ភ្នំពេញ៖ ជនសង្ស័យចាស់ក្មេងវាយទំលាយជញ្ជាំងចូលលួចទ្រព្យសម្បត្តិឧបករណ៍ចំនួន៤ លើក ត្រូវម្ចាស់ផ្ទះនិងពលរដ្ឋជិតខាងស្វាគមន៍មួយដៃមួយជើងឡើងចាស់ដៃក្បែរក្សិនក្ស័យ ។
ហេតុការណ៍នេះបង្កការភ្ញាក់ផ្អើលនៅវេលាម៉ោង៣និង៣០នាទី ថ្ងៃទី៣០ ខែមករា ឆ្នាំ២០១៧ នៅផ្ទះលេខ១៤និង១៥ ភូមិ១៥ សង្កាត់បឹងកក់២ ខណ្ឌទួលគោក រាជធានីភ្នំពេញ ។
ជនសង្ស័យមានឈ្មោះ ម៉ាន់ រាម ភេទប្រុស អាយុ២៧ឆ្នាំ ត្រូវជាពូ ជនសង្ស័យឈ្មោះ ម៉ាន់ ស៊ីនួន ភេទប្រុស អាយុ១២ឆ្នាំ មុខរបរមិនពិតប្រាកដ ស្នាក់នៅផ្ទះជួល ម្តុំផ្សារដីហ៊ុយ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។ ចំណែកជនរងគ្រោះមានឈ្មោះ ដេត ស្រស់ ភេទប្រុស អាយុ២៨ឆ្នាំ មុខរបរជាងតុទូស្នាក់នៅផ្ទះលេខ១៤និង១៥ ភូមិ១៥ សង្កាត់បឹងកក់២ ខណ្ឌទួលគោក រាជធានីភ្នំពេញ ។
យោងតាមសំដីជនរងគ្រោះ បានអោយដឹងថា ខ្លួនត្រឡប់ពីលាងម៉ូតូនៅម្តុំក្តាន់២ ដោយបានធ្វើ ដំណើរឆ្លងកាត់ផ្ទះធ្វើតុទូក៏ប្រទះឃើញជញ្ជាំងមានបិតបាំងនិងស្បែកជើងនៅខាងក្រៅផ្ទះចំ-ហៀងខាងជើង ក៏បានខលហៅគ្នីគ្នាមកឡោមព័ទ្ធនិងចូលទៅឆែកខាងក្នុង ហើយជនសង្ស័យក៏រត់ចេញតាមច្រកជញ្ជាំងដែលវាយទំលាយចូលដើម្បីលួចសម្ភារះ ត្រូវបានក្រុម កម្មករដែលត្រៀមព័ទ្ធចាប់និងវាយមួយនាក់មួយដៃឡើងទ្រោមខ្លួន រួមទាណងប្រជាពលរដ្ឋ ឆ្លងកាត់ចោមរោមមើលផងដែរ ។
ជនរងគ្រោះបន្តទៀតថា នេះជាលើកទី៤ហើយ និងលើកទី៣ នៅម៉ោង៩យប់ ថ្ងៃទី២៦ ខែមករា ឆ្នាំ២០១៧ មុខថ្ងៃសែមនចិនមួយថ្ងៃ ខាងក្រុមកម្មករចាប់បាននិងយកទៅប្រគល់ ជូនសមត្ថកិច្ចហើយបានដាក់ពាក្យប្តឹងនៅប៉ុស្ត៏នរគបាលបឹងកក់២ម្តងរួចមក តែដល់ថ្ងៃកើត ហេតុស្រាប់តែឃើញជនសង្ស័យមកចូលលួចម្តងទៀត ។ ជនរងគ្រោះបានបញ្ជាក់ថា ប្រជាពលរដ្ឋដូចជាអស់សង្ឃឹមទៅលើសមត្ថកិច្ចនរគបាលដែល គ្មានវិធានការចំពោះបញ្ហា រក្សាសន្តិសុខនៅក្នុងមូលដ្ឋាន រឿងចាប់បានជនសង្ស័យបាន២ ទៅ៣ ថ្ងៃឃើញដើរពេសពេញ ផ្លូវអញ្ចឹងៗ សូមថ្នាក់លើជួយត្រួតពិនិត្យមើលរឿងនេះផង តើភូមិឃុំមានសុវត្ថិភាពនៅឯណា?
បច្ចុប្បន្នជនសង្ស័យទាំង២នាក់ពូក្មួយត្រូវឃុំខ្លួនបណ្តោះអាសន្ន នៅអធិការដ្ឋាននរគ បាលខណ្ឌ ទួលគោក ដើម្បីកសាងសំណុំរឿងចាត់ការតាមនីតិវិធី ៕ ង៉ូវ ឌីណា