ភ្នំពេញ៖តារាចម្រៀងថោន សុវត្ថិឌី ធារិកា នឹងក្លាយទៅជាភរិយាលោកពូ សូផានិត នៅសប្ដាហ៍ក្រោយនេះហើយដែលតាមគម្រោងមង្គលការរបស់ពួកគេគ្រោងធ្វើពិធីជប់លៀងធំដល់ទៅ២អគារបញ្ចូលគឺF-G នៅOCIC ហើយត្រូវគេប្រមាណថាភ្ញៀវចូលរួមមិនក្រោម២០០តុ នោះទេ ហេតុនេះការចំណាយជាច្រើនម៉ឺនដុល្លារ។ប៉ុន្ដែរហូតមកដល់ពេលនេះស្រីស្រស់ធារិកា ដែលត្រៀមគ្រងឈុតកូនក្រមុំនោះនៅតែព្យាយាមលាក់ពីតួនាទីរបស់អនាគតស្វាមីរបស់នាងដដែល ខណៈដែលមុននេះអ្នកយកព័តមានយើងបានទូរស័ព្ទសាកសួរពីប្រវត្តិស្នេហានាងជាមួយលោកសុផានិត និងការងារអនាគតស្វាមីនាងបែជាថាគ្មានពេលនិយាយទូរស័ព្ទទៅវិញ។ទោះជាយ៉ាងណាដោយសារតែផ្អែកលើសុវត្ថិឌី ធារិកា មិនដែលបង្ហាញពីភាពហ៊ឺហា ឬបញ្ចេញឲ្យគេឃើញថានាងមានជីវភាពធូធារខ្លាំងនោះគេអាចវាយតម្លៃថាភាគីខាងស្វាមីនាងពិតជាមិនធម្មតានោះទេទើបទើបកម្មវិធីជប់លៀងនៅថ្ងៃទី២៦ ខែមករា ឆ្នាំ២០២៤ អាចនឹងមានភ្ញៀវចូលរួមដល់ទៅខ្ទង់២០០០នាក់ ។
តាមព័តមានពីតារាជិតដិតសុវត្ថិឌី ធារិកា បានបង្ហើបប្រាប់អ្នកយកព័តមានយើងក្នុងល័ក្ខខណ្ឌមិនបញ្ចេញឈ្មោះថានៅប៉ុន្មានថ្ងៃទៀតនេះធារិកា នឹងក្លាយទៅជាកូនប្រសាររបស់លោកផ្កាយ៣ម្នាក់ដែលជាអ្នកមានឥទ្ធិពលក្នុងជូរយោធា ។ប្រភពបានឲ្យដឹងថាគូដណ្ដឹងរបស់ធារិកា គឺលោកពូ សូផានិត គឺជាកូនប្រុសរបស់លោកពូ សាប៊ុតឌី មេបញ្ជាការរងកងទ័ពពជើងគោក និងជាមេបញ្ជាការយោធភូមិភាគពិសេស ហេតុនេះហើយភ្ញៀវដែលចូលរួមមង្គលការតារាថោនរូបនេះនឹងមានការចូលរួមពីសំណាក់មន្រ្ដីយោធាធំៗ ជាច្រើនជាមិនខាន ។ព័តមាននោះបានឲ្យដឹងថាកូនលោកផ្កាយ៣ពូ សាប៊ុតឌី គឺលោកពូ សូផានិត ក៍ជាអាណិកជនខ្មែររស់នៅសហរដ្ឋអាមេរិកផងដែរ ហេតុនេះក្រោយរៀបការរួចធារិកា អាចនឹងទៅរស់នៅអាមេរិកតាមសា្វមី ឬប្ដីនាងអាចនឹងមករស់នៅខ្មែរជាមួយនាងវិញដូចប្ដីសារ៉ាយ សក្ខណា និងសុគន្ធ និសា ដែរ។ប្រភពនោះថាធារិកា និងលោកសូផានិត ស្រលាញ់គ្នា៣ឆ្នាំទើបសម្រេចចិត្តដឹកដៃគ្នាចូលរោងការនៅដើមឆ្នាំ២០២៤ ។
