ភ្នំពេញ៖ហ៊ិន ច័ន្ទនីរ័ត្ន ទើបរៀបការជាមួយលោកឌី ពេជ្រ កាលពីថ្ងៃទី២២ ខែធ្នូ ឆ្នាំ២០២៣ ពោលគឺមានប្ដីជាផ្លូវការជាង១០ថ្ងៃហើយ តែពេលនេះមានដំណឹងថាពិធីការិនីបាយ័នរូបនេះកំពុងរៀបគម្រោងយកកូនឆាប់ៗនេះហើយ មិនបង្អង់ឬពន្យានាំតែខាតពេលវេលានោះទេ ។ប្រភពបានឲ្យដឹងថាច័ន្ទនីរ័ត្ន ចង់បានកូនង៉ាយ៉ាងអន្ទះសារបែបនេះដោយសារតែនាងស្រលាញ់កូនក្មេង និងចង់បីប្រលែងលេង ហេតុនេះបើទោះជានាងជាតារាសម្ដែងផង ពិធីការិនីផងមែន តែរឿងយកកូនបន្ដពូជជារឿងសំខាន់ ជាងការងារខាងលើ។
ហ៊ិន ច័ន្ទនីរ័ត្ន មិនអាចទាក់ទងបានទេកាលពីពេលថ្មីៗនេះព្រោះលេខនាងតេមិនចូល។ប៉ុន្ដែក្នុងជំនួបជាមួយស្រីស្អាតមាន សូនីតា ដែលមិត្តជិតដិតរបស់ច័ន្ទនីរ័ត្ន រាប់អានគ្នាជាង១០ឆ្នាំទៅហើយនោះនាងបានទទួលស្គាល់ថារឿងនេះគឺជាការពិតព្រោះនីរ័ត្ន បានប្រាប់នាងថាអីចឹងមែន ។សូនីតា ថ្លែងថាច័ន្ទនីរ័ត្ន ចង់បានកូនភ្លាមៗ ចង់បានកូននាគ អីចឹងក្នុងនាមនាងជាមិត្តភក្ដិរបស់គាត់មានតែជូនពរឲ្យនាងបានសម្រេចបំណងមួយនេះផង។ក្រៅពីបួងសួងឲ្យនីរ័ត្ន បានកូនដូចចិត្តនោះសូនីតា ក៍ឆ្លៀតសរសើរច័ន្ទនីរ័ត្ន ថាមានសំណាងដែលបានស្វាមីដ៍ល្អ ហើយជាគូស្នេហ៍កម្រ ព្រោះបែកគ្នាជាច្រើនឆ្នាំមកហើយ ជួបគ្នាលើកទី២ស្រាប់តែមានរៀបការបែបនេះ។នីតា ថាគូស្នេហ៍ភាគច្រើនឲ្យតែបែកគ្នាគឺបែកហើយ កម្រឃើញមានអ្នកដូចច័ន្ទនីរ័ត្ន បែបនេះណាស់ ហើយរូបនាងផ្ទាល់ក៍ចង់បានស្វាមីល្អដូចគាត់(នីរ័ត្ន)ដែរ តែនាងនិងគូស្នេហ៍អត់ទាន់ច្បាស់លាស់ជាមួយគ្នាឈានទៅ កំណត់ពេលវេលានៃការចូលរោងការដូចនាងបានទេ ។
ថ្វីត្បិតតែហ៊ិន ច័ន្ទនីរ័ត្ន ត្រូវបានមាន សូនីតា និងនារីជាច្រើនបានចាត់ទុកថារូបនាងជាតារាមានសំណាងព្រោះក្លាយទៅជាក្មួយថ្លៃអតីតនាយករដ្ឋមន្រ្ដីសម្ដេចតេជោហ៊ុន សែន ក្ដី ប៉ុន្ដែមានការភ្ញាក់ផ្អើលខ្លាំងក្រោយនីរ័ត្ន រៀបការភ្លាមៗនោះដោយសារតែនៅលើបណ្ដាញសង្គមស្រី្ដម្នាក់ឈ្មោះហ៊ិន ច័ន្ទស្រីពៅ ដែលត្រូវជាប្អូនច័ន្ទនីរ័ត្ន ត្រូវអ្នកលេងហ្វេសបុកសួរថាម៉េចបាននាងនិងម្ដាយអត់ទៅចូលរួមមង្គលការនីរ័ត្ន នោះស្រីពៅ ឆ្លើយតបថា”គេអត់ហៅ” ។ជាមួយគ្នានេះដែរប្អូនច័ន្ទនីរ័ត្ន ដែលមានហ្វេសបុកឈ្មោះ Zii Pov នោះបានបង្ហោះរូបម្ដាយច័ន្ទនីរ័ត្ន បានត្រឹមអង្គុយមើលរូបថតកូនស្រីរៀបការតាមទូរស័ព្ទ នាងសរសេរថា”ហែលទឹកភ្នែកម្ដាយខ្ញុំឲ្យរួច” ។ប៉ុន្ដែទាំងច័ន្ទនីរ័ត្ន និងស្វាមីនាងលោកពេជ្រ មិនបានចេញមុខបកស្រាយជុំវិញរឿងរ៉ាវខាងលើនេះទេ ពោលគឺរក្សារភាពស្ងៀមស្ងាត់ ។ជាមួយគ្នានេះដែរនេះដែររឿងចាស់របស់ច័ន្ទនីរ័ត្ន ក៍ត្រូវបានគេជីកគាស់ឡើងវិញដែរ ដែលតាមព័តមានថានីរ័ត្ន ត្រូវម្ដាយយកនាងទៅឲ្យគេចិញ្ចឹមតាំងពីនាងមានអាយុ៣ឆ្នាំម្លេះ ព្រោះពេលនោះជីវភាពនាងក្រខ្លាំងពេក។តែតាំងពីប្រឡូកសិល្បៈជាង១៦ឆ្នាំមកនេះច័ន្ទនីរ័ត្ន មិនដែលទម្លាយរឿងប្រវត្តិរបស់នាងមួយនេះម្ដងណាឡើយ ។អ្នកខ្លះបានសួរទៅម្ដាយហ៊ិន ច័ន្ទនីរ័ត្ន ថាហេតុអីកូនផ្សេងៗទៀតគាត់ចិញ្ចឹមអត់រស់ តែនីរ័ត្ន ម្នាក់ចិញ្ចឹមអត់រស់ ហើយសុខចិត្តយកកូនទៅឲ្យគេបែបនេះ?
ទោះជាហ៊ិន ច័ន្ទនីរ័ត្ន ហាក់មានប្រវត្តិកម្សត់ជាងតារាមួយចំនួនដោយសារតែមិនបានទទួលភាពកក់ក្ដៅរស់នៅជុំគ្រួសារដូចគេតាំងតែពីតូចមែន ប៉ុន្ដែពេលនេះនាងត្រូវបានតារារួមអាជីព និងមហាជនចាត់ទុកនាងថាមានសំណាងហើយរស់នៅលើគំនរទ្រព្យទោះជាលែងលេងសិល្បៈទៀតក៍មានប្រាក់ចាយមិនចេះអស់ឡើយ ព្រោះលោកពេជ្រ មានទ្រព្យមិនធម្មតាអាចឲ្យនាងសោយសុខអស់មួយជីវិត។ដោយឡែករឿងយកកូនវិញថ្វីបើពេលនេះច័ន្ទនីរ័ត្ន មិនទាន់ពពោះក្ដី តែនាងមានកូនស្រីមួយហៅទៅហើយ ដោយសារតែលោកពេជ្រ ជាបុរសពោះម៉ាយកូន១ ហើយលោកស្រលាញ់កូនស្រីខ្លាំងណាស់ ហេតុនេះ នីរ័ត្ន ក៍ត្រូវតែស្រលាញ់កូនស្រីលោកដូចកូនបង្កើតដែរទើបអាចទៅរួច ។
គូររំលឹកថាហ៊ិន ច័ន្ទនីរ័ត្ន ជាអតីតFreshie លេខ១កាលពីឆ្នាំ២០០៧ ហើយនាងបានថតភាពយន្ដនិងMV ជាច្រើនរឿង។ប៉ុន្ដែចាប់តាំងពីចូលទ្រនុំបាយ័នមកច័ន្ទនីរ័ត្ន ផ្ដោតតែលើអាជីពជាពិធីការិនីប៉ុណ្ណោះ ហើយនាងថាការថតរឿងឬMV ណាទាល់តែនាងពេញចិត្តសាច់រឿងទាំងនោះដែរបានទទួលសម្ដែង។បន្ទាប់ពីមានស្វាមីនេះគេជឿរថាច័ន្ទនីរ័ត្ន កាត់បន្ថយអាជីពសម្ដែងស្ទើតែទាំងស្រុង ពិសេសគឺការត្រៀមផ្ដល់កំណើតពពោះកូនទី១នេះតែម្ដង ៕
