ភ្នំពេញ៖តារាកំប្លែងជើងចាស់នាយស្វិតបានទទួលមរណភាពក្នុងអា៤៦ឆ្នាំ នៅរសៀលថ្ងៃទី២៧ ខែមករា ឆ្នាំ២០២៤ នៅមន្ទីពេទ្យព្រះកុសុមៈ ដោយជំងឺស្ទះសសៃឈាមខួរក្បាល ហើយត្រូវបានក្រុមគ្រួសាបញ្ជូនមកសង្រ្គោះ និងព្យាបាលជំងឺនេះជាច្រើនថ្ងៃមកហើយ ។
អ្នកនាងស្រីលាភ ភរិយាថ្មិនាយក្រឹម និងជាតាកំប្លែងម្នាក់បានបង្ហោះនៅលើហ្វេសបុកមុននេះបន្ដិចថានាយស្វិតទទួលមរណភាពហើយ នៅអាយុ៤៦ឆ្នាំ បុណ្យសពធ្វើនៅគេហដ្ឋានគាត់ នៅកំពូល ។
បើតាមប្រភពពីតារាចម្រៀងចាន់ មករា ដែលជាមិត្តភក្ដិជិតដិតនាយស្វិតបានប្រាប់អ្នកកាសែតថានាយស្វិតមានជំងឺលើសឈាម ខ្វះគ្រាប់ឈាម និងបានបញ្ចូលឈាម២កំផ្លោក។ ប៉ុន្ដែក្រោយពេលបញ្ចូលឈាមរួច បែជាឈាមឡើងខ្លាំងរហូតប៉ះដល់ខួក្បាល មិនអាចសង្រ្គោះបានឡើយ ។
សពរបស់នាយស្វិត ត្រូវបានក្រុមគ្រួសារដឹកយកទៅធ្វើបុណ្យតាមប្រពៃណី នៅបុរីចន្ទសុវណ្ណ ស្ថិតក្នុងខណ្ឌកំបូល រាជធានីភ្នំពេញ។
មរណភាពរបស់នាយស្វិត បានធ្វើឲ្យតារាកំប្លែង និងអ្នកសិល្បៈរួមអាជីពមានការតក់ស្លុតយ៉ាងខ្លាំង ព្រោះថានាយទើបធ្លាក់ខ្លួនឈឺរយៈពេលខ្លីសោះ ក៍ទទួលមរណភាពសឹងមិនគូរឲ្យជឿរ ។ជាមួយគ្នានេះដែរក៍មានអ្នកសិល្បៈបានផ្ញើរសាររំលែកទុក្ខដល់ក្រុមគ្រួសារសពជាបន្ដបន្ទាប់ផងដែរ ៕
