ភ្នំពេញ៖មង្គលការរបស់អ្នកនាងលី ម៉ារីណា ដែលជប់លៀងធំកាលពីរាត្រីថ្ងៃទី១២ ខែមករា នៅអគារ ”C “OCIC នោះពិតជាមិនធម្មតាមែន ព្រោះភ្ញៀវភាគច្រើនជាមន្រ្ដីធំៗជិះរថយន្ដទំនើបៗគ្រប់ម៉ាកអមដោយកងអង្គរក្សបើកជូនទៅដល់មុខច្រកចូលដែលគេស្គាល់ថាមួយចំនួនគឺជាកំពូលអ្នកមាន។ដោយឡែកសម្រាប់ភ្ញៀវខាងម៉ារីណា វិញក៍មានតារាល្បីៗជាច្រើនដួងបានទៅបង្ហាញខ្លួនផងដែរ ហើយដោយសារតែភ្ញៀវសម្រុកមកច្រើនពេកទើបគម្រោងរៀបចំតុទទួលភ្ញៀវក្នុងពិធីជប់លៀងនោះចំនួន១១០តុ និងត្រៀម៣០តុ នៅតែមិនគ្រប់ចំនួន ។
ឈនៅចាំទទួលភ្ញៀវខាងមុខអគារប្រារពពិធីលី ម៉ារីណា និងលោកទៀង ច័ន្ទសារ ញញឹមនិងលើកដៃសពះភ្ញៀវជាប្រចាំ ជាមួយគ្នានោះដែរអ្នកសុំថតជាមួយនិងSelfie ក៍មានចំនួនច្រើនគ្នាដែរទើបធ្វើឲ្យទាំងកូនក្រមុំ និងកំលោះហត់នឿយឡើងចង់ទន់ជង្គង់។ប៉ុន្ដែអ្នកទាំងពីរសប្បាយចិត្ដណាស់ដែលភ្ញៀវមកច្រើនកុះកបែបនេះ ។
លោកទៀង ច័ន្ទសារ បាននិយាយប្រាប់មិត្តភក្ដិរបស់លោកដែលឈថតរូបជាមួយលោកនិង លី ម៉ារីណា ជាមួយគ្នានៅច្រកទទួលភ្ញៀវ ដោយមានអ្នកសារព័តមាននិងក្រុមCamera man ជាច្រើននាក់តំរង់កាណុងកាមេរ៉ាគ្រប់គ្នាចំពោះលោកនិងប្រពន្ធនោះថាលោកបានស្រលាញ់ម៉ារីណា អស់រយៈពេល៨ឆ្នាំមកហើយ។លោកអធិការថែមទាំងថាលោកព្យាយាមតាមស្រលាញ់ឲ្យទាល់តែបានហ្នឹង…។ចំណែកអ្នកនាងម៉ារីណា មិនតបអ្វីទាំងអស់ក្រៅតែពីញញឹម…។ដោយឡែកភ្ញៀវភាគច្រើនគឺសរសើថាម៉ារីណា និងស្វាមីសាកសមគ្នាខ្លាំងណាស់ ពោលគឺរូបរាងខ្ពស់ស្រឡះដូចគ្នាតែម្ដងនេះបានបណ្ដើរគ្នាទៅស៊ីគ្នាមែន។
គូរបញ្ជាក់ថាអ្នកនាងលី ម៉ារីណា ទោះជាធ្លាប់ឆ្លងកាត់ជីវិតអាពាហ៍ ដល់ទៅ២លើកមកហើយដែលម្ដងនេះជាការចូលរោងការរបស់នាងជាលើកទី៣ក្ដី ប៉ុន្ដែនាងទទួលបានថ្លៃទឹកដោះពីលោកទៀង ច័ន្ទសារ ដល់ទៅចំនួន៩ម៉ឺនដុល្លារឯណ្ណោះ ពោលគឺក្រមុំសុំចាញ់តែម្ដង។ក្រោយម៉ារីណា ក្លាយទៅជាភរិយាស្របច្បាប់របស់លោកទៀង ច័ន្ទសារ អធិការនគរបាលខណ្ឌដូនពេញនេះ គេជឿរថានាងនឹងកាត់បន្ថយពីអាជីពសិល្បៈស្ទើតែទាំងស្រុងជាមិនខានឡើយ ព្រោះស្វាមីនាងមានទ្រព្យស្ដុកអាចឲ្យនាងរស់នៅសោយសុខលើគំនរទ្រព្យដោយមិនចាំបាច់ពឹងពីការប្រមូលប្រាក់ល្អិតពីសិល្បៈដូចមុនឡើយ ។ប្រភពបានឲ្យដឹងថាម៉ារីណា នឹងយកកូនថែមក្នុងពេលឆាប់ៗនេះ ដើម្បីរក្សារចំណងស្នេហាឲ្យកាន់តែរឹងមាំ ខណៈដែលកូនប្រុសនាងជាមួយអតីតស្វាមីទី២លោកសាត ចាន់ថន មានអាយុជិត១០ឆ្នាំទៅហើយ ។ទស្សនិកជនបានលើកឡើងថាជីវិតរបស់ម៉ារីណា នាពេលនេះដល់ត្រើយសុខសាន្ដត្រាន្ដហើយ ដែលមិនយូទេនាងនឹងឡើងឋានៈទៅជាជំទាវមិនខាន។ដោយឡែកអតីតស្វាមីរបស់ម៉ារីណា លោកសាត ចាន់ថន វិញមិនបានបញ្ចេញសារឬប្រិតកម្មណាមួយនៅពេលឃើញអតីតភរិយាលោករៀបការស្វាមីថ្មី បន្ទាប់ពីចែកផ្លូវជាមួយលោកកាលពីដើមឆ្នាំ២០២២ តែលោកចាន់ថន បានបង្ហោះរូបកូនប្រុសលោកឈ្មោះសាត ថៃសាន់ ធ្វើខួបកំណើតកាលពីថ្ងៃទី២៥ ខែធ្នូ ឆ្នាំ២០២៣ ពោលគឺជាង២ប្ដាហ៍មុនម៉ារីណា រៀបការស្វាមីថ្មី។
តារារួមអាជីពជាច្រើនបានចេញសារឲ្យអ្នកនាងលី ម៉ារីណា និងស្វាមីរក្សារចំណងស្នេហាបានគង់វង្សដល់ចាស់កោងខ្នង ហើយពួកគេក៍ចាត់ទុកថានាងជានារីមានសំណាងបានប្ដីអ្នកមានដូចគ្នាទៅនិងហ៊ិន ច័ន្ទនីរ័ត្ន ដែរ ។
ក្រៅពីលី ម៉ារីណា តារាមេម៉ាយដែលរកបានគូស្នេហាថ្មីនិងកំពុងរស់នៅយ៉ាងសុខសាន្ដមានដូចជាអ្នកនាងចន ច័ន្ទលក្ខិណា ,កែវ ពេជ្រពិសី ,ស៊ឹម សូលិកា ,កែវ ពិសី ,ពេជ្រ សោភា និងប៉ាច គីមមួយ ជាដើម ៕
