ភ្នំពេញ៖មុននេះអតីតសង្សារទី៤នាយចឺម នោះគឺស្រីស្អាតសាច់សខ្ចីដើមទ្រូងទ្រលុកទ្រលន់នាងសេង សុខឃីម បានបង្ហោះលើTik Tok នូវរូបភាពអនុស្សាវរីយ៍ចាស់ៗមួយចំនួន ដែល នាងនិងនាយសាងជាមួយគ្នា នាំឲ្យនាងអ៊ីត ចេញប្រតិកម្មថាទង្វើរបែបនោះសម្រាប់មនុស្សដែលបែកគ្នាហើយធ្វើឲ្យមហាជនយល់ច្រឡំថាពួកគេត្រូវរ៉ូវគ្នាវិញហើយអ្នកដែលគេស្អប់គឺជាក្មួយរបស់នាងនាយចឺម ។ប៉ុន្ដែសុខៗនាងសុខឃីម ធ្វើរឿងបែបនេះគេអាចយល់បានថានាងនឹកនិងមិនទាន់ដាច់អាល័យពីនាយចឺម ឬបង្ហាញសញ្ញានៃការផ្សះផ្សារស្នេហាមួយនេះឡើងវិញ ប្រសិនបើលោកមេសា ចង់សាកល្បងផ្ដើមស្នេហាជាថ្មី គឺដូចគ្នាទៅនិងតារាខ្លះដែលពួកគបែកគ្នាហើយតែអាចមានមួយចំនួនវិលមកត្រូវរ៉ូវគ្នាជាថ្មីបាន តែខ្លះទៀតថានេះគ្រាន់តែជាយុទ្ធសាស្រ្ដទីផ្សារOnline របស់នាងប៉ុណ្ណោះ។យ៉ាងណាគេកត់សម្គាល់ថាម្ដងនេះនាយចឺម ហាក់ដូចជាចិត្តដាច់ខ្លាំងណាស់ពោលគឺមិនវិលថយក្រោយឡើយ បើទោះជាអតីតសង្សារទី៤បោះដៃមកហើយក៍នាយ មិនហុចដៃទៅដែរ រហូតមានអ្នកព្យាករណ៍ថាលោកមេសា នឹងមិនអាចរកសង្សារណាបានស្អាតប្រហែលនាងសុខឃីម បានហេតុនេះត្រូវតែវិលទៅរកសង្សារអ្នកមេម៉ាយវិញនាថ្ងៃណាមួយនោះពេលនេះទទួលស្គាល់ថាការសន្និដ្ឋានចិត្តនាយចឺម លែងត្រូវទៅហើយ ។
សូមបញ្ជាក់ថានាយចឺម ក្រោយបែកសង្សារជាស្រីសា្អតជាបន្ដបន្ទាប់ដល់ទៅ៤នាក់ត្រឹមរយៈពេលខ្លីនោះពេលនេះនាយ ហាក់ដូចជាលែងសូវឃើញស្រីស្អាតមិនបានគិតតែពីញ៉ែយកៗដូចមុន ទើបតារាស្រីស្អាតខ្លះចាប់ផ្ដើមទុកចិត្តលើនាយចឺម ឡើងវិញជាបណ្ដើរៗ។នៅរដូវក្ដៅនេះដែរលោកមេសា ឆក់បានឱកាសចេញច្រៀងសម្ដែងតាមបណ្ដារឆាកតន្រ្ដីមួយចំនួនដែលបញ្ជាក់ថាទីផ្សារចម្រៀងរបស់នាយមិនទាន់ត្រូវបានគេឆក់យកទៅបាត់ដូចសង្សារចាស់ជាស្រីស្អាតៗនោះទេ។ចំណែកកាលពីថ្ងៃទី៩ ខែធ្នូលោកសុខ មេសា ថែមទាំងទទួលបានគ្រឿងឥស្សររិយយសថ្នាក់មហាសេនាពីសម្ដេចម៉ែន សំអន ក្នុងឱកាសអបអរសាទរទិវាជាតិ និងអន្ដរជាតិប្រយុទ្ធប្រឆាំងអំពើរពុករលួយ៩ធ្នូ ។
ប្រភពបានឲ្យដឹងថានាយចឺម ព្រួយបារម្ភរឿងអ្នកលេងបណ្ដាញសង្គមវាយប្រហារនិងចាត់ទុកនាយថាជា”ព្រាននារី”ដែលអាចធ្វើឲ្យតារាស្រីទាំងឡាយលែងអស់ជំនឿរ ហើយនាំឲ្យប៉ៈពាល់ដល់អាជីពខ្លួនទើបពេលនេះនាយពន្យាពេលប្ដូរសង្សារដូចដូរខោអាវទៀតហើយ។ក្នុងជំនួបចុងក្រោយនាយចឺម ថែមទាំងបានប្រាប់អ្នកយកព័តមានយើងថានាយគ្រោងរៀបការប្រពន្ធនៅអាយុ២៩ឆ្នាំ ពោលគឺនៅឆ្នាំ២០២៤ ខាងមុខនេះទៀតផង និងថាអនាគតភរិយានាយដាច់ខាត១០០% គឺ ជាមិនមែនជាអ្នកសិល្បៈនោះទេ។ចំពោះមូលហេតុដែលនាយចឺម លែងចង់បានសង្សារជាតារាដូចមុននោះត្រូវបានលោកមេសា ថាបើសិនជាយកសង្សារជាអ្នកសិល្បៈទៀតគឺមិនអាចរក្សារចំណងស្នេហាបានគង់វង្សនោះទេ ពោលគឺនាយហាក់អស់ជំនឿរចិត្ត ព្រោះសង្សារកំពុងតែស្រលាញ់ត្រូវចែកផ្លូវគ្នាកណ្ដាលទីម្ដងហើយម្ដងទៀត។នាយថា នៅលើលោកនេះគ្មានបុរសណាម្នាក់ចង់បែកបាក់ពីសង្សាររបស់ខ្លួនឡើយ ។
អ្នកជំនាញសិល្បៈបានលើកឡើងថាទោះជានាយចឺម បរាជ័យស្នេហាជាញឹកញាប់បែបនេះក្ដី ក៍នាយអាចខុសពីប្រុសផ្សេងទៀតដែលរងការខូចចិត្តឬបាក់ស្បាតនោះ ព្រោះថានាយត្រូវបានគេចាត់ទុកថាស្រលាញ់ស្រីណាក៍មិនដែលស្មោះអីចឹងរឿងអីដែលចេះខូចចិត្ត?ប៉ុន្ដែការថ្លោះធ្លោយរបូតនាងនាងដល់ទៅ៤ដួងគឺអៀ ម៉េងលិ ហៅអូនម៉ី ,ពុធ ស្រីខួច ,ហ្វា ហ្វា ហៅស្រីយី និងសេង សុខឃីម នោះច្បាស់ណាស់ថាបើនាយចឺម មិនស្ដាយស្រីស្អាតទាំងនោះទេទើបជារឿងចម្លែក ព្រោះថាទោះជានាយទៅរកសង្សារថ្មីដល់ណាក៍មិនប្រាកដថាបានស្អាតជាងអតីតសង្សារខាងលើដែរ ។
ទស្សនិកជនចាប់អារម្មណ៍ថានាយចឺម មិនសូវមានភាពលេចធ្លោរនោះទេរយៈពេលចុងក្រោយនេះ ព្រោះបទចម្រៀងនាយលែងសូវមានផ្ទុះ ប៉ុន្ដែបើនាយចឺម ផ្លាស់ប្ដូរនិងបែកបាក់សង្សារញឹកញាប់បែជាបទចម្រៀងនាយត្រូវបានគេចាប់អារម្មណ៍ជាងពេលនេះទៅវិញ ។ដោយឡែកចំពោះមូលហេតុដែលនាយចឺម នៅតែមិនអាចធ្វើឲ្យអ្នកដឹកនាំការប្រគុំតន្រ្ដីអត់នាយបាននោះគឺដោយយារតែគេជួលលោកមេសា ម្នាក់ស្មើជួលតារា២នាក់ ព្រោះនាយនៅតែអាចនិយាយកំប្លែងធ្វើឲ្យអ្នកទស្សនាសប្បាយរីករាយបានគ្រប់ពេល។យ៉ាងណាការមើលរំលងវិលទៅរកភាពផ្អែមល្ហែមគ្នាជាថ្មីជាមួយនាងសុខឃីម នោះលោកមេសា អាចនឹងស្ដាយក្រោយជាមិនខាន ព្រោះអ្នកមេម៉ាយរូបនេះមានជម្រើសស្នេហ៍ច្រើនណាស់ ហេតុនេះនាងអាចនឹងធ្វើឲ្យតារាសាន់ដេភ្ញាក់ផ្អើលជាមិនខាន ៕