញើរទៅម្ដាយនៅស្រុក។លោកឆៃយ៉ា បន្ថែមទៀតថាការចេញពីស្រុកទៅធ្វើពលករចំណាកស្រុកនេះ គឺដោយសារតែលោកគេចពីឪពុកចុងប៉ងសម្លាប់ ហេតុនេះហើយលោកមិនបានរៀនសូត្រជ្រៅជ្រះទេ តែនៅស្រុកគេយូៗទៅលោកឆ្លៀតរៀនភាសារថៃផង និយាយភាសារថៃរាល់ថ្ងៃផងក៍ចេះថៃ និងធ្លាប់ធ្វើជាអ្នកបកប្រែថៃឲ្យគេទៀតផងមុនពេលលោកចូលប្រលងកម្មវិធីខាងលើនេះ។
ម្ដាយរបស់លោឆៃយ៉ា ក្រុង អ្នកស្រីទេព ធីតា បានប្រាប់អ្នកយកព័តមានយើងថាឪពុកឆៃយ៉ា ទៅចូលកូនតាំងពីលោកស្រីពពោះកូនប្រុសនេះក្នុងផ្ទៃទើបតែ៤ខែប៉ុណ្ណោះ។លោកស្រីបន្ថែមថាពិតជាមានមោទនភាពដែលកូនប្រុសធ្វើបានជោគជ័យឈ្នះពានមួយនេះហើយនៅថ្ងៃប្រកួតវគ្គផ្ដាច់ព្រ័ត្រនោះលោកស្រីនិងកូនៗបានទៅចូលរួមផ្ទាល់ ហើយនៅពេលគេប្រកាសកូនឈ្នះពានលោកស្រីនិងកូនៗយំគ្រប់គ្នាព្រោះរំភើបខ្លាំងពេក។
សូមបញ្ជាក់ថាកម្មវិធី Mister Smart Thailand 2023 បានអនុញ្ញាត្តិឲ្យបេក្ខជនគ្រប់ប្រទេសចូលរួមប្រកួតក្នុងនោះក៍ឲ្យភេទទី៣ ដែលកែភេទជាប្រុសមានសិទ្ធប្រជែងពានមួយនេះបានដែរ។នៅវគ្គផ្ដាច់ព្រ័ត្រកាលពីថ្ងៃទី១៩ ខែកញ្ញា ឆ្នាំ២០២៣ នោះបេក្ខភាពប្រទេសផ្សេងៗបានធ្លាក់នៅវគ្គជម្រុះអស់គឺនៅសល់តែបេក្ខជនចំនួន២៤រូបឡើងទៅវគ្គចុងក្រោយ(Final) ដែលក្នុងនោះបេក្ខជនថៃមាន២៣ រូប និងខ្មែរមានតែ១រូបគឺលោកឆៃយ៉ា ក្រុង លើកពាន Mister Smart Thailand 2023 រដូវកាលទី១ ។
លោកឆៃយ៉ា ក្រុង បានឲ្យដឹងដែរថាលោកធ្វើការផងទៅប្រលងផង តែរយៈពេល៤ខែនៃការប្រលងនោះលោកធ្វើការបានតែខ្ទង់២សប្ដាហ៍ប៉ុណ្ណោះ ហើយថៅកែលោកក៍យោគយល់ ព្រោះលោកយកពេលទៅហ្វឹកហាត់តម្រូវតាមកម្មវិធីពីអ្នកជំនាញថៃ ។លោកថាកត្តា ដែលលោកឈ្នះពានមួយនេះដោយឈលើកត្ដាធំ៤យ៉ាងគឺទី១៖គោលការណ៍,ទី២៖ភាពស្មោះត្រង់,ទី៣៖គុណធ័ម និងទី៤៖សម្ថភាព។លោកថាការចូលរួមប្រកួតផ្នែកសម្រស់នេះមិនមែនជាលើកទី១ទេ ប៉ុន្ដែលោកធ្លាប់ចូលរួមប្រកួតកម្មវិធីផ្សេងៗនៅថៃចំនួន៤លើកមកហើយ តែជាកម្មវិធីតូចៗ ហើយបរាជ័យ។លោកថាទិសដៅអនាគតលោកចង់មករស់នៅខ្មែរវិញជួបជុំក្រុមគ្រួសារ ហើយធ្វើការងារសិល្បៈនិងចង់បង្កើតកម្មវិធីប្រជែងសម្រស់នេះនៅខ្មែរដោយលោកជាអ្នកដឹកនាំ។លោកអះអាងថាជោគជ័យរបស់លោកនេះតំណាងឲ្យកូនខ្មែរធ្វើការចំណាកស្រុក ខណៈដែលនាពេលខាងមុខនេះលោកក៍ត្រូវបានលោកណត់ ម៉េកស៊ី Director Of Mister Smart Thailand 2023 ឲ្យលោកធ្វើជាអ្នកចាត់ចែងកម្មវិធីThailand Show ផងដែរ។
លោកណត់ ម៉េកស៊ី Director Of Mister Smart Thailand 2023 បានថ្លែងថាមូលហេតុដែលលោកឆៃយ៉ា ក្រុង បានយកឈ្នះបេក្ខជន២៣រូបទៀតជាជនជាតិថៃដោយសារតែលោកឆៃយ៉ា មានការតាំងចិត្តខ្ពស់,រូបរាង និងការប្រកួតវិញ្ញាសារផ្សេងៗទាំង៤ខែលោកធ្វើបានល្អ។លោកម៉េកស៊ី បន្ថែមថាក្រោយឆៃយ៉ា ឈ្នះពានមួយនេះលោកនឹងជម្រុញឲ្យលោកធ្វើជាអ្នកគ្រប់គ្រងកម្មវិធីធំមួយនៅថៃ នឹងត្រៀមថតភាពយន្ដនៅប៉ុស្ដិ៍ទូរទស្សន៍ល្បីមួយផងដែរ។ក្រៅពីនេះលោកក៍ជម្រុញឆៃយ៉ា ធ្វើជាតារាចម្រៀងនិងសម្ដែងឲ្យព្រមគ្នាតែម្ដងដើម្បីឲ្យមានសកម្មភាពសិល្បៈកាន់តែច្រើន។
លោកឆៃយ៉ា ក្រុង អាយុ២៤ឆ្នាំ ,កម្ពស់១,៧៨ម៉ែត្រ ទម្ងន់៦៥ គ.ក្រ ប្រាប់ថាពេលនេះលោកមិនទាន់មានគូជីវិតទេ ព្រោះលោកចង់សាងស្នាដៃឲ្យបានច្រើនក្រោយឈ្នះពាន និងម្យាងចង់ជួយដល់គ្រួសារឲ្យមានជីវភាពល្អប្រសើរសិនទើបគិតរឿងស្នេហាតាមក្រោយ ៕