ទោះជាយ៉ាងណានៅមិនទាន់មានការបំភ្លឺពីសុវត្ថិឌី ធារិកា និងភាគីខាងអនាគតឪក្មេករបស់នាងនៅឡើយជុំវិញដំណឹងខាងលើនេះ។ប៉ុន្ដែបើក្រឡេកមកមើលក្នុងពិភពសិល្បៈវិញទាំងតារារៀមច្បង និងតារារួមជំនាន់គ្រាន់តែដឹងថាធារិកា ជិតការប្ដីពួកគេបានជូនពរនាងគ្រប់គ្នា ថាចាប់ពីពេលនេះតទៅនាងស្គាល់នូវជីវិតកក់ក្ដៅក្នុងរង្វង់គ្រួសារសារថ្មី ក្រោយពេលនាងរស់នៅឯកោជាង១ឆ្នាំមកហើយ បន្ទាប់ពីឪពុកម្ដាយនាងបានទទួលមរណភាពព្រមគ្នាចោលនាងក្នុងឧបទ្ទហេតុគ្រោះថ្នាក់ចរាចរណ៍កាលពី១៧ ខែឧសភា ឆ្នាំ២០២២ នៅស្រុកឆែប ខេត្តព្រះវិហារ ។តែនៅពេលដែលដឹងថាធារិកា ជិតក្លាយទៅជាកូនប្រសារមន្រ្ដីផ្កាយ៣បែបនេះទៀតទើបទាំងអ្នករួមអាជីពនិងFan របស់តារាថោន រូបនេះថានឹងនឹងមានសំណាងធំក្រោយការប្ដីរួច ព្រោះជីវភាពស្វាមីនាងមិនធម្មតាឡើយ ហេតុនេះអនាគតស្រីស្រអែមស្រស់រូបនេះលែងពឹងលើអាជីពសិល្បៈទាំងស្រុងដូចមុនទៀតហើយ ។
សុវត្ថិឌី ធារិកា អតីតបេក្ខភាពCambodian Idol រដូវកាលទី១ មានភាពលេចធ្លោមធ្យមនៅផលិតកម្មថោន តែនាងបានប្រែប្រួលរូបសម្រស់នារយៈពេលចុងក្រោយនេះ បន្ទាប់ពីបានពត់ធ្មេញដែលធ្លាប់រងការរិះគន់ថានាងមានធ្មេញមិនស្អាតនោះ មកជាធ្មេញសស្អាតនិងត្រង់។កែសម្រស់ធ្មេញបានតែម៉ារយៈខ្លីសោះធារិកា មានយីអ៊ុនស្នេហាភ្លាមរហូតជិតក្លាយទៅជាកូនប្រសារមន្រ្ដីធំទៀតផង។
ប្រភពបានឲ្យដឹងថាសុវត្ថិឌី ធារិកា នៅតែស្រណោះអាលោះអាល័យដល់ម្ដាយនាងខ្លាំងណាស់ដែលនៅថ្ងៃពិសេសរបស់នាងមិនមានឪពុកម្ដាយនាងបានឃើញនាងគ្រងឈុតកូនក្រមុំដ៍ស្រស់ស្អាតបែបនេះ ហេតុនេះគេជឿរថានាងប្រាកដជាមិនអាចទប់ទឹកភ្នែកជាប់ឡើយពិសេសនៅពេលដល់វគ្គក្រាបផ្ទឹម បើទោះជាតារាជិតដិតនាងបានព្យាយាមប្រាប់នាងកុំឲ្យគិតពីអតីតកាលហើយផ្ដោតតែលើបច្ចុប្បន្នដែលនាងបានជួបបុរសល្អចូលមកក្នុងជីវិតនាងហើយថែមទាំងបានបំពេញខាន់ស្លារជូននាងតាមប្រពៃណីខ្មែរគ្រប់យ៉ាងក្ដី ។
ក្រៅពីសុវត្ថិឌី ធារិកា តារាដែលត្រៀមរៀបការនៅឆ្នាំ២០២៤ នេះមានដូចជានាងពេជ្រ សោភា ,ប៉ាច គីមមួយ ,ម៉ង់ ចាន់កញ្ញា ,អ៊ីវ៉ា និងម៉ានីកា ជាដើម ៕